১. পচ্চযানুলোমং

১. ৱিভঙ্গৱাৰো

(পঞ্হাৱাৰে হেতুপচ্চযেপি আৰম্মণপচ্চযেপি লোকুত্তৰং ন কাতব্বং, সেখা গোত্ৰভুং পচ্চৱেক্খন্তি, ৱোদানং পচ্চৱেক্খন্তীতি কাতব্বা. অধিপতিপচ্চযম্পি সব্বং জানিত্ৱা কাতব্বং.)

অনন্তৰপচ্চযো

১১২. আসৱো চেৱ সাসৱো চ ধম্মো আসৱস্স চেৱ সাসৱস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা আসৱা পচ্ছিমানং পচ্ছিমানং আসৱানং অনন্তৰপচ্চযেন পচ্চযো. (১)

আসৱো চেৱ সাসৱো চ ধম্মো সাসৱস্স চেৱ নো চ আসৱস্স ধম্মস্স অনন্তৰপচ্চযেন পচ্চযো – পুৰিমা পুৰিমা আসৱা পচ্ছিমানং পচ্ছিমানং সাসৱঞ্চেৱ নো চ আসৱানং খন্ধানং অনন্তৰপচ্চযেন পচ্চযো; আসৱা ৱুট্ঠানস্স অনন্তৰপচ্চযেন পচ্চযো. (২)

আসৱো চেৱ সাসৱো চ ধম্মো আসৱস্স চেৱ সাসৱস্স চ সাসৱস্স চেৱ নো চ আসৱস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা আসৱা পচ্ছিমানং পচ্ছিমানং আসৱানং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

১১৩. সাসৱো চেৱ নো চ আসৱো ধম্মো সাসৱস্স চেৱ নো চ আসৱস্স ধম্মস্স অনন্তৰপচ্চযেন পচ্চযো – পুৰিমা পুৰিমা সাসৱা চেৱ নো চ আসৱা খন্ধা পচ্ছিমানং পচ্ছিমানং সাসৱানঞ্চেৱ নো চ আসৱানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স, অনুলোমং ৱোদানস্স, আৱজ্জনা সাসৱানঞ্চেৱ নো চ আসৱানং খন্ধানং অনন্তৰপচ্চযেন পচ্চযো. (১)

সাসৱো চেৱ নো চ আসৱো ধম্মো আসৱস্স চেৱ সাসৱস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা সাসৱা চেৱ নো চ আসৱা খন্ধা পচ্ছিমানং পচ্ছিমানং আসৱানং অনন্তৰপচ্চযেন পচ্চযো; আৱজ্জনা আসৱানং অনন্তৰপচ্চযেন পচ্চযো. (২)

সাসৱো চেৱ নো চ আসৱো ধম্মো আসৱস্স চেৱ সাসৱস্স চ সাসৱস্স চেৱ নো চ আসৱস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা সাসৱা চেৱ নো চ আসৱা খন্ধা পচ্ছিমানং পচ্ছিমানং আসৱানং সম্পযুত্তকানঞ্চ খন্ধানং অনন্তৰপচ্চযেন পচ্চযো; আৱজ্জনা আসৱানং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

১১৪. আসৱো চেৱ সাসৱো চ সাসৱো চেৱ নো চ আসৱো চ ধম্মা আসৱস্স চেৱ সাসৱস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা আসৱা চ সম্পযুত্তকা চ খন্ধা পচ্ছিমানং পচ্ছিমানং আসৱানং অনন্তৰপচ্চযেন পচ্চযো. (১)

আসৱো চেৱ সাসৱো চ সাসৱো চেৱ নো চ আসৱো চ ধম্মা সাসৱস্স চেৱ নো চ আসৱস্স ধম্মস্স অনন্তৰপচ্চযেন পচ্চযো – পুৰিমা পুৰিমা আসৱা চ সম্পযুত্তকা চ খন্ধা পচ্ছিমানং পচ্ছিমানং সাসৱানঞ্চেৱ নো চ আসৱানং খন্ধানং অনন্তৰপচ্চযেন পচ্চযো; আসৱা চ সম্পযুত্তকা চ খন্ধা ৱুট্ঠানস্স অনন্তৰপচ্চযেন পচ্চযো. (২)

আসৱো চেৱ সাসৱো চ সাসৱো চেৱ নো চ আসৱো চ ধম্মা আসৱস্স চেৱ সাসৱস্স চ সাসৱস্স চেৱ নো চ আসৱস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা আসৱা চ সম্পযুত্তকা চ খন্ধা পচ্ছিমানং পচ্ছিমানং আসৱানং সম্পযুত্তকানঞ্চ খন্ধানং অনন্তৰপচ্চযেন পচ্চযো (এৱং সব্বং ৱিত্থাৰেতব্বং). (৩)

(আসৱদুকেপি অনন্তৰং ইমিনা সদিসং কাতব্বং. আৱজ্জনাপি ৱুট্ঠানম্পি এৱং সমুদ্দিট্ঠং সংখিত্তং. সব্বং পৰিপুণ্ণং. আসৱদুকসদিসং কাতব্বং, নিন্নানং.)

আসৱসাসৱদুকং নিট্ঠিতং.