৮. নীৱৰণগোচ্ছকং

৪৪. নীৱৰণদুকং

১. পটিচ্চৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১. নীৱৰণং ধম্মং পটিচ্চ নীৱৰণো ধম্মো উপ্পজ্জতি হেতুপচ্চযা – কামচ্ছন্দনীৱৰণং পটিচ্চ থিনমিদ্ধনীৱৰণং [থীনমিদ্ধনীৱৰণং (স্যা.)] উদ্ধচ্চনীৱৰণং অৱিজ্জানীৱৰণং, কামচ্ছন্দনীৱৰণং পটিচ্চ উদ্ধচ্চনীৱৰণং অৱিজ্জানীৱৰণং, ব্যাপাদনীৱৰণং পটিচ্চ থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং, ব্যাপাদনীৱৰণং পটিচ্চ উদ্ধচ্চনীৱৰণং অৱিজ্জানীৱৰণং, ব্যাপাদনীৱৰণং পটিচ্চ থিনমিদ্ধনীৱৰণং উদ্ধচ্চনীৱৰণং কুক্কুচ্চনীৱৰণং অৱিজ্জানীৱৰণং, ব্যাপাদনীৱৰণং পটিচ্চ উদ্ধচ্চনীৱৰণং কুক্কুচ্চনীৱৰণং অৱিজ্জানীৱৰণং, ৱিচিকিচ্ছানীৱৰণং পটিচ্চ উদ্ধচ্চনীৱৰণং, উদ্ধচ্চনীৱৰণং পটিচ্চ অৱিজ্জানীৱৰণং. (১)

নীৱৰণং ধম্মং পটিচ্চ নোনীৱৰণো ধম্মো উপ্পজ্জতি হেতুপচ্চযা – নীৱৰণে পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং. (২)

নীৱৰণং ধম্মং পটিচ্চ নীৱৰণো চ নোনীৱৰণো চ ধম্মা উপ্পজ্জন্তি হেতুপচ্চযা – কামচ্ছন্দনীৱৰণং পটিচ্চ থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং সম্পযুত্তকা চ খন্ধা চিত্তসমুট্ঠানঞ্চ ৰূপং (চক্কং). (৩)

২. নোনীৱৰণং ধম্মং পটিচ্চ নোনীৱৰণো ধম্মো উপ্পজ্জতি হেতুপচ্চযা – নোনীৱৰণং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (১)

নোনীৱৰণং ধম্মং পটিচ্চ নীৱৰণো ধম্মো উপ্পজ্জতি হেতুপচ্চযা – নোনীৱৰণে খন্ধে পটিচ্চ নীৱৰণা. (২)

নোনীৱৰণং ধম্মং পটিচ্চ নীৱৰণো চ নোনীৱৰণো চ ধম্মা উপ্পজ্জন্তি হেতুপচ্চযা – নোনীৱৰণং একং খন্ধং পটিচ্চ তযো খন্ধা নীৱৰণা চ চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

৩. নীৱৰণঞ্চ নোনীৱৰণঞ্চ ধম্মং পটিচ্চ নীৱৰণো ধম্মো উপ্পজ্জতি হেতুপচ্চযা – কামচ্ছন্দনীৱৰণঞ্চ সম্পযুত্তকে চ খন্ধে পটিচ্চ থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং (চক্কং). (১)

নীৱৰণঞ্চ নোনীৱৰণঞ্চ ধম্মং পটিচ্চ নোনীৱৰণো ধম্মো উপ্পজ্জতি হেতুপচ্চযা – নোনীৱৰণং একং খন্ধঞ্চ নীৱৰণঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ…পে… নীৱৰণে চ মহাভূতে চ পটিচ্চ চিত্তসমুট্ঠানং ৰূপং. (২)

নীৱৰণঞ্চ নোনীৱৰণঞ্চ ধম্মং পটিচ্চ নীৱৰণো চ নোনীৱৰণো চ ধম্মা উপ্পজ্জন্তি হেতুপচ্চযা – নোনীৱৰণং একং খন্ধঞ্চ কামচ্ছন্দনীৱৰণঞ্চ পটিচ্চ তযো খন্ধা থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং…পে… দ্ৱে খন্ধে চ…পে… (চক্কং. সংখিত্তং). (৩)

১. পচ্চযানুলোমং

২. সঙ্খ্যাৱাৰো

সুদ্ধং

৪. হেতুযা নৱ, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ (সব্বত্থ নৱ), ৱিপাকে একং, আহাৰে নৱ…পে… অৱিগতে নৱ.

