১-৭. পটিচ্চৱাৰাদি
পচ্চযচতুক্কং
হেতুপচ্চযো
১৩২. আচযগামিং হেতুং ধম্মং পটিচ্চ আচযগামী হেতু ধম্মো উপ্পজ্জতি হেতুপচ্চযা. (১)
অপচযগামিং হেতুং ধম্মং পটিচ্চ অপচযগামী হেতু ধম্মো উপ্পজ্জতি হেতুপচ্চযা. (১)
নেৱাচযগামিনাপচযগামিং হেতুং ধম্মং পটিচ্চ নেৱাচযগামিনাপচযগামী হেতু ধম্মো উপ্পজ্জতি হেতুপচ্চযা. (১) (সংখিত্তং.)
১৩৩. হেতুযা তীণি, আৰম্মণে তীণি, অধিপতিযা তীণি (সব্বত্থ তীণি).
নঅধিপতিযা তীণি, নআসেৱনে দ্ৱে, নৱিপাকে তীণি, নৱিপ্পযুত্তে তীণি (সংখিত্তং).
হেতুপচ্চযা নঅধিপতিযা তীণি (সংখিত্তং).
নঅধিপতিপচ্চযা হেতুযা তীণি (সংখিত্তং).
(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং ৱিত্থাৰেতব্বং.)
হেতুআৰম্মণপচ্চযাদি
১৩৪. আচযগামী হেতু ধম্মো আচযগামিস্স হেতুস্স ধম্মস্স হেতুপচ্চযেন পচ্চযো. (১)
অপচযগামী হেতু ধম্মো অপচযগামিস্স হেতুস্স ধম্মস্স হেতুপচ্চযেন পচ্চযো. (১)
নেৱাচযগামিনাপচযগামী হেতু ধম্মো নেৱাচযগামিনাপচযগামিস্স হেতুস্স ধম্মস্স হেতুপচ্চযেন পচ্চযো. (১)
আচযগামী হেতু ধম্মো আচযগামিস্স হেতুস্স ধম্মস্স আৰম্মণপচ্চযেন পচ্চযো. আচযগামী হেতু ধম্মো নেৱাচযগামিনাপচযগামিস্স হেতুস্স ধম্মস্স আৰম্মণপচ্চযেন পচ্চযো. (২)
অপচযগামী হেতু ধম্মো আচযগামিস্স হেতুস্স ধম্মস্স আৰম্মণপচ্চযেন পচ্চযো. অপচযগামী হেতু ধম্মো নেৱাচযগামিনাপচযগামিস্স হেতুস্স ধম্মস্স আৰম্মণপচ্চযেন পচ্চযো. (২)
নেৱাচযগামিনাপচযগামী হেতু ধম্মো নেৱাচযগামিনাপচযগামিস্স হেতুস্স ধম্মস্স আৰম্মণপচ্চযেন পচ্চযো. নেৱাচযগামিনাপচযগামী হেতু ধম্মো আচযগামিস্স হেতুস্স ধম্মস্স আৰম্মণপচ্চযেন পচ্চযো. (২)
১৩৫. আচযগামী হেতু ধম্মো আচযগামিস্স হেতুস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. (১)
অপচযগামী হেতু ধম্মো অপচযগামিস্স হেতুস্স ধম্মস্স অধিপতিপচ্চযেন পচ্চযো – সহজাতাধিপতি…. অপচযগামী হেতু ধম্মো আচযগামিস্স হেতুস্স ধম্মস্স অধিপতিপচ্চযেন পচ্চযো. অপচযগামী হেতু ধম্মো নেৱাচযগামিনাপচযগামিস্স হেতুস্স ধম্মস্স অধিপতিপচ্চযেন পচ্চযো – আৰম্মণাধিপতি…. (৩)
নেৱাচযগামিনাপচযগামী হেতু ধম্মো নেৱাচযগামিনাপচযগামিস্স হেতুস্স ধম্মস্স অধিপতিপচ্চযেন পচ্চযো. নেৱাচযগামিনাপচযগামী হেতু ধম্মো আচযগামিস্স হেতুস্স ধম্মস্স অধিপতিপচ্চযেন পচ্চযো.
১৩৬. আচযগামী হেতু ধম্মো আচযগামিস্স হেতুস্স ধম্মস্স অনন্তৰপচ্চযেন পচ্চযো. আচযগামী হেতু ধম্মো অপচযগামিস্স হেতুস্স ধম্মস্স অনন্তৰপচ্চযেন পচ্চযো. আচযগামী হেতু ধম্মো নেৱাচযগামিনাপচযগামিস্স হেতুস্স ধম্মস্স অনন্তৰপচ্চযেন পচ্চযো. (৩)
অপচযগামী হেতু ধম্মো নেৱাচযগামিনাপচযগামিস্স হেতুস্স ধম্মস্স অনন্তৰপচ্চযেন পচ্চযো. (১)
নেৱাচযগামিনাপচযগামী হেতু ধম্মো নেৱাচযগামিনাপচযগামিস্স হেতুস্স ধম্মস্স অনন্তৰপচ্চযেন পচ্চযো. (১) (সংখিত্তং.)
১৩৭. হেতুযা তীণি, আৰম্মণে ছ, অধিপতিযা ছ, অনন্তৰে পঞ্চ, সমনন্তৰে পঞ্চ, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে অট্ঠ, আসেৱনে তীণি, ৱিপাকে একং…পে… অৱিগতে তীণি (সংখিত্তং).
নহেতুযা অট্ঠ, নআৰম্মণে অট্ঠ (সংখিত্তং).
হেতুপচ্চযা নআৰম্মণে তীণি (সংখিত্তং).
নহেতুপচ্চযা আৰম্মণে ছ (সংখিত্তং).
(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)