৩. আসৱগোচ্ছকং
১৪. আসৱদুকং
১. পটিচ্চৱাৰো
১. পচ্চযানুলোমং
১. ৱিভঙ্গৱাৰো
হেতুপচ্চযো
১. আসৱং ধম্মং পটিচ্চ আসৱো ধম্মো উপ্পজ্জতি হেতুপচ্চযা – কামাসৱং পটিচ্চ দিট্ঠাসৱো অৱিজ্জাসৱো, দিট্ঠাসৱং পটিচ্চ কামাসৱো অৱিজ্জাসৱো, অৱিজ্জাসৱং পটিচ্চ কামাসৱো দিট্ঠাসৱো, ভৱাসৱং পটিচ্চ অৱিজ্জাসৱো, দিট্ঠাসৱং পটিচ্চ অৱিজ্জাসৱো (একেকম্পি চক্কং কাতব্বং). (১)
আসৱং ধম্মং পটিচ্চ নোআসৱো ধম্মো উপ্পজ্জতি হেতুপচ্চযা – আসৱং পটিচ্চ আসৱসম্পযুত্তকা খন্ধা চিত্তসমুট্ঠানঞ্চ ৰূপং. (২)
আসৱং ধম্মং পটিচ্চ আসৱো চ নোআসৱো চ ধম্মা উপ্পজ্জন্তি হেতুপচ্চযা – কামাসৱং পটিচ্চ দিট্ঠাসৱো অৱিজ্জাসৱো সম্পযুত্তকা চ খন্ধা চিত্তসমুট্ঠানঞ্চ ৰূপং (চক্কং). (৩)
২. নোআসৱং ধম্মং পটিচ্চ নোআসৱো ধম্মো উপ্পজ্জতি হেতুপচ্চযা – নোআসৱং একং খন্ধং পটিচ্চ তযো খন্ধা চিত্তসমুট্ঠানং ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)
নোআসৱং ধম্মং পটিচ্চ আসৱো ধম্মো উপ্পজ্জতি হেতুপচ্চযা – নোআসৱে খন্ধে পটিচ্চ আসৱা. (২)
নোআসৱং ধম্মং পটিচ্চ আসৱো চ নোআসৱো চ ধম্মা উপ্পজ্জন্তি হেতুপচ্চযা – নোআসৱং একং খন্ধং পটিচ্চ তযো খন্ধা আসৱা চ চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)
৩. আসৱঞ্চ নোআসৱঞ্চ ধম্মং পটিচ্চ আসৱো ধম্মো উপ্পজ্জতি হেতুপচ্চযা – কামাসৱঞ্চ সম্পযুত্তকে চ খন্ধে পটিচ্চ দিট্ঠাসৱো অৱিজ্জাসৱো (চক্কং বন্ধিতব্বং). (১)
আসৱঞ্চ নোআসৱঞ্চ ধম্মং পটিচ্চ নোআসৱো ধম্মো উপ্পজ্জতি হেতুপচ্চযা – নোআসৱং একং খন্ধঞ্চ আসৱে চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (২)
আসৱঞ্চ নোআসৱঞ্চ ধম্মং পটিচ্চ আসৱো চ নোআসৱো চ ধম্মা উপ্পজ্জন্তি হেতুপচ্চযা – নোআসৱং একং খন্ধঞ্চ কামাসৱঞ্চ পটিচ্চ তযো খন্ধা দিট্ঠাসৱো অৱিজ্জাসৱো চিত্তসমুট্ঠানঞ্চ ৰূপং…পে… দ্ৱে খন্ধে চ…পে… (চক্কং. সংখিত্তং). (৩)
১. পচ্চযানুলোমং
২. সঙ্খ্যাৱাৰো
৪. হেতুযা নৱ, আৰম্মণে নৱ (সব্বত্থ নৱ), ৱিপাকে একং, আহাৰে নৱ…পে… অৱিগতে নৱ.
অনুলোমং.
