৭. পঞ্হাৱাৰো

হেতু-আৰম্মণপচ্চযা

২৫. সৱিতক্কো কুসলো ধম্মো সৱিতক্কস্স কুসলস্স ধম্মস্স হেতুপচ্চযেন পচ্চযো. সৱিতক্কো কুসলো ধম্মো অৱিতক্কস্স কুসলস্স ধম্মস্স হেতুপচ্চযেন পচ্চযো. সৱিতক্কো কুসলো ধম্মো সৱিতক্কস্স কুসলস্স চ অৱিতক্কস্স কুসলস্স চ ধম্মস্স হেতুপচ্চযেন পচ্চযো. (৩)

অৱিতক্কো কুসলো ধম্মো অৱিতক্কস্স কুসলস্স ধম্মস্স হেতুপচ্চযেন পচ্চযো. (১)

সৱিতক্কো কুসলো ধম্মো সৱিতক্কস্স কুসলস্স ধম্মস্স আৰম্মণপচ্চযেন পচ্চযো… তীণি.

অৱিতক্কো কুসলো ধম্মো অৱিতক্কস্স কুসলস্স ধম্মস্স আৰম্মণপচ্চযেন পচ্চযো… তীণি.

সৱিতক্কো কুসলো চ অৱিতক্কো কুসলো চ ধম্মা সৱিতক্কস্স কুসলস্স ধম্মস্স আৰম্মণপচ্চযেন পচ্চযো… তীণি (সংখিত্তং).

২৬. হেতুযা চত্তাৰি, আৰম্মণে নৱ, অধিপতিযা নৱ (হেট্ঠা তীসু সহজাতাধিপতি, অৱিতক্কে একং, সহজাতাধিপতি), অনন্তৰে নৱ, সমনন্তৰে নৱ, সহজাতে ছ…পে… উপনিস্সযে নৱ, আসেৱনে নৱ, কম্মে চত্তাৰি, আহাৰে চত্তাৰি, ইন্দ্ৰিযে চত্তাৰি, ঝানে ছ, মগ্গে ছ, সম্পযুত্তে ছ, অত্থিযা ছ, নত্থিযা নৱ, ৱিগতে নৱ, অৱিগতে ছ (সংখিত্তং).

নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে চত্তাৰি (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰং, এৱং ৱিত্থাৰেতব্বং.)

অকুসলপদং

২৭. সৱিতক্কং অকুসলং ধম্মং পটিচ্চ সৱিতক্কো অকুসলো ধম্মো উপ্পজ্জতি হেতুপচ্চযা. সৱিতক্কং অকুসলং ধম্মং পটিচ্চ অৱিতক্কো অকুসলো ধম্মো উপ্পজ্জতি হেতুপচ্চযা. সৱিতক্কং অকুসলং ধম্মং পটিচ্চ সৱিতক্কো অকুসলো চ অৱিতক্কো অকুসলো চ ধম্মা উপ্পজ্জন্তি হেতুপচ্চযা. (৩)

অৱিতক্কং অকুসলং ধম্মং পটিচ্চ সৱিতক্কো অকুসলো ধম্মো উপ্পজ্জতি হেতুপচ্চযা. (১)

সৱিতক্কং অকুসলঞ্চ অৱিতক্কং অকুসলঞ্চ ধম্মং পটিচ্চ সৱিতক্কো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

২৮. হেতুযা পঞ্চ, আৰম্মণে পঞ্চ (সব্বত্থ পঞ্চ)…পে… অৱিগতে পঞ্চ (সংখিত্তং).

২৯. সৱিতক্কং অকুসলং ধম্মং পটিচ্চ সৱিতক্কো অকুসলো ধম্মো উপ্পজ্জতি নহেতুপচ্চযা. (১)

অৱিতক্কং অকুসলং ধম্মং পটিচ্চ সৱিতক্কো অকুসলো ধম্মো উপ্পজ্জতি নহেতুপচ্চযা. (১)

সৱিতক্কং অকুসলঞ্চ অৱিতক্কং অকুসলঞ্চ ধম্মং পটিচ্চ সৱিতক্কো অকুসলো ধম্মো উপ্পজ্জতি নহেতুপচ্চযা. (১) (সংখিত্তং.)

