১. ৱিভঙ্গৱাৰো

হেতুপচ্চযো

৭৪. আসৱসম্পযুত্তো ধম্মো আসৱসম্পযুত্তস্স ধম্মস্স হেতুপচ্চযেন পচ্চযো – আসৱসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

আসৱসম্পযুত্তো ধম্মো আসৱৱিপ্পযুত্তস্স ধম্মস্স হেতুপচ্চযেন পচ্চযো – আসৱসম্পযুত্তা হেতূ চিত্তসমুট্ঠানানং ৰূপানং হেতুপচ্চযেন পচ্চযো; দোসো মোহস্স চিত্তসমুট্ঠানানঞ্চ ৰূপানং হেতুপচ্চযেন পচ্চযো. (২)

আসৱসম্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স হেতুপচ্চযেন পচ্চযো – আসৱসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; দোসো সম্পযুত্তকানং খন্ধানং মোহস্স চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৭৫. আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স হেতুপচ্চযেন পচ্চযো – আসৱৱিপ্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; দোমনস্সসহগতো ৱিচিকিচ্ছাসহগতো উদ্ধচ্চসহগতো মোহো চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (১)

আসৱৱিপ্পযুত্তো ধম্মো আসৱসম্পযুত্তস্স ধম্মস্স হেতুপচ্চযেন পচ্চযো – দোমনস্সসহগতো ৱিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং হেতুপচ্চযেন পচ্চযো. (২)

আসৱৱিপ্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স হেতুপচ্চযেন পচ্চযো – দোমনস্সসহগতো ৱিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৭৬. আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স ধম্মস্স হেতুপচ্চযেন পচ্চযো – দোসো চ মোহো চ আসৱসম্পযুত্তকানং খন্ধানং হেতুপচ্চযেন পচ্চযো. (১)

আসৱসম্পযুত্তো চ আসৱৱিপ্পযুত্তো চ ধম্মা আসৱৱিপ্পযুত্তস্স ধম্মস্স হেতুপচ্চযেন পচ্চযো – দোসো চ মোহো চ চিত্তসমুট্ঠানানং ৰূপানং হেতুপচ্চযেন পচ্চযো. (২)

আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স চ আসৱৱিপ্পযুত্তস্স চ ধম্মস্স হেতুপচ্চযেন পচ্চযো – দোসো চ মোহো চ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

আৰম্মণপচ্চযো

৭৭. আসৱসম্পযুত্তো ধম্মো আসৱসম্পযুত্তস্স ধম্মস্স আৰম্মণপচ্চযেন পচ্চযো – আসৱসম্পযুত্তে খন্ধে আৰব্ভ আসৱসম্পযুত্তকা খন্ধা উপ্পজ্জন্তি. (১)

আসৱসম্পযুত্তো ধম্মো আসৱৱিপ্পযুত্তস্স ধম্মস্স আৰম্মণপচ্চযেন পচ্চযো – আসৱসম্পযুত্তে খন্ধে আৰব্ভ আসৱৱিপ্পযুত্তা খন্ধা চ মোহো চ উপ্পজ্জন্তি. (২)

আসৱসম্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স আৰম্মণপচ্চযেন পচ্চযো – আসৱসম্পযুত্তে খন্ধে আৰব্ভ দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

৭৮. আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং পচ্চৱেক্খতি; পুব্বে সুচিণ্ণানি…পে… ঝানা…পে… অৰিযা মগ্গং…পে… ফলং…পে… নিব্বানং…পে… নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো; অৰিযা আসৱৱিপ্পযুত্তে পহীনে কিলেসে পচ্চৱেক্খন্তি; ৱিক্খম্ভিতে…পে… পুব্বে…পে… চক্খুং…পে… ৱত্থুং আসৱৱিপ্পযুত্তে খন্ধে অনিচ্চতো দুক্খতো অনত্ততো ৱিপস্সতি. (ইধ অস্সাদনা নত্থি) দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন আসৱৱিপ্পযুত্তচিত্তসমঙ্গিস্স চিত্তং জানাতি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… আসৱৱিপ্পযুত্তা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায মোহস্স আৰম্মণপচ্চযেন পচ্চযো. (১)

আসৱৱিপ্পযুত্তো ধম্মো আসৱসম্পযুত্তস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি; পুব্বে সুচিণ্ণানি…পে… ঝানা ৱুট্ঠহিত্ৱা ঝানং…পে… চক্খুং…পে… ৱত্থুং আসৱৱিপ্পযুত্তে খন্ধে অস্সাদেতি অভিনন্দতি, তং আৰব্ভ ৰাগো…পে… দিট্ঠি… দোমনস্সং… ৱিচিকিচ্ছা… উদ্ধচ্চং উপ্পজ্জতি. (২)

আসৱৱিপ্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স আৰম্মণপচ্চযেন পচ্চযো – চক্খুং…পে… ৱত্থুং আসৱৱিপ্পযুত্তে খন্ধে আৰব্ভ দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

৭৯. আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স ধম্মস্স আৰম্মণপচ্চযেন পচ্চযো – দোমনস্সসহগতে ৱিচিকিচ্ছাসহগতে উদ্ধচ্চসহগতে খন্ধে চ মোহঞ্চ আৰব্ভ আসৱসম্পযুত্তা খন্ধা উপ্পজ্জন্তি. (১)

আসৱসম্পযুত্তো চ আসৱৱিপ্পযুত্তো চ ধম্মা আসৱৱিপ্পযুত্তস্স ধম্মস্স আৰম্মণপচ্চযেন পচ্চযো – দোমনস্সসহগতে ৱিচিকিচ্ছাসহগতে উদ্ধচ্চসহগতে খন্ধে চ মোহঞ্চ আৰব্ভ আসৱৱিপ্পযুত্তা খন্ধা চ মোহো চ উপ্পজ্জন্তি. (২)

আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স চ আসৱৱিপ্পযুত্তস্স চ ধম্মস্স আৰম্মণপচ্চযেন পচ্চযো – দোমনস্সসহগতে ৱিচিকিচ্ছাসহগতে উদ্ধচ্চসহগতে খন্ধে চ মোহঞ্চ আৰব্ভ দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

অধিপতিপচ্চযো

৮০. আসৱসম্পযুত্তো ধম্মো আসৱসম্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – আসৱসম্পযুত্তে খন্ধে গৰুং কত্ৱা আসৱসম্পযুত্তকা খন্ধা উপ্পজ্জন্তি. সহজাতাধিপতি – আসৱসম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

আসৱসম্পযুত্তো ধম্মো আসৱৱিপ্পযুত্তস্স ধম্মস্স অধিপতিপচ্চযেন পচ্চযো. সহজাতাধিপতি – আসৱসম্পযুত্তাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো; দোমনস্সসহগতাধিপতি মোহস্স চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (২)

আসৱসম্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স অধিপতিপচ্চযেন পচ্চযো. সহজাতাধিপতি – আসৱসম্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো; দোমনস্সসহগতাধিপতি সম্পযুত্তকানং খন্ধানং মোহস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৮১. আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা, সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি; পুব্বে সুচিণ্ণানি…পে… ঝানা…পে… অৰিযা মগ্গা ৱুট্ঠহিত্ৱা মগ্গং…পে… ফলং…পে… নিব্বানং গৰুং কত্ৱা পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো. সহজাতাধিপতি – আসৱৱিপ্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

আসৱৱিপ্পযুত্তো ধম্মো আসৱসম্পযুত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং দত্ৱা সীলং…পে… উপোসথকম্মং কত্ৱা তং গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি, পুব্বে সুচিণ্ণানি…পে… ঝানা…পে… চক্খুং…পে… ৱত্থুং আসৱৱিপ্পযুত্তে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (২)

অনন্তৰপচ্চযো

৮২. আসৱসম্পযুত্তো ধম্মো আসৱসম্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা আসৱসম্পযুত্তকা খন্ধা পচ্ছিমানং পচ্ছিমানং আসৱসম্পযুত্তকানং খন্ধানং অনন্তৰপচ্চযেন পচ্চযো. (১)

আসৱসম্পযুত্তো ধম্মো আসৱৱিপ্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা পচ্ছিমস্স পচ্ছিমস্স দোমনস্সসহগতস্স ৱিচিকিচ্ছাসহগতস্স উদ্ধচ্চসহগতস্স মোহস্স অনন্তৰপচ্চযেন পচ্চযো; আসৱসম্পযুত্তা খন্ধা ৱুট্ঠানস্স অনন্তৰপচ্চযেন পচ্চযো. (২)

আসৱসম্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা পচ্ছিমানং পচ্ছিমানং দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো. (৩)

