১-৭. পটিচ্চৱাৰাদি

পচ্চযচতুক্কং

হেতুপচ্চযো

৯৮. অনুপাদিন্নং কুসলং ধম্মং পটিচ্চ অনুপাদিন্নো কুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সব্বত্থ একং. সংখিত্তং. সহজাতৱাৰেপি…পে… পঞ্হাৱাৰেপি একং সপ্পচ্চযকুসলসদিসং).

৯৯. অনুপাদিন্নং অকুসলং ধম্মং পটিচ্চ অনুপাদিন্নো অকুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং…পে… অৱিগতে একং (সংখিত্তং. সহজাতৱাৰেপি…পে… পঞ্হাৱাৰেপি সব্বত্থ একং).

১০০. উপাদিন্নং অব্যাকতং ধম্মং পটিচ্চ উপাদিন্নো অব্যাকতো ধম্মো উপ্পজ্জতি হেতুপচ্চযা… তীণি.

অনুপাদিন্নং অব্যাকতং ধম্মং পটিচ্চ অনুপাদিন্নো অব্যাকতো ধম্মো উপ্পজ্জতি হেতুপচ্চযা. (১)

উপাদিন্নং অব্যাকতঞ্চ অনুপাদিন্নং অব্যাকতঞ্চ ধম্মং পটিচ্চ অনুপাদিন্নো অব্যাকতো ধম্মো উপ্পজ্জতি হেতুপচ্চযা – উপাদিন্নে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১) (সংখিত্তং.)

১০১. হেতুযা পঞ্চ, আৰম্মণে দ্ৱে, অধিপতিযা একং…পে… পুৰেজাতে দ্ৱে, আসেৱনে একং, কম্মে পঞ্চ, ৱিপাকে পঞ্চ…পে… অৱিগতে পঞ্চ (সংখিত্তং).

নহেতুযা পঞ্চ, নআৰম্মণে চত্তাৰি, নঅধিপতিযা পঞ্চ…পে… নপুৰেজাতে চত্তাৰি, নপচ্ছাজাতে নআসেৱনে পঞ্চ, নকম্মে একং, নৱিপাকে দ্ৱে, নআহাৰে দ্ৱে, নইন্দ্ৰিযে দ্ৱে, নঝানে দ্ৱে, নমগ্গে পঞ্চ, নসম্পযুত্তে চত্তাৰি, নৱিপ্পযুত্তে দ্ৱে, নোনত্থিযা চত্তাৰি, নোৱিগতে চত্তাৰি (সংখিত্তং. সহজাতৱাৰাদি ৱিত্থাৰেতব্বো).

হেতু-পুৰেজাতপচ্চযা

১০২. উপাদিন্নো অব্যাকতো ধম্মো উপাদিন্নস্স অব্যাকতস্স ধম্মস্স হেতুপচ্চযেন পচ্চযো… তীণি.

অনুপাদিন্নো অব্যাকতো ধম্মো অনুপাদিন্নস্স অব্যাকতস্স ধম্মস্স হেতুপচ্চযেন পচ্চযো. (১)

অনুপাদিন্নো অব্যাকতো ধম্মো অনুপাদিন্নস্স অব্যাকতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… একং.

উপাদিন্নো অব্যাকতো ধম্মো উপাদিন্নস্স অব্যাকতস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং (দ্ৱে পঞ্হা).

অনুপাদিন্নো অব্যাকতো ধম্মো অনুপাদিন্নস্স অব্যাকতস্স ধম্মস্স পুৰেজাতপচ্চযেন পচ্চযো… দ্ৱে (আৰম্মণপুৰেজাতংযেৱ, ঘটনা দ্ৱে, আৰম্মণপুৰেজাতম্পি ৱত্থুপুৰেজাতম্পি).

১০৩. হেতুযা চত্তাৰি, আৰম্মণে চত্তাৰি (উপাদিন্নমূলকে দ্ৱে, অনুপাদিন্নমূলকে দ্ৱে), অধিপতিযা একং, অনন্তৰে সমনন্তৰে চত্তাৰি, সহজাতে পঞ্চ, অঞ্ঞমঞ্ঞে দ্ৱে, নিস্সযে পঞ্চ, উপনিস্সযে চত্তাৰি, পুৰেজাতে ছ, পচ্ছাজাতে ছ, আসেৱনে একং, কম্মে চত্তাৰি, ৱিপাকে চত্তাৰি, আহাৰে নৱ, ইন্দ্ৰিযে চত্তাৰি, ঝানে চত্তাৰি, মগ্গে চত্তাৰি, সম্পযুত্তে দ্ৱে, ৱিপ্পযুত্তে ছ, অত্থিযা নৱ, নত্থিযা চত্তাৰি, ৱিগতে চত্তাৰি, অৱিগতে নৱ (সংখিত্তং).

নহেতুযা নৱ, নআৰম্মণে নৱ (সংখিত্তং).

হেতুপচ্চযা নআৰম্মণে চত্তাৰি (সংখিত্তং).

নহেতুপচ্চযা আৰম্মণে চত্তাৰি (সংখিত্তং).

মহন্তৰদুককুসলত্তিকং নিট্ঠিতং.