১-৭. পটিচ্চৱাৰাদি

পচ্চযচতুক্কং

হেতুপচ্চযো

১০. উপাদানিযং কুসলং ধম্মং পটিচ্চ উপাদানিযো কুসলো ধম্মো উপ্পজ্জতি হেতুপচ্চযা. (১)

অনুপাদানিযং কুসলং ধম্মং পটিচ্চ অনুপাদানিযো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

১১. হেতুযা দ্ৱে, আৰম্মণে দ্ৱে…পে… অৱিগতে দ্ৱে (সংখিত্তং. লোকিযলোকুত্তৰদুককুসলসদিসং. সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং.)

১২. উপাদানিযং অকুসলং ধম্মং পটিচ্চ উপাদানিযো অকুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

১৩. উপাদানিযং অব্যাকতং ধম্মং পটিচ্চ উপাদানিযো অব্যাকতো ধম্মো উপ্পজ্জতি হেতুপচ্চযা. (১)

অনুপাদানিযং অব্যাকতং ধম্মং পটিচ্চ অনুপাদানিযো অব্যাকতো ধম্মো উপ্পজ্জতি হেতুপচ্চযা. অনুপাদানিযং অব্যাকতং ধম্মং পটিচ্চ উপাদানিযো অব্যাকতো ধম্মো উপ্পজ্জতি হেতুপচ্চযা. অনুপাদানিযং অব্যাকতং ধম্মং পটিচ্চ উপাদানিযো অব্যাকতো চ অনুপাদানিযো অব্যাকতো চ ধম্মা উপ্পজ্জন্তি হেতুপচ্চযা. (৩)

উপাদানিযং অব্যাকতঞ্চ অনুপাদানিযং অব্যাকতঞ্চ ধম্মং পটিচ্চ উপাদানিযো অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

১৪. হেতুযা পঞ্চ, আৰম্মণে দ্ৱে…পে… আসেৱনে একং…পে… অৱিগতে পঞ্চ (সংখিত্তং. লোকিযদুকঅব্যাকতসদিসং. সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং).