১. ৱিভঙ্গৱাৰো

হেতুপচ্চযো

১২১. আসৱো চেৱ আসৱসম্পযুত্তো চ ধম্মো আসৱস্স চেৱ আসৱসম্পযুত্তস্স চ ধম্মস্স হেতুপচ্চযেন পচ্চযো… তীণি.

আসৱসম্পযুত্তো চেৱ নো চ আসৱো ধম্মো আসৱসম্পযুত্তস্স চেৱ নো চ আসৱস্স ধম্মস্স হেতুপচ্চযেন পচ্চযো – আসৱসম্পযুত্তা চেৱ নো চ আসৱা হেতূ সম্পযুত্তকানং খন্ধানং হেতুপচ্চযেন পচ্চযো. (১)

আৰম্মণপচ্চযাদি

১২২. আসৱো চেৱ আসৱসম্পযুত্তো চ ধম্মো আসৱস্স চেৱ আসৱসম্পযুত্তস্স চ ধম্মস্স আৰম্মণপচ্চযেন পচ্চযো… তীণি.

আসৱসম্পযুত্তো চেৱ নো চ আসৱো ধম্মো আসৱসম্পযুত্তস্স চেৱ নো চ আসৱস্স ধম্মস্স আৰম্মণপচ্চযেন পচ্চযো – আসৱসম্পযুত্তে চেৱ নো চ আসৱে খন্ধে আৰব্ভ আসৱসম্পযুত্তা চেৱ নো চ আসৱা খন্ধা উপ্পজ্জন্তি. (১)

আসৱসম্পযুত্তো চেৱ নো চ আসৱো ধম্মো আসৱস্স চেৱ আসৱসম্পযুত্তস্স চ ধম্মস্স আৰম্মণপচ্চযেন পচ্চযো – আসৱসম্পযুত্তে চেৱ নো চ আসৱে খন্ধে আৰব্ভ আসৱা উপ্পজ্জন্তি. (২)

আসৱসম্পযুত্তো চেৱ নো চ আসৱো ধম্মো আসৱস্স চেৱ আসৱসম্পযুত্তস্স চ আসৱসম্পযুত্তস্স চেৱ নো চ আসৱস্স চ ধম্মস্স আৰম্মণপচ্চযেন পচ্চযো – আসৱসম্পযুত্তে চেৱ নো চ আসৱে খন্ধে আৰব্ভ আসৱা চ আসৱসম্পযুত্তকা চ খন্ধা উপ্পজ্জন্তি. (৩)

আসৱো চেৱ আসৱসম্পযুত্তো চ আসৱসম্পযুত্তো চেৱ নো চ আসৱো চ ধম্মা আসৱস্স চেৱ আসৱসম্পযুত্তস্স চ ধম্মস্স আৰম্মণপচ্চযেন পচ্চযো … তীণি.

অধিপতিপচ্চযা… (আৰম্মণসদিসা, গৰুকাৰম্মণা) অনন্তৰপচ্চযা… (আৰম্মণসদিসাযেৱ, পুৰিমা পুৰিমাতি কাতব্বা.) সমনন্তৰপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা (আৰম্মণসদিসংযেৱ, ৱিভজনা নত্থি… তীণি. উপনিস্সযং সব্বং কাতব্বং).

কম্মপচ্চযাদি

১২৩. আসৱসম্পযুত্তো চেৱ নো চ আসৱো ধম্মো আসৱসম্পযুত্তস্স চেৱ নো চ আসৱস্স ধম্মস্স কম্মপচ্চযেন পচ্চযো… তীণি… আহাৰপচ্চযেন পচ্চযো… তীণি… ইন্দ্ৰিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৱ… সম্পযুত্তপচ্চযেন পচ্চযো… নৱ… অত্থিপচ্চযেন পচ্চযো… নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো… নৱ.