২. পচ্চযপচ্চনীযং
১. ৱিভঙ্গৱাৰো
নহেতুপচ্চযো
৫. নোআসৱং ধম্মং পটিচ্চ নোআসৱো ধম্মো উপ্পজ্জতি নহেতুপচ্চযা – অহেতুকং নোআসৱং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে… (যাৱ অসঞ্ঞসত্তা). (১)
নোআসৱং ধম্মং পটিচ্চ আসৱো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (২)
নআৰম্মণপচ্চযো
৬. আসৱং ধম্মং পটিচ্চ নোআসৱো ধম্মো উপ্পজ্জতি নআৰম্মণপচ্চযা – আসৱে পটিচ্চ চিত্তসমুট্ঠানং ৰূপং. (১)
নোআসৱং ধম্মং পটিচ্চ নোআসৱো ধম্মো উপ্পজ্জতি নআৰম্মণপচ্চযা – নোআসৱে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে… খন্ধে পটিচ্চ ৱত্থু, একং মহাভূতং…পে… (যাৱ অসঞ্ঞসত্তা). (১)
আসৱঞ্চ নোআসৱঞ্চ ধম্মং পটিচ্চ নোআসৱো ধম্মো উপ্পজ্জতি নআৰম্মণপচ্চযা – আসৱে চ সম্পযুত্তকে চ খন্ধে পটিচ্চ চিত্তসমুট্ঠানং ৰূপং (সংখিত্তং). (১)
২. পচ্চযপচ্চনীযং
২. সঙ্খ্যাৱাৰো
সুদ্ধং
৭. নহেতুযা দ্ৱে, নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি, নঅঞ্ঞমঞ্ঞে তীণি, নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি.
পচ্চনীযং.
৩. পচ্চযানুলোমপচ্চনীযং
হেতুদুকং
৮. হেতুপচ্চযা নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি, নঅঞ্ঞমঞ্ঞে তীণি, নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি.
অনুলোমপচ্চনীযং.
৪. পচ্চযপচ্চনীযানুলোমং
নহেতুদুকং
৯. নহেতুপচ্চযা আৰম্মণে দ্ৱে, অনন্তৰে দ্ৱে…পে… ৱিপাকে একং…পে… মগ্গে একং…পে… অৱিগতে দ্ৱে.
পচ্চনীযানুলোমং.
২. সহজাতৱাৰো
(সহজাতৱাৰো পটিচ্চৱাৰসদিসো.)
৩. পচ্চযৱাৰো
১. পচ্চযানুলোমং
১. ৱিভঙ্গৱাৰো
হেতুপচ্চযো
১০. আসৱং ধম্মং পচ্চযা আসৱো ধম্মো উপ্পজ্জতি হেতুপচ্চযা (আসৱমূলকং তীণি, পটিচ্চসদিসা).
নোআসৱং ধম্মং পচ্চযা নোআসৱো ধম্মো উপ্পজ্জতি হেতুপচ্চযা – নোআসৱং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পচ্চযা ৱত্থু, ৱত্থুং পচ্চযা খন্ধা, মহাভূতে পচ্চযা চিত্তসমুট্ঠানং ৰূপং কটত্তাৰূপং উপাদাৰূপং, ৱত্থুং পচ্চযা নোআসৱা খন্ধা. (১)
নোআসৱং ধম্মং পচ্চযা আসৱো ধম্মো উপ্পজ্জতি হেতুপচ্চযা – নোআসৱে খন্ধে পচ্চযা আসৱা, ৱত্থুং পচ্চযা আসৱা. (২)
নোআসৱং ধম্মং পচ্চযা আসৱো চ নোআসৱো চ ধম্মা উপ্পজ্জন্তি হেতুপচ্চযা – নোআসৱং একং খন্ধং পচ্চযা তযো খন্ধা আসৱা চ চিত্তসমুট্ঠানঞ্চ ৰূপং…পে… দ্ৱে খন্ধে…পে… ৱত্থুং পচ্চযা আসৱা সম্পযুত্তকা চ খন্ধা. (৩)
