৪. সঞ্ঞোজনগোচ্ছকং
২০. সঞ্ঞোজনদুকং
১. পটিচ্চৱাৰো
১. পচ্চযানুলোমং
১. ৱিভঙ্গৱাৰো
হেতুপচ্চযো
১. সঞ্ঞোজনং ধম্মং পটিচ্চ সঞ্ঞোজনো ধম্মো উপ্পজ্জতি হেতুপচ্চযা – কামৰাগসঞ্ঞোজনং পটিচ্চ দিট্ঠিসঞ্ঞোজনং অৱিজ্জাসঞ্ঞোজনং, কামৰাগসঞ্ঞোজনং পটিচ্চ সীলব্বতপৰামাসসঞ্ঞোজনং অৱিজ্জাসঞ্ঞোজনং, কামৰাগসঞ্ঞোজনং পটিচ্চ মানসঞ্ঞোজনং অৱিজ্জাসঞ্ঞোজনং, কামৰাগসঞ্ঞোজনং পটিচ্চ অৱিজ্জাসঞ্ঞোজনং, পটিঘসঞ্ঞোজনং পটিচ্চ ইস্সাসঞ্ঞোজনং অৱিজ্জাসঞ্ঞোজনং, পটিঘসঞ্ঞোজনং পটিচ্চ মচ্ছৰিযসঞ্ঞোজনং অৱিজ্জাসঞ্ঞোজনং, পটিঘসঞ্ঞোজনং পটিচ্চ অৱিজ্জাসঞ্ঞোজনং, মানসঞ্ঞোজনং পটিচ্চ ভৱৰাগসঞ্ঞোজনং অৱিজ্জাসঞ্ঞোজনং, ভৱৰাগসঞ্ঞোজনং পটিচ্চ অৱিজ্জাসঞ্ঞোজনং, ৱিচিকিচ্ছাসঞ্ঞোজনং পটিচ্চ অৱিজ্জাসঞ্ঞোজনং. (১)
সঞ্ঞোজনং ধম্মং পটিচ্চ নোসঞ্ঞোজনো ধম্মো উপ্পজ্জতি হেতুপচ্চযা – সঞ্ঞোজনে পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং. (২)
সঞ্ঞোজনং ধম্মং পটিচ্চ সঞ্ঞোজনো চ নোসঞ্ঞোজনো চ ধম্মা উপ্পজ্জন্তি হেতুপচ্চযা – কামৰাগসঞ্ঞোজনং পটিচ্চ দিট্ঠিসঞ্ঞোজনং অৱিজ্জাসঞ্ঞোজনং সম্পযুত্তকা চ খন্ধা চিত্তসমুট্ঠানঞ্চ ৰূপং (চক্কং বন্ধিতব্বং). (৩)
২. নোসঞ্ঞোজনং ধম্মং পটিচ্চ নোসঞ্ঞোজনো ধম্মো উপ্পজ্জতি হেতুপচ্চযা – নোসঞ্ঞোজনং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)
নোসঞ্ঞোজনং ধম্মং পটিচ্চ সঞ্ঞোজনো ধম্মো উপ্পজ্জতি হেতুপচ্চযা – নোসঞ্ঞোজনে খন্ধে পটিচ্চ সঞ্ঞোজনা. (২)
নোসঞ্ঞোজনং ধম্মং পটিচ্চ সঞ্ঞোজনো চ নোসঞ্ঞোজনো চ ধম্মা উপ্পজ্জন্তি হেতুপচ্চযা – নোসঞ্ঞোজনং একং খন্ধং পটিচ্চ তযো খন্ধা সঞ্ঞোজনা চ চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)
৩. সঞ্ঞোজনঞ্চ নোসঞ্ঞোজনঞ্চ ধম্মং পটিচ্চ সঞ্ঞোজনো ধম্মো উপ্পজ্জতি হেতুপচ্চযা – কামৰাগসঞ্ঞোজনঞ্চ সম্পযুত্তকে চ খন্ধে পটিচ্চ দিট্ঠিসঞ্ঞোজনং অৱিজ্জাসঞ্ঞোজনং (চক্কং বন্ধিতব্বং). (১)