অনুলোমং.

২. পচ্চযপচ্চনীযং

১. ৱিভঙ্গৱাৰো

নহেতুপচ্চযো

৫. নীৱৰণং ধম্মং পটিচ্চ নীৱৰণো ধম্মো উপ্পজ্জতি নহেতুপচ্চযা – ৱিচিকিচ্ছানীৱৰণং পটিচ্চ অৱিজ্জানীৱৰণং, উদ্ধচ্চনীৱৰণং পটিচ্চ অৱিজ্জানীৱৰণং. (১)

নোনীৱৰণং ধম্মং পটিচ্চ নোনীৱৰণো ধম্মো উপ্পজ্জতি নহেতুপচ্চযা – অহেতুকং নোনীৱৰণং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে…পে… অহেতুকপটিসন্ধিক্খণে…পে… (যাৱ অসঞ্ঞসত্তা). (১)

নোনীৱৰণং ধম্মং পটিচ্চ নীৱৰণো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পটিচ্চ অৱিজ্জানীৱৰণং. (২)

৬. নীৱৰণঞ্চ নোনীৱৰণঞ্চ ধম্মং পটিচ্চ নীৱৰণো ধম্মো উপ্পজ্জতি নহেতুপচ্চযা – ৱিচিকিচ্ছানীৱৰণঞ্চ সম্পযুত্তকে চ খন্ধে পটিচ্চ অৱিজ্জানীৱৰণং, উদ্ধচ্চনীৱৰণঞ্চ সম্পযুত্তকে চ খন্ধে পটিচ্চ অৱিজ্জানীৱৰণং. (১)

নআৰম্মণপচ্চযাদি

৭. নীৱৰণং ধম্মং পটিচ্চ নোনীৱৰণো ধম্মো উপ্পজ্জতি নআৰম্মণপচ্চযা – নীৱৰণে পটিচ্চ চিত্তসমুট্ঠানং ৰূপং. (১)

নোনীৱৰণং ধম্মং পটিচ্চ নোনীৱৰণো ধম্মো উপ্পজ্জতি নআৰম্মণপচ্চযা – নোনীৱৰণে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে… (যাৱ অসঞ্ঞসত্তা). (১)

নীৱৰণঞ্চ নোনীৱৰণঞ্চ ধম্মং পটিচ্চ নোনীৱৰণো ধম্মো উপ্পজ্জতি নআৰম্মণপচ্চযা – নীৱৰণে চ সম্পযুত্তকে চ খন্ধে পটিচ্চ চিত্তসমুট্ঠানং ৰূপং (সংখিত্তং)… নঅধিপতিপচ্চযা… নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা.

নপুৰেজাতপচ্চযো

৮. নীৱৰণং ধম্মং পটিচ্চ নীৱৰণো ধম্মো উপ্পজ্জতি নপুৰেজাতপচ্চযা – অৰূপে কামচ্ছন্দনীৱৰণং পটিচ্চ থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং, অৰূপে কামচ্ছন্দনীৱৰণং পটিচ্চ উদ্ধচ্চনীৱৰণং অৱিজ্জানীৱৰণং, অৰূপে ৱিচিকিচ্ছানীৱৰণং পটিচ্চ উদ্ধচ্চনীৱৰণং অৱিজ্জানীৱৰণং, অৰূপে উদ্ধচ্চনীৱৰণং পটিচ্চ অৱিজ্জানীৱৰণং. (১)

নীৱৰণং ধম্মং পটিচ্চ নোনীৱৰণো ধম্মো উপ্পজ্জতি নপুৰেজাতপচ্চযা – অৰূপে নীৱৰণে পটিচ্চ সম্পযুত্তকা খন্ধা, নীৱৰণে পটিচ্চ চিত্তসমুট্ঠানং ৰূপং. (অৱসেসা পঞ্হা সব্বে ৱিত্থাৰেতব্বা. অৰূপং পঠমং কাতব্বং, ৰূপং পচ্ছা যথা লভতি.)

