১-৭. পটিচ্চৱাৰাদি

পচ্চযচতুক্কং

হেতুপচ্চযো

৯২. নোউপাদা কুসলং ধম্মং পটিচ্চ নোউপাদা কুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি…পে… পঞ্হাৱাৰেপি সব্বত্থ একং.)

৯৩. নোউপাদা অকুসলং ধম্মং পটিচ্চ নোউপাদা অকুসলো ধম্মো উপ্পজ্জতি হেতুপচ্চযা (সংখিত্তং).

হেতুযা একং, আৰম্মণে একং…পে… অৱিগতে একং (সংখিত্তং).

(সহজাতৱাৰেপি …পে… পঞ্হাৱাৰেপি সব্বত্থ একং.)

৯৪. উপাদা অব্যাকতং ধম্মং পটিচ্চ নোউপাদা অব্যাকতো ধম্মো উপ্পজ্জতি হেতুপচ্চযা. (১)

নোউপাদা অব্যাকতং ধম্মং পটিচ্চ নোউপাদা অব্যাকতো ধম্মো উপ্পজ্জতি হেতুপচ্চযা. নোউপাদা অব্যাকতং ধম্মং পটিচ্চ উপাদা অব্যাকতো ধম্মো উপ্পজ্জতি হেতুপচ্চযা. নোউপাদা অব্যাকতং ধম্মং পটিচ্চ উপাদা অব্যাকতো চ নোউপাদা অব্যাকতো চ ধম্মা উপ্পজ্জন্তি হেতুপচ্চযা. (৩)

উপাদা অব্যাকতঞ্চ নোউপাদা অব্যাকতঞ্চ ধম্মং পটিচ্চ নোউপাদা অব্যাকতো ধম্মো উপ্পজ্জতি হেতুপচ্চযা. (১) (সংখিত্তং.)

৯৫. হেতুযা পঞ্চ, আৰম্মণে তীণি…পে… অঞ্ঞমঞ্ঞে পঞ্চ…পে… পুৰেজাতে একং, আসেৱনে একং, কম্মে পঞ্চ, ৱিপাকে পঞ্চ…পে… অৱিগতে পঞ্চ (সংখিত্তং).

নহেতুযা পঞ্চ, নআৰম্মণে তীণি, নঅধিপতিযা পঞ্চ…পে… নপুৰেজাতে পঞ্চ…পে… নকম্মে তীণি, নৱিপাকে তীণি, নআহাৰে তীণি, নইন্দ্ৰিযে তীণি, নঝানে তীণি, নমগ্গে পঞ্চ, নসম্পযুত্তে তীণি, নৱিপ্পযুত্তে তীণি, নোনত্থিযা তীণি, নোৱিগতে তীণি (সংখিত্তং. সহজাতৱাৰম্পি…পে… সম্পযুত্তৱাৰম্পি ৱিত্থাৰেতব্বং.)

হেতুআৰম্মণপচ্চযাদি

৯৬. নোউপাদা অব্যাকতো ধম্মো নোউপাদা অব্যাকতস্স ধম্মস্স হেতুপচ্চযেন পচ্চযো… তীণি.

উপাদা অব্যাকতো ধম্মো নোউপাদা অব্যাকতস্স ধম্মস্স আৰম্মণপচ্চযেন পচ্চযো. (১)

নোউপাদা অব্যাকতো ধম্মো নোউপাদা অব্যাকতস্স ধম্মস্স আৰম্মণপচ্চযেন পচ্চযো. (১)

নোউপাদা অব্যাকতো ধম্মো নোউপাদা অব্যাকতস্স ধম্মস্স অধিপতিপচ্চযেন পচ্চযো… তীণি (পঠমে দ্ৱেপি অধিপতী, দ্ৱীসু সহজাতাধিপতি).

উপাদা অব্যাকতো ধম্মো নোউপাদা অব্যাকতস্স ধম্মস্স উপনিস্সযপচ্চযেন পচ্চযো. (১)

নোউপাদা অব্যাকতো ধম্মো নোউপাদা অব্যাকতস্স ধম্মস্স উপনিস্সযপচ্চযেন পচ্চযো. (১) (সংখিত্তং.)

৯৭. উপনিস্সযে দ্ৱে, পুৰেজাতে তীণি, পচ্ছাজাতে তীণি, আসেৱনে একং, কম্মে তীণি, ৱিপাকে তীণি, আহাৰে ছ, ইন্দ্ৰিযে সত্ত, ঝানে তীণি, মগ্গে তীণি, সম্পযুত্তে একং, ৱিপ্পযুত্তে চত্তাৰি, অত্থিযা নৱ…পে… অৱিগতে নৱ (সংখিত্তং).