১-৭. পটিচ্চৱাৰাদি

পচ্চযচতুক্কং

৩৭. সৱিচাৰং কুসলং ধম্মং পটিচ্চ সৱিচাৰো কুসলো ধম্মো উপ্পজ্জতি হেতুপচ্চযা… তীণি.

অৱিচাৰং কুসলং ধম্মং পটিচ্চ অৱিচাৰো কুসলো ধম্মো উপ্পজ্জতি হেতুপচ্চযা… দ্ৱে.

সৱিচাৰং কুসলঞ্চ অৱিচাৰং কুসলঞ্চ ধম্মং পটিচ্চ সৱিচাৰো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

৩৮. হেতুযা ছ, আৰম্মণে ছ…পে… অৱিগতে ছ (সংখিত্তং. সৱিতক্কদুককুসলসদিসং. সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং).

৩৯. সৱিচাৰং অকুসলং ধম্মং পটিচ্চ সৱিচাৰো অকুসলো ধম্মো উপ্পজ্জতি হেতুপচ্চযা… তীণি.

অৱিচাৰং অকুসলং ধম্মং পটিচ্চ সৱিচাৰো অকুসলো ধম্মো উপ্পজ্জতি হেতুপচ্চযা. (১)

সৱিচাৰং অকুসলঞ্চ অৱিচাৰং অকুসলঞ্চ ধম্মং পটিচ্চ সৱিচাৰো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

৪০. হেতুযা পঞ্চ, আৰম্মণে পঞ্চ…পে… অৱিগতে পঞ্চ (সংখিত্তং. সৱিতক্কদুকঅকুসলসদিসং. সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং).

৪১. সৱিচাৰং অব্যাকতং ধম্মং পটিচ্চ সৱিচাৰো অব্যাকতো ধম্মো উপ্পজ্জতি হেতুপচ্চযা… তীণি.

অৱিচাৰং অব্যাকতং ধম্মং পটিচ্চ অৱিচাৰো অব্যাকতো ধম্মো উপ্পজ্জতি হেতুপচ্চযা… তীণি.

সৱিচাৰং অব্যাকতঞ্চ অৱিচাৰং অব্যাকতঞ্চ ধম্মং পটিচ্চ সৱিচাৰো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৪২. হেতুযা নৱ, আৰম্মণে নৱ…পে… ৱিপাকে নৱ…পে… অৱিগতে নৱ (সংখিত্তং. সৱিতক্কদুকঅব্যাকতসদিসং. সহজাতৱাৰোপি…পে… সম্পযুত্তৱাৰোপি ৱিত্থাৰেতব্বা).

৪৩. সৱিচাৰো অব্যাকতো ধম্মো সৱিচাৰস্স অব্যাকতস্স ধম্মস্স হেতুপচ্চযেন পচ্চযো (সংখিত্তং).

৪৪. হেতুযা চত্তাৰি, আৰম্মণে নৱ…পে… মগ্গে চত্তাৰি …পে… অৱিগতে নৱ (সংখিত্তং).

নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে চত্তাৰি (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)