১. ৱিভঙ্গৱাৰো

হেতুপচ্চযো

৬৩. উপাদানসম্পযুত্তো ধম্মো উপাদানসম্পযুত্তস্স ধম্মস্স হেতুপচ্চযেন পচ্চযো – উপাদানসম্পযুত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

উপাদানসম্পযুত্তো ধম্মো উপাদানৱিপ্পযুত্তস্স ধম্মস্স হেতুপচ্চযেন পচ্চযো – উপাদানসম্পযুত্তা হেতূ চিত্তসমুট্ঠানানং ৰূপানং হেতুপচ্চযেন পচ্চযো; দিট্ঠিগতৱিপ্পযুত্তলোভসহগতা হেতূ দিট্ঠিগতৱিপ্পযুত্তলোভস্স চিত্তসমুট্ঠানানঞ্চ ৰূপানং হেতুপচ্চযেন পচ্চযো. (মূলং কাতব্বং) উপাদানসম্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; দিট্ঠিগতৱিপ্পযুত্তলোভসহগতা হেতূ সম্পযুত্তকানং খন্ধানং লোভস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৬৪. উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স হেতুপচ্চযেন পচ্চযো – উপাদানৱিপ্পযুত্তা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; দিট্ঠিগতৱিপ্পযুত্তো লোভো চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (মূলং কাতব্বং) দিট্ঠিগতৱিপ্পযুত্তো লোভো সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং) দিট্ঠিগতৱিপ্পযুত্তো লোভো সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৬৫. উপাদানসম্পযুত্তো চ উপাদানৱিপ্পযুত্তো চ ধম্মা উপাদানসম্পযুত্তস্স ধম্মস্স হেতুপচ্চযেন পচ্চযো – দিট্ঠিগতৱিপ্পযুত্তলোভসহগতো মোহো চ লোভো চ সম্পযুত্তকানং খন্ধানং হেতুপচ্চযেন পচ্চযো. (মূলং কাতব্বং) দিট্ঠিগতৱিপ্পযুত্তলোভসহগতো মোহো চ লোভো চ চিত্তসমুট্ঠানানং ৰূপানং হেতুপচ্চযেন পচ্চযো. (২)

উপাদানসম্পযুত্তো চ উপাদানৱিপ্পযুত্তো চ ধম্মা উপাদানসম্পযুত্তস্স চ উপাদানৱিপ্পযুত্তস্স চ ধম্মস্স হেতুপচ্চযেন পচ্চযো – দিট্ঠিগতৱিপ্পযুত্তলোভসহগতো মোহো চ লোভো চ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

আৰম্মণপচ্চযো

৬৬. উপাদানসম্পযুত্তো ধম্মো উপাদানসম্পযুত্তস্স ধম্মস্স আৰম্মণপচ্চযেন পচ্চযো – উপাদানসম্পযুত্তে খন্ধে আৰব্ভ উপাদানসম্পযুত্তা খন্ধা উপ্পজ্জন্তি. (মূলং কাতব্বং) উপাদানসম্পযুত্তে খন্ধে আৰব্ভ উপাদানৱিপ্পযুত্তা খন্ধা চ লোভো চ উপ্পজ্জন্তি. (মূলং কাতব্বং) উপাদানসম্পযুত্তে খন্ধে আৰব্ভ দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

৬৭. উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স আৰম্মণপচ্চযেন পচ্চযো – দানং…পে… সীলং…পে… উপোসথকম্মং…পে… পুব্বে সুচিণ্ণানি…পে… ঝানা ৱুট্ঠহিত্ৱা ঝানং পচ্চৱেক্খতি, অস্সাদেতি অভিনন্দতি, তং আৰব্ভ দিট্ঠিগতৱিপ্পযুত্তো ৰাগো…পে… ৱিচিকিচ্ছা…পে… উদ্ধচ্চং উপ্পজ্জতি, ঝানে পৰিহীনে ৱিপ্পটিসাৰিস্স দোমনস্সং উপ্পজ্জতি. অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং…পে… নিব্বানং পচ্চৱেক্খন্তি. নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. অৰিযা উপাদানৱিপ্পযুত্তে পহীনে কিলেসে…পে… ৱিক্খম্ভিতে কিলেসে…পে… পুব্বে সমুদাচিণ্ণে কিলেসে…পে… চক্খুং…পে… ৱত্থুং উপাদানৱিপ্পযুত্তে খন্ধে চ লোভঞ্চ অনিচ্চতো…পে… ৱিপস্সতি, অস্সাদেতি অভিনন্দতি, তং আৰব্ভ দিট্ঠিগতৱিপ্পযুত্তো ৰাগো…পে… ৱিচিকিচ্ছা…পে… উদ্ধচ্চং…পে… দোমনস্সং উপ্পজ্জতি…পে… (সব্বং পৰিপুণ্ণং), দিব্বেন চক্খুনা… (যাৱ কাযৱিঞ্ঞাণং), উপাদানৱিপ্পযুত্তা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

