১. ৱিভঙ্গৱাৰো

হেতুপচ্চযো

১০৯. আসৱঞ্চেৱ সাসৱঞ্চ ধম্মং পটিচ্চ আসৱো চেৱ সাসৱো চ ধম্মো উপ্পজ্জতি হেতুপচ্চযা – কামাসৱং পটিচ্চ দিট্ঠাসৱো অৱিজ্জাসৱো (চক্কং বন্ধিতব্বং) ভৱাসৱং পটিচ্চ অৱিজ্জাসৱো (চক্কং বন্ধিতব্বং) দিট্ঠাসৱং পটিচ্চ অৱিজ্জাসৱো. (১)

আসৱঞ্চেৱ সাসৱঞ্চ ধম্মং পটিচ্চ সাসৱো চেৱ নো চ আসৱো ধম্মো উপ্পজ্জতি হেতুপচ্চযা – আসৱে পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং. (২)

আসৱঞ্চেৱ সাসৱঞ্চ ধম্মং পটিচ্চ আসৱো চেৱ সাসৱো চ সাসৱো চেৱ নো চ আসৱো চ ধম্মা উপ্পজ্জন্তি হেতুপচ্চযা – কামাসৱং পটিচ্চ দিট্ঠাসৱো অৱিজ্জাসৱো সম্পযুত্তকা খন্ধা চিত্তসমুট্ঠানঞ্চ ৰূপং, ভৱাসৱং (চক্কং বন্ধিতব্বং). (৩)

১১০. সাসৱঞ্চেৱ নো চ আসৱং ধম্মং পটিচ্চ সাসৱো চেৱ নো চ আসৱো ধম্মো উপ্পজ্জতি হেতুপচ্চযা – সাসৱঞ্চেৱ নো চ আসৱং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে…. (১)

সাসৱঞ্চেৱ নো চ আসৱং ধম্মং পটিচ্চ আসৱো চেৱ সাসৱো চ ধম্মো উপ্পজ্জতি হেতুপচ্চযা – সাসৱে চেৱ নো চ আসৱে খন্ধে পটিচ্চ আসৱা. (২)

সাসৱঞ্চেৱ নো চ আসৱং ধম্মং পটিচ্চ আসৱো চেৱ সাসৱো চ সাসৱো চেৱ নো চ আসৱো চ ধম্মা উপ্পজ্জন্তি হেতুপচ্চযা – সাসৱঞ্চেৱ নো চ আসৱং একং খন্ধং পটিচ্চ তযো খন্ধা আসৱা চ চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

১১১. আসৱঞ্চেৱ সাসৱঞ্চ সাসৱঞ্চেৱ নো চ আসৱঞ্চ ধম্মং পটিচ্চ আসৱো চেৱ সাসৱো চ ধম্মো উপ্পজ্জতি হেতুপচ্চযা – কামাসৱঞ্চ সম্পযুত্তকে চ খন্ধে পটিচ্চ দিট্ঠাসৱো অৱিজ্জাসৱো (এৱং চক্কং বন্ধিতব্বং). (১)

আসৱঞ্চেৱ সাসৱঞ্চ সাসৱঞ্চেৱ নো চ আসৱঞ্চ ধম্মং পটিচ্চ সাসৱো চেৱ নো চ আসৱো ধম্মো উপ্পজ্জতি হেতুপচ্চযা – সাসৱঞ্চেৱ নো চ আসৱং একং খন্ধঞ্চ আসৱে চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ…পে…. (২)

আসৱঞ্চেৱ সাসৱঞ্চ সাসৱঞ্চেৱ নো চ আসৱঞ্চ ধম্মং পটিচ্চ আসৱো চেৱ সাসৱো চ সাসৱো চেৱ নো চ আসৱো চ ধম্মা উপ্পজ্জন্তি হেতুপচ্চযা – সাসৱঞ্চেৱ নো চ আসৱং একং খন্ধঞ্চ কামাসৱঞ্চ পটিচ্চ তযো খন্ধা দিট্ঠাসৱো অৱিজ্জাসৱো চিত্তসমুট্ঠানঞ্চ ৰূপং…পে… দ্ৱে খন্ধে চ…পে… (চক্কং. সংখিত্তং). (৩)