১. ৱিভঙ্গৱাৰো

হেতুপচ্চযো

৯২. নীৱৰণঞ্চেৱ নীৱৰণসম্পযুত্তঞ্চ ধম্মং পটিচ্চ নীৱৰণো চেৱ নীৱৰণসম্পযুত্তো চ ধম্মো উপ্পজ্জতি হেতুপচ্চযা – কামচ্ছন্দনীৱৰণং পটিচ্চ থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং (চক্কং. সব্বেপি নীৱৰণা কাতব্বা). (১)

নীৱৰণঞ্চেৱ নীৱৰণসম্পযুত্তঞ্চ ধম্মং পটিচ্চ নীৱৰণসম্পযুত্তো চেৱ নো চ নীৱৰণো ধম্মো উপ্পজ্জতি হেতুপচ্চযা – নীৱৰণে পটিচ্চ সম্পযুত্তকা খন্ধা. (২)

নীৱৰণঞ্চেৱ নীৱৰণসম্পযুত্তঞ্চ ধম্মং পটিচ্চ নীৱৰণো চেৱ নীৱৰণসম্পযুত্তো চ নীৱৰণসম্পযুত্তো চেৱ নো চ নীৱৰণো চ ধম্মা উপ্পজ্জন্তি হেতুপচ্চযা – কামচ্ছন্দনীৱৰণং পটিচ্চ থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং সম্পযুত্তকা চ খন্ধা (চক্কং). (৩)

৯৩. নীৱৰণসম্পযুত্তঞ্চেৱ নো চ নীৱৰণং ধম্মং পটিচ্চ নীৱৰণসম্পযুত্তো চেৱ নো চ নীৱৰণো ধম্মো উপ্পজ্জতি হেতুপচ্চযা – নীৱৰণসম্পযুত্তঞ্চেৱ নো চ নীৱৰণং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

নীৱৰণসম্পযুত্তঞ্চেৱ নো চ নীৱৰণং ধম্মং পটিচ্চ নীৱৰণো চেৱ নীৱৰণসম্পযুত্তো চ ধম্মো উপ্পজ্জতি হেতুপচ্চযা – নীৱৰণসম্পযুত্তে চেৱ নো চ নীৱৰণে খন্ধে পটিচ্চ নীৱৰণা. (২)

নীৱৰণসম্পযুত্তঞ্চেৱ নো চ নীৱৰণং ধম্মং পটিচ্চ নীৱৰণো চেৱ নীৱৰণসম্পযুত্তো চ নীৱৰণসম্পযুত্তো চেৱ নো চ নীৱৰণো চ ধম্মা উপ্পজ্জন্তি হেতুপচ্চযা – নীৱৰণসম্পযুত্তঞ্চেৱ নো চ নীৱৰণং একং খন্ধং পটিচ্চ তযো খন্ধা নীৱৰণা চ…পে… দ্ৱে খন্ধে…পে…. (৩)

৯৪. নীৱৰণঞ্চেৱ নীৱৰণসম্পযুত্তঞ্চ নীৱৰণসম্পযুত্তঞ্চেৱ নো চ নীৱৰণঞ্চ ধম্মং পটিচ্চ নীৱৰণো চেৱ নীৱৰণসম্পযুত্তো চ ধম্মো উপ্পজ্জতি হেতুপচ্চযা – কামচ্ছন্দনীৱৰণঞ্চ সম্পযুত্তকে চ খন্ধে পটিচ্চ থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং (চক্কং). (১)

নীৱৰণঞ্চেৱ নীৱৰণসম্পযুত্তঞ্চ নীৱৰণসম্পযুত্তঞ্চেৱ নো চ নীৱৰণঞ্চ ধম্মং পটিচ্চ নীৱৰণসম্পযুত্তো চেৱ নো চ নীৱৰণো ধম্মো উপ্পজ্জতি হেতুপচ্চযা – নীৱৰণসম্পযুত্তঞ্চেৱ নো চ নীৱৰণং একং খন্ধঞ্চ নীৱৰণঞ্চ পটিচ্চ তযো খন্ধা…পে… দ্ৱে খন্ধে চ…পে…. (২)

নীৱৰণঞ্চেৱ নীৱৰণসম্পযুত্তঞ্চ নীৱৰণসম্পযুত্তঞ্চেৱ নো চ নীৱৰণঞ্চ ধম্মং পটিচ্চ নীৱৰণো চেৱ নীৱৰণসম্পযুত্তো চ নীৱৰণসম্পযুত্তো চেৱ নো চ নীৱৰণো চ ধম্মা উপ্পজ্জন্তি হেতুপচ্চযা – নীৱৰণসম্পযুত্তঞ্চেৱ নো চ নীৱৰণং একং খন্ধঞ্চ কামচ্ছন্দনীৱৰণঞ্চ পটিচ্চ তযো খন্ধা থিনমিদ্ধনীৱৰণং উদ্ধচ্চনীৱৰণং অৱিজ্জানীৱৰণং…পে… দ্ৱে খন্ধে চ…পে… (চক্কং. সংখিত্তং.). (৩)