উপাদানৱিপ্পযুত্তো ধম্মো উপাদানসম্পযুত্তস্স ধম্মস্স আৰম্মণপচ্চযেন পচ্চযো – দানং …পে… ঝানং…পে… চক্খুং…পে… ৱত্থুং উপাদানৱিপ্পযুত্তে খন্ধে চ লোভঞ্চ অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি. (২)

উপাদানৱিপ্পযুত্তো ধম্মো উপাদানসম্পযুত্তস্স চ উপাদানৱিপ্পযুত্তস্স চ ধম্মস্স আৰম্মণপচ্চযেন পচ্চযো – চক্খুং…পে… ৱত্থুং উপাদানৱিপ্পযুত্তে খন্ধে চ লোভঞ্চ আৰব্ভ দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

৬৮. উপাদানসম্পযুত্তো চ উপাদানৱিপ্পযুত্তো চ ধম্মা উপাদানসম্পযুত্তস্স ধম্মস্স আৰম্মণপচ্চযেন পচ্চযো – দিট্ঠিগতৱিপ্পযুত্তলোভসহগতে খন্ধে চ লোভঞ্চ আৰব্ভ উপাদানসম্পযুত্তা খন্ধা উপ্পজ্জন্তি. (মূলং কাতব্বং) দিট্ঠিগতৱিপ্পযুত্তলোভসহগতে খন্ধে চ লোভঞ্চ আৰব্ভ উপাদানৱিপ্পযুত্তা খন্ধা চ লোভো চ উপ্পজ্জন্তি. (মূলং কাতব্বং) দিট্ঠিগতৱিপ্পযুত্তলোভসহগতে খন্ধে চ লোভঞ্চ আৰব্ভ দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

অধিপতিপচ্চযো

৬৯. উপাদানসম্পযুত্তো ধম্মো উপাদানসম্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – উপাদানসম্পযুত্তে খন্ধে গৰুং কত্ৱা উপাদানসম্পযুত্তা খন্ধা উপ্পজ্জন্তি. সহজাতাধিপতি – উপাদানসম্পযুত্তাধিপতি সম্পযুত্তকানং খন্ধানং অধিপতিপচ্চযেন পচ্চযো. (মূলং কাতব্বং) আৰম্মণাধিপতি, সহজাতাধিপতি. আৰম্মণাধিপতি – উপাদানসম্পযুত্তে খন্ধে গৰুং কত্ৱা দিট্ঠিগতৱিপ্পযুত্তো লোভো উপ্পজ্জতি. সহজাতাধিপতি – উপাদানসম্পযুত্তাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো; দিট্ঠিগতৱিপ্পযুত্তলোভসহগতাধিপতি লোভস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (মূলং কাতব্বং) আৰম্মণাধিপতি, সহজাতাধিপতি. আৰম্মণাধিপতি – উপাদানসম্পযুত্তে খন্ধে গৰুং কত্ৱা দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. সহজাতাধিপতি – উপাদানসম্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো; দিট্ঠিগতৱিপ্পযুত্তলোভসহগতাধিপতি সম্পযুত্তকানং খন্ধানং লোভস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৭০. উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং…পে… সীলং…পে… ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, অস্সাদেতি অভিনন্দতি, তং গৰুং কত্ৱা দিট্ঠিগতৱিপ্পযুত্তো ৰাগো উপ্পজ্জতি…পে… অৰিযা মগ্গা ৱুট্ঠহিত্ৱা…পে… ফলস্স অধিপতিপচ্চযেন পচ্চযো; চক্খুং…পে… ৱত্থুং উপাদানৱিপ্পযুত্তে খন্ধে চ লোভঞ্চ গৰুং কত্ৱা অস্সাদেতি অভিনন্দতি, তং গৰুং কত্ৱা দিট্ঠিগতৱিপ্পযুত্তো ৰাগো উপ্পজ্জতি. সহজাতাধিপতি – উপাদানৱিপ্পযুত্তাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