৯. নীৱৰণঞ্চ নোনীৱৰণঞ্চ ধম্মং পটিচ্চ নীৱৰণো ধম্মো উপ্পজ্জতি নপুৰেজাতপচ্চযা – অৰূপে নোনীৱৰণে খন্ধে চ কামচ্ছন্দনীৱৰণঞ্চ পটিচ্চ থিনমিদ্ধনীৱৰণং উদ্ধচ্চনীৱৰণং (চক্কং). (১)

নীৱৰণঞ্চ নোনীৱৰণঞ্চ ধম্মং পটিচ্চ নোনীৱৰণো ধম্মো উপ্পজ্জতি নপুৰেজাতপচ্চযা – অৰূপে নোনীৱৰণং একং খন্ধঞ্চ নীৱৰণে চ পটিচ্চ তযো খন্ধা…পে… দ্ৱে খন্ধে চ…পে… নীৱৰণে চ সম্পযুত্তকে চ খন্ধে পটিচ্চ চিত্তসমুট্ঠানং ৰূপং, নীৱৰণে চ মহাভূতে চ পটিচ্চ চিত্তসমুট্ঠানং ৰূপং. (২)

নীৱৰণঞ্চ নোনীৱৰণঞ্চ ধম্মং পটিচ্চ নীৱৰণো চ নোনীৱৰণো চ ধম্মা উপ্পজ্জন্তি নপুৰেজাতপচ্চযা – অৰূপে নোনীৱৰণং একং খন্ধঞ্চ কামচ্ছন্দনীৱৰণঞ্চ পটিচ্চ তযো খন্ধা থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং (চক্কং. সংখিত্তং). (৩)

২. পচ্চযপচ্চনীযং

২. সঙ্খ্যাৱাৰো

সুদ্ধং

১০. নহেতুযা চত্তাৰি, নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি, নঅঞ্ঞমঞ্ঞে তীণি, নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি.

৩. পচ্চযানুলোমপচ্চনীযং

১১. হেতুপচ্চযা নআৰম্মণে তীণি, নঅধিপতিযা নৱ (সংখিত্তং).

৪. পচ্চযপচ্চনীযানুলোমং

১২. নহেতুপচ্চযা আৰম্মণে চত্তাৰি…পে… মগ্গে তীণি…পে… অৱিগতে চত্তাৰি.

২. সহজাতৱাৰো

(সহজাতৱাৰোপি এৱং ৱিত্থাৰেতব্বো).

৩. পচ্চযৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১৩. নীৱৰণং ধম্মং পচ্চযা নীৱৰণো ধম্মো উপ্পজ্জতি হেতুপচ্চযা… তীণি.

নোনীৱৰণং ধম্মং পচ্চযা নোনীৱৰণো ধম্মো উপ্পজ্জতি হেতুপচ্চযা – নোনীৱৰণং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… (যাৱ অজ্ঝত্তিকা মহাভূতা), ৱত্থুং পচ্চযা নোনীৱৰণা খন্ধা. (১)

নোনীৱৰণং ধম্মং পচ্চযা নীৱৰণো ধম্মো উপ্পজ্জতি হেতুপচ্চযা – নোনীৱৰণে খন্ধে পচ্চযা নীৱৰণা, ৱত্থুং পচ্চযা নীৱৰণা. (২)

নোনীৱৰণং ধম্মং পচ্চযা নীৱৰণো চ নোনীৱৰণো চ ধম্মা উপ্পজ্জন্তি হেতুপচ্চযা – নোনীৱৰণং একং খন্ধং পচ্চযা তযো খন্ধা নীৱৰণা চ চিত্তসমুট্ঠানঞ্চ ৰূপং…পে… দ্ৱে খন্ধে…পে… ৱত্থুং পচ্চযা নীৱৰণা, মহাভূতে পচ্চযা চিত্তসমুট্ঠানং ৰূপং, ৱত্থুং পচ্চযা নীৱৰণা চ সম্পযুত্তকা চ খন্ধা. (৩)

১৪. নীৱৰণঞ্চ নোনীৱৰণঞ্চ ধম্মং পচ্চযা নীৱৰণো ধম্মো উপ্পজ্জতি হেতুপচ্চযা – কামচ্ছন্দনীৱৰণঞ্চ সম্পযুত্তকে চ খন্ধে পচ্চযা থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং (চক্কং). কামচ্ছন্দনীৱৰণঞ্চ ৱত্থুঞ্চ পচ্চযা থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং (চক্কং). (১)