সঞ্ঞোজনঞ্চ নোসঞ্ঞোজনঞ্চ ধম্মং পটিচ্চ নোসঞ্ঞোজনো ধম্মো উপ্পজ্জতি হেতুপচ্চযা – নোসঞ্ঞোজনং একং খন্ধঞ্চ সঞ্ঞোজনে চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ…পে…. (২)
সঞ্ঞোজনঞ্চ নোসঞ্ঞোজনঞ্চ ধম্মং পটিচ্চ সঞ্ঞোজনো চ নোসঞ্ঞোজনো চ ধম্মা উপ্পজ্জন্তি হেতুপচ্চযা – নোসঞ্ঞোজনং একং খন্ধঞ্চ কামৰাগসঞ্ঞোজনঞ্চ পটিচ্চ তযো খন্ধা দিট্ঠিসঞ্ঞোজনং অৱিজ্জাসঞ্ঞোজনং চিত্তসমুট্ঠানঞ্চ ৰূপং…পে… (চক্কং বন্ধিতব্বং). (৩)
(আৰম্মণপচ্চযে ৰূপং নত্থি. অধিপতিপচ্চযো হেতুসদিসো, ৱিচিকিচ্ছাসঞ্ঞোজনং নত্থি.) অনন্তৰপচ্চযা…পে… অৱিগতপচ্চযা.
১. পচ্চযানুলোমং
২. সঙ্খ্যাৱাৰো
সুদ্ধং
৪. হেতুযা নৱ, আৰম্মণে নৱ, অধিপতিযা নৱ, অনন্তৰে নৱ (সব্বত্থ নৱ), ৱিপাকে একং, আহাৰে নৱ…পে… অৱিগতে নৱ.
অনুলোমং.
২. পচ্চযপচ্চনীযং
১. ৱিভঙ্গৱাৰো
নহেতুপচ্চযো
৫. সঞ্ঞোজনং ধম্মং পটিচ্চ সঞ্ঞোজনো ধম্মো উপ্পজ্জতি নহেতুপচ্চযা – ৱিচিকিচ্ছাসঞ্ঞোজনং পটিচ্চ অৱিজ্জাসঞ্ঞোজনং. (১)
নোসঞ্ঞোজনং ধম্মং পটিচ্চ নোসঞ্ঞোজনো ধম্মো উপ্পজ্জতি নহেতুপচ্চযা – অহেতুকং নোসঞ্ঞোজনং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… (যাৱ অসঞ্ঞসত্তা). (১)
নোসঞ্ঞোজনং ধম্মং পটিচ্চ সঞ্ঞোজনো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পটিচ্চ অৱিজ্জাসঞ্ঞোজনং. (২)
সঞ্ঞোজনঞ্চ নোসঞ্ঞোজনঞ্চ ধম্মং পটিচ্চ সঞ্ঞোজনো ধম্মো উপ্পজ্জতি নহেতুপচ্চযা – ৱিচিকিচ্ছাসঞ্ঞোজনঞ্চ সম্পযুত্তকে চ খন্ধে পটিচ্চ অৱিজ্জাসঞ্ঞোজনং. (৩)
(সংখিত্তং. আসৱগোচ্ছকসদিসং. নআৰম্মণাপি সব্বে উদ্ধৰিতব্বা.)
২. পচ্চযপচ্চনীযং
২. সঙ্খ্যাৱাৰো
সুদ্ধং
৬. নহেতুযা চত্তাৰি, নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি, নঅঞ্ঞমঞ্ঞে তীণি, নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি.
পচ্চনীযং.
৩. পচ্চযানুলোমপচ্চনীযং
হেতুদুকং
৭. হেতুপচ্চযা নআৰম্মণে তীণি, নঅধিপতিযা নৱ (এৱং সব্বং গণেতব্বং).
