১-৭. পটিচ্চৱাৰাদি

পচ্চযচতুক্কং

৭৭. অৰূপাৱচৰং কুসলং ধম্মং পটিচ্চ অৰূপাৱচৰো কুসলো ধম্মো উপ্পজ্জতি হেতুপচ্চযা. (১)

নঅৰূপাৱচৰং কুসলং ধম্মং পটিচ্চ নঅৰূপাৱচৰো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৭৮. হেতুযা দ্ৱে, আৰম্মণে দ্ৱে…পে… অৱিগতে দ্ৱে (সংখিত্তং).

নঅধিপতিযা দ্ৱে…পে… নআসেৱনে একং…পে… নৱিপ্পযুত্তে দ্ৱে (সংখিত্তং. সহজাতৱাৰাদি ৱিত্থাৰেতব্বো).

৭৯. অৰূপাৱচৰো কুসলো ধম্মো অৰূপাৱচৰস্স কুসলস্স ধম্মস্স হেতুপচ্চযেন পচ্চযো. (১)

নঅৰূপাৱচৰো কুসলো ধম্মো নঅৰূপাৱচৰস্স কুসলস্স ধম্মস্স হেতুপচ্চযেন পচ্চযো. (১) (সংখিত্তং.)

৮০. হেতুযা দ্ৱে, আৰম্মণে তীণি, অধিপতিযা তীণি, অনন্তৰে তীণি…পে… সহজাতে দ্ৱে…পে… উপনিস্সযে চত্তাৰি, আসেৱনে তীণি, কম্মে দ্ৱে…পে… অত্থিযা দ্ৱে, নত্থিযা তীণি…পে… অৱিগতে দ্ৱে (সংখিত্তং).

৮১. নঅৰূপাৱচৰং অকুসলং ধম্মং পটিচ্চ নঅৰূপাৱচৰো অকুসলো ধম্মো উপ্পজ্জতি হেতুপচ্চযা… একং (সব্বত্থ একং, সংখিত্তং).

অৰূপাৱচৰং অব্যাকতং ধম্মং পটিচ্চ অৰূপাৱচৰো অব্যাকতো ধম্মো উপ্পজ্জতি হেতুপচ্চযা… তীণি.

নঅৰূপাৱচৰং অব্যাকতং ধম্মং পটিচ্চ নঅৰূপাৱচৰো অব্যাকতো ধম্মো উপ্পজ্জতি হেতুপচ্চযা. (১)

অৰূপাৱচৰং অব্যাকতঞ্চ নঅৰূপাৱচৰং অব্যাকতঞ্চ ধম্মং পটিচ্চ নঅৰূপাৱচৰো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

৮২. হেতুযা পঞ্চ, আৰম্মণে দ্ৱে, অধিপতিযা পঞ্চ…পে… অৱিগতে পঞ্চ (সংখিত্তং).

নহেতুযা একং, নআৰম্মণে তীণি, নঅধিপতিযা দ্ৱে…পে… নপুৰেজাতে চত্তাৰি, নপচ্ছাজাতে নআসেৱনে পঞ্চ, নকম্মে দ্ৱে, নৱিপাকে পঞ্চ, নআহাৰে একং…পে… নৱিপ্পযুত্তে দ্ৱে…পে… নোৱিগতে তীণি (সংখিত্তং. সহজাতৱাৰাদি ৱিত্থাৰেতব্বো).

৮৩. অৰূপাৱচৰো অব্যাকতো ধম্মো অৰূপাৱচৰস্স অব্যাকতস্স ধম্মস্স হেতুপচ্চযেন পচ্চযো… তীণি.

নঅৰূপাৱচৰো অব্যাকতো ধম্মো নঅৰূপাৱচৰস্স অব্যাকতস্স ধম্মস্স হেতুপচ্চযেন পচ্চযো. (১) (সংখিত্তং.)

৮৪. হেতুযা চত্তাৰি, আৰম্মণে তীণি (অৰূপাৱচৰমূলে দ্ৱে, নঅৰূপাৱচৰে একং), অধিপতিযা চত্তাৰি (অৰূপাৱচৰমূলে তীণি, নঅৰূপে একং), অনন্তৰে চত্তাৰি…পে… সহজাতে পঞ্চ, অঞ্ঞমঞ্ঞে দ্ৱে, নিস্সযে সত্ত, উপনিস্সযে চত্তাৰি, পুৰেজাতে দ্ৱে, পচ্ছাজাতে দ্ৱে, আসেৱনে তীণি, কম্মে চত্তাৰি, ৱিপাকে দ্ৱে…পে… সম্পযুত্তে দ্ৱে, ৱিপ্পযুত্তে তীণি, অত্থিযা সত্ত, নত্থিযা চত্তাৰি…পে… অৱিগতে সত্ত (সংখিত্তং).