১১. আসৱঞ্চ নোআসৱঞ্চ ধম্মং পচ্চযা আসৱো ধম্মো উপ্পজ্জতি হেতুপচ্চযা – কামাসৱঞ্চ সম্পযুত্তকে চ খন্ধে পচ্চযা দিট্ঠাসৱো অৱিজ্জাসৱো (চক্কং). কামাসৱঞ্চ ৱত্থুঞ্চ পচ্চযা দিট্ঠাসৱো অৱিজ্জাসৱো (চক্কং). (১)
আসৱঞ্চ নোআসৱঞ্চ ধম্মং পচ্চযা নোআসৱো ধম্মো উপ্পজ্জতি হেতুপচ্চযা – নোআসৱং একং খন্ধঞ্চ আসৱে চ পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… আসৱঞ্চ ৱত্থুঞ্চ পচ্চযা নোআসৱা খন্ধা. (২)
আসৱঞ্চ নোআসৱঞ্চ ধম্মং পচ্চযা আসৱো চ নোআসৱো চ ধম্মা উপ্পজ্জন্তি হেতুপচ্চযা – নোআসৱং একং খন্ধঞ্চ কামাসৱঞ্চ পচ্চযা তযো খন্ধা দিট্ঠাসৱো অৱিজ্জাসৱো চিত্তসমুট্ঠানঞ্চ ৰূপং…পে… দ্ৱে খন্ধে…পে… (চক্কং). কামাসৱঞ্চ ৱত্থুঞ্চ পচ্চযা দিট্ঠাসৱো অৱিজ্জাসৱো সম্পযুত্তকা চ খন্ধা (চক্কং. সংখিত্তং). (৩)
১. পচ্চযানুলোমং
২. সঙ্খ্যাৱাৰো
১২. হেতুযা নৱ, আৰম্মণে নৱ, অধিপতিযা নৱ…পে… ৱিপাকে একং…পে… অৱিগতে নৱ.
অনুলোমং.
২. পচ্চযপচ্চনীযং
১. ৱিভঙ্গৱাৰো
নহেতুপচ্চযো
১৩. নোআসৱং ধম্মং পচ্চযা নোআসৱো ধম্মো উপ্পজ্জতি নহেতুপচ্চযা – অহেতুকং নোআসৱং একং খন্ধং পচ্চযা তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… (যাৱ অসঞ্ঞসত্তা) চক্খাযতনং পচ্চযা চক্খুৱিঞ্ঞাণং…পে… কাযাযতনং পচ্চযা কাযৱিঞ্ঞাণং… ৱত্থুং পচ্চযা অহেতুকা নোআসৱা খন্ধা. (১)
নোআসৱং ধম্মং পচ্চযা আসৱো ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে চ ৱত্থুঞ্চ পচ্চযা ৱিচিকিচ্ছাসহগতো উদ্ধচ্চসহগতো মোহো. (২)
২. পচ্চযপচ্চনীযং
২. সঙ্খ্যাৱাৰো
১৪. নহেতুযা দ্ৱে, নআৰম্মণে তীণি, নঅধিপতিযা নৱ…পে… নকম্মে তীণি…পে… নৱিপ্পযুত্তে নৱ, নোনত্থিযা তীণি, নোৱিগতে তীণি (এৱং সব্বে গণনা গণেতব্বা).
৪. নিস্সযৱাৰো
(নিস্সযৱাৰো পচ্চযৱাৰসদিসো.)
৫. সংসট্ঠৱাৰো
১-৪. পচ্চযানুলোমাদি
১৫. আসৱং ধম্মং সংসট্ঠো আসৱো ধম্মো উপ্পজ্জতি হেতুপচ্চযা – কামাসৱং সংসট্ঠো দিট্ঠাসৱো অৱিজ্জাসৱো (চক্কং. সংখিত্তং).
হেতুযা নৱ, আৰম্মণে নৱ (সব্বত্থ নৱ), ৱিপাকে একং…পে… অৱিগতে নৱ.
নহেতুযা দ্ৱে, নঅধিপতিযা নৱ, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নঝানে একং, নমগ্গে একং, নৱিপ্পযুত্তে নৱ.
৬. সম্পযুত্তৱাৰো
(গণনাপি সম্পযুত্তৱাৰোপি সংসট্ঠৱাৰসদিসো.)
