১-৭. পটিচ্চৱাৰাদি

পচ্চযচতুক্কং

১৯. নভাৱনায পহাতব্বহেতুকং কুসলং ধম্মং পটিচ্চ নভাৱনায পহাতব্বহেতুকো কুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং).

২০. ভাৱনায পহাতব্বহেতুকং অকুসলং ধম্মং পটিচ্চ ভাৱনায পহাতব্বহেতুকো অকুসলো ধম্মো উপ্পজ্জতি হেতুপচ্চযা. (১)

নভাৱনায পহাতব্বহেতুকং অকুসলং ধম্মং পটিচ্চ নভাৱনায পহাতব্বহেতুকো অকুসলো ধম্মো উপ্পজ্জতি হেতুপচ্চযা… তীণি (সংখিত্তং).

২১. হেতুযা চত্তাৰি, আৰম্মণে ছ, অধিপতিযা দ্ৱে…পে… অৱিগতে ছ (সংখিত্তং. দস্সনেন পহাতব্বহেতুকদুকঅকুসলসদিসং. সহজাতৱাৰেপি…পে… পঞ্হাৱাৰেপি সব্বত্থ ৱিত্থাৰেতব্বং).

২২. নভাৱনায পহাতব্বহেতুকং অব্যাকতং ধম্মং পটিচ্চ নভাৱনায পহাতব্বহেতুকো অব্যাকতো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)