১-৭. পটিচ্চৱাৰাদি

পচ্চযচতুক্কং

হেতুপচ্চযো

২১৮. অতীতাৰম্মণং নহেতুং ধম্মং পটিচ্চ অতীতাৰম্মণো নহেতু ধম্মো উপ্পজ্জতি হেতুপচ্চযা. (১)

অনাগতাৰম্মণং নহেতুং ধম্মং পটিচ্চ অনাগতাৰম্মণো নহেতু ধম্মো উপ্পজ্জতি হেতুপচ্চযা. (১)

পচ্চুপ্পন্নাৰম্মণং নহেতুং ধম্মং পটিচ্চ পচ্চুপ্পন্নাৰম্মণো নহেতু ধম্মো উপ্পজ্জতি হেতুপচ্চযা. (১) (সংখিত্তং.)

২১৯. হেতুযা তীণি, আৰম্মণে তীণি, অধিপতিযা তীণি…পে… অৱিগতে তীণি (সংখিত্তং).

নহেতুযা তীণি, নঅধিপতিযা তীণি, নপুৰেজাতে তীণি, নপচ্ছাজাতে তীণি, নআসেৱনে তীণি, নকম্মে তীণি, নৱিপাকে তীণি, নঝানে একং, নমগ্গে তীণি, নৱিপ্পযুত্তে দ্ৱে (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং ৱিত্থাৰেতব্বং.)

আৰম্মণপচ্চযো

২২০. অতীতাৰম্মণো নহেতু ধম্মো অতীতাৰম্মণস্স নহেতুস্স ধম্মস্স আৰম্মণপচ্চযেন পচ্চযো… তীণি.

অনাগতাৰম্মণো নহেতু ধম্মো অনাগতাৰম্মণস্স নহেতুস্স ধম্মস্স আৰম্মণপচ্চযেন পচ্চযো… তীণি.

পচ্চুপ্পন্নাৰম্মণো নহেতু ধম্মো পচ্চুপ্পন্নাৰম্মণস্স নহেতুস্স ধম্মস্স আৰম্মণপচ্চযেন পচ্চযো… তীণি (সংখিত্তং).

২২১. আৰম্মণে নৱ, অধিপতিযা সত্ত…পে… অৱিগতে তীণি (সংখিত্তং).

নহেতুযা নৱ, নআৰম্মণে নৱ (সংখিত্তং).

আৰম্মণপচ্চযা নহেতুযা নৱ (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)