৮৩. আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স অনন্তৰপচ্চযেন পচ্চযো – পুৰিমো পুৰিমো দোমনস্সসহগতো ৱিচিকিচ্ছাসহগতো উদ্ধচ্চসহগতো মোহো পচ্ছিমস্স পচ্ছিমস্স দোমনস্সসহগতস্স ৱিচিকিচ্ছাসহগতস্স উদ্ধচ্চসহগতস্স মোহস্স অনন্তৰপচ্চযেন পচ্চযো; পুৰিমা পুৰিমা আসৱৱিপ্পযুত্তা খন্ধা পচ্ছিমানং পচ্ছিমানং আসৱৱিপ্পযুত্তানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… ফলসমাপত্তিযা অনন্তৰপচ্চযেন পচ্চযো. (১)

আসৱৱিপ্পযুত্তো ধম্মো আসৱসম্পযুত্তস্স ধম্মস্স অনন্তৰপচ্চযেন পচ্চযো – পুৰিমো পুৰিমো দোমনস্সসহগতো ৱিচিকিচ্ছাসহগতো উদ্ধচ্চসহগতো মোহো পচ্ছিমানং পচ্ছিমানং দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং অনন্তৰপচ্চযেন পচ্চযো; আৱজ্জনা আসৱসম্পযুত্তকানং খন্ধানং অনন্তৰপচ্চযেন পচ্চযো. (২)

আসৱৱিপ্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স অনন্তৰপচ্চযেন পচ্চযো – পুৰিমো পুৰিমো দোমনস্সসহগতো ৱিচিকিচ্ছাসহগতো উদ্ধচ্চসহগতো মোহো পচ্ছিমানং পচ্ছিমানং দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো; আৱজ্জনা দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো. (৩)

৮৪. আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ পচ্ছিমানং পচ্ছিমানং দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং অনন্তৰপচ্চযেন পচ্চযো. (১)

আসৱসম্পযুত্তো চ আসৱৱিপ্পযুত্তো চ ধম্মা আসৱৱিপ্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ পচ্ছিমস্স পচ্ছিমস্স দোমনস্সসহগতস্স ৱিচিকিচ্ছাসহগতস্স উদ্ধচ্চসহগতস্স মোহস্স অনন্তৰপচ্চযেন পচ্চযো; দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ ৱুট্ঠানস্স অনন্তৰপচ্চযেন পচ্চযো. (২)

আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স চ আসৱৱিপ্পযুত্তস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ পচ্ছিমানং পচ্ছিমানং দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো. (৩)

সমনন্তৰপচ্চযাদি

৮৫. আসৱসম্পযুত্তো ধম্মো আসৱসম্পযুত্তস্স ধম্মস্স সমনন্তৰপচ্চযেন পচ্চযো… সহজাতপচ্চযেন পচ্চযো… নৱ… অঞ্ঞমঞ্ঞপচ্চযেন পচ্চযো… ছ… নিস্সযপচ্চযেন পচ্চযো… নৱ.

উপনিস্সযপচ্চযো

৮৬. আসৱসম্পযুত্তো ধম্মো আসৱসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – আসৱসম্পযুত্তা খন্ধা আসৱসম্পযুত্তানং খন্ধানং উপনিস্সযপচ্চযেন পচ্চযো. (১)

আসৱসম্পযুত্তো ধম্মো আসৱৱিপ্পযুত্তস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – আসৱসম্পযুত্তা খন্ধা আসৱৱিপ্পযুত্তানং খন্ধানং মোহস্স চ উপনিস্সযপচ্চযেন পচ্চযো. (২)

আসৱসম্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – আসৱসম্পযুত্তকা খন্ধা দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৮৭. আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সীলং…পে… পঞ্ঞং… কাযিকং সুখং…পে… সেনাসনং… মোহং উপনিস্সায দানং দেতি…পে… সমাপত্তিং উপ্পাদেতি; সদ্ধা…পে… পঞ্ঞা… কাযিকং সুখং… কাযিকং দুক্খং… মোহো চ সদ্ধায…পে… মোহস্স চ উপনিস্সযপচ্চযেন পচ্চযো. (১)

আসৱৱিপ্পযুত্তো ধম্মো আসৱসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, দিট্ঠিং গণ্হাতি; সীলং…পে… পঞ্ঞং… কাযিকং সুখং… কাযিকং দুক্খং… উতুং… ভোজনং… সেনাসনং… মোহং উপনিস্সায পাণং হনতি…পে… সঙ্ঘং ভিন্দতি; সদ্ধা…পে… মোহো চ ৰাগস্স…পে… পত্থনায উপনিস্সযপচ্চযেন পচ্চযো. (২)

আসৱৱিপ্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধা… সীলং…পে… মোহো দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