৪. পচ্চযপচ্চনীযানুলোমং
নহেতুদুকং
৮. নহেতুপচ্চযা আৰম্মণে চত্তাৰি (সব্বত্থ চত্তাৰি) ৱিপাকে একং, আহাৰে চত্তাৰি…পে… মগ্গে তীণি, সম্পযুত্তে চত্তাৰি…পে… অৱিগতে চত্তাৰি.
পচ্চনীযানুলোমং.
২. সহজাতৱাৰো
৯. সঞ্ঞোজনং ধম্মং সহজাতো সঞ্ঞোজনো ধম্মো উপ্পজ্জতি হেতুপচ্চযা (পটিচ্চৱাৰসদিসং).
৩. পচ্চযৱাৰো
১-৪. পচ্চযানুলোমাদি
হেতুপচ্চযো
১০. সঞ্ঞোজনং ধম্মং পচ্চযা সঞ্ঞোজনো ধম্মো উপ্পজ্জতি হেতুপচ্চযা… তীণি (পটিচ্চসদিসং).
নোসঞ্ঞোজনং ধম্মং পচ্চযা নোসঞ্ঞোজনো ধম্মো উপ্পজ্জতি হেতুপচ্চযা – নোসঞ্ঞোজনং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পচ্চযা ৱত্থু, ৱত্থুং পচ্চযা খন্ধা, একং মহাভূতং…পে… মহাভূতে পচ্চযা চিত্তসমুট্ঠানং ৰূপং, কটত্তাৰূপং, উপাদাৰূপং, ৱত্থুং পচ্চযা নোসঞ্ঞোজনা খন্ধা. (১)
নোসঞ্ঞোজনং ধম্মং পচ্চযা সঞ্ঞোজনো ধম্মো উপ্পজ্জতি হেতুপচ্চযা – নোসঞ্ঞোজনে খন্ধে পচ্চযা সঞ্ঞোজনা, ৱত্থুং পচ্চযা সঞ্ঞোজনা. (২)
নোসঞ্ঞোজনং ধম্মং পচ্চযা সঞ্ঞোজনো চ নোসঞ্ঞোজনো চ ধম্মা উপ্পজ্জন্তি হেতুপচ্চযা – নোসঞ্ঞোজনং একং খন্ধং পচ্চযা তযো খন্ধা সঞ্ঞোজনঞ্চ চিত্তসমুট্ঠানঞ্চ ৰূপং…পে… দ্ৱে খন্ধে…পে… ৱত্থুং পচ্চযা সঞ্ঞোজনা, মহাভূতে পচ্চযা চিত্তসমুট্ঠানং ৰূপং, ৱত্থুং পচ্চযা সঞ্ঞোজনা সম্পযুত্তকা চ খন্ধা. (৩)
১১. সঞ্ঞোজনঞ্চ নোসঞ্ঞোজনঞ্চ ধম্মং পচ্চযা সঞ্ঞোজনো ধম্মো উপ্পজ্জতি হেতুপচ্চযা – কামৰাগসঞ্ঞোজনঞ্চ সম্পযুত্তকে চ খন্ধে পচ্চযা দিট্ঠিসঞ্ঞোজনং অৱিজ্জাসঞ্ঞোজনং, কামৰাগসঞ্ঞোজনঞ্চ ৱত্থুঞ্চ পচ্চযা দিট্ঠিসঞ্ঞোজনং অৱিজ্জাসঞ্ঞোজনং (চক্কং) (১)
সঞ্ঞোজনঞ্চ নোসঞ্ঞোজনঞ্চ ধম্মং পচ্চযা নোসঞ্ঞোজনো ধম্মো উপ্পজ্জতি হেতুপচ্চযা – নোসঞ্ঞোজনং একং খন্ধঞ্চ সঞ্ঞোজনে চ পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… (চক্কং). সঞ্ঞোজনে চ ৱত্থুঞ্চ পচ্চযা নোসঞ্ঞোজনা খন্ধা. (২)
সঞ্ঞোজনঞ্চ নোসঞ্ঞোজনঞ্চ ধম্মং পচ্চযা সঞ্ঞোজনো চ নোসঞ্ঞোজনো চ ধম্মা উপ্পজ্জন্তি হেতুপচ্চযা – নোসঞ্ঞোজনং একং খন্ধঞ্চ কামৰাগসঞ্ঞোজনঞ্চ পচ্চযা তযো খন্ধা দিট্ঠিসঞ্ঞোজনং অৱিজ্জাসঞ্ঞোজনং চিত্তসমুট্ঠানঞ্চ ৰূপং, দ্ৱে খন্ধে…পে… (চক্কং). কামৰাগসঞ্ঞোজনঞ্চ ৱত্থুঞ্চ পচ্চযা দিট্ঠিসঞ্ঞোজনং অৱিজ্জাসঞ্ঞোজনং সম্পযুত্তকা চ খন্ধা (চক্কং. সংখিত্তং). (৩)
১২. হেতুযা নৱ, আৰম্মণে নৱ (সব্বত্থ নৱ), ৱিপাকে একং…পে… অৱিগতে নৱ.
