১-৬. পটিচ্চৱাৰাদি

পচ্চযচতুক্কং

হেতু-আৰম্মণপচ্চযা

১৫৩. সেক্খং নহেতুং ধম্মং পটিচ্চ সেক্খো নহেতু ধম্মো উপ্পজ্জতি হেতুপচ্চযা. সেক্খং নহেতুং ধম্মং পটিচ্চ নেৱসেক্খনাসেক্খো নহেতু ধম্মো উপ্পজ্জতি হেতুপচ্চযা. সেক্খং নহেতুং ধম্মং পটিচ্চ সেক্খো নহেতু চ নেৱসেক্খনাসেক্খো নহেতু চ ধম্মা উপ্পজ্জন্তি হেতুপচ্চযা. (৩)

অসেক্খং নহেতুং ধম্মং পটিচ্চ অসেক্খো নহেতু ধম্মো উপ্পজ্জতি হেতুপচ্চযা… তীণি.

নেৱসেক্খনাসেক্খং নহেতুং ধম্মং পটিচ্চ নেৱসেক্খনাসেক্খো নহেতু ধম্মো উপ্পজ্জতি হেতুপচ্চযা. (১)

সেক্খং নহেতুঞ্চ নেৱসেক্খনাসেক্খং নহেতুঞ্চ ধম্মং পটিচ্চ নেৱসেক্খনাসেক্খো নহেতু ধম্মো উপ্পজ্জতি হেতুপচ্চযা. (১)

অসেক্খং নহেতুঞ্চ নেৱসেক্খনাসেক্খং নহেতুঞ্চ ধম্মং পটিচ্চ নেৱসেক্খনাসেক্খো নহেতু ধম্মো উপ্পজ্জতি হেতুপচ্চযা. (১)

১৫৪. সেক্খং নহেতুং ধম্মং পটিচ্চ সেক্খো নহেতু ধম্মো উপ্পজ্জতি আৰম্মণপচ্চযা. (১)

অসেক্খং নহেতুং ধম্মং পটিচ্চ অসেক্খো নহেতু ধম্মো উপ্পজ্জতি আৰম্মণপচ্চযা. (১)

নেৱসেক্খনাসেক্খং নহেতুং ধম্মং পটিচ্চ নেৱসেক্খনাসেক্খো নহেতু ধম্মো উপ্পজ্জতি আৰম্মণপচ্চযা. (১) (সংখিত্তং.)

হেতুযা নৱ, আৰম্মণে তীণি, অধিপতিযা নৱ…পে… আসেৱনে দ্ৱে…পে… অৱিগতে নৱ (সংখিত্তং).

পচ্চনীযং

নহেতুপচ্চযো

১৫৫. নেৱসেক্খনাসেক্খং নহেতুং ধম্মং পটিচ্চ নেৱসেক্খনাসেক্খো নহেতু ধম্মো উপ্পজ্জতি নহেতুপচ্চযা (সংখিত্তং).

নহেতুযা একং, নআৰম্মণে পঞ্চ, নঅধিপতিযা তীণি…পে… নোৱিগতে পঞ্চ (সংখিত্তং).

হেতুপচ্চযা নআৰম্মণে পঞ্চ (সংখিত্তং).

নহেতুপচ্চযা আৰম্মণে একং (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং ৱিত্থাৰেতব্বং.)