উপাদানৱিপ্পযুত্তো ধম্মো উপাদানসম্পযুত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং…পে… ঝানং…পে… চক্খুং…পে… ৱত্থুং উপাদানৱিপ্পযুত্তে খন্ধে চ লোভঞ্চ গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (২)

উপাদানৱিপ্পযুত্তো ধম্মো উপাদানসম্পযুত্তস্স চ উপাদানৱিপ্পযুত্তস্স চ ধম্মস্স অধিপতিপচ্চযেন পচ্চযো. আৰম্মণাধিপতি – চক্খুং…পে… ৱত্থুং উপাদানৱিপ্পযুত্তে খন্ধে চ লোভঞ্চ গৰুং কত্ৱা দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

৭১. উপাদানসম্পযুত্তো চ উপাদানৱিপ্পযুত্তো চ ধম্মা উপাদানসম্পযুত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – দিট্ঠিগতৱিপ্পযুত্তলোভসহগতে খন্ধে চ লোভঞ্চ গৰুং কত্ৱা উপাদানসম্পযুত্তা খন্ধা উপ্পজ্জন্তি. (মূলং কাতব্বং) দিট্ঠিগতৱিপ্পযুত্তলোভসহগতে খন্ধে চ লোভঞ্চ গৰুং কত্ৱা দিট্ঠিগতৱিপ্পযুত্তো লোভো উপ্পজ্জতি. (মূলং কাতব্বং) দিট্ঠিগতৱিপ্পযুত্তলোভসহগতে খন্ধে চ লোভঞ্চ গৰুং কত্ৱা দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. (৩)

অনন্তৰপচ্চযো

৭২. উপাদানসম্পযুত্তো ধম্মো উপাদানসম্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপাদানসম্পযুত্তা খন্ধা পচ্ছিমানং পচ্ছিমানং উপাদানসম্পযুত্তকানং খন্ধানং অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা পচ্ছিমস্স পচ্ছিমস্স দিট্ঠিগতৱিপ্পযুত্তস্স লোভস্স অনন্তৰপচ্চযেন পচ্চযো; উপাদানসম্পযুত্তা খন্ধা ৱুট্ঠানস্স অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং লোভস্স চ অনন্তৰপচ্চযেন পচ্চযো. (৩)

৭৩. উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স অনন্তৰপচ্চযেন পচ্চযো – পুৰিমো পুৰিমো দিট্ঠিগতৱিপ্পযুত্তো লোভো পচ্ছিমস্স পচ্ছিমস্স দিট্ঠিগতৱিপ্পযুত্তস্স লোভস্স অনন্তৰপচ্চযেন পচ্চযো; পুৰিমা পুৰিমা উপাদানৱিপ্পযুত্তা খন্ধা পচ্ছিমানং পচ্ছিমানং উপাদানৱিপ্পযুত্তানং খন্ধানং অনন্তৰপচ্চযেন পচ্চযো; দিট্ঠিগতৱিপ্পযুত্তো লোভো ৱুট্ঠানস্স অনন্তৰপচ্চযেন পচ্চযো; অনুলোমং গোত্ৰভুস্স…পে… ফলসমাপত্তিযা অনন্তৰপচ্চযেন পচ্চযো. (মূলং কাতব্বং) পুৰিমো পুৰিমো দিট্ঠিগতৱিপ্পযুত্তো লোভো পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং অনন্তৰপচ্চযেন পচ্চযো. আৱজ্জনা উপাদানসম্পযুত্তকানং খন্ধানং অনন্তৰপচ্চযেন পচ্চযো. (মূলং কাতব্বং) পুৰিমো পুৰিমো দিট্ঠিগতৱিপ্পযুত্তো লোভো পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং লোভস্স চ অনন্তৰপচ্চযেন পচ্চযো; আৱজ্জনা দিট্ঠিগতৱিপ্পযুত্তলোভসহগতানং খন্ধানং লোভস্স চ অনন্তৰপচ্চযেন পচ্চযো. (৩)

৭৪. উপাদানসম্পযুত্তো চ উপাদানৱিপ্পযুত্তো চ ধম্মা উপাদানসম্পযুত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা চ লোভো চ পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা চ লোভো চ পচ্ছিমস্স পচ্ছিমস্স দিট্ঠিগতৱিপ্পযুত্তস্স লোভস্স অনন্তৰপচ্চযেন পচ্চযো; দিট্ঠিগতৱিপ্পযুত্তলোভসহগতা খন্ধা চ লোভো চ ৱুট্ঠানস্স অনন্তৰপচ্চযেন পচ্চযো. (মূলং কাতব্বং) পুৰিমা পুৰিমা দিট্ঠিগতৱিপ্পযুত্তলোভসহগতা খন্ধা চ লোভো চ পচ্ছিমানং পচ্ছিমানং দিট্ঠিগতৱিপ্পযুত্তলোভসহগতানং খন্ধানং লোভস্স চ অনন্তৰপচ্চযেন পচ্চযো. (৩)