১৩. নহেতুযা চত্তাৰি (যত্থ যত্থ ৱত্থু লব্ভতি, তত্থ তত্থ নিন্নেতব্বং), নআৰম্মণে তীণি…পে… নোৱিগতে তীণি.
৪. নিস্সযৱাৰো
(এৱং ইতৰেপি দ্ৱে গণনা চ নিস্সযৱাৰো চ কাতব্বো.)
৫. সংসট্ঠৱাৰো
১. পচ্চযানুলোমং
হেতুপচ্চযো
১৪. সঞ্ঞোজনং ধম্মং সংসট্ঠো সঞ্ঞোজনো ধম্মো উপ্পজ্জতি হেতুপচ্চযা – কামৰাগসঞ্ঞোজনং সংসট্ঠং দিট্ঠিসঞ্ঞোজনং অৱিজ্জাসঞ্ঞোজনং (এৱং নৱ পঞ্হা. অৰূপাযেৱ কাতব্বা).
৬. সম্পযুত্তৱাৰো
(সংসট্ঠৱাৰোপি সম্পযুত্তৱাৰোপি এৱং কাতব্বা.)
৭. পঞ্হাৱাৰো
১. পচ্চযানুলোমং
১. ৱিভঙ্গৱাৰো
হেতুপচ্চযো
১৫. সঞ্ঞোজনো ধম্মো সঞ্ঞোজনস্স ধম্মস্স হেতুপচ্চযেন পচ্চযো – সঞ্ঞোজনা হেতূ সম্পযুত্তকানং সঞ্ঞোজনানং হেতুপচ্চযেন পচ্চযো. (১)
সঞ্ঞোজনো ধম্মো নোসঞ্ঞোজনস্স ধম্মস্স হেতুপচ্চযেন পচ্চযো – সঞ্ঞোজনা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (২)
সঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স হেতুপচ্চযেন পচ্চযো – সঞ্ঞোজনা হেতূ সম্পযুত্তকানং খন্ধানং সঞ্ঞোজনানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)
১৬. নোসঞ্ঞোজনো ধম্মো নোসঞ্ঞোজনস্স ধম্মস্স হেতুপচ্চযেন পচ্চযো – নোসঞ্ঞোজনা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)
আৰম্মণপচ্চযো
১৭. সঞ্ঞোজনো ধম্মো সঞ্ঞোজনস্স ধম্মস্স আৰম্মণপচ্চযেন পচ্চযো – সঞ্ঞোজনে আৰব্ভ সঞ্ঞোজনা উপ্পজ্জন্তি. (মূলং কাতব্বং) সঞ্ঞোজনে আৰব্ভ নোসঞ্ঞোজনা খন্ধা উপ্পজ্জন্তি. (মূলং কাতব্বং) সঞ্ঞোজনে আৰব্ভ সঞ্ঞোজনা চ সম্পযুত্তকা চ খন্ধা উপ্পজ্জন্তি. (৩)
১৮. নোসঞ্ঞোজনো ধম্মো নোসঞ্ঞোজনস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি…পে… ঝানা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং…পে… নিব্বানং পচ্চৱেক্খন্তি, নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা নোসঞ্ঞোজনে পহীনে কিলেসে…পে… ৱিক্খম্ভিতে কিলেসে…পে… পুব্বে…পে… চক্খুং …পে… ৱত্থুং নোসঞ্ঞোজনে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন নোসঞ্ঞোজনচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… নোসঞ্ঞোজনা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)
নোসঞ্ঞোজনো ধম্মো সঞ্ঞোজনস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৱত্থুং নোসঞ্ঞোজনে খন্ধে অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. (২)
নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৱত্থুং নোসঞ্ঞোজনে খন্ধে অস্সাদেতি অভিনন্দতি, তং আৰব্ভ সঞ্ঞোজনা চ সঞ্ঞোজনসম্পযুত্তকা চ খন্ধা উপ্পজ্জন্তি. (৩)
সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স আৰম্মণপচ্চযেন পচ্চযো… তীণি (আৰব্ভযেৱ কাতব্বা).
