১-৭. পটিচ্চৱাৰাদি

পচ্চযচতুক্কং

হেতুপচ্চযো

২১. উপাদানিযঞ্চেৱ নো চ উপাদানং কুসলং ধম্মং পটিচ্চ উপাদানিযো চেৱ নো চ উপাদানো কুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

২২. উপাদানঞ্চেৱ উপাদানিযঞ্চ অকুসলং ধম্মং পটিচ্চ উপাদানো চেৱ উপাদানিযো চ অকুসলো ধম্মো উপ্পজ্জতি হেতুপচ্চযা… তীণি.

উপাদানিযঞ্চেৱ নো চ উপাদানং অকুসলং ধম্মং পটিচ্চ উপাদানিযো চেৱ নো চ উপাদানো অকুসলো ধম্মো উপ্পজ্জতি হেতুপচ্চযা… তীণি.

উপাদানঞ্চেৱ উপাদানিযং অকুসলঞ্চ উপাদানিযঞ্চেৱ নো চ উপাদানং অকুসলঞ্চ ধম্মং পটিচ্চ উপাদানো চেৱ উপাদানিযো চ অকুসলো ধম্মো উপ্পজ্জতি হেতুপচ্চযা… তীণি (সংখিত্তং).

২৩. হেতুযা নৱ, আৰম্মণে নৱ…পে… অৱিগতে নৱ (সংখিত্তং. ইমং গমনং উপাদানদুকঅকুসলসদিসং. সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং).

২৪. উপাদানিযঞ্চেৱ নো চ উপাদানং অব্যাকতং ধম্মং পটিচ্চ উপাদানিযো চেৱ নো চ উপাদানো অব্যাকতো ধম্মো উপ্পজ্জতি হেতুপচ্চযা (সংখিত্তং).

২৫. হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)