১. ৱিভঙ্গৱাৰো

হেতুপচ্চযো

১১৫. আসৱঞ্চেৱ আসৱসম্পযুত্তঞ্চ ধম্মং পটিচ্চ আসৱো চেৱ আসৱসম্পযুত্তো চ ধম্মো উপ্পজ্জতি হেতুপচ্চযা – কামাসৱং পটিচ্চ দিট্ঠাসৱো অৱিজ্জাসৱো (চক্কং বন্ধিতব্বং). ভৱাসৱং পটিচ্চ অৱিজ্জাসৱো (চক্কং বন্ধিতব্বং). দিট্ঠাসৱং পটিচ্চ অৱিজ্জাসৱো. (১)

আসৱঞ্চেৱ আসৱসম্পযুত্তঞ্চ ধম্মং পটিচ্চ আসৱসম্পযুত্তো চেৱ নো চ আসৱো ধম্মো উপ্পজ্জতি হেতুপচ্চযা – আসৱে পটিচ্চ সম্পযুত্তকা খন্ধা. (২)

আসৱঞ্চেৱ আসৱসম্পযুত্তঞ্চ ধম্মং পটিচ্চ আসৱো চেৱ আসৱসম্পযুত্তো চ আসৱসম্পযুত্তো চেৱ নো চ আসৱো চ ধম্মা উপ্পজ্জন্তি হেতুপচ্চযা – আসৱসম্পযুত্তং কামাসৱং পটিচ্চ দিট্ঠাসৱো অৱিজ্জাসৱো সম্পযুত্তকা চ খন্ধা (সব্বং চক্কং). (৩)

১১৬. আসৱসম্পযুত্তঞ্চেৱ নো চ আসৱং ধম্মং পটিচ্চ আসৱসম্পযুত্তো চেৱ নো চ আসৱো ধম্মো উপ্পজ্জতি হেতুপচ্চযা – আসৱসম্পযুত্তঞ্চেৱ নো চ আসৱং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

আসৱসম্পযুত্তঞ্চেৱ নো চ আসৱং ধম্মং পটিচ্চ আসৱো চেৱ আসৱসম্পযুত্তো চ ধম্মো উপ্পজ্জতি হেতুপচ্চযা – আসৱসম্পযুত্তঞ্চেৱ নো চ আসৱে খন্ধে পটিচ্চ আসৱা. (২)

আসৱসম্পযুত্তঞ্চেৱ নো চ আসৱং ধম্মং পটিচ্চ আসৱো চেৱ আসৱসম্পযুত্তো চ আসৱসম্পযুত্তো চেৱ নো চ আসৱো চ ধম্মা উপ্পজ্জন্তি হেতুপচ্চযা – আসৱসম্পযুত্তঞ্চেৱ নো চ আসৱং একং খন্ধং পটিচ্চ তযো খন্ধা আসৱা চ…পে… দ্ৱে খন্ধে…পে…. (৩)

১১৭. আসৱঞ্চেৱ আসৱসম্পযুত্তঞ্চ আসৱসম্পযুত্তঞ্চেৱ নো চ আসৱঞ্চ ধম্মং পটিচ্চ আসৱো চেৱ আসৱসম্পযুত্তো চ ধম্মো উপ্পজ্জতি হেতুপচ্চযা – কামাসৱঞ্চ সম্পযুত্তকে চ খন্ধে পটিচ্চ দিট্ঠাসৱো অৱিজ্জাসৱো (সব্বং চক্কং). (১)

আসৱঞ্চেৱ আসৱসম্পযুত্তঞ্চ আসৱসম্পযুত্তঞ্চেৱ নো চ আসৱঞ্চ ধম্মং পটিচ্চ আসৱসম্পযুত্তো চেৱ নো চ আসৱো ধম্মো উপ্পজ্জতি হেতুপচ্চযা – আসৱসম্পযুত্তঞ্চেৱ নো চ আসৱং একং খন্ধঞ্চ আসৱে চ পটিচ্চ তযো খন্ধা…পে… দ্ৱে খন্ধে…পে…. (২)

আসৱঞ্চেৱ আসৱসম্পযুত্তঞ্চ আসৱসম্পযুত্তঞ্চেৱ নো চ আসৱঞ্চ ধম্মং পটিচ্চ আসৱো চেৱ আসৱসম্পযুত্তো চ আসৱসম্পযুত্তো চেৱ নো চ আসৱো চ ধম্মা উপ্পজ্জন্তি হেতুপচ্চযা – আসৱসম্পযুত্তঞ্চেৱ নো চ আসৱং একং খন্ধঞ্চ কামাসৱঞ্চ পটিচ্চ তযো খন্ধা দিট্ঠাসৱো অৱিজ্জাসৱো…পে… দ্ৱে খন্ধে…পে…. (৩)

(চক্কং. এৱং সব্বে পচ্চযা কাতব্বা.)