সমনন্তৰপচ্চযাদি

৭৫. উপাদানসম্পযুত্তো ধম্মো উপাদানসম্পযুত্তস্স ধম্মস্স সমনন্তৰপচ্চযেন পচ্চযো… সহজাতপচ্চযেন পচ্চযো… (পটিচ্চসদিসং) নৱ… অঞ্ঞমঞ্ঞপচ্চযেন পচ্চযো… (পটিচ্চসদিসং) ছ… নিস্সযপচ্চযেন পচ্চযো… (পচ্চযৱাৰসদিসং) নৱ.

উপনিস্সযপচ্চযো

৭৬. উপাদানসম্পযুত্তো ধম্মো উপাদানসম্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – উপাদানসম্পযুত্তা খন্ধা উপাদানসম্পযুত্তকানং খন্ধানং উপনিস্সযপচ্চযেন পচ্চযো. (মূলং কাতব্বং) উপাদানসম্পযুত্তা খন্ধা উপাদানৱিপ্পযুত্তকানং খন্ধানং লোভস্স চ উপনিস্সযপচ্চযেন পচ্চযো. (মূলং কাতব্বং) উপাদানসম্পযুত্তা খন্ধা দিট্ঠিগতৱিপ্পযুত্তলোভসহগতানং খন্ধানং লোভস্স চ উপনিস্সযপচ্চযেন পচ্চযো. (৩)

৭৭. উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি, মানং জপ্পেতি, সীলং…পে… পঞ্ঞং… উপাদানৱিপ্পযুত্তং ৰাগং… মানং… পত্থনং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… পঞ্ঞায উপাদানৱিপ্পযুত্তস্স ৰাগস্স… মানস্স… পত্থনায… কাযিকস্স সুখস্স…পে… ফলসমাপত্তিযা উপনিস্সযপচ্চযেন পচ্চযো. (১)

উপাদানৱিপ্পযুত্তো ধম্মো উপাদানসম্পযুত্তস্স ধম্মস্স উপনিস্সযপচ্চযেন পচ্চযো – (তীণি উপনিস্সযা) সদ্ধং উপনিস্সায মানং জপ্পেতি, দিট্ঠিং গণ্হাতি, সীলং…পে… পঞ্ঞং… উপাদানৱিপ্পযুত্তং ৰাগং… মানং… পত্থনং… সেনাসনং উপনিস্সায অদিন্নং…পে… মুসা…পে… পিসুণং…পে… সম্ফং…পে… সন্ধিং…পে… নিল্লোপং…পে… একাগাৰিকং…পে… পৰিপন্থে…পে… পৰদাৰং…পে… গামঘাতং…পে… নিগমঘাতং কৰোতি. সদ্ধা…পে… সেনাসনং উপাদানসম্পযুত্তস্স ৰাগস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (২)

উপাদানৱিপ্পযুত্তো ধম্মো উপাদানসম্পযুত্তস্স চ উপাদানৱিপ্পযুত্তস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি, সীলং…পে… পঞ্ঞং… উপাদানৱিপ্পযুত্তং ৰাগং…পে… সেনাসনং উপনিস্সায অদিন্নং আদিযতি…পে… গামঘাতং কৰোতি… নিগমঘাতং কৰোতি…. সদ্ধা…পে… সেনাসনং দিট্ঠিগতৱিপ্পযুত্তলোভসহগতানং খন্ধানং লোভস্স চ উপনিস্সযপচ্চযেন পচ্চযো. (৩)

৭৮. উপাদানসম্পযুত্তো চ উপাদানৱিপ্পযুত্তো চ ধম্মা উপাদানসম্পযুত্তস্স ধম্মস্স উপনিস্সযপচ্চযেন পচ্চযো – দিট্ঠিগতৱিপ্পযুত্তলোভসহগতা খন্ধা চ লোভো চ উপাদানসম্পযুত্তকানং খন্ধানং উপনিস্সযপচ্চযেন পচ্চযো. (মূলং কাতব্বং) দিট্ঠিগতৱিপ্পযুত্তলোভসহগতা খন্ধা চ লোভো চ উপাদানৱিপ্পযুত্তকানং খন্ধানং লোভস্স চ উপনিস্সযপচ্চযেন পচ্চযো. (মূলং কাতব্বং) দিট্ঠিগতৱিপ্পযুত্তলোভসহগতা খন্ধা চ লোভো চ দিট্ঠিগতৱিপ্পযুত্তলোভসহগতানং খন্ধানং লোভস্স চ উপনিস্সযপচ্চযেন পচ্চযো. (৩)