নীৱৰণঞ্চ নোনীৱৰণঞ্চ ধম্মং পচ্চযা নোনীৱৰণো ধম্মো উপ্পজ্জতি হেতুপচ্চযা – নোনীৱৰণং একং খন্ধঞ্চ নীৱৰণঞ্চ পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… নীৱৰণঞ্চ ৱত্থুঞ্চ পচ্চযা সম্পযুত্তকা খন্ধা, নীৱৰণঞ্চ সম্পযুত্তকে চ খন্ধে পচ্চযা চিত্তসমুট্ঠানং ৰূপং, নীৱৰণে চ মহাভূতে চ পচ্চযা চিত্তসমুট্ঠানং ৰূপং. (২)

নীৱৰণঞ্চ নোনীৱৰণঞ্চ ধম্মং পচ্চযা নীৱৰণো চ নোনীৱৰণো চ ধম্মা উপ্পজ্জন্তি হেতুপচ্চযা – নোনীৱৰণং একং খন্ধঞ্চ কামচ্ছন্দনীৱৰণঞ্চ পচ্চযা তযো খন্ধা থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং…পে… দ্ৱে খন্ধে …পে… (চক্কং). কামচ্ছন্দনীৱৰণঞ্চ ৱত্থুঞ্চ পচ্চযা থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং সম্পযুত্তকা চ খন্ধা (চক্কং. সংখিত্তং). (৩)

১. পচ্চযানুলোমং

২. সঙ্খ্যাৱাৰো

১৫. হেতুযা নৱ, আৰম্মণে নৱ (সব্বত্থ নৱ), ৱিপাকে একং…পে… অৱিগতে নৱ.

অনুলোমং.

২. পচ্চযপচ্চনীযং

১. ৱিভঙ্গৱাৰো

নহেতুপচ্চযো

১৬. নীৱৰণং ধম্মং পচ্চযা নীৱৰণো ধম্মো উপ্পজ্জতি নহেতুপচ্চযা – ৱিচিকিচ্ছানীৱৰণং পচ্চযা অৱিজ্জানীৱৰণং, উদ্ধচ্চনীৱৰণং পচ্চযা অৱিজ্জানীৱৰণং. (১)

নোনীৱৰণং ধম্মং পচ্চযা নোনীৱৰণো ধম্মো উপ্পজ্জতি নহেতুপচ্চযা – অহেতুকং নোনীৱৰণং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… (যাৱ অসঞ্ঞসত্তা) চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং, ৱত্থুং পচ্চযা অহেতুকা নোনীৱৰণা খন্ধা. (১)

নোনীৱৰণং ধম্মং পচ্চযা নীৱৰণো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পচ্চযা অৱিজ্জানীৱৰণং, ৱত্থুং পচ্চযা অৱিজ্জানীৱৰণং. (২)

১৭. নীৱৰণঞ্চ নোনীৱৰণঞ্চ ধম্মং পচ্চযা নীৱৰণো ধম্মো উপ্পজ্জতি নহেতুপচ্চযা – ৱিচিকিচ্ছানীৱৰণঞ্চ সম্পযুত্তকে চ খন্ধে পচ্চযা অৱিজ্জানীৱৰণং, উদ্ধচ্চনীৱৰণঞ্চ সম্পযুত্তকে চ খন্ধে পচ্চযা অৱিজ্জানীৱৰণং, ৱিচিকিচ্ছানীৱৰণঞ্চ ৱত্থুঞ্চ পচ্চযা অৱিজ্জানীৱৰণং, উদ্ধচ্চনীৱৰণঞ্চ ৱত্থুঞ্চ পচ্চযা অৱিজ্জানীৱৰণং (সংখিত্তং). (১)

২. পচ্চযপচ্চনীযং

২. সঙ্খ্যাৱাৰো

সুদ্ধং

১৮. নহেতুযা চত্তাৰি, নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি, নঅঞ্ঞমঞ্ঞে তীণি, নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি.

৩. পচ্চযানুলোমপচ্চনীযং

১৯. হেতুপচ্চযা নআৰম্মণে তীণি, নঅধিপতিযা নৱ (সংখিত্তং).

৪. পচ্চযপচ্চনীযানুলোমং

২০. নহেতুপচ্চযা আৰম্মণে চত্তাৰি, অনন্তৰে চত্তাৰি, সমনন্তৰে চত্তাৰি…পে… মগ্গে তীণি, অৱিগতে চত্তাৰি.

৫. সংসট্ঠৱাৰো

১-৪. পচ্চযচতুক্কং

২১. নীৱৰণং ধম্মং সংসট্ঠো নীৱৰণো ধম্মো উপ্পজ্জতি হেতুপচ্চযা – কামচ্ছন্দনীৱৰণং সংসট্ঠং থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং (চক্কং. সব্বং নীৱৰণং ৱিত্থাৰেতব্বং).

২২. হেতুযা নৱ, আৰম্মণে নৱ (সব্বত্থ নৱ), ৱিপাকে একং…পে… অৱিগতে নৱ.

অনুলোমং.

২৩. নীৱৰণং ধম্মং সংসট্ঠো নীৱৰণো ধম্মো উপ্পজ্জতি নহেতুপচ্চযা – ৱিচিকিচ্ছানীৱৰণং সংসট্ঠং অৱিজ্জানীৱৰণং, উদ্ধচ্চনীৱৰণং সংসট্ঠং অৱিজ্জানীৱৰণং (সংখিত্তং).

২৪. নহেতুযা চত্তাৰি, নঅধিপতিযা নৱ, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নঝানে একং, নমগ্গে একং, নৱিপ্পযুত্তে নৱ.

পচ্চনীযং.

৬. সম্পযুত্তৱাৰো

(এৱং ইতৰে দ্ৱে গণনাপি সম্পযুত্তৱাৰোপি কাতব্বো.)

৭. পঞ্হাৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

২৫. নীৱৰণো ধম্মো নীৱৰণস্স ধম্মস্স হেতুপচ্চযেন পচ্চযো – নীৱৰণা হেতূ সম্পযুত্তকানং নীৱৰণানং হেতুপচ্চযেন পচ্চযো. (১)

নীৱৰণো ধম্মো নোনীৱৰণস্স ধম্মস্স হেতুপচ্চযেন পচ্চযো – নীৱৰণা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (২)

নীৱৰণো ধম্মো নীৱৰণস্স চ নোনীৱৰণস্স চ ধম্মস্স হেতুপচ্চযেন পচ্চযো – নীৱৰণা হেতূ সম্পযুত্তকানং খন্ধানং নীৱৰণানঞ্চ চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

নোনীৱৰণো ধম্মো নোনীৱৰণস্স ধম্মস্স হেতুপচ্চযেন পচ্চযো – নোনীৱৰণা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

আৰম্মণপচ্চযো

২৬. নীৱৰণো ধম্মো নীৱৰণস্স ধম্মস্স আৰম্মণপচ্চযেন পচ্চযো – নীৱৰণে আৰব্ভ নীৱৰণা উপ্পজ্জন্তি. (মূলং পুচ্ছিতব্বং) নীৱৰণে আৰব্ভ নোনীৱৰণা খন্ধা উপ্পজ্জন্তি. (মূলং কাতব্বং) নীৱৰণে আৰব্ভ নীৱৰণা চ সম্পযুত্তকা চ খন্ধা উপ্পজ্জন্তি. (৩)

২৭. নোনীৱৰণো ধম্মো নোনীৱৰণস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি…পে… ঝানা ৱুট্ঠহিত্ৱা ঝানং…পে… অৰিযা মগ্গা ৱুট্ঠহিত্ৱা মগ্গং…পে… ফলং…পে… নিব্বানং…পে… নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা নোনীৱৰণে পহীনে কিলেসে পচ্চৱেক্খন্তি, ৱিক্খম্ভিতে কিলেসে…পে… পুব্বে সমুদাচিণ্ণে…পে… চক্খুং…পে… ৱত্থুং নোনীৱৰণে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন নোনীৱৰণচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… নোনীৱৰণা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

নোনীৱৰণো ধম্মো নীৱৰণস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা…পে… চক্খুং…পে… ৱত্থুং নোনীৱৰণে খন্ধে অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি …পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি. (২)

নোনীৱৰণো ধম্মো নীৱৰণস্স চ নোনীৱৰণস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা…পে… চক্খুং…পে… ৱত্থুং নোনীৱৰণে খন্ধে অস্সাদেতি অভিনন্দতি, তং আৰব্ভ নীৱৰণা চ সম্পযুত্তকা চ খন্ধা উপ্পজ্জন্তি. (৩)

নীৱৰণো চ নোনীৱৰণো চ ধম্মা নীৱৰণস্স ধম্মস্স আৰম্মণপচ্চযেন পচ্চযো… তীণি (আৰব্ভ কাতব্বা).

