৫. সংসট্ঠৱাৰো

১-৪. পচ্চযানুলোমাদি

৬২. উপাদানসম্পযুত্তং ধম্মং সংসট্ঠো উপাদানসম্পযুত্তো ধম্মো উপ্পজ্জতি হেতুপচ্চযা – উপাদানসম্পযুত্তং একং খন্ধং সংসট্ঠা… তীণি.

উপাদানৱিপ্পযুত্তং ধম্মং সংসট্ঠো উপাদানৱিপ্পযুত্তো ধম্মো উপ্পজ্জতি হেতুপচ্চযা (পটিচ্চসদিসং, অৰূপংযেৱ কাতব্বং).

উপাদানৱিপ্পযুত্তং ধম্মং সংসট্ঠো উপাদানসম্পযুত্তো ধম্মো উপ্পজ্জতি হেতুপচ্চযা (পটিচ্চসদিসং, অৰূপংযেৱ কাতব্বং).

উপাদানসম্পযুত্তঞ্চ উপাদানৱিপ্পযুত্তঞ্চ ধম্মং সংসট্ঠো উপাদানসম্পযুত্তো ধম্মো উপ্পজ্জতি হেতুপচ্চযা (পটিচ্চসদিসং, অৰূপংযেৱ কাতব্বং).

হেতুযা ছ, আৰম্মণে ছ, অধিপতিযা ছ (সব্বত্থ ছ), ৱিপাকে একং…পে… অৱিগতে ছ.

অনুলোমং.

উপাদানৱিপ্পযুত্তং ধম্মং সংসট্ঠো উপাদানৱিপ্পযুত্তো ধম্মো উপ্পজ্জতি নহেতুপচ্চযা (সংখিত্তং).

নহেতুযা একং, নঅধিপতিযা ছ, নপুৰেজাতে ছ, নপচ্ছাজাতে ছ, নআসেৱনে ছ, নকম্মে চত্তাৰি, নৱিপাকে ছ, নঝানে একং, নমগ্গে একং, নৱিপ্পযুত্তে ছ.

পচ্চনীযং.