১. ৱিভঙ্গৱাৰো

নহেতুপচ্চযো

৫১. উপাদানৱিপ্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি নহেতুপচ্চযা – অহেতুকং উপাদানৱিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… (যাৱ অসঞ্ঞসত্তা) ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

নআৰম্মণপচ্চযাদি

৫২. উপাদানসম্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি নআৰম্মণপচ্চযা – উপাদানসম্পযুত্তে খন্ধে পটিচ্চ চিত্তসমুট্ঠানং ৰূপং. (১)

উপাদানৱিপ্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি নআৰম্মণপচ্চযা – উপাদানৱিপ্পযুত্তে খন্ধে পটিচ্চ চিত্তসমুট্ঠানং ৰূপং, দিট্ঠিগতৱিপ্পযুত্তং লোভং পটিচ্চ চিত্তসমুট্ঠানং ৰূপং; পটিসন্ধিক্খণে…পে… (যাৱ অসঞ্ঞসত্তা). (১)

উপাদানসম্পযুত্তঞ্চ উপাদানৱিপ্পযুত্তঞ্চ ধম্মং পটিচ্চ উপাদানৱিপ্পযুত্তো ধম্মো উপ্পজ্জতি নআৰম্মণপচ্চযা – উপাদানসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং ৰূপং, দিট্ঠিগতৱিপ্পযুত্তলোভসহগতে খন্ধে চ লোভঞ্চ পটিচ্চ চিত্তসমুট্ঠানং ৰূপং. (১)

নঅধিপতিপচ্চযা… নঅনন্তৰপচ্চযা… নসমনন্তৰপচ্চযা… নউপনিস্সযপচ্চযা.

নপুৰেজাতপচ্চযাদি

৫৩. উপাদানসম্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি নপুৰেজাতপচ্চযা – অৰূপে উপাদানসম্পযুত্তং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

উপাদানসম্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি নপুৰেজাতপচ্চযা – অৰূপে দিট্ঠিগতৱিপ্পযুত্তলোভসহগতে খন্ধে পটিচ্চ লোভো, উপাদানসম্পযুত্তে খন্ধে পটিচ্চ চিত্তসমুট্ঠানং ৰূপং. (২)

উপাদানসম্পযুত্তং ধম্মং পটিচ্চ উপাদানসম্পযুত্তো চ উপাদানৱিপ্পযুত্তো চ ধম্মা উপ্পজ্জন্তি নপুৰেজাতপচ্চযা – অৰূপে দিট্ঠিগতৱিপ্পযুত্তলোভসহগতং একং খন্ধং পটিচ্চ তযো খন্ধা লোভো চ…পে… দ্ৱে খন্ধে…পে…. (৩)

৫৪. উপাদানৱিপ্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি নপুৰেজাতপচ্চযা – অৰূপে উপাদানৱিপ্পযুত্তং একং খন্ধং পটিচ্চ তযো খন্ধা…পে… দ্ৱে খন্ধে…পে… উপাদানৱিপ্পযুত্তে খন্ধে পটিচ্চ চিত্তসমুট্ঠানং ৰূপং, দিট্ঠিগতৱিপ্পযুত্তং লোভং পটিচ্চ চিত্তসমুট্ঠানং ৰূপং; পটিসন্ধিক্খণে…পে… (যাৱ অসঞ্ঞসত্তা). (১)

উপাদানৱিপ্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি নপুৰেজাতপচ্চযা – অৰূপে দিট্ঠিগতৱিপ্পযুত্তং লোভং পটিচ্চ সম্পযুত্তকা খন্ধা. (২)

উপাদানসম্পযুত্তঞ্চ উপাদানৱিপ্পযুত্তঞ্চ ধম্মং পটিচ্চ উপাদানসম্পযুত্তো ধম্মো উপ্পজ্জতি নপুৰেজাতপচ্চযা – অৰূপে দিট্ঠিগতৱিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা…পে… দ্ৱে খন্ধে চ…পে…. (১)

উপাদানসম্পযুত্তঞ্চ উপাদানৱিপ্পযুত্তঞ্চ ধম্মং পটিচ্চ উপাদানৱিপ্পযুত্তো ধম্মো উপ্পজ্জতি নপুৰেজাতপচ্চযা – উপাদানসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং ৰূপং, দিট্ঠিগতৱিপ্পযুত্তলোভসহগতে খন্ধে চ লোভঞ্চ পটিচ্চ চিত্তসমুট্ঠানং ৰূপং. (২)

নপচ্ছাজাতপচ্চযা… নআসেৱনপচ্চযা.

নকম্মপচ্চযো

৫৫. উপাদানসম্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি নকম্মপচ্চযা – উপাদানসম্পযুত্তে খন্ধে পটিচ্চ সম্পযুত্তকা চেতনা. (১)

উপাদানৱিপ্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি নকম্মপচ্চযা – উপাদানৱিপ্পযুত্তে খন্ধে পটিচ্চ সম্পযুত্তকা চেতনা; বাহিৰং… আহাৰসমুট্ঠানং… উতুসমুট্ঠানং…পে…. (১)

উপাদানৱিপ্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি নকম্মপচ্চযা – দিট্ঠিগতৱিপ্পযুত্তং লোভং পটিচ্চ সম্পযুত্তকা চেতনা. (২)

উপাদানসম্পযুত্তঞ্চ উপাদানৱিপ্পযুত্তঞ্চ ধম্মং পটিচ্চ উপাদানসম্পযুত্তো ধম্মো উপ্পজ্জতি নকম্মপচ্চযা – দিট্ঠিগতৱিপ্পযুত্তলোভসহগতে খন্ধে চ লোভঞ্চ পটিচ্চ সম্পযুত্তকা চেতনা. (১) (সংখিত্তং.)