১. ৱিভঙ্গৱাৰো

হেতুপচ্চযো

১০৬. সঞ্ঞোজনো চেৱ সঞ্ঞোজনসম্পযুত্তো চ ধম্মো সঞ্ঞোজনস্স চেৱ সঞ্ঞোজনসম্পযুত্তস্স চ ধম্মস্স হেতুপচ্চযেন পচ্চযো – কামৰাগসঞ্ঞোজনো দিট্ঠিসঞ্ঞোজনস্স অৱিজ্জাসঞ্ঞোজনস্স হেতুপচ্চযেন পচ্চযো (চক্কং). (১)

সঞ্ঞোজনো চেৱ সঞ্ঞোজনসম্পযুত্তো চ ধম্মো সঞ্ঞোজনসম্পযুত্তস্স চেৱ নো চ সঞ্ঞোজনস্স ধম্মস্স হেতুপচ্চযেন পচ্চযো – সঞ্ঞোজনা চেৱ সঞ্ঞোজনসম্পযুত্তা চ হেতূ সম্পযুত্তকানং খন্ধানং হেতুপচ্চযেন পচ্চযো. (২)

সঞ্ঞোজনো চেৱ সঞ্ঞোজনসম্পযুত্তো চ ধম্মো সঞ্ঞোজনস্স চেৱ সঞ্ঞোজনসম্পযুত্তস্স চ সঞ্ঞোজনসম্পযুত্তস্স চেৱ নো চ সঞ্ঞোজনস্স চ ধম্মস্স হেতুপচ্চযেন পচ্চযো – কামৰাগসঞ্ঞোজনো দিট্ঠিসঞ্ঞোজনস্স অৱিজ্জাসঞ্ঞোজনস্স সম্পযুত্তকানঞ্চ খন্ধানং হেতুপচ্চযেন পচ্চযো (চক্কং). (৩)

আৰম্মণপচ্চযো

১০৭. সঞ্ঞোজনো চেৱ সঞ্ঞোজনসম্পযুত্তো চ ধম্মো সঞ্ঞোজনস্স চেৱ সঞ্ঞোজনসম্পযুত্তস্স চ ধম্মস্স আৰম্মণপচ্চযেন পচ্চযো – সঞ্ঞোজনে আৰব্ভ সঞ্ঞোজনা উপ্পজ্জন্তি. (মূলং কাতব্বং) সঞ্ঞোজনে আৰব্ভ সঞ্ঞোজনসম্পযুত্তা চেৱ নো চ সঞ্ঞোজনা খন্ধা উপ্পজ্জন্তি. (মূলং কাতব্বং) সঞ্ঞোজনে আৰব্ভ সঞ্ঞোজনা চ সঞ্ঞোজনসম্পযুত্তকা চ খন্ধা উপ্পজ্জন্তি. (১)

সঞ্ঞোজনসম্পযুত্তো চেৱ নো চ সঞ্ঞোজনো ধম্মো সঞ্ঞোজনসম্পযুত্তস্স চেৱ নো চ সঞ্ঞোজনস্স ধম্মস্স আৰম্মণপচ্চযেন পচ্চযো – সঞ্ঞোজনসম্পযুত্তে চেৱ নো চ সঞ্ঞোজনে খন্ধে আৰব্ভ সঞ্ঞোজনসম্পযুত্তা চেৱ নো চ সঞ্ঞোজনা খন্ধা উপ্পজ্জন্তি. (১)

সঞ্ঞোজনসম্পযুত্তো চেৱ নো চ সঞ্ঞোজনো ধম্মো সঞ্ঞোজনস্স চেৱ সঞ্ঞোজনসম্পযুত্তস্স চ ধম্মস্স আৰম্মণপচ্চযেন পচ্চযো – সঞ্ঞোজনসম্পযুত্তে চেৱ নো চ সঞ্ঞোজনে খন্ধে আৰব্ভ সঞ্ঞোজনা উপ্পজ্জন্তি. (২)