৭. পঞ্হাৱাৰো
১. পচ্চযানুলোমং
১. ৱিভঙ্গৱাৰো
হেতুপচ্চযো
১৬. আসৱো ধম্মো আসৱস্স ধম্মস্স হেতুপচ্চযেন পচ্চযো – কামাসৱো দিট্ঠাসৱস্স অৱিজ্জাসৱস্স হেতুপচ্চযেন পচ্চযো; ভৱাসৱো অৱিজ্জাসৱস্স হেতুপচ্চযেন পচ্চযো (চক্কং). (১)
আসৱো ধম্মো নোআসৱস্স ধম্মস্স হেতুপচ্চযেন পচ্চযো – আসৱা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (২)
আসৱো ধম্মো আসৱস্স চ নোআসৱস্স চ ধম্মস্স হেতুপচ্চযেন পচ্চযো – কামাসৱো দিট্ঠাসৱস্স অৱিজ্জাসৱস্স সম্পযুত্তকানঞ্চ খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)
১৭. নোআসৱো ধম্মো নোআসৱস্স ধম্মস্স হেতুপচ্চযেন পচ্চযো – নোআসৱা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (১)
নোআসৱো ধম্মো আসৱস্স ধম্মস্স হেতুপচ্চযেন পচ্চযো – নোআসৱা হেতূ সম্পযুত্তকানং আসৱানং হেতুপচ্চযেন পচ্চযো. (২)
নোআসৱো ধম্মো আসৱস্স চ নোআসৱস্স চ ধম্মস্স হেতুপচ্চযেন পচ্চযো – নোআসৱা হেতূ সম্পযুত্তকানং খন্ধানং আসৱানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)
আসৱো চ নোআসৱো চ ধম্মা নোআসৱস্স ধম্মস্স হেতুপচ্চযেন পচ্চযো – আসৱা চ নোআসৱা চ হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (১)
আৰম্মণপচ্চযো
১৮. আসৱো ধম্মো আসৱস্স ধম্মস্স আৰম্মণপচ্চযেন পচ্চযো – আসৱে আৰব্ভ আসৱা উপ্পজ্জন্তি. (১)
আসৱো ধম্মো নোআসৱস্স ধম্মস্স আৰম্মণপচ্চযেন পচ্চযো – আসৱে আৰব্ভ নোআসৱা খন্ধা উপ্পজ্জন্তি. (২)
আসৱো ধম্মো আসৱস্স চ নোআসৱস্স চ ধম্মস্স আৰম্মণপচ্চযেন পচ্চযো – আসৱে আৰব্ভ আসৱা চ সম্পযুত্তকা চ খন্ধা উপ্পজ্জন্তি. (৩)
১৯. নোআসৱো ধম্মো নোআসৱস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে…পে… ঝানা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা নোআসৱে পহীনে কিলেসে…পে… ৱিক্খম্ভিতে কিলেসে…পে… পুব্বে সমুদাচিণ্ণে কিলেসে জানন্তি, চক্খুং…পে… ৱত্থুং নোআসৱে খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন নোআসৱচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… নোআসৱা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)
নোআসৱো ধম্মো আসৱস্স ধম্মস্স আৰম্মণপচ্চযেন পচ্চযো – দানং দত্ৱা…পে… তং অস্সাদেতি অভিনন্দতি, তং আৰব্ভ আসৱা উপ্পজ্জন্তি, সীলং…পে… উপোসথকম্মং…পে… পুব্বে…পে… ঝানা…পে… চক্খুং…পে… ৱত্থুং নোআসৱে খন্ধে অস্সাদেতি অভিনন্দতি, তং আৰব্ভ আসৱা উপ্পজ্জন্তি. (২)
নোআসৱো ধম্মো আসৱস্স চ নোআসৱস্স চ ধম্মস্স আৰম্মণপচ্চযেন পচ্চযো – দানং দত্ৱা…পে… (দুতিযগমনং) নোআসৱে খন্ধে অস্সাদেতি অভিনন্দতি, তং আৰব্ভ আসৱা চ সম্পযুত্তকা চ খন্ধা উপ্পজ্জন্তি. (৩)
২০. আসৱো চ নোআসৱো চ ধম্মা আসৱস্স ধম্মস্স আৰম্মণপচ্চযেন পচ্চযো – আসৱে চ সম্পযুত্তকে চ খন্ধে আৰব্ভ আসৱা উপ্পজ্জন্তি. (১)
আসৱো চ নোআসৱো চ ধম্মা নোআসৱস্স ধম্মস্স আৰম্মণপচ্চযেন পচ্চযো – আসৱে চ সম্পযুত্তকে চ খন্ধে আৰব্ভ নোআসৱা খন্ধা উপ্পজ্জন্তি. (২)