অধিপতিপচ্চযো
১৯. সঞ্ঞোজনো ধম্মো সঞ্ঞোজনস্স ধম্মস্স অধিপতিপচ্চযেন পচ্চযো. আৰম্মণাধিপতি – সঞ্ঞোজনং গৰুং কত্ৱা…পে… তীণি (গৰুকাৰম্মণা).
নোসঞ্ঞোজনো ধম্মো নোসঞ্ঞোজনস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং…পে… তীণি (তিণ্ণম্পি আৰম্মণাধিপতি, সহজাতাধিপতিপি কাতব্বা, ৱিভজিতব্বা তীণিপি).
সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স অধিপতিপচ্চযেন পচ্চযো. আৰম্মণাধিপতি – সঞ্ঞোজনে চ সম্পযুত্তকে চ খন্ধে গৰুং কত্ৱা…পে… তীণি.
অনন্তৰপচ্চযো
২০. সঞ্ঞোজনো ধম্মো সঞ্ঞোজনস্স ধম্মস্স অনন্তৰপচ্চযেন পচ্চযো – পুৰিমা পুৰিমা সঞ্ঞোজনা পচ্ছিমানং পচ্ছিমানং সঞ্ঞোজনানং অনন্তৰপচ্চযেন পচ্চযো… তীণি.
নোসঞ্ঞোজনো ধম্মো নোসঞ্ঞোজনস্স ধম্মস্স অনন্তৰপচ্চযেন পচ্চযো – পুৰিমা পুৰিমা নোসঞ্ঞোজনা খন্ধা পচ্ছিমানং…পে… ফলসমাপত্তিযা অনন্তৰপচ্চযেন পচ্চযো. (১)
নোসঞ্ঞোজনো ধম্মো সঞ্ঞোজনস্স ধম্মস্স অনন্তৰপচ্চযেন পচ্চযো – পুৰিমা পুৰিমা নোসঞ্ঞোজনা খন্ধা পচ্ছিমানং পচ্ছিমানং সঞ্ঞোজনানং অনন্তৰপচ্চযেন পচ্চযো; আৱজ্জনা সঞ্ঞোজনানং অনন্তৰপচ্চযেন পচ্চযো (এৱং দ্ৱেপি কাতব্বা). (৩)
সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স অনন্তৰপচ্চযেন পচ্চযো… তীণি.
সমনন্তৰপচ্চযাদি
২১. সঞ্ঞোজনো ধম্মো সঞ্ঞোজনস্স ধম্মস্স সমনন্তৰপচ্চযেন পচ্চযো… নৱ… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… নৱ… নিস্সযপচ্চযেন পচ্চযো… নৱ.
উপনিস্সযপচ্চযো
২২. সঞ্ঞোজনো ধম্মো সঞ্ঞোজনস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সঞ্ঞোজনা সঞ্ঞোজনানং উপনিস্সযপচ্চযেন পচ্চযো (এৱং তীণিপি).
