১-৭. পটিচ্চৱাৰাদি

পচ্চযচতুক্কং

হেতুপচ্চযো

২৯. চিত্তসম্পযুত্তং কুসলং ধম্মং পটিচ্চ চিত্তসম্পযুত্তো কুসলো ধম্মো উপ্পজ্জতি হেতুপচ্চযা (সংখিত্তং).

৩০. হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

৩১. চিত্তসম্পযুত্তং অকুসলং ধম্মং পটিচ্চ চিত্তসম্পযুত্তো অকুসলো ধম্মো উপ্পজ্জতি হেতুপচ্চযা (সংখিত্তং).

৩২. হেতুযা একং, আৰম্মণে একং…পে… অৱিগতে একং (সংখিত্তং). (সহজাতৱাৰেপি…পে… পঞ্হাৱাৰেপি সব্বত্থ একং.)

অব্যাকতপদং – হেতুপচ্চযো

৩৩. চিত্তসম্পযুত্তং অব্যাকতং ধম্মং পটিচ্চ চিত্তসম্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তসম্পযুত্তং অব্যাকতং ধম্মং পটিচ্চ চিত্তৱিপ্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তসম্পযুত্তং অব্যাকতং ধম্মং পটিচ্চ চিত্তসম্পযুত্তো অব্যাকতো চ চিত্তৱিপ্পযুত্তো অব্যাকতো চ ধম্মা উপ্পজ্জন্তি হেতুপচ্চযা. (৩)

চিত্তৱিপ্পযুত্তং অব্যাকতং ধম্মং পটিচ্চ চিত্তৱিপ্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তৱিপ্পযুত্তং অব্যাকতং ধম্মং পটিচ্চ চিত্তসম্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তৱিপ্পযুত্তং অব্যাকতং ধম্মং পটিচ্চ চিত্তসম্পযুত্তো অব্যাকতো চ চিত্তৱিপ্পযুত্তো অব্যাকতো চ ধম্মা উপ্পজ্জন্তি হেতুপচ্চযা. (৩)

চিত্তসম্পযুত্তং অব্যাকতঞ্চ চিত্তৱিপ্পযুত্তং অব্যাকতঞ্চ ধম্মং পটিচ্চ চিত্তসম্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তসম্পযুত্তং অব্যাকতঞ্চ চিত্তৱিপ্পযুত্তং অব্যাকতঞ্চ ধম্মং পটিচ্চ চিত্তৱিপ্পযুত্তো অব্যাকতো ধম্মো উপ্পজ্জতি হেতুপচ্চযা. চিত্তসম্পযুত্তং অব্যাকতঞ্চ চিত্তৱিপ্পযুত্তং অব্যাকতঞ্চ ধম্মং পটিচ্চ চিত্তসম্পযুত্তো অব্যাকতো চ চিত্তৱিপ্পযুত্তো অব্যাকতো চ ধম্মা উপ্পজ্জন্তি হেতুপচ্চযা. (৩) (সংখিত্তং.)

৩৪. হেতুযা নৱ, আৰম্মণে তীণি, অধিপতিযা পঞ্চ…পে… অঞ্ঞমঞ্ঞে ছ…পে… পুৰেজাতে একং, আসেৱনে একং, কম্মে নৱ, ৱিপাকে নৱ…পে… অৱিগতে নৱ (সংখিত্তং).

নহেতুযা নৱ, নআৰম্মণে তীণি, নঅধিপতিযা নৱ…পে… নপুৰেজাতে নৱ…পে… নকম্মে দ্ৱে, নৱিপাকে পঞ্চ, নআহাৰে একং, নইন্দ্ৰিযে একং, নঝানে দ্ৱে, নমগ্গে নৱ, নসম্পযুত্তে তীণি, নৱিপ্পযুত্তে দ্ৱে (সংখিত্তং, সহজাতৱাৰাদি ৱিত্থাৰেতব্বো).

হেতু-আৰম্মণপচ্চযা

৩৫. চিত্তসম্পযুত্তো অব্যাকতো ধম্মো চিত্তসম্পযুত্তস্স অব্যাকতস্স ধম্মস্স হেতুপচ্চযেন পচ্চযো… তীণি.

চিত্তসম্পযুত্তো অব্যাকতো ধম্মো চিত্তসম্পযুত্তস্স অব্যাকতস্স ধম্মস্স আৰম্মণপচ্চযেন পচ্চযো. (১)

চিত্তৱিপ্পযুত্তো অব্যাকতো ধম্মো চিত্তসম্পযুত্তস্স অব্যাকতস্স ধম্মস্স আৰম্মণপচ্চযেন পচ্চযো. (১) (সংখিত্তং.)

৩৬. হেতুযা তীণি, আৰম্মণে দ্ৱে, অধিপতিযা চত্তাৰি, অনন্তৰে একং…পে… সহজাতে সত্ত, অঞ্ঞমঞ্ঞে ছ, নিস্সযে সত্ত, উপনিস্সযে দ্ৱে, পুৰেজাতে একং, পচ্ছাজাতে একং, আসেৱনে একং, কম্মে তীণি, ৱিপাকে তীণি, আহাৰে চত্তাৰি, ইন্দ্ৰিযে ছ, ঝানে তীণি, মগ্গে তীণি, সম্পযুত্তে একং, ৱিপ্পযুত্তে দ্ৱে (সংখিত্তং).