অধিপতিপচ্চযো

২৮. নীৱৰণো ধম্মো নীৱৰণস্স ধম্মস্স অধিপতিপচ্চযেন পচ্চযো. আৰম্মণাধিপতি – নীৱৰণে গৰুং কত্ৱা নীৱৰণা উপ্পজ্জন্তি… তীণি (আৰম্মণসদিসং). (৩)

২৯. নোনীৱৰণো ধম্মো নোনীৱৰণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি…পে… ঝানা…পে… অৰিযা মগ্গা ৱুট্ঠহিত্ৱা মগ্গং…পে… ফলং…পে… নিব্বানং…পে… নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং নোনীৱৰণে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নোনীৱৰণাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নোনীৱৰণো ধম্মো নীৱৰণস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৱত্থুং নোনীৱৰণে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নোনীৱৰণাধিপতি সম্পযুত্তকানং নীৱৰণানং অধিপতিপচ্চযেন পচ্চযো. (২)

নোনীৱৰণো ধম্মো নীৱৰণস্স চ নোনীৱৰণস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৱত্থুং নোনীৱৰণে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা নীৱৰণা চ সম্পযুত্তকা চ খন্ধা উপ্পজ্জন্তি. সহজাতাধিপতি – নোনীৱৰণাধিপতি সম্পযুত্তকানং খন্ধানং নীৱৰণানঞ্চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

নীৱৰণো চ নোনীৱৰণো চ ধম্মা নীৱৰণস্স ধম্মস্স অধিপতিপচ্চযেন পচ্চযো – আৰম্মণাধিপতি… তীণি (আৰম্মণাধিপতিযেৱ).

অনন্তৰপচ্চযো

৩০. নীৱৰণো ধম্মো নীৱৰণস্স ধম্মস্স অনন্তৰপচ্চযেন পচ্চযো – পুৰিমা পুৰিমা নীৱৰণা পচ্ছিমানং পচ্ছিমানং নীৱৰণানং অনন্তৰপচ্চযেন পচ্চযো. (মূলং পুচ্ছিতব্বং) পুৰিমা পুৰিমা নীৱৰণা পচ্ছিমানং পচ্ছিমানং নোনীৱৰণানং খন্ধানং অনন্তৰপচ্চযেন পচ্চযো; নীৱৰণা ৱুট্ঠানস্স অনন্তৰপচ্চযেন পচ্চযো. (মূলং পুচ্ছিতব্বং) পুৰিমা পুৰিমা নীৱৰণা পচ্ছিমানং পচ্ছিমানং নীৱৰণানং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

৩১. নোনীৱৰণো ধম্মো নোনীৱৰণস্স ধম্মস্স অনন্তৰপচ্চযেন পচ্চযো – পুৰিমা পুৰিমা নোনীৱৰণা খন্ধা পচ্ছিমানং পচ্ছিমানং নোনীৱৰণানং খন্ধানং অনন্তৰপচ্চযেন পচ্চযো…পে… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (মূলং পুচ্ছিতব্বং ) পুৰিমা পুৰিমা নোনীৱৰণা খন্ধা পচ্ছিমানং পচ্ছিমানং নীৱৰণানং অনন্তৰপচ্চযেন পচ্চযো; আৱজ্জনা নীৱৰণানং অনন্তৰপচ্চযেন পচ্চযো. (মূলং পুচ্ছিতব্বং) পুৰিমা পুৰিমা নোনীৱৰণা খন্ধা পচ্ছিমানং পচ্ছিমানং নীৱৰণানং সম্পযুত্তকানঞ্চ খন্ধানং অনন্তৰপচ্চযেন পচ্চযো; আৱজ্জনা নীৱৰণানং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