৮৮. আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো …পে…. পকতূপনিস্সযো – দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ আসৱসম্পযুত্তকানং খন্ধানং উপনিস্সযপচ্চযেন পচ্চযো. (পুচ্ছিতব্বং মূলং) দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ আসৱসম্পযুত্তকানং খন্ধানং উপনিস্সযপচ্চযেন পচ্চযো. (১)

আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স চ আসৱৱিপ্পযুত্তস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (২)

পুৰেজাতপচ্চযো

৮৯. আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো দুক্খতো অনত্ততো ৱিপস্সতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু আসৱৱিপ্পযুত্তানং খন্ধানং মোহস্স চ পুৰেজাতপচ্চযেন পচ্চযো. (১)

আসৱৱিপ্পযুত্তো ধম্মো আসৱসম্পযুত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. ৱত্থুপুৰেজাতং – ৱত্থু আসৱসম্পযুত্তকানং খন্ধানং পুৰেজাতপচ্চযেন পচ্চযো. (২)

আসৱৱিপ্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং আৰব্ভ দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. ৱত্থুপুৰেজাতং – ৱত্থু দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ পুৰেজাতপচ্চযেন পচ্চযো. (৩)

পচ্ছাজাতপচ্চযো

৯০. আসৱসম্পযুত্তো ধম্মো আসৱৱিপ্পযুত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা আসৱসম্পযুত্তকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা আসৱৱিপ্পযুত্তা খন্ধা চ মোহো চ পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসৱসম্পযুত্তো চ আসৱৱিপ্পযুত্তো চ ধম্মা আসৱৱিপ্পযুত্তস্স ধম্মস্স পচ্ছাজাতপচ্চযেন পচ্চযো – পচ্ছাজাতা দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

৯১. আসৱসম্পযুত্তো ধম্মো আসৱসম্পযুত্তস্স ধম্মস্স আসেৱনপচ্চযেন পচ্চযো… নৱ (আৱজ্জনাপি ৱুট্ঠানম্পি নত্থি ).

কম্মপচ্চযো

৯২. আসৱসম্পযুত্তো ধম্মো আসৱসম্পযুত্তস্স ধম্মস্স কম্মপচ্চযেন পচ্চযো – আসৱসম্পযুত্তকা চেতনা সম্পযুত্তকানং খন্ধানং কম্মপচ্চযেন পচ্চযো. (১)

আসৱসম্পযুত্তো ধম্মো আসৱৱিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – আসৱসম্পযুত্তা চেতনা চিত্তসমুট্ঠানানং ৰূপানং কম্মপচ্চযেন পচ্চযো; দোমনস্সসহগতা ৱিচিকিচ্ছাসহগতা উদ্ধচ্চসহগতা চেতনা মোহস্স চিত্তসমুট্ঠানানঞ্চ ৰূপানং কম্মপচ্চযেন পচ্চযো. নানাক্খণিকা – আসৱসম্পযুত্তকা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

আসৱসম্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স কম্মপচ্চযেন পচ্চযো – আসৱসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; দোমনস্সসহগতা ৱিচিকিচ্ছাসহগতা উদ্ধচ্চসহগতা চেতনা সম্পযুত্তকানং খন্ধানং মোহস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – আসৱৱিপ্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা আসৱৱিপ্পযুত্তা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযো

৯৩. আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স ৱিপাকপচ্চযেন পচ্চযো… একং.

আহাৰপচ্চযো

৯৪. আসৱসম্পযুত্তো ধম্মো আসৱসম্পযুত্তস্স ধম্মস্স আহাৰপচ্চযেন পচ্চযো – আসৱসম্পযুত্তা আহাৰা সম্পযুত্তকানং খন্ধানং আহাৰপচ্চযেন পচ্চযো. (১)

আসৱসম্পযুত্তো ধম্মো আসৱৱিপ্পযুত্তস্স ধম্মস্স আহাৰপচ্চযেন পচ্চযো – আসৱসম্পযুত্তা আহাৰা চিত্তসমুট্ঠানানং ৰূপানং আহাৰপচ্চযেন পচ্চযো; দোমনস্সসহগতা ৱিচিকিচ্ছাসহগতা উদ্ধচ্চসহগতা আহাৰা মোহস্স চিত্তসমুট্ঠানানঞ্চ ৰূপানং আহাৰপচ্চযেন পচ্চযো. (২)