সঞ্ঞোজনসম্পযুত্তো চেৱ নো চ সঞ্ঞোজনো ধম্মো সঞ্ঞোজনস্স চেৱ সঞ্ঞোজনসম্পযুত্তস্স চ সঞ্ঞোজনসম্পযুত্তস্স চেৱ নো চ সঞ্ঞোজনস্স চ ধম্মস্স আৰম্মণপচ্চযেন পচ্চযো – সঞ্ঞোজনসম্পযুত্তে চেৱ নো চ সঞ্ঞোজনে খন্ধে আৰব্ভ সঞ্ঞোজনা চ সঞ্ঞোজনসম্পযুত্তকা চ খন্ধা উপ্পজ্জন্তি. (৩)

সঞ্ঞোজনো চেৱ সঞ্ঞোজনসম্পযুত্তো চ সঞ্ঞোজনসম্পযুত্তো চেৱ নো চ সঞ্ঞোজনো চ ধম্মা সঞ্ঞোজনস্স চেৱ সঞ্ঞোজনসম্পযুত্তস্স চ ধম্মস্স আৰম্মণপচ্চযেন পচ্চযো… তীণি.

অধিপতিপচ্চযো

১০৮. সঞ্ঞোজনো চেৱ সঞ্ঞোজনসম্পযুত্তো চ ধম্মো সঞ্ঞোজনস্স চেৱ সঞ্ঞোজনসম্পযুত্তস্স চ ধম্মস্স অধিপতিপচ্চযেন পচ্চযো – আৰম্মণাধিপতি… তীণি.

সঞ্ঞোজনসম্পযুত্তো চেৱ নো চ সঞ্ঞোজনো ধম্মো সঞ্ঞোজনসম্পযুত্তস্স চেৱ নো চ সঞ্ঞোজনস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি… তীণি (ইমাসু তীসুপি পঞ্হাসু আৰম্মণাধিপতিপি সহজাতাধিপতিপি কাতব্বা).

সঞ্ঞোজনো চেৱ সঞ্ঞোজনসম্পযুত্তো চ সঞ্ঞোজনসম্পযুত্তো চেৱ নো চ সঞ্ঞোজনো চ ধম্মা সঞ্ঞোজনস্স চেৱ সঞ্ঞোজনসম্পযুত্তস্স চ ধম্মস্স অধিপতিপচ্চযেন পচ্চযো – আৰম্মণাধিপতি… তীণি.

অনন্তৰপচ্চযাদি

১০৯. সঞ্ঞোজনো চেৱ সঞ্ঞোজনসম্পযুত্তো চ ধম্মো সঞ্ঞোজনস্স চেৱ সঞ্ঞোজনসম্পযুত্তস্স চ ধম্মস্স অনন্তৰপচ্চযেন পচ্চযো… নৱ (নিন্নানাকৰণং, ৱিভজনা নত্থি. আৰম্মণসদিসা)… সমনন্তৰপচ্চযেন পচ্চযো… নৱ… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… নৱ… নিস্সযপচ্চযেন পচ্চযো… নৱ… উপনিস্সযপচ্চযেন পচ্চযো… নৱ (আৰম্মণনযেন কাতব্বা)… আসেৱনপচ্চযেন পচ্চযো… নৱ.

কম্মপচ্চযাদি

১১০. সঞ্ঞোজনসম্পযুত্তো চেৱ নো চ সঞ্ঞোজনো ধম্মো সঞ্ঞোজনসম্পযুত্তস্স চেৱ নো চ সঞ্ঞোজনস্স ধম্মস্স কম্মপচ্চযেন পচ্চযো… তীণি… আহাৰপচ্চযেন পচ্চযো… তীণি… ইন্দ্ৰিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৱ … সম্পযুত্তপচ্চযেন পচ্চযো… নৱ… অত্থিপচ্চযেন পচ্চযো … নৱ… নত্থিপচ্চযেন পচ্চযো… নৱ… ৱিগতপচ্চযেন পচ্চযো… নৱ… অৱিগতপচ্চযেন পচ্চযো… নৱ.