৩২. নীৱৰণো চ নোনীৱৰণো চ ধম্মা নীৱৰণস্স ধম্মস্স অনন্তৰপচ্চযেন পচ্চযো – পুৰিমা পুৰিমা নীৱৰণা চ সম্পযুত্তকা চ খন্ধা পচ্ছিমানং পচ্ছিমানং নীৱৰণানং অনন্তৰপচ্চযেন পচ্চযো. (মূলং পুচ্ছিতব্বং) পুৰিমা পুৰিমা নীৱৰণা চ সম্পযুত্তকা চ খন্ধা পচ্ছিমানং পচ্ছিমানং নোনীৱৰণানং খন্ধানং অনন্তৰপচ্চযেন পচ্চযো; নীৱৰণা চ সম্পযুত্তকা চ খন্ধা ৱুট্ঠানস্স অনন্তৰপচ্চযেন পচ্চযো. (মূলং পুচ্ছিতব্বং) পুৰিমা পুৰিমা নীৱৰণা চ সম্পযুত্তকা চ খন্ধা পচ্ছিমানং পচ্ছিমানং নীৱৰণানঞ্চ সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

সমনন্তৰপচ্চযাদি

৩৩. নীৱৰণো ধম্মো নীৱৰণস্স ধম্মস্স সমনন্তৰপচ্চযেন পচ্চযো… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো.

উপনিস্সযপচ্চযো

৩৪. নীৱৰণো ধম্মো নীৱৰণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – নীৱৰণানি নীৱৰণানং উপনিস্সযপচ্চযেন পচ্চযো… তীণি.

৩৫. নোনীৱৰণো ধম্মো নোনীৱৰণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সীলং…পে… উপোসথকম্মং…পে… ঝানং উপ্পাদেতি, ৱিপস্সনং…পে… মগ্গং…পে… অভিঞ্ঞং…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… পঞ্ঞং…পে… মানং… দিট্ঠিং… পত্থনং… কাযিকং সুখং… কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা …পে… সেনাসনং সদ্ধায…পে… পঞ্ঞায, ৰাগস্স…পে… পত্থনায, কাযিকস্স সুখস্স, কাযিকস্স দুক্খস্স, মগ্গস্স, ফলসমাপত্তিযা উপনিস্সযপচ্চযেন পচ্চযো. (১)

নোনীৱৰণো ধম্মো নীৱৰণস্স ধম্মস্স উপনিস্সযপচ্চযেন পচ্চযো (তীণি উপনিস্সযা). পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং ৰাগস্স…পে… পত্থনায উপনিস্সযপচ্চযেন পচ্চযো. (২)

নোনীৱৰণো ধম্মো নীৱৰণস্স চ নোনীৱৰণস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং নীৱৰণানং সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)

নীৱৰণো চ নোনীৱৰণো চ ধম্মা নীৱৰণস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – নীৱৰণা চ সম্পযুত্তকা চ খন্ধা নীৱৰণানং উপনিস্সযপচ্চযেন পচ্চযো… তীণি.

পুৰেজাতপচ্চযো

৩৬. নোনীৱৰণো ধম্মো নোনীৱৰণস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি…পে… তীণি (পুৰেজাতং আৰম্মণসদিসং কুসলাকুসলস্স ৱিভজিতব্বং).

পচ্ছাজাত-আসেৱনপচ্চযা

৩৭. নীৱৰণো ধম্মো নোনীৱৰণস্স ধম্মস্স পচ্ছাজাতপচ্চযেন পচ্চযো… তীণি… আসেৱনপচ্চযেন পচ্চযো… নৱ.

কম্মপচ্চযো

৩৮. নোনীৱৰণো ধম্মো নোনীৱৰণস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোনীৱৰণা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোনীৱৰণা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (মূলং পুচ্ছিতব্বং) নোনীৱৰণা চেতনা সম্পযুত্তকানং নীৱৰণানং কম্মপচ্চযেন পচ্চযো. (মূলং পুচ্ছিতব্বং) নোনীৱৰণা চেতনা সম্পযুত্তকানং খন্ধানং নীৱৰণানঞ্চ চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

ৱিপাকপচ্চযাদি

৩৯. নোনীৱৰণো ধম্মো নোনীৱৰণস্স ধম্মস্স ৱিপাকপচ্চযেন পচ্চযো… একং… আহাৰপচ্চযেন পচ্চযো… ইন্দ্ৰিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো.

ৱিপ্পযুত্তপচ্চযো

৪০. নীৱৰণো ধম্মো নোনীৱৰণস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (এৱং অৱসেসা চত্তাৰি পঞ্হা কাতব্বা).

অত্থিপচ্চযো

৪১. নীৱৰণো ধম্মো নীৱৰণস্স ধম্মস্স অত্থিপচ্চযেন পচ্চযো – কামচ্ছন্দনীৱৰণং থিনমিদ্ধনীৱৰণস্স উদ্ধচ্চনীৱৰণস্স অৱিজ্জানীৱৰণস্স অত্থিপচ্চযেন পচ্চযো (চক্কং). (১)

নীৱৰণো ধম্মো নোনীৱৰণস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (এৱং নীৱৰণমূলে তীণি ). (৩)

৪২. নোনীৱৰণো ধম্মো নোনীৱৰণস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (১)

নোনীৱৰণো ধম্মো নীৱৰণস্স ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং). (২)

নোনীৱৰণো ধম্মো নীৱৰণস্স চ নোনীৱৰণস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং) (৩)

৪৩. নীৱৰণো চ নোনীৱৰণো চ ধম্মা নীৱৰণস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং – কামচ্ছন্দনীৱৰণঞ্চ সম্পযুত্তকা চ খন্ধা থিনমিদ্ধনীৱৰণস্স উদ্ধচ্চনীৱৰণস্স অৱিজ্জানীৱৰণস্স অত্থিপচ্চযেন পচ্চযো; কামচ্ছন্দনীৱৰণঞ্চ ৱত্থু চ থিনমিদ্ধনীৱৰণস্স উদ্ধচ্চনীৱৰণস্স অৱিজ্জানীৱৰণস্স অত্থিপচ্চযেন পচ্চযো. (১)

নীৱৰণো চ নোনীৱৰণো চ ধম্মা নোনীৱৰণস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নোনীৱৰণো একো খন্ধো চ নীৱৰণা চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে… নীৱৰণা চ ৱত্থু চ নোনীৱৰণানং খন্ধানং অত্থিপচ্চযেন পচ্চযো; নীৱৰণা চ সম্পযুত্তকা চ খন্ধা চিত্তসমুট্ঠানানং ৰূপানং অত্থিপচ্চযেন পচ্চযো; নীৱৰণা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – নীৱৰণা চ সম্পযুত্তকা চ খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – নীৱৰণা চ সম্পযুত্তকা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – নীৱৰণা চ সম্পযুত্তকা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

নীৱৰণো চ নোনীৱৰণো চ ধম্মা নীৱৰণস্স চ নোনীৱৰণস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – নোনীৱৰণো একো খন্ধো চ কামচ্ছন্দনীৱৰণঞ্চ তিণ্ণন্নং খন্ধানং থিনমিদ্ধনীৱৰণস্স উদ্ধচ্চনীৱৰণস্স অৱিজ্জানীৱৰণস্স চ চিত্তসমুট্ঠানানঞ্চ ৰূপানং অত্থিপচ্চযেন পচ্চযো; দ্ৱে খন্ধা চ…পে… কামচ্ছন্দনীৱৰণঞ্চ ৱত্থু চ থিনমিদ্ধনীৱৰণস্স উদ্ধচ্চনীৱৰণস্স অৱিজ্জানীৱৰণস্স চ সম্পযুত্তকানঞ্চ খন্ধানং অত্থিপচ্চযেন পচ্চযো (চক্কং). (৩)

১. পচ্চযানুলোমং

২. সঙ্খ্যাৱাৰো

সুদ্ধং

৪৪. হেতুযা চত্তাৰি, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, পুৰেজাতে তীণি, পচ্ছাজাতে তীণি, আসেৱনে নৱ, কম্মে তীণি, ৱিপাকে একং, আহাৰে তীণি, ইন্দ্ৰিযে তীণি, ঝানে তীণি, মগ্গে তীণি, সম্পযুত্তে নৱ, ৱিপ্পযুত্তে পঞ্চ, অত্থিযা নৱ, নত্থিযা নৱ, ৱিগতে নৱ, অৱিগতে নৱ.

অনুলোমং.

পচ্চনীযুদ্ধাৰো

৪৫. নীৱৰণো ধম্মো নীৱৰণস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

নীৱৰণো ধম্মো নোনীৱৰণস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)

নীৱৰণো ধম্মো নীৱৰণস্স চ নোনীৱৰণস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)

৪৬. নোনীৱৰণো ধম্মো নোনীৱৰণস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)

নোনীৱৰণো ধম্মো নীৱৰণস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (২)

নোনীৱৰণো ধম্মো নীৱৰণস্স চ নোনীৱৰণস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (৩)