৩০. নহেতুযা তীণি, নঅধিপতিযা পঞ্চ, নকম্মে তীণি…পে… নৱিপ্পযুত্তে পঞ্চ. (সংখিত্তং. সহজাতৱাৰাদি ৱিত্থাৰেতব্বো.)

৩১. সৱিতক্কো অকুসলো ধম্মো সৱিতক্কস্স অকুসলস্স ধম্মস্স হেতুপচ্চযেন পচ্চযো (সংখিত্তং).

৩২. হেতুযা তীণি, আৰম্মণে নৱ, অধিপতিযা নৱ, অনন্তৰে নৱ…পে… সহজাতে পঞ্চ…পে… উপনিস্সযে নৱ, আসেৱনে নৱ, কম্মে তীণি, আহাৰে তীণি…পে… ঝানে পঞ্চ, মগ্গে পঞ্চ, সম্পযুত্তে পঞ্চ, অত্থিযা পঞ্চ, নত্থিযা নৱ…পে… অৱিগতে পঞ্চ (সংখিত্তং).

অব্যাকতপদং

৩৩. সৱিতক্কং অব্যাকতং ধম্মং পটিচ্চ সৱিতক্কো অব্যাকতো ধম্মো উপ্পজ্জতি হেতুপচ্চযা… তীণি.

অৱিতক্কং অব্যাকতং ধম্মং পটিচ্চ অৱিতক্কো অব্যাকতো ধম্মো উপ্পজ্জতি হেতুপচ্চযা… তীণি.

সৱিতক্কং অব্যাকতঞ্চ অৱিতক্কং অব্যাকতঞ্চ ধম্মং পটিচ্চ সৱিতক্কো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

৩৪. হেতুযা নৱ, আৰম্মণে নৱ…পে… পুৰেজাতে আসেৱনে ছ…পে… অৱিগতে নৱ (সংখিত্তং).

নহেতুযা নৱ, নআৰম্মণে তীণি, নঅধিপতিযা নৱ…পে… নপুৰেজাতে নৱ…পে… নকম্মে চত্তাৰি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে নৱ, নসম্পযুত্তে তীণি, নৱিপ্পযুত্তে ছ…পে… নোৱিগতে তীণি (সংখিত্তং. সহজাতৱাৰম্পি…পে… সম্পযুত্তৱাৰম্পি ৱিত্থাৰেতব্বং).

৩৫. সৱিতক্কো অব্যাকতো ধম্মো সৱিতক্কস্স অব্যাকতস্স ধম্মস্স হেতুপচ্চযেন পচ্চযো… তীণি.

অৱিতক্কো অব্যাকতো ধম্মো অৱিতক্কস্স অব্যাকতস্স ধম্মস্স হেতুপচ্চযেন পচ্চযো. (১)

সৱিতক্কো অব্যাকতো ধম্মো সৱিতক্কস্স অব্যাকতস্স ধম্মস্স আৰম্মণপচ্চযেন পচ্চযো (সংখিত্তং).

৩৬. হেতুযা চত্তাৰি, আৰম্মণে নৱ, অধিপতিযা নৱ (সব্বত্থ নৱ), উপনিস্সযে নৱ, পুৰেজাতে তীণি, পচ্ছাজাতে তীণি, আসেৱনে নৱ, কম্মে চত্তাৰি, ৱিপাকে নৱ, আহাৰে চত্তাৰি…পে… ঝানে নৱ, মগ্গে নৱ, সম্পযুত্তে ছ, ৱিপ্পযুত্তে পঞ্চ, অত্থিযা নৱ, নত্থিযা নৱ, ৱিগতে নৱ, অৱিগতে নৱ (সংখিত্তং).

নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে চত্তাৰি (সংখিত্তং).

নহেতুপচ্চযা আৰম্মণে নৱ (সংখিত্তং).

(যথা কুসলত্তিকে পঞ্হাৱাৰং এৱং ৱিত্থাৰেতব্বং.)