আসৱো চ নোআসৱো চ ধম্মা আসৱস্স চ নোআসৱস্স চ ধম্মস্স আৰম্মণপচ্চযেন পচ্চযো – আসৱে চ সম্পযুত্তকে চ খন্ধে আৰব্ভ আসৱা চ সম্পযুত্তকা চ খন্ধা উপ্পজ্জন্তি. (৩)
অধিপতিপচ্চযো
২১. আসৱো ধম্মো আসৱস্স ধম্মস্স অধিপতিপচ্চযেন পচ্চযো. আৰম্মণাধিপতি – আসৱে গৰুং কত্ৱা আসৱা উপ্পজ্জন্তি (তীণি আৰম্মণসদিসা, গৰুকাৰম্মণা কাতব্বা).
নোআসৱো ধম্মো নোআসৱস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… উপোসথকম্মং…পে… পুব্বে…পে… ঝানা…পে… অৰিযা মগ্গা…পে… ফলং…পে… নিব্বানং গৰুং…পে… নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং নোআসৱে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নোআসৱা অধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)
নোআসৱো ধম্মো আসৱস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… নোআসৱে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা আসৱা উপ্পজ্জন্তি. সহজাতাধিপতি – নোআসৱা অধিপতি সম্পযুত্তকানং আসৱানং অধিপতিপচ্চযেন পচ্চযো. (২)
নোআসৱো ধম্মো আসৱস্স চ নোআসৱস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… নোআসৱে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নোআসৱা অধিপতি সম্পযুত্তকানং খন্ধানং আসৱানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)
আসৱো চ নোআসৱো চ ধম্মা আসৱস্স ধম্মস্স অধিপতিপচ্চযেন পচ্চযো. আৰম্মণাধিপতি – আসৱে চ সম্পযুত্তকে চ খন্ধে গৰুং কত্ৱা অস্সাদেতি…পে… আসৱা উপ্পজ্জন্তি (তীণি, গৰুকাৰম্মণা).
অনন্তৰপচ্চযো
২২. আসৱো ধম্মো আসৱস্স ধম্মস্স অনন্তৰপচ্চযেন পচ্চযো – পুৰিমা পুৰিমা আসৱা পচ্ছিমানং পচ্ছিমানং আসৱানং অনন্তৰপচ্চযেন পচ্চযো. (১)
আসৱো ধম্মো নোআসৱস্স ধম্মস্স অনন্তৰপচ্চযেন পচ্চযো – পুৰিমা পুৰিমা আসৱা পচ্ছিমানং পচ্ছিমানং নোআসৱানং খন্ধানং অনন্তৰপচ্চযেন পচ্চযো; আসৱা ৱুট্ঠানস্স অনন্তৰপচ্চযেন পচ্চযো. (২)
আসৱো ধম্মো আসৱস্স চ নোআসৱস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা আসৱা পচ্ছিমানং পচ্ছিমানং আসৱানং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)
২৩. নোআসৱো ধম্মো নোআসৱস্স ধম্মস্স অনন্তৰপচ্চযেন পচ্চযো – পুৰিমা পুৰিমা নোআসৱা খন্ধা পচ্ছিমানং পচ্ছিমানং নোআসৱানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… ফলসমাপত্তিযা অনন্তৰপচ্চযেন পচ্চযো. (১)
নোআসৱো ধম্মো আসৱস্স ধম্মস্স অনন্তৰপচ্চযেন পচ্চযো – পুৰিমা পুৰিমা নোআসৱা খন্ধা পচ্ছিমানং পচ্ছিমানং আসৱানং অনন্তৰপচ্চযেন পচ্চযো; আৱজ্জনা আসৱানং অনন্তৰপচ্চযেন পচ্চযো. (২)
নোআসৱো ধম্মো আসৱস্স চ নোআসৱস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা নোআসৱা খন্ধা পচ্ছিমানং পচ্ছিমানং আসৱানং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)
২৪. আসৱো চ নোআসৱো চ ধম্মা আসৱস্স ধম্মস্স অনন্তৰপচ্চযেন পচ্চযো… তীণি.
