৭. পঞ্হাৱাৰো

পচ্চযচতুক্কং

৩৯. ৱিপাকো হেতু ধম্মো ৱিপাকস্স হেতুস্স ধম্মস্স হেতুপচ্চযেন পচ্চযো. (১)

ৱিপাকধম্মধম্মো হেতু ধম্মো ৱিপাকধম্মধম্মস্স হেতুস্স ধম্মস্স হেতুপচ্চযেন পচ্চযো. (১)

নেৱৱিপাকনৱিপাকধম্মধম্মো হেতু ধম্মো নেৱৱিপাকনৱিপাকধম্মধম্মস্স হেতুস্স ধম্মস্স হেতুপচ্চযেন পচ্চযো. (১)

৪০. ৱিপাকো হেতু ধম্মো ৱিপাকস্স হেতুস্স ধম্মস্স আৰম্মণপচ্চযেন পচ্চযো. ৱিপাকো হেতু ধম্মো ৱিপাকধম্মধম্মস্স হেতুস্স ধম্মস্স আৰম্মণপচ্চযেন পচ্চযো. ৱিপাকো হেতু ধম্মো নেৱৱিপাকনৱিপাকধম্মধম্মস্স হেতুস্স ধম্মস্স আৰম্মণপচ্চযেন পচ্চযো. (৩)

ৱিপাকধম্মধম্মো হেতু ধম্মো ৱিপাকধম্মধম্মস্স হেতুস্স ধম্মস্স আৰম্মণপচ্চযেন পচ্চযো. ৱিপাকধম্মধম্মো হেতু ধম্মো ৱিপাকস্স হেতুস্স ধম্মস্স আৰম্মণপচ্চযেন পচ্চযো. ৱিপাকধম্মধম্মো হেতু ধম্মো নেৱৱিপাকনৱিপাকধম্মধম্মস্স হেতুস্স ধম্মস্স আৰম্মণপচ্চযেন পচ্চযো. (৩)

নেৱৱিপাকনৱিপাকধম্মধম্মো হেতু ধম্মো নেৱৱিপাকনৱিপাকধম্মধম্মস্স হেতুস্স ধম্মস্স আৰম্মণপচ্চযেন পচ্চযো… তীণি.

৪১. ৱিপাকো হেতু ধম্মো ৱিপাকস্স হেতুস্স ধম্মস্স অধিপতিপচ্চযেন পচ্চযো. ৱিপাকো হেতু ধম্মো ৱিপাকধম্মধম্মস্স হেতুস্স ধম্মস্স অধিপতিপচ্চযেন পচ্চযো. ৱিপাকো হেতু ধম্মো নেৱৱিপাকনৱিপাকধম্মধম্মস্স হেতুস্স ধম্মস্স অধিপতিপচ্চযেন পচ্চযো … তীণি.

ৱিপাকধম্মধম্মো হেতু ধম্মো ৱিপাকধম্মধম্মস্স হেতুস্স ধম্মস্স অধিপতিপচ্চযেন পচ্চযো… দ্ৱে.

নেৱৱিপাকনৱিপাকধম্মধম্মো হেতু ধম্মো নেৱৱিপাকনৱিপাকধম্মধম্মস্স হেতুস্স ধম্মস্স অধিপতিপচ্চযেন পচ্চযো. (১) (সংখিত্তং.)

৪২. হেতুযা তীণি, আৰম্মণে নৱ, অধিপতিযা ছ, অনন্তৰে পঞ্চ, সমনন্তৰে পঞ্চ, সহজাতে তীণি, অঞ্ঞমঞ্ঞে তীণি, নিস্সযে তীণি, উপনিস্সযে নৱ, আসেৱনে দ্ৱে, ৱিপাকে একং…পে… অৱিগতে তীণি (সংখিত্তং).

নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে তীণি (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

নহেতুপদপচ্চযচতুক্কং

৪৩. ৱিপাকং নহেতুং ধম্মং পটিচ্চ ৱিপাকো নহেতু ধম্মো উপ্পজ্জতি হেতুপচ্চযা. ৱিপাকং নহেতুং ধম্মং পটিচ্চ নেৱৱিপাকনৱিপাকধম্মধম্মো নহেতু ধম্মো উপ্পজ্জতি হেতুপচ্চযা. ৱিপাকং নহেতুং ধম্মং পটিচ্চ ৱিপাকো নহেতু চ নেৱৱিপাকনৱিপাকধম্মধম্মো নহেতু চ ধম্মা উপ্পজ্জন্তি হেতুপচ্চযা. (৩)

ৱিপাকধম্মধম্মং নহেতুং ধম্মং পটিচ্চ ৱিপাকধম্মধম্মো নহেতু ধম্মো উপ্পজ্জতি হেতুপচ্চযা. ৱিপাকধম্মধম্মং নহেতুং ধম্মং পটিচ্চ নেৱৱিপাকনৱিপাকধম্মধম্মো নহেতু ধম্মো উপ্পজ্জতি হেতুপচ্চযা. ৱিপাকধম্মধম্মং নহেতুং ধম্মং পটিচ্চ ৱিপাকধম্মধম্মো নহেতু চ নেৱৱিপাকনৱিপাকধম্মধম্মো নহেতু চ ধম্মা উপ্পজ্জন্তি হেতুপচ্চযা. (৩)

নেৱৱিপাকনৱিপাকধম্মধম্মং নহেতুং ধম্মং পটিচ্চ নেৱৱিপাকনৱিপাকধম্মধম্মো নহেতু ধম্মো উপ্পজ্জতি হেতুপচ্চযা… তীণি.

ৱিপাকং নহেতুঞ্চ নেৱৱিপাকনৱিপাকধম্মধম্মং নহেতুঞ্চ ধম্মং পটিচ্চ নেৱৱিপাকনৱিপাকধম্মধম্মো নহেতু ধম্মো উপ্পজ্জতি হেতুপচ্চযা… তীণি.

ৱিপাকধম্মধম্মং নহেতুঞ্চ নেৱৱিপাকনৱিপাকধম্মধম্মং নহেতুঞ্চ ধম্মং পটিচ্চ নেৱৱিপাকনৱিপাকধম্মধম্মো নহেতু ধম্মো উপ্পজ্জতি হেতুপচ্চযা (সংখিত্তং).

৪৪. হেতুযা তেৰস, আৰম্মণে পঞ্চ, অধিপতিযা নৱ, অনন্তৰে পঞ্চ, সমনন্তৰে পঞ্চ, সহজাতে তেৰস, অঞ্ঞমঞ্ঞে সত্ত, নিস্সযে তেৰস, উপনিস্সযে পঞ্চ, পুৰেজাতে তীণি, আসেৱনে দ্ৱে, কম্মে তেৰস, ৱিপাকে নৱ, আহাৰে তেৰস…পে… সম্পযুত্তে পঞ্চ…পে… অৱিগতে তেৰস (সংখিত্তং).

নহেতু-নআৰম্মণপচ্চযা

৪৫. ৱিপাকং নহেতুং ধম্মং পটিচ্চ ৱিপাকো নহেতু ধম্মো উপ্পজ্জতি নহেতুপচ্চযা… নৱ.

ৱিপাকং নহেতুং ধম্মং পটিচ্চ নেৱৱিপাকনৱিপাকধম্মধম্মো নহেতু ধম্মো উপ্পজ্জতি নআৰম্মণপচ্চযা (সংখিত্তং).

৪৬. নহেতুযা নৱ, নআৰম্মণে পঞ্চ, নঅধিপতিযা তেৰস, নঅনন্তৰে পঞ্চ, নসমনন্তৰে পঞ্চ, নঅঞ্ঞমঞ্ঞে পঞ্চ, নউপনিস্সযে পঞ্চ, নপুৰেজাতে দ্ৱাদস, নপচ্ছাজাতে তেৰস, নআসেৱনে তেৰস, নকম্মে দ্ৱে, নৱিপাকে পঞ্চ, নৱিপ্পযুত্তে তীণি…পে… নোৱিগতে পঞ্চ (সংখিত্তং).

(সহজাতৱাৰম্পি…পে… সম্পযুত্তৱাৰম্পি পটিচ্চৱাৰসদিসং ৱিত্থাৰেতব্বং.)