অব্যাকতপদং

হেতুপচ্চযো

৫১. সপ্পীতিকং অব্যাকতং ধম্মং পটিচ্চ সপ্পীতিকো অব্যাকতো ধম্মো উপ্পজ্জতি হেতুপচ্চযা… তীণি.

অপ্পীতিকং অব্যাকতং ধম্মং পটিচ্চ অপ্পীতিকো অব্যাকতো ধম্মো উপ্পজ্জতি হেতুপচ্চযা… তীণি.

সপ্পীতিকং অব্যাকতঞ্চ অপ্পীতিকং অব্যাকতঞ্চ ধম্মং পটিচ্চ সপ্পীতিকো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৫২. হেতুযা নৱ, আৰম্মণে নৱ…পে… পুৰেজাতে ছ, আসেৱনে ছ…পে… অৱিগতে নৱ (সংখিত্তং).

নহেতুযা নৱ, নআৰম্মণে তীণি, নঅধিপতিযা নৱ…পে… নকম্মে চত্তাৰি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে নৱ, নসম্পযুত্তে তীণি, নৱিপ্পযুত্তে ছ…পে… (সংখিত্তং. সহজাতৱাৰাদি ৱিত্থাৰেতব্বো).

৫৩. সপ্পীতিকো অব্যাকতো ধম্মো সপ্পীতিকস্স অব্যাকতস্স ধম্মস্স হেতুপচ্চযেন পচ্চযো (সংখিত্তং).

৫৪. হেতুযা চত্তাৰি, আৰম্মণে নৱ, অধিপতিযা নৱ, অনন্তৰে নৱ…পে… (সব্বত্থ নৱ), উপনিস্সযে নৱ, পুৰেজাতে তীণি, পচ্ছাজাতে তীণি, আসেৱনে নৱ, কম্মে চত্তাৰি, ৱিপাকে নৱ, আহাৰে চত্তাৰি, ইন্দ্ৰিযে চত্তাৰি, ঝানে নৱ, মগ্গে চত্তাৰি, সম্পযুত্তে ছ, ৱিপ্পযুত্তে পঞ্চ, অত্থিযা নৱ…পে… অৱিগতে নৱ (সংখিত্তং).