১-৭. পটিচ্চৱাৰাদি

পচ্চযচতুক্কং

হেতুপচ্চযো

১৯২. মগ্গাৰম্মণং হেতুং ধম্মং পটিচ্চ মগ্গাৰম্মণো হেতু ধম্মো উপ্পজ্জতি হেতুপচ্চযা… তীণি.

মগ্গহেতুকং হেতুং ধম্মং পটিচ্চ মগ্গহেতুকো হেতু ধম্মো উপ্পজ্জতি হেতুপচ্চযা… তীণি.

মগ্গাধিপতিং হেতুং ধম্মং পটিচ্চ মগ্গাধিপতি হেতু ধম্মো উপ্পজ্জতি হেতুপচ্চযা… পঞ্চ.

মগ্গাৰম্মণং হেতুঞ্চ মগ্গাধিপতিং হেতুঞ্চ ধম্মং পটিচ্চ মগ্গাৰম্মণো হেতু ধম্মো উপ্পজ্জতি হেতুপচ্চযা… তীণি.

মগ্গহেতুকং হেতুঞ্চ মগ্গাধিপতিং হেতুঞ্চ ধম্মং পটিচ্চ মগ্গহেতুকো হেতু ধম্মো উপ্পজ্জতি হেতুপচ্চযা… তীণি (সংখিত্তং).

১৯৩. হেতুযা সত্তৰস…পে… অৱিগতে সত্তৰস (সংখিত্তং).

নঅধিপতিযা সত্তৰস, নপুৰেজাতে সত্তৰস…পে… নআসেৱনে নৱ, নৱিপাকে সত্তৰস, নৱিপ্পযুত্তে সত্তৰস (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং ৱিত্থাৰেতব্বং.)

হেতু-আৰম্মণপচ্চযাদি

১৯৪. মগ্গাৰম্মণো হেতু ধম্মো মগ্গাৰম্মণস্স হেতুস্স ধম্মস্স হেতুপচ্চযেন পচ্চযো… তীণি.

মগ্গহেতুকো হেতু ধম্মো মগ্গহেতুকস্স হেতুস্স ধম্মস্স হেতুপচ্চযেন পচ্চযো… তীণি.

মগ্গাধিপতি হেতু ধম্মো মগ্গাধিপতিস্স হেতুস্স ধম্মস্স হেতুপচ্চযেন পচ্চযো… পঞ্চ.

মগ্গাৰম্মণো হেতু চ মগ্গাধিপতি হেতু চ ধম্মা মগ্গাৰম্মণস্স হেতুস্স ধম্মস্স হেতুপচ্চযেন পচ্চযো… তীণি.

মগ্গহেতুকো হেতু চ মগ্গাধিপতি হেতু চ ধম্মা মগ্গহেতুকস্স হেতুস্স ধম্মস্স হেতুপচ্চযেন পচ্চযো… তীণি.

মগ্গহেতুকো হেতু ধম্মো মগ্গাৰম্মণস্স হেতুস্স ধম্মস্স আৰম্মণপচ্চযেন পচ্চযো. মগ্গহেতুকো হেতু ধম্মো মগ্গাধিপতিস্স হেতুস্স ধম্মস্স আৰম্মণপচ্চযেন পচ্চযো. মগ্গহেতুকো হেতু ধম্মো মগ্গাৰম্মণস্স হেতুস্স চ মগ্গাধিপতিস্স হেতুস্স চ ধম্মস্স আৰম্মণপচ্চযেন পচ্চযো. (৩)

মগ্গাধিপতি হেতু ধম্মো মগ্গাধিপতিস্স হেতুস্স ধম্মস্স আৰম্মণপচ্চযেন পচ্চযো… তীণি.

মগ্গহেতুকো হেতু চ মগ্গাধিপতি হেতু চ ধম্মা মগ্গাৰম্মণস্স হেতুস্স ধম্মস্স আৰম্মণপচ্চযেন পচ্চযো… তীণি.

১৯৫. মগ্গাৰম্মণো হেতু ধম্মো মগ্গাৰম্মণস্স হেতুস্স ধম্মস্স অধিপতিপচ্চযেন পচ্চযো… তীণি.

মগ্গহেতুকো হেতু ধম্মো মগ্গহেতুকস্স হেতুস্স ধম্মস্স অধিপতিপচ্চযেন পচ্চযো… পঞ্চ.

মগ্গাধিপতি হেতু ধম্মো মগ্গাধিপতিস্স হেতুস্স ধম্মস্স অধিপতিপচ্চযেন পচ্চযো… পঞ্চ.

মগ্গাৰম্মণো হেতু চ মগ্গাধিপতি হেতু চ ধম্মা মগ্গাৰম্মণস্স হেতুস্স ধম্মস্স অধিপতিপচ্চযেন পচ্চযো… তীণি.

মগ্গহেতুকো হেতু চ মগ্গাধিপতি হেতু চ ধম্মা মগ্গাৰম্মণস্স হেতুস্স ধম্মস্স অধিপতিপচ্চযেন পচ্চযো… পঞ্চ.

মগ্গাৰম্মণো হেতু ধম্মো মগ্গাৰম্মণস্স হেতুস্স ধম্মস্স অনন্তৰপচ্চযেন পচ্চযো… তীণি.

মগ্গাধিপতি হেতু ধম্মো মগ্গাধিপতিস্স হেতুস্স ধম্মস্স অনন্তৰপচ্চযেন পচ্চযো… তীণি.

মগ্গাৰম্মণো হেতু চ মগ্গাধিপতি হেতু চ ধম্মা মগ্গাৰম্মণস্স হেতুস্স ধম্মস্স অনন্তৰপচ্চযেন পচ্চযো… তীণি (সংখিত্তং).

১৯৬. হেতুযা সত্তৰস, আৰম্মণে নৱ, অধিপতিযা একৱীস, অনন্তৰে নৱ, সমনন্তৰে নৱ, সহজাতে সত্তৰস, অঞ্ঞমঞ্ঞে সত্তৰস, নিস্সযে সত্তৰস, উপনিস্সযে একৱীস…পে… অৱিগতে সত্তৰস (সংখিত্তং).

নহেতুযা একৱীস, নআৰম্মণে সত্তৰস (সংখিত্তং).

হেতুপচ্চযা নআৰম্মণে সত্তৰস (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

নহেতুপদং