১-৭. পটিচ্চৱাৰাদি

পচ্চযচতুক্কং

হেতুপচ্চযো

১৯. চেতসিকং কুসলং ধম্মং পটিচ্চ চেতসিকো কুসলো ধম্মো উপ্পজ্জতি হেতুপচ্চযা. চেতসিকং কুসলং ধম্মং পটিচ্চ অচেতসিকো কুসলো ধম্মো উপ্পজ্জতি হেতুপচ্চযা. চেতসিকং কুসলং ধম্মং পটিচ্চ চেতসিকো কুসলো চ অচেতসিকো কুসলো চ ধম্মা উপ্পজ্জন্তি হেতুপচ্চযা. (৩)

অচেতসিকং কুসলং ধম্মং পটিচ্চ চেতসিকো কুসলো ধম্মো উপ্পজ্জতি হেতুপচ্চযা. (১)

চেতসিকং কুসলঞ্চ অচেতসিকং কুসলঞ্চ ধম্মং পটিচ্চ চেতসিকো কুসলো ধম্মো উপ্পজ্জতি হেতুপচ্চযা. (১) (সংখিত্তং.)

২০. হেতুযা পঞ্চ, আৰম্মণে পঞ্চ, অধিপতিযা পঞ্চ…পে… অৱিগতে পঞ্চ.

নঅধিপতিযা পঞ্চ, নপুৰেজাতে পঞ্চ…পে… নকম্মে তীণি, নৱিপাকে পঞ্চ…পে… নৱিপ্পযুত্তে পঞ্চ (সংখিত্তং, সহজাতৱাৰাদি ৱিত্থাৰেতব্বো).

২১. চেতসিকো কুসলো ধম্মো চেতসিকস্স কুসলস্স ধম্মস্স হেতুপচ্চযেন পচ্চযো (সংখিত্তং).

২২. হেতুযা তীণি, আৰম্মণে নৱ, অধিপতিযা নৱ (আদিম্হি তীণি, সহজাতাধিপতি, মজ্ঝিমেসু তীসু মজ্ঝিমানুলোমিকাযেৱ পঞ্হা, সহজাতাধিপতি,) অনন্তৰে নৱ…পে… সহজাতে পঞ্চ…পে… উপনিস্সযে নৱ, আসেৱনে নৱ, কম্মে তীণি, আহাৰে পঞ্চ, ইন্দ্ৰিযে পঞ্চ, ঝানে তীণি, মগ্গে তীণি, সম্পযুত্তে পঞ্চ, অত্থিযা পঞ্চ, নত্থিযা নৱ…পে… অৱিগতে পঞ্চ (সংখিত্তং).

২৩. চেতসিকং অকুসলং ধম্মং পটিচ্চ চেতসিকো অকুসলো ধম্মো উপ্পজ্জতি হেতুপচ্চযা. চেতসিকং অকুসলং ধম্মং পটিচ্চ অচেতসিকো অকুসলো ধম্মো উপ্পজ্জতি হেতুপচ্চযা. চেতসিকং অকুসলং ধম্মং পটিচ্চ চেতসিকো অকুসলো চ অচেতসিকো অকুসলো চ ধম্মা উপ্পজ্জন্তি হেতুপচ্চযা. (৩)

অচেতসিকং অকুসলং ধম্মং পটিচ্চ চেতসিকো অকুসলো ধম্মো উপ্পজ্জতি হেতুপচ্চযা. (১)

চেতসিকং অকুসলঞ্চ অচেতসিকং অকুসলঞ্চ ধম্মং পটিচ্চ চেতসিকো অকুসলো ধম্মো উপ্পজ্জতি হেতুপচ্চযা. (১) (সংখিত্তং.)

২৪. হেতুযা পঞ্চ, আৰম্মণে পঞ্চ…পে… অৱিগতে পঞ্চ (সংখিত্তং, যথা কুসলনযং এৱং নহেতুপচ্চযম্পি কাতব্বং). (সহজাতৱাৰম্পি…পে… পঞ্হাৱাৰম্পি ৱিত্থাৰেতব্বং).

২৫. চেতসিকং অব্যাকতং ধম্মং পটিচ্চ চেতসিকো অব্যাকতো ধম্মো উপ্পজ্জতি হেতুপচ্চযা. চেতসিকং অব্যাকতং ধম্মং পটিচ্চ অচেতসিকো অব্যাকতো ধম্মো উপ্পজ্জতি হেতুপচ্চযা. চেতসিকং অব্যাকতং ধম্মং পটিচ্চ চেতসিকো অব্যাকতো চ অচেতসিকো অব্যাকতো চ ধম্মা উপ্পজ্জন্তি হেতুপচ্চযা. (৩)

অচেতসিকং অব্যাকতং ধম্মং পটিচ্চ অচেতসিকো অব্যাকতো ধম্মো উপ্পজ্জতি হেতুপচ্চযা… তীণি.

চেতসিকং অব্যাকতঞ্চ অচেতসিকং অব্যাকতঞ্চ ধম্মং পটিচ্চ চেতসিকো অব্যাকতো ধম্মো উপ্পজ্জতি হেতুপচ্চযা… তীণি (সংখিত্তং).

২৬. হেতুযা নৱ, আৰম্মণে নৱ, অধিপতিযা নৱ…পে… পুৰেজাতে আসেৱনে পঞ্চ, কম্মে নৱ, ৱিপাকে নৱ…পে… অৱিগতে নৱ (সংখিত্তং).

নহেতুযা নৱ, নআৰম্মণে তীণি, নঅধিপতিযা নৱ (সব্বে কাতব্বা)…পে… নকম্মে চত্তাৰি, নৱিপাকে নৱ, নআহাৰে একং, নইন্দ্ৰিযে একং, নঝানে ছ, নমগ্গে নৱ, নসম্পযুত্তে তীণি, নৱিপ্পযুত্তে ছ…পে… নোৱিগতে তীণি. (সংখিত্তং, সহজাতৱাৰাদি ৱিত্থাৰেতব্বো).

২৭. চেতসিকো অব্যাকতো ধম্মো চেতসিকস্স অব্যাকতস্স ধম্মস্স হেতুপচ্চযেন পচ্চযো (সংখিত্তং).

২৮. হেতুযা তীণি, আৰম্মণে নৱ, অধিপতিযা নৱ (এত্থ ছসু সহজাতাধিপতি), অনন্তৰে নৱ…পে… সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, পুৰেজাতে তীণি, আসেৱনে নৱ, কম্মে তীণি, ৱিপাকে নৱ, আহাৰে নৱ, ইন্দ্ৰিযে নৱ, ঝানে তীণি, মগ্গে তীণি, সম্পযুত্তে পঞ্চ, ৱিপ্পযুত্তে পঞ্চ, অত্থিযা নৱ…পে… অৱিগতে নৱ (সংখিত্তং).