১-৬. পটিচ্চৱাৰাদি
পচ্চযচতুক্কং
হেতু-আৰম্মণপচ্চযা
১০৭. পীতিসহগতং নহেতুং ধম্মং পটিচ্চ পীতিসহগতো নহেতু ধম্মো উপ্পজ্জতি হেতুপচ্চযা. পীতিসহগতং নহেতুং ধম্মং পটিচ্চ সুখসহগতো নহেতু ধম্মো উপ্পজ্জতি হেতুপচ্চযা. পীতিসহগতং নহেতুং ধম্মং পটিচ্চ পীতিসহগতো নহেতু চ সুখসহগতো নহেতু চ ধম্মা উপ্পজ্জন্তি হেতুপচ্চযা. (৩)
সুখসহগতং নহেতুং ধম্মং পটিচ্চ সুখসহগতো নহেতু ধম্মো উপ্পজ্জতি হেতুপচ্চযা. সুখসহগতং নহেতুং ধম্মং পটিচ্চ পীতিসহগতো নহেতু ধম্মো উপ্পজ্জতি হেতুপচ্চযা. সুখসহগতং নহেতুং ধম্মং পটিচ্চ পীতিসহগতো নহেতু চ সুখসহগতো নহেতু চ ধম্মা উপ্পজ্জন্তি হেতুপচ্চযা. (৩)
উপেক্খাসহগতং নহেতুং ধম্মং পটিচ্চ উপেক্খাসহগতো নহেতুধম্মো উপ্পজ্জতি হেতুপচ্চযা. (১)
পীতিসহগতং নহেতুঞ্চ সুখসহগতং নহেতুঞ্চ ধম্মং পটিচ্চ পীতিসহগতো নহেতু ধম্মো উপ্পজ্জতি হেতুপচ্চযা. পীতিসহগতং নহেতুঞ্চ সুখসহগতং নহেতুঞ্চ ধম্মং পটিচ্চ সুখসহগতো নহেতু ধম্মো উপ্পজ্জতি হেতুপচ্চযা. পীতিসহগতং নহেতুঞ্চ সুখসহগতং নহেতুঞ্চ ধম্মং পটিচ্চ পীতিসহগতো নহেতু চ সুখসহগতো নহেতু চ ধম্মা উপ্পজ্জন্তি হেতুপচ্চযা. (৩)
১০৮. পীতিসহগতং নহেতুং ধম্মং পটিচ্চ পীতিসহগতো নহেতু ধম্মো উপ্পজ্জতি আৰম্মণপচ্চযা… তীণি.
সুখসহগতং নহেতুং ধম্মং পটিচ্চ সুখসহগতো নহেতু ধম্মো উপ্পজ্জতি আৰম্মণপচ্চযা… তীণি.
উপেক্খাসহগতং নহেতুং ধম্মং পটিচ্চ উপেক্খাসহগতো নহেতু ধম্মো উপ্পজ্জতি আৰম্মণপচ্চযা… একং.
পীতিসহগতং নহেতুঞ্চ সুখসহগতং নহেতুঞ্চ ধম্মং পটিচ্চ পীতিসহগতো নহেতু ধম্মো উপ্পজ্জতি আৰম্মণপচ্চযা… তীণি (সংখিত্তং).
১০৯. হেতুযা দস, আৰম্মণে দস, অধিপতিযা দস, অনন্তৰে দস…পে… অৱিগতে দস (সংখিত্তং).
নহেতুযা দস, নঅধিপতিযা দস (সংখিত্তং. সহজাতৱাৰম্পি…পে… সম্পযুত্তৱাৰম্পি ৱিত্থাৰেতব্বং.)