সমনন্তৰপচ্চযাদি
২৫. আসৱো ধম্মো আসৱস্স ধম্মস্স সমনন্তৰপচ্চযেন পচ্চযো… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… নৱ… নিস্সযপচ্চযেন পচ্চযো… নৱ (ৱত্থু চ দস্সেতব্বং).
উপনিস্সযপচ্চযো
২৬. আসৱো ধম্মো আসৱস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – আসৱা আসৱানং উপনিস্সযপচ্চযেন পচ্চযো (তীণি).
২৭. নোআসৱো ধম্মো নোআসৱস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)
নোআসৱো ধম্মো আসৱস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সঙ্ঘং ভিন্দতি, সদ্ধা…পে… সেনাসনং ৰাগস্স…পে… পত্থনায উপনিস্সযপচ্চযেন পচ্চযো. (২)
নোআসৱো ধম্মো আসৱস্স চ নোআসৱস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… সেনাসনং উপনিস্সায…পে… পাণং হনতি…পে… সঙ্ঘং ভিন্দতি, সদ্ধা…পে… সেনাসনং ৰাগস্স…পে… পত্থনায উপনিস্সযপচ্চযেন পচ্চযো. (৩)
আসৱো চ নোআসৱো চ ধম্মা আসৱস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো… তীণি.
পুৰেজাতপচ্চযো
২৮. নোআসৱো ধম্মো নোআসৱস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং …পে… ৱত্থুং (এৱং ৱিত্থাৰেতব্বং), ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স, ৱত্থু নোআসৱানং খন্ধানং পুৰেজাতপচ্চযেন পচ্চযো. (১)
নোআসৱো ধম্মো আসৱস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ আসৱা উপ্পজ্জন্তি. ৱত্থুপুৰেজাতং – ৱত্থু আসৱানং পুৰেজাতপচ্চযেন পচ্চযো. (২)
নোআসৱো ধম্মো আসৱস্স চ নোআসৱস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ আসৱা চ সম্পযুত্তকা চ খন্ধা উপ্পজ্জন্তি. ৱত্থুপুৰেজাতং – ৱত্থু আসৱানঞ্চ আসৱসম্পযুত্তকানঞ্চ খন্ধানং পুৰেজাতপচ্চযেন পচ্চযো. (৩)
পচ্ছাজাতপচ্চযো
২৯. আসৱো ধম্মো নোআসৱস্স ধম্মস্স পচ্ছাজাতপচ্চযেন পচ্চযো – পচ্ছাজাতা আসৱা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)
নোআসৱো ধম্মো নোআসৱস্স ধম্মস্স পচ্ছাজাতপচ্চযেন পচ্চযো – পচ্ছাজাতা নোআসৱা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)
আসৱো চ নোআসৱো চ ধম্মা নোআসৱস্স ধম্মস্স পচ্ছাজাতপচ্চযেন পচ্চযো – পচ্ছাজাতা আসৱা চ সম্পযুত্তকা চ খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)
আসেৱনপচ্চযো
৩০. আসৱো ধম্মো আসৱস্স ধম্মস্স আসেৱনপচ্চযেন পচ্চযো… নৱ.
