১. ৱিভঙ্গৱাৰো

হেতুপচ্চযো

১০০. নীৱৰণো চেৱ নীৱৰণসম্পযুত্তো চ ধম্মো নীৱৰণস্স চেৱ নীৱৰণসম্পযুত্তস্স চ ধম্মস্স হেতুপচ্চযেন পচ্চযো – নীৱৰণা চেৱ নীৱৰণসম্পযুত্তা চ হেতূ সম্পযুত্তকানং নীৱৰণানং হেতুপচ্চযেন পচ্চযো. (১)

নীৱৰণো চেৱ নীৱৰণসম্পযুত্তো চ ধম্মো নীৱৰণসম্পযুত্তস্স চেৱ নো চ নীৱৰণস্স ধম্মস্স হেতুপচ্চযেন পচ্চযো – নীৱৰণা চেৱ নীৱৰণসম্পযুত্তা চ হেতূ সম্পযুত্তকানং খন্ধানং হেতুপচ্চযেন পচ্চযো. (২)

নীৱৰণো চেৱ নীৱৰণসম্পযুত্তো চ ধম্মো নীৱৰণস্স চেৱ নীৱৰণসম্পযুত্তস্স চ নীৱৰণসম্পযুত্তস্স চেৱ নো চ নীৱৰণস্স চ ধম্মস্স হেতুপচ্চযেন পচ্চযো – নীৱৰণা চেৱ নীৱৰণসম্পযুত্তা চ হেতূ সম্পযুত্তকানং খন্ধানং নীৱৰণানঞ্চ হেতুপচ্চযেন পচ্চযো. (৩)

আৰম্মণপচ্চযো

১০১. নীৱৰণো চেৱ নীৱৰণসম্পযুত্তো চ ধম্মো নীৱৰণস্স চেৱ নীৱৰণসম্পযুত্তস্স চ ধম্মস্স আৰম্মণপচ্চযেন পচ্চযো – নীৱৰণে আৰব্ভ নীৱৰণা উপ্পজ্জন্তি. (মূলং কাতব্বং) নীৱৰণে আৰব্ভ নীৱৰণসম্পযুত্তা চেৱ নো চ নীৱৰণা খন্ধা উপ্পজ্জন্তি. (মূলং কাতব্বং) নীৱৰণে আৰব্ভ নীৱৰণা চ সম্পযুত্তকা চ খন্ধা উপ্পজ্জন্তি. (৩)

নীৱৰণসম্পযুত্তো চেৱ নো চ নীৱৰণো ধম্মো নীৱৰণসম্পযুত্তস্স চেৱ নো চ নীৱৰণস্স ধম্মস্স আৰম্মণপচ্চযেন পচ্চযো – নীৱৰণসম্পযুত্তে চেৱ নো চ নীৱৰণে খন্ধে আৰব্ভ নীৱৰণসম্পযুত্তা চেৱ নো চ নীৱৰণা খন্ধা উপ্পজ্জন্তি. (মূলং পুচ্ছিতব্বং) নীৱৰণসম্পযুত্তে চেৱ নো চ নীৱৰণে খন্ধে আৰব্ভ নীৱৰণা উপ্পজ্জন্তি. (মূলং পুচ্ছিতব্বং) নীৱৰণসম্পযুত্তে চেৱ নো চ নীৱৰণে খন্ধে আৰব্ভ নীৱৰণা চ সম্পযুত্তকা চ খন্ধা উপ্পজ্জন্তি. (৩)

নীৱৰণো চেৱ নীৱৰণসম্পযুত্তো চ নীৱৰণসম্পযুত্তো চেৱ নো চ নীৱৰণো চ ধম্মা নীৱৰণস্স চেৱ নীৱৰণসম্পযুত্তস্স চ ধম্মস্স আৰম্মণপচ্চযেন পচ্চযো… তীণি. (৩)

অধিপতিপচ্চযাদি

১০২. নীৱৰণো চেৱ নীৱৰণসম্পযুত্তো চ ধম্মো নীৱৰণস্স চেৱ নীৱৰণসম্পযুত্তস্স চ ধম্মস্স অধিপতিপচ্চযেন পচ্চযো – আৰম্মণাধিপতি… তীণি (গৰুকাৰম্মণাযেৱ).

