১-৭. পটিচ্চৱাৰাদি

পচ্চযচতুক্কং

৭১. ৰূপাৱচৰং কুসলং ধম্মং পটিচ্চ ৰূপাৱচৰো কুসলো ধম্মো উপ্পজ্জতি হেতুপচ্চযা. (১)

নৰূপাৱচৰং কুসলং ধম্মং পটিচ্চ নৰূপাৱচৰো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৭২. হেতুযা দ্ৱে, আৰম্মণে দ্ৱে (সব্বত্থ দ্ৱে, সংখিত্তং).

নঅধিপতিযা দ্ৱে…পে… নপুৰেজাতে একং, নআসেৱনে একং…পে… নৱিপ্পযুত্তে একং (সংখিত্তং. সহজাতৱাৰাদি ৱিত্থাৰেতব্বো).

৭৩. ৰূপাৱচৰো কুসলো ধম্মো ৰূপাৱচৰস্স কুসলস্স ধম্মস্স হেতুপচ্চযেন পচ্চযো. (১)

নৰূপাৱচৰো কুসলো ধম্মো নৰূপাৱচৰস্স কুসলস্স ধম্মস্স হেতুপচ্চযেন পচ্চযো. (১) (সংখিত্তং.)

৭৪. হেতুযা দ্ৱে, আৰম্মণে চত্তাৰি, অধিপতিযা তীণি (ৰূপাৱচৰে একং, সহজাতাধিপতিযেৱ, নৰূপাৱচৰে দ্ৱে), অনন্তৰে তীণি (ৰূপাৱচৰে একং, নৰূপাৱচৰে দ্ৱে), সমনন্তৰে তীণি, সহজাতে দ্ৱে…পে… উপনিস্সযে চত্তাৰি, আসেৱনে তীণি, কম্মে দ্ৱে…পে… অত্থিযা দ্ৱে, নত্থিযা তীণি…পে… অৱিগতে দ্ৱে (সংখিত্তং).

৭৫. নৰূপাৱচৰং অকুসলং ধম্মং পটিচ্চ নৰূপাৱচৰো অকুসলো ধম্মো উপ্পজ্জতি হেতুপচ্চযা (সব্বত্থ একং).

ৰূপাৱচৰং অব্যাকতং ধম্মং পটিচ্চ ৰূপাৱচৰো অব্যাকতো ধম্মো উপ্পজ্জতি হেতুপচ্চযা… তীণি.

নৰূপাৱচৰং অব্যাকতং ধম্মং পটিচ্চ নৰূপাৱচৰো অব্যাকতো ধম্মো উপ্পজ্জতি হেতুপচ্চযা… তীণি.

ৰূপাৱচৰং অব্যাকতঞ্চ নৰূপাৱচৰং অব্যাকতঞ্চ ধম্মং পটিচ্চ ৰূপাৱচৰো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৭৬. হেতুযা নৱ, আৰম্মণে চত্তাৰি, অধিপতিযা পঞ্চ…পে… পুৰেজাতে আসেৱনে দ্ৱে…পে… অৱিগতে নৱ (সংখিত্তং. যথা কামাৱচৰদুকঅব্যাকতসদিসং, এত্তকাযেৱ পঞ্হা হেট্ঠুপৰিকং পৰিৱত্তন্তি. সহজাতৱাৰম্পি…পে… পঞ্হাৱাৰম্পি সব্বত্থ ৱিত্থাৰেতব্বং).