১-৭. পটিচ্চৱাৰাদি

পচ্চযচতুক্কং

২৮. কিলেসৱিপ্পযুত্তং সংকিলেসিকং কুসলং ধম্মং পটিচ্চ কিলেসৱিপ্পযুত্তো সংকিলেসিকো কুসলো ধম্মো উপ্পজ্জতি হেতুপচ্চযা. (১)

কিলেসৱিপ্পযুত্তং অসংকিলেসিকং কুসলং ধম্মং পটিচ্চ কিলেসৱিপ্পযুত্তো অসংকিলেসিকো কুসলো ধম্মো উপ্পজ্জতি হেতুপচ্চযা (সংখিত্তং).

২৯. হেতুযা দ্ৱে, আৰম্মণে দ্ৱে…পে… অৱিগতে দ্ৱে (সংখিত্তং. লোকিযদুককুসলসদিসং. সহজাতৱাৰেপি…পে… পঞ্হাৱাৰেপি ৱিত্থাৰেতব্বং).

৩০. কিলেসৱিপ্পযুত্তং সংকিলেসিকং অব্যাকতং ধম্মং পটিচ্চ কিলেসৱিপ্পযুত্তো সংকিলেসিকো অব্যাকতো ধম্মো উপ্পজ্জতি হেতুপচ্চযা. (১)

কিলেসৱিপ্পযুত্তং অসংকিলেসিকং অব্যাকতং ধম্মং পটিচ্চ কিলেসৱিপ্পযুত্তো অসংকিলেসিকো অব্যাকতো ধম্মো উপ্পজ্জতি হেতুপচ্চযা… তীণি.

কিলেসৱিপ্পযুত্তং সংকিলেসিকং অব্যাকতঞ্চ কিলেসৱিপ্পযুত্তং অসংকিলেসিকং অব্যাকতঞ্চ ধম্মং পটিচ্চ কিলেসৱিপ্পযুত্তো সংকিলেসিকো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

৩১. হেতুযা পঞ্চ, আৰম্মণে দ্ৱে…পে… আসেৱনে একং…পে… অৱিগতে পঞ্চ (সংখিত্তং. লোকিযদুকঅব্যাকতসদিসং. সহজাতৱাৰেপি…পে… পঞ্হাৱাৰেপি সব্বত্থ ৱিত্থাৰেতব্বং).

কিলেসগোচ্ছককুসলত্তিকং নিট্ঠিতং.