২৩. নোসঞ্ঞোজনো ধম্মো নোসঞ্ঞোজনস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… পঞ্ঞং, ৰাগং…পে… পত্থনং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)
নোসঞ্ঞোজনো ধম্মো সঞ্ঞোজনস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং ৰাগস্স…পে… পত্থনায উপনিস্সযপচ্চযেন পচ্চযো. (২)
নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… সেনাসনং সঞ্ঞোজনানং সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)
সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স উপনিস্সযপচ্চযেন পচ্চযো… তীণি.
পুৰেজাতপচ্চযো
২৪. নোসঞ্ঞোজনো ধম্মো নোসঞ্ঞোজনস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নোসঞ্ঞোজনানং খন্ধানং পুৰেজাতপচ্চযেন পচ্চযো. (১)
নোসঞ্ঞোজনো ধম্মো সঞ্ঞোজনস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. ৱত্থুপুৰেজাতং – ৱত্থু সঞ্ঞোজনানং পুৰেজাতপচ্চযেন পচ্চযো. (২)
নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি, অভিনন্দতি, তং আৰব্ভ সঞ্ঞোজনা চ সম্পযুত্তকা চ খন্ধা উপ্পজ্জন্তি. ৱত্থুপুৰেজাতং – ৱত্থু সঞ্ঞোজনানং সম্পযুত্তকানঞ্চ খন্ধানং পুৰেজাতপচ্চযেন পচ্চযো. (৩)
পচ্ছাজাতপচ্চযো
২৫. সঞ্ঞোজনো ধম্মো নোসঞ্ঞোজনস্স ধম্মস্স পচ্ছাজাতপচ্চযেন পচ্চযো… একং.
নোসঞ্ঞোজনো ধম্মো নোসঞ্ঞোজনস্স ধম্মস্স পচ্ছাজাতপচ্চযেন পচ্চযো…পে…. (১)
সঞ্ঞোজনো চ নোসঞ্ঞোজনো চ ধম্মা নোসঞ্ঞোজনস্স ধম্মস্স পচ্ছাজাতপচ্চযেন পচ্চযো…পে…. (১)
আসেৱনপচ্চযো
২৬. সঞ্ঞোজনো ধম্মো সঞ্ঞোজনস্স ধম্মস্স আসেৱনপচ্চযেন পচ্চযো… নৱ.
কম্মপচ্চযাদি
২৭. নোসঞ্ঞোজনো ধম্মো নোসঞ্ঞোজনস্স ধম্মস্স কম্মপচ্চযেন পচ্চযো… তীণি… ৱিপাকপচ্চযেন পচ্চযো… একং… আহাৰপচ্চযেন পচ্চযো… তীণি… ইন্দ্ৰিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৱ… সম্পযুত্তপচ্চযেন পচ্চযো… নৱ.