নীৱৰণসম্পযুত্তো চেৱ নো চ নীৱৰণো ধম্মো নীৱৰণসম্পযুত্তস্স চেৱ নো চ নীৱৰণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি নীৱৰণসম্পযুত্তে চেৱ নো চ নীৱৰণে খন্ধে গৰুং কত্ৱা নীৱৰণসম্পযুত্তা চেৱ নো চ নীৱৰণা খন্ধা উপ্পজ্জন্তি. সহজাতাধিপতি – নীৱৰণসম্পযুত্তা চেৱ নো চ নীৱৰণাধিপতি সম্পযুত্তকানং খন্ধানং অধিপতিপচ্চযেন পচ্চযো. (মূলং কাতব্বং) আৰম্মণাধিপতি – নীৱৰণসম্পযুত্তে চেৱ নো চ নীৱৰণে খন্ধে গৰুং কত্ৱা নীৱৰণা উপ্পজ্জন্তি. সহজাতাধিপতি – নীৱৰণসম্পযুত্তা চেৱ নো চ নীৱৰণাধিপতি সম্পযুত্তকানং নীৱৰণানং অধিপতিপচ্চযেন পচ্চযো. (মূলং কাতব্বং) আৰম্মণাধিপতি – নীৱৰণসম্পযুত্তে চেৱ নো চ নীৱৰণে খন্ধে গৰুং কত্ৱা নীৱৰণা চ সম্পযুত্তকা চ খন্ধা উপ্পজ্জন্তি. সহজাতাধিপতি – নীৱৰণসম্পযুত্তা চেৱ নো চ নীৱৰণাধিপতি সম্পযুত্তকানং খন্ধানং নীৱৰণানঞ্চ অধিপতিপচ্চযেন পচ্চযো. (৩)

১০৩. নীৱৰণো চেৱ নীৱৰণসম্পযুত্তো চ নীৱৰণসম্পযুত্তো চেৱ নো চ নীৱৰণো চ ধম্মা নীৱৰণস্স চেৱ নীৱৰণসম্পযুত্তস্স চ ধম্মস্স অধিপতিপচ্চযেন পচ্চযো – আৰম্মণাধিপতি… তীণি. (৩)

অনন্তৰপচ্চযেন পচ্চযো (আৱজ্জনাপি ৱুট্ঠানম্পি নত্থি, সব্বত্থ পুৰিমা পুৰিমা কাতব্বা)… সমনন্তৰপচ্চযেন পচ্চযো… নৱ… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… নৱ… নিস্সযপচ্চযেন পচ্চযো… নৱ… উপনিস্সযপচ্চযেন পচ্চযো… নৱ (আৰম্মণসদিসং, ৱিপাকো নত্থি)… আসেৱনপচ্চযেন পচ্চযো… পঞ্চ.

কম্মপচ্চযো

১০৪. নীৱৰণসম্পযুত্তো চেৱ নো চ নীৱৰণো ধম্মো নীৱৰণসম্পযুত্তস্স চেৱ নো চ নীৱৰণস্স ধম্মস্স কম্মপচ্চযেন পচ্চযো – নীৱৰণসম্পযুত্তা চেৱ নো চ নীৱৰণা চেতনা সম্পযুত্তকানং খন্ধানং কম্মপচ্চযেন পচ্চযো. (মূলং কাতব্বং) নীৱৰণসম্পযুত্তা চেৱ নো চ নীৱৰণা চেতনা সম্পযুত্তকানং নীৱৰণানং কম্মপচ্চযেন পচ্চযো. (মূলং কাতব্বং) নীৱৰণসম্পযুত্তা চেৱ নো চ নীৱৰণা চেতনা সম্পযুত্তকানং খন্ধানং নীৱৰণানঞ্চ কম্মপচ্চযেন পচ্চযো. (৩)

আহাৰপচ্চযাদি

১০৫. নীৱৰণসম্পযুত্তো চেৱ নো চ নীৱৰণো ধম্মো নীৱৰণসম্পযুত্তস্স চেৱ নো চ নীৱৰণস্স ধম্মস্স আহাৰপচ্চযেন পচ্চযো… তীণি… ইন্দ্ৰিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… তীণি… সম্পযুত্তপচ্চযেন পচ্চযো… নৱ… অত্থিপচ্চযেন পচ্চযো… নৱ… নত্থিপচ্চযেন পচ্চযো… নৱ… ৱিগতপচ্চযেন পচ্চযো… নৱ… অৱিগতপচ্চযেন পচ্চযো … নৱ.