কম্মপচ্চযো
৩১. নোআসৱো ধম্মো নোআসৱস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নোআসৱা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নোআসৱা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)
নোআসৱো ধম্মো আসৱস্স ধম্মস্স কম্মপচ্চযেন পচ্চযো – নোআসৱা চেতনা সম্পযুত্তকানং আসৱানং কম্মপচ্চযেন পচ্চযো. (২)
নোআসৱো ধম্মো আসৱস্স চ নোআসৱস্স চ ধম্মস্স কম্মপচ্চযেন পচ্চযো – নোআসৱা চেতনা সম্পযুত্তকানং খন্ধানং আসৱানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)
ৱিপাকাহাৰপচ্চযা
৩২. নোআসৱো ধম্মো নোআসৱস্স ধম্মস্স ৱিপাকপচ্চযেন পচ্চযো… একং, আহাৰপচ্চযেন পচ্চযো – নোআসৱা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে… কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)
নোআসৱো ধম্মো আসৱস্স ধম্মস্স আহাৰপচ্চযেন পচ্চযো – নোআসৱা আহাৰা সম্পযুত্তকানং আসৱানং আহাৰপচ্চযেন পচ্চযো. (২)
নোআসৱো ধম্মো আসৱস্স চ নোআসৱস্স চ ধম্মস্স আহাৰপচ্চযেন পচ্চযো – নোআসৱা আহাৰা সম্পযুত্তকানং খন্ধানং আসৱানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো. (৩)
ইন্দ্ৰিযপচ্চযাদি
৩৩. নোআসৱো ধম্মো নোআসৱস্স ধম্মস্স ইন্দ্ৰিযপচ্চযেন পচ্চযো – নোআসৱা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে…পে… চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স…পে… ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো… তীণি… ঝানপচ্চযেন পচ্চযো… তীণি… মগ্গপচ্চযেন পচ্চযো… নৱ… সম্পযুত্তপচ্চযেন পচ্চযো… নৱ.
ৱিপ্পযুত্তপচ্চযো
৩৪. আসৱো ধম্মো নোআসৱস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – আসৱা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – আসৱা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)
৩৫. নোআসৱো ধম্মো নোআসৱস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – নোআসৱা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৱত্থুস্স ৱিপ্পযুত্তপচ্চযেন পচ্চযো, ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নোআসৱানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – নোআসৱা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)
নোআসৱো ধম্মো আসৱস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু আসৱানং ৱিপ্পযুত্তপচ্চযেন পচ্চযো. (২)
নোআসৱো ধম্মো আসৱস্স চ নোআসৱস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু আসৱানং সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. (৩)
৩৬. আসৱো চ নোআসৱো চ ধম্মা নোআসৱস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – আসৱা চ সম্পযুত্তকা চ খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – আসৱা চ সম্পযুত্তকা চ খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)
অত্থিপচ্চযো
৩৭. আসৱো ধম্মো আসৱস্স ধম্মস্স অত্থিপচ্চযেন পচ্চযো – কামাসৱো দিট্ঠাসৱস্স অৱিজ্জাসৱস্স অত্থিপচ্চযেন পচ্চযো (চক্কং). (১)
আসৱো ধম্মো নোআসৱস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – আসৱা সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পচ্ছাজাতা – আসৱা পুৰেজাতস্স ইমস্স কাযস্স অত্থিপচ্চযেন পচ্চযো. (২)
আসৱো ধম্মো আসৱস্স চ নোআসৱস্স চ ধম্মস্স অত্থিপচ্চযেন পচ্চযো – কামাসৱো দিট্ঠাসৱস্স অৱিজ্জাসৱস্স সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো (চক্কং). (৩)
৩৮. নোআসৱো ধম্মো নোআসৱস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নোআসৱো একো খন্ধো তিণ্ণন্নং খন্ধানং…পে… (যাৱ অসঞ্ঞসত্তা). পুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নোআসৱানং খন্ধানং অত্থিপচ্চযেন পচ্চযো. পচ্ছাজাতা – নোআসৱা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)
নোআসৱো ধম্মো আসৱস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতা – নোআসৱা খন্ধা আসৱানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ আসৱা উপ্পজ্জন্তি, ৱত্থু আসৱানং অত্থিপচ্চযেন পচ্চযো. (২)