পুৰেজাতপচ্চযো

৭৯. উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং…পে…. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং…পে… ৱত্থু উপাদানৱিপ্পযুত্তকানং খন্ধানং লোভস্স চ পুৰেজাতপচ্চযেন পচ্চযো. (১)

উপাদানৱিপ্পযুত্তো ধম্মো উপাদানসম্পযুত্তস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অস্সাদেতি অভিনন্দতি, তং আৰব্ভ ৰাগো উপ্পজ্জতি, দিট্ঠি উপ্পজ্জতি. ৱত্থুপুৰেজাতং – ৱত্থু উপাদানসম্পযুত্তকানং খন্ধানং পুৰেজাতপচ্চযেন পচ্চযো. (২)

উপাদানৱিপ্পযুত্তো ধম্মো উপাদানসম্পযুত্তস্স চ উপাদানৱিপ্পযুত্তস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং আৰব্ভ দিট্ঠিগতৱিপ্পযুত্তলোভসহগতা খন্ধা চ লোভো চ উপ্পজ্জন্তি. ৱত্থুপুৰেজাতং – ৱত্থু দিট্ঠিগতৱিপ্পযুত্তলোভসহগতানং খন্ধানং লোভস্স চ পুৰেজাতপচ্চযেন পচ্চযো. (৩)

পচ্ছাজাতাসেৱনপচ্চযা

৮০. উপাদানসম্পযুত্তো ধম্মো উপাদানৱিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স পচ্ছাজাতপচ্চযেন পচ্চযো (সংখিত্তং). (১)

উপাদানসম্পযুত্তো চ উপাদানৱিপ্পযুত্তো চ ধম্মা উপাদানৱিপ্পযুত্তস্স ধম্মস্স পচ্ছাজাতপচ্চযেন পচ্চযো. (সংখিত্তং.) (১) …আসেৱনপচ্চযেন পচ্চযো.

কম্ম-ৱিপাকপচ্চযা

৮১. উপাদানসম্পযুত্তো ধম্মো উপাদানসম্পযুত্তস্স ধম্মস্স কম্মপচ্চযেন পচ্চযো – উপাদানসম্পযুত্তা চেতনা সম্পযুত্তকানং খন্ধানং কম্মপচ্চযেন পচ্চযো. (১)

উপাদানসম্পযুত্তো ধম্মো উপাদানৱিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – উপাদানসম্পযুত্তা চেতনা চিত্তসমুট্ঠানানং ৰূপানং কম্মপচ্চযেন পচ্চযো; দিট্ঠিগতৱিপ্পযুত্তলোভসহগতা চেতনা লোভস্স চিত্তসমুট্ঠানানঞ্চ ৰূপানং কম্মপচ্চযেন পচ্চযো. নানাক্খণিকা – উপাদানসম্পযুত্তা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

উপাদানসম্পযুত্তো ধম্মো উপাদানসম্পযুত্তস্স চ উপাদানৱিপ্পযুত্তস্স চ ধম্মস্স কম্মপচ্চযেন পচ্চযো – উপাদানসম্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; দিট্ঠিগতৱিপ্পযুত্তলোভসহগতা চেতনা সম্পযুত্তকানং খন্ধানং লোভস্স চ চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

৮২. উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – উপাদানৱিপ্পযুত্তা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – উপাদানৱিপ্পযুত্তা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স ৱিপাকপচ্চযেন পচ্চযো – ৱিপাকো উপাদানৱিপ্পযুত্তো একো…পে… একং.

আহাৰপচ্চযাদি

৮৩. উপাদানসম্পযুত্তো ধম্মো উপাদানসম্পযুত্তস্স ধম্মস্স আহাৰপচ্চযেন পচ্চযো… ইন্দ্ৰিযপচ্চযেন পচ্চযো… ঝানপচ্চযেন পচ্চযো… মগ্গপচ্চযেন পচ্চযো (ইমেসু চতূসুপি যথা কম্মপচ্চযে দিট্ঠিগতৱিপ্পযুত্তো লোভো দস্সিতো এৱং দস্সেতব্বো. চত্তাৰি চত্তাৰি পঞ্হা)… সম্পযুত্তপচ্চযেন পচ্চযো… ছ.

ৱিপ্পযুত্তপচ্চযো

৮৪. উপাদানসম্পযুত্তো ধম্মো উপাদানৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (সংখিত্তং). (১)

উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং (সংখিত্তং). (১)

উপাদানৱিপ্পযুত্তো ধম্মো উপাদানসম্পযুত্তস্স ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু উপাদানসম্পযুত্তকানং খন্ধানং ৱিপ্পযুত্তপচ্চযেন পচ্চযো. (২)

উপাদানৱিপ্পযুত্তো ধম্মো উপাদানসম্পযুত্তস্স চ উপাদানৱিপ্পযুত্তস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু দিট্ঠিগতৱিপ্পযুত্তলোভসহগতানং খন্ধানং লোভস্স চ ৱিপ্পযুত্তপচ্চযেন পচ্চযো. (৩)

উপাদানসম্পযুত্তো চ উপাদানৱিপ্পযুত্তো চ ধম্মা উপাদানৱিপ্পযুত্তস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – দিট্ঠিগতৱিপ্পযুত্তলোভসহগতা খন্ধা চ লোভো চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা…পে….

অত্থিপচ্চযাদি

৮৫. উপাদানসম্পযুত্তো ধম্মো উপাদানসম্পযুত্তস্স ধম্মস্স অত্থিপচ্চযেন পচ্চযো… একং (পটিচ্চসদিসং). (১)

উপাদানসম্পযুত্তো ধম্মো উপাদানৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং (সংখিত্তং). (২)

উপাদানসম্পযুত্তো ধম্মো উপাদানসম্পযুত্তস্স চ উপাদানৱিপ্পযুত্তস্স চ ধম্মস্স অত্থিপচ্চযেন পচ্চযো (পটিচ্চসদিসং). (৩)

৮৬. উপাদানৱিপ্পযুত্তো ধম্মো উপাদানৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং (সংখিত্তং). (১)

উপাদানৱিপ্পযুত্তো ধম্মো উপাদানসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং (সংখিত্তং). (২)

উপাদানৱিপ্পযুত্তো ধম্মো উপাদানসম্পযুত্তস্স চ উপাদানৱিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং (ইমেসু সহজাতং সহজাতসদিসং, পুৰেজাতং পুৰেজাতসদিসং). (৩)

৮৭. উপাদানসম্পযুত্তো চ উপাদানৱিপ্পযুত্তো চ ধম্মা উপাদানসম্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – উপাদানসম্পযুত্তো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – দিট্ঠিগতৱিপ্পযুত্তলোভসহগতো একো খন্ধো চ লোভো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. (১)

উপাদানসম্পযুত্তো চ উপাদানৱিপ্পযুত্তো চ ধম্মা উপাদানৱিপ্পযুত্তস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – উপাদানসম্পযুত্তা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – দিট্ঠিগতৱিপ্পযুত্তলোভসহগতা খন্ধা চ লোভো চ চিত্তসমুট্ঠানানং ৰূপানং অত্থিপচ্চযেন পচ্চযো. সহজাতা – দিট্ঠিগতৱিপ্পযুত্তলোভসহগতা খন্ধা চ ৱত্থু চ লোভস্স অত্থিপচ্চযেন পচ্চযো. পচ্ছাজাতা – দিট্ঠিগতৱিপ্পযুত্তলোভসহগতা খন্ধা চ লোভো চ পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – দিট্ঠিগতৱিপ্পযুত্তলোভসহগতা খন্ধা চ লোভো চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – দিট্ঠিগতৱিপ্পযুত্তলোভসহগতা খন্ধা চ লোভো চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

উপাদানসম্পযুত্তো চ উপাদানৱিপ্পযুত্তো চ ধম্মা উপাদানসম্পযুত্তস্স চ উপাদানৱিপ্পযুত্তস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দিট্ঠিগতৱিপ্পযুত্তলোভসহগতো একো খন্ধো চ লোভো চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – দিট্ঠিগতৱিপ্পযুত্তলোভসহগতো একো খন্ধো চ ৱত্থু চ তিণ্ণন্নং খন্ধানং লোভস্স চ অত্থিপচ্চযেন পচ্চযো…পে… দ্ৱে খন্ধা চ…পে…. (৩)

নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.