আসৱসম্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স আহাৰপচ্চযেন পচ্চযো – আসৱসম্পযুত্তা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; দোমনস্সসহগতা ৱিচিকিচ্ছাসহগতা উদ্ধচ্চসহগতা আহাৰা সম্পযুত্তকানং খন্ধানং মোহস্স চ চিত্তসমুট্ঠানানঞ্চ ৰূপানং আহাৰপচ্চযেন পচ্চযো. (৩)

৯৫. আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স আহাৰপচ্চযেন পচ্চযো – আসৱৱিপ্পযুত্তা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে… কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)

ইন্দ্ৰিযপচ্চযাদি

৯৬. আসৱসম্পযুত্তো ধম্মো আসৱসম্পযুত্তস্স ধম্মস্স ইন্দ্ৰিযপচ্চযেন পচ্চযো… চত্তাৰি… ঝানপচ্চযেন পচ্চযো… চত্তাৰি… মগ্গপচ্চযেন পচ্চযো… চত্তাৰি… সম্পযুত্তপচ্চযেন পচ্চযো… ছ.

ৱিপ্পযুত্তপচ্চযো

৯৭. আসৱসম্পযুত্তো ধম্মো আসৱৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – আসৱসম্পযুত্তা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – আসৱসম্পযুত্তা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং. ৱিত্থাৰেতব্বং). (১)

৯৮. আসৱৱিপ্পযুত্তো ধম্মো আসৱসম্পযুত্তস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু আসৱসম্পযুত্তকানং খন্ধানং ৱিপ্পযুত্তপচ্চযেন পচ্চযো. (১)

আসৱৱিপ্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু দোমনস্সসহগতানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ ৱিপ্পযুত্তপচ্চযেন পচ্চযো. (২)

আসৱসম্পযুত্তো চ আসৱৱিপ্পযুত্তো চ ধম্মা আসৱৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযো

৯৯. আসৱসম্পযুত্তো ধম্মো আসৱসম্পযুত্তস্স ধম্মস্স অত্থিপচ্চযেন পচ্চযো… একং. (১)

আসৱসম্পযুত্তো ধম্মো আসৱৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – আসৱসম্পযুত্তা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো; দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা মোহস্স চ চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পচ্ছাজাতা – আসৱসম্পযুত্তা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

আসৱসম্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স অত্থিপচ্চযেন পচ্চযো (সহজাতসদিসং). (৩)

১০০. আসৱৱিপ্পযুত্তো ধম্মো আসৱৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং, ৱিত্থাৰেতব্বং). (১)

আসৱৱিপ্পযুত্তো ধম্মো আসৱসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দোমনস্সসহগতো ৱিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি, দোমনস্সং উপ্পজ্জতি, ৱত্থু আসৱসম্পযুত্তকানং খন্ধানং অত্থিপচ্চযেন পচ্চযো. (২)

আসৱৱিপ্পযুত্তো ধম্মো আসৱসম্পযুত্তস্স চ আসৱৱিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দোমনস্সসহগতো ৱিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং আৰব্ভ দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

১০১. আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – আসৱসম্পযুত্তো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে… দোমনস্সসহগতো ৱিচিকিচ্ছাসহগতো উদ্ধচ্চসহগতো একো খন্ধো চ মোহো চ তিণ্ণন্নং খন্ধানং অত্থিপচ্চযেন পচ্চযো; দ্ৱে খন্ধা চ…পে…. (১)

আসৱসম্পযুত্তো চ আসৱৱিপ্পযুত্তো চ ধম্মা আসৱৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – আসৱসম্পযুত্তা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো; দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ চিত্তসমুট্ঠানানং ৰূপানং অত্থিপচ্চযেন পচ্চযো; দোমনস্সসহগতা ৱিচিকিচ্ছাসহগতা উদ্ধচ্চসহগতা খন্ধা চ ৱত্থু চ মোহস্স অত্থিপচ্চযেন পচ্চযো. পচ্ছাজাতা – আসৱসম্পযুত্তা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – আসৱসম্পযুত্তা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

আসৱসম্পযুত্তো চ আসৱৱিপ্পযুত্তো চ ধম্মা আসৱসম্পযুত্তস্স চ আসৱৱিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দোমনস্সসহগতো ৱিচিকিচ্ছাসহগতো উদ্ধচ্চসহগতো একো খন্ধো চ মোহো চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – দোমনস্সসহগতো ৱিচিকিচ্ছাসহগতো উদ্ধচ্চসহগতো একো খন্ধো চ ৱত্থু চ তিণ্ণন্নং খন্ধানং মোহস্স চ…পে… দ্ৱে খন্ধা চ…পে…. (৩)