ৱিপ্পযুত্তপচ্চযো
২৮. সঞ্ঞোজনো ধম্মো নোসঞ্ঞোজনস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (ৱিভজিতব্বং). (১)
নোসঞ্ঞোজনো ধম্মো নোসঞ্ঞোজনস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (ৱিভজিতব্বং). (১)
নোসঞ্ঞোজনো ধম্মো সঞ্ঞোজনস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু সঞ্ঞোজনানং ৱিপ্পযুত্তপচ্চযেন পচ্চযো. (২)
নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু সঞ্ঞোজনানং সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. (৩)
সঞ্ঞোজনো চ নোসঞ্ঞোজনো চ ধম্মা নোসঞ্ঞোজনস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (ৱিভজিতব্বং). (১)
অত্থিপচ্চযো
২৯. সঞ্ঞোজনো ধম্মো সঞ্ঞোজনস্স ধম্মস্স অত্থিপচ্চযেন পচ্চযো… একং (পটিচ্চসদিসং). (১)
সঞ্ঞোজনো ধম্মো নোসঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)
সঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)
৩০. নোসঞ্ঞোজনো ধম্মো নোসঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (১)
নোসঞ্ঞোজনো ধম্মো সঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতা – নোসঞ্ঞোজনা খন্ধা সম্পযুত্তকানং সঞ্ঞোজনানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি, ৱত্থু সঞ্ঞোজনানং অত্থিপচ্চযেন পচ্চযো. (২)
নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – নোসঞ্ঞোজনো…পে… (সংখিত্তং, আসৱসদিসং). (৩)
৩১. সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পুৰেজাতং (আসৱসদিসং). (১)
সঞ্ঞোজনো চ নোসঞ্ঞোজনো চ ধম্মা নোসঞ্ঞোজনস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (ৱিভজিতব্বং আসৱসদিসং). (২)
সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স চ নোসঞ্ঞোজনস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং (ৱিভজিতব্বং আসৱসদিসং). (৩)
১. পচ্চযানুলোমং
২. সঙ্খ্যাৱাৰো
সুদ্ধং
৩২. হেতুযা চত্তাৰি, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, পুৰেজাতে তীণি, পচ্ছাজাতে তীণি, আসেৱনে নৱ, কম্মে তীণি, ৱিপাকে একং, আহাৰে তীণি, ইন্দ্ৰিযে তীণি, ঝানে তীণি, মগ্গে নৱ, সম্পযুত্তে নৱ, ৱিপ্পযুত্তে পঞ্চ, অত্থিযা নৱ, নত্থিযা নৱ, ৱিগতে নৱ, অৱিগতে নৱ.
অনুলোমং.
পচ্চনীযুদ্ধাৰো
৩৩. সঞ্ঞোজনো ধম্মো সঞ্ঞোজনস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)
সঞ্ঞোজনো ধম্মো নোসঞ্ঞোজনস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)
সঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)
৩৪. নোসঞ্ঞোজনো ধম্মো নোসঞ্ঞোজনস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)
নোসঞ্ঞোজনো ধম্মো সঞ্ঞোজনস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (২)
নোসঞ্ঞোজনো ধম্মো সঞ্ঞোজনস্স চ নোসঞ্ঞোজনস্স চ ধম্মস্স আৰম্মণপচ্চযেন পচ্চযো … সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (৩)
৩৫. সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)
সঞ্ঞোজনো চ নোসঞ্ঞোজনো চ ধম্মা নোসঞ্ঞোজনস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (২)
সঞ্ঞোজনো চ নোসঞ্ঞোজনো চ ধম্মা সঞ্ঞোজনস্স চ নোসঞ্ঞোজনস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)
২. পচ্চযপচ্চনীযং
২. সঙ্খ্যাৱাৰো
৩৬. নহেতুযা নৱ, নআৰম্মণে নৱ (সব্বত্থ নৱ), নোঅৱিগতে নৱ.
৩. পচ্চযানুলোমপচ্চনীযং
হেতুদুকং
৩৭. হেতুপচ্চযা নআৰম্মণে চত্তাৰি…পে… নসমনন্তৰে চত্তাৰি, নঅঞ্ঞমঞ্ঞে দ্ৱে, নউপনিস্সযে চত্তাৰি…পে… নমগ্গে চত্তাৰি, নসম্পযুত্তে দ্ৱে, নৱিপ্পযুত্তে চত্তাৰি, নোনত্থিযা চত্তাৰি, নোৱিগতে চত্তাৰি.
৪. পচ্চযপচ্চনীযানুলোমং
নহেতুদুকং
৩৮. নহেতুপচ্চযা আৰম্মণে নৱ, অধিপতিযা নৱ (অনুলোমমাতিকা), অৱিগতে নৱ.
সঞ্ঞোজনদুকং নিট্ঠিতং.
২১. সঞ্ঞোজনিযদুকং
১-৭. পটিচ্চৱাৰাদি
৩৯. সঞ্ঞোজনিযং ধম্মং পটিচ্চ সঞ্ঞোজনিযো ধম্মো উপ্পজ্জতি হেতুপচ্চযা – সঞ্ঞোজনিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে….