১-৭. পটিচ্চৱাৰাদি

পচ্চযচতুক্কং

১. নদস্সনেন পহাতব্বং কুসলং ধম্মং পটিচ্চ নদস্সনেন পহাতব্বো কুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং, অধিপতিযা একং…পে… অৱিগতে একং (সংখিত্তং. সহজাতৱাৰেপি…পে… পঞ্হাৱাৰেপি সব্বত্থ একং).

২. দস্সনেন পহাতব্বং অকুসলং ধম্মং পটিচ্চ দস্সনেন পহাতব্বো অকুসলো ধম্মো উপ্পজ্জতি হেতুপচ্চযা (সংখিত্তং).

হেতুযা দ্ৱে, আৰম্মণে দ্ৱে, অধিপতিযা দ্ৱে…পে… অৱিগতে দ্ৱে (সংখিত্তং).

৩. দস্সনেন পহাতব্বং অকুসলং ধম্মং পটিচ্চ দস্সনেন পহাতব্বো অকুসলো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে খন্ধে পটিচ্চ ৱিচিকিচ্ছাসহগতো মোহো. (১)

নদস্সনেন পহাতব্বং অকুসলং ধম্মং পটিচ্চ নদস্সনেন পহাতব্বো অকুসলো ধম্মো উপ্পজ্জতি নহেতুপচ্চযা. (১) (সংখিত্তং.)

৪. নহেতুযা দ্ৱে, নঅধিপতিযা দ্ৱে, নপুৰেজাতে দ্ৱে…পে… নকম্মে দ্ৱে, নৱিপাকে দ্ৱে, নৱিপ্পযুত্তে দ্ৱে (সংখিত্তং. সহজাতৱাৰেপি…পে… সম্পযুত্তৱাৰেপি সব্বত্থ ৱিত্থাৰেতব্বং).

৫. দস্সনেন পহাতব্বো অকুসলো ধম্মো দস্সনেন পহাতব্বস্স অকুসলস্স ধম্মস্স হেতুপচ্চযেন পচ্চযো. (১)

নদস্সনেন পহাতব্বো অকুসলো ধম্মো নদস্সনেন পহাতব্বস্স অকুসলস্স ধম্মস্স হেতুপচ্চযেন পচ্চযো. (১) (সংখিত্তং.)

৬. হেতুযা দ্ৱে, আৰম্মণে তীণি (দস্সনে একং, নদস্সনে দ্ৱে), অধিপতিযা তীণি (দস্সনেন পহাতব্বমূলকং একং, নদস্সনে দ্ৱে, আৰম্মণাধিপতি, সহজাতাধিপতি, একাৰম্মণাধিপতি), অনন্তৰে দ্ৱে (দস্সনমূলকং একং, নদস্সনে একং), সমনন্তৰে দ্ৱে, সহজাতে দ্ৱে…পে… উপনিস্সযে তীণি, আসেৱনে দ্ৱে, কম্মে দ্ৱে, আহাৰে দ্ৱে…পে… সম্পযুত্তে দ্ৱে, অত্থিযা দ্ৱে, নত্থিযা দ্ৱে…পে… অৱিগতে দ্ৱে (সংখিত্তং).

৭. নদস্সনেন পহাতব্বং অব্যাকতং ধম্মং পটিচ্চ নদস্সনেন পহাতব্বো অব্যাকতো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি …পে… পঞ্হাৱাৰেপি সব্বত্থ একং.)