১. ৱিভঙ্গৱাৰো

হেতুপচ্চযো

৯০. নীৱৰণো চেৱ নীৱৰণিযো চ ধম্মো নীৱৰণস্স চেৱ নীৱৰণিযস্স চ ধম্মস্স হেতুপচ্চযেন পচ্চযো – নীৱৰণা চেৱ নীৱৰণিযা চ হেতূ সম্পযুত্তকানং নীৱৰণানং হেতুপচ্চযেন পচ্চযো. (১)

নীৱৰণো চেৱ নীৱৰণিযো চ ধম্মো নীৱৰণিযস্স চেৱ নো চ নীৱৰণস্স ধম্মস্স হেতুপচ্চযেন পচ্চযো – নীৱৰণা চেৱ নীৱৰণিযা চ হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (২)

নীৱৰণো চেৱ নীৱৰণিযো চ ধম্মো নীৱৰণস্স চেৱ নীৱৰণিযস্স চ নীৱৰণিযস্স চেৱ নো চ নীৱৰণস্স চ ধম্মস্স হেতুপচ্চযেন পচ্চযো – নীৱৰণা চেৱ নীৱৰণিযা চ হেতূ সম্পযুত্তকানং খন্ধানং নীৱৰণানঞ্চ চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

নীৱৰণিযো চেৱ নো চ নীৱৰণো ধম্মো নীৱৰণিযস্স চেৱ নো চ নীৱৰণস্স ধম্মস্স হেতুপচ্চযেন পচ্চযো – নীৱৰণিযা চেৱ নো চ নীৱৰণা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

আৰম্মণপচ্চযো

৯১. নীৱৰণো চেৱ নীৱৰণিযো চ ধম্মো নীৱৰণস্স চেৱ নীৱৰণিযস্স চ ধম্মস্স আৰম্মণপচ্চযেন পচ্চযো – নীৱৰণে আৰব্ভ নীৱৰণা উপ্পজ্জন্তি. (মূলং পুচ্ছিতব্বং) নীৱৰণে আৰব্ভ নীৱৰণিযা চেৱ নো চ নীৱৰণা খন্ধা উপ্পজ্জন্তি. (মূলং পুচ্ছিতব্বং) নীৱৰণে আৰব্ভ নীৱৰণা চ সম্পযুত্তকা চ খন্ধা উপ্পজ্জন্তি. (৩)

নীৱৰণিযো চেৱ নো চ নীৱৰণো ধম্মো নীৱৰণিযস্স চেৱ নো চ নীৱৰণস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং কত্ৱা তং পচ্চৱেক্খতি, অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি… ৱিচিকিচ্ছা… উদ্ধচ্চং… দোমনস্সং উপ্পজ্জতি; পুব্বে সুচিণ্ণানি…পে… ঝানা…পে… অৰিযা গোত্ৰভুং পচ্চৱেক্খন্তি, ৱোদানং…পে… পহীনে কিলেসে …পে… ৱিক্খম্ভিতে কিলেসে…পে… পুব্বে সমুদাচিণ্ণে…পে… চক্খুং…পে… ৱত্থুং নীৱৰণিযে চেৱ নো চ নীৱৰণে খন্ধে অনিচ্চতো…পে… ৱিপস্সতি, অস্সাদেতি অভিনন্দতি…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি…পে… (যাৱ আৱজ্জনা তাৱ কাতব্বা). (১)

নীৱৰণিযো চেৱ নো চ নীৱৰণো ধম্মো নীৱৰণস্স চেৱ নীৱৰণিযস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা…পে… চক্খুং…পে… ৱত্থুং নীৱৰণিযে চেৱ নো চ নীৱৰণে খন্ধে অস্সাদেতি অভিনন্দতি, তং আৰব্ভ ৰাগো…পে… দিট্ঠি… ৱিচিকিচ্ছা… উদ্ধচ্চং… দোমনস্সং উপ্পজ্জতি. (২)

নীৱৰণিযো চেৱ নো চ নীৱৰণো ধম্মো নীৱৰণস্স চেৱ নীৱৰণিযস্স চ নীৱৰণিযস্স চেৱ নো চ নীৱৰণস্স চ ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা …পে… চক্খুং…পে… ৱত্থুং নীৱৰণিযে চেৱ নো চ নীৱৰণে খন্ধে অস্সাদেতি অভিনন্দতি, তং আৰব্ভ নীৱৰণা চ সম্পযুত্তকা চ খন্ধা উপ্পজ্জন্তি (এৱং ইতৰেপি তীণি কাতব্বা). (৩)

(আৰম্মণসদিসা অধিপতিপচ্চযা, পুৰেজাতম্পি আৰম্মণসদিসং. উপনিস্সযেপি লোকুত্তৰং ন কাতব্বং. সংখিত্তং, এৱং ৱিত্থাৰেতব্বং যথা নীৱৰণদুকং, এৱং পচ্চৱেক্খিত্ৱা কাতব্বং.)

নীৱৰণনীৱৰণিযদুকং নিট্ঠিতং.