১. ৱিভঙ্গৱাৰো

হেতুপচ্চযো

৪৫. উপাদানসম্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি হেতুপচ্চযা – উপাদানসম্পযুত্তং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

উপাদানসম্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি হেতুপচ্চযা – উপাদানসম্পযুত্তে খন্ধে পটিচ্চ চিত্তসমুট্ঠানং ৰূপং, দিট্ঠিগতৱিপ্পযুত্তলোভসহগতে খন্ধে পটিচ্চ লোভো চিত্তসমুট্ঠানঞ্চ ৰূপং. (২)

উপাদানসম্পযুত্তং ধম্মং পটিচ্চ উপাদানসম্পযুত্তো চ উপাদানৱিপ্পযুত্তো চ ধম্মা উপ্পজ্জন্তি হেতুপচ্চযা – উপাদানসম্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… দিট্ঠিগতৱিপ্পযুত্তলোভসহগতং একং খন্ধং পটিচ্চ তযো খন্ধা লোভো চ চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

৪৬. উপাদানৱিপ্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি হেতুপচ্চযা – উপাদানৱিপ্পযুত্তং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… দিট্ঠিগতৱিপ্পযুত্তং লোভং পটিচ্চ চিত্তসমুট্ঠানং ৰূপং; পটিসন্ধিক্খণে উপাদানৱিপ্পযুত্তং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে…পে… খন্ধে পটিচ্চ ৱত্থু, ৱত্থুং পটিচ্চ খন্ধা, একং মহাভূতং…পে…. (১)

উপাদানৱিপ্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি হেতুপচ্চযা – দিট্ঠিগতৱিপ্পযুত্তং লোভং পটিচ্চ সম্পযুত্তকা খন্ধা. (২)

উপাদানৱিপ্পযুত্তং ধম্মং পটিচ্চ উপাদানসম্পযুত্তো চ উপাদানৱিপ্পযুত্তো চ ধম্মা উপ্পজ্জন্তি হেতুপচ্চযা – দিট্ঠিগতৱিপ্পযুত্তং লোভং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং. (৩)

৪৭. উপাদানসম্পযুত্তঞ্চ উপাদানৱিপ্পযুত্তঞ্চ ধম্মং পটিচ্চ উপাদানসম্পযুত্তো ধম্মো উপ্পজ্জতি হেতুপচ্চযা – দিট্ঠিগতৱিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা…পে… দ্ৱে খন্ধে চ…পে…. (১)

উপাদানসম্পযুত্তঞ্চ উপাদানৱিপ্পযুত্তঞ্চ ধম্মং পটিচ্চ উপাদানৱিপ্পযুত্তো ধম্মো উপ্পজ্জতি হেতুপচ্চযা – উপাদানসম্পযুত্তে খন্ধে চ মহাভূতে চ পটিচ্চ চিত্তসমুট্ঠানং ৰূপং, দিট্ঠিগতৱিপ্পযুত্তলোভসহগতে খন্ধে চ লোভঞ্চ পটিচ্চ চিত্তসমুট্ঠানং ৰূপং. (২)

উপাদানসম্পযুত্তঞ্চ উপাদানৱিপ্পযুত্তঞ্চ ধম্মং পটিচ্চ উপাদানসম্পযুত্তো চ উপাদানৱিপ্পযুত্তো চ ধম্মা উপ্পজ্জন্তি হেতুপচ্চযা – দিট্ঠিগতৱিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ…পে…. (৩)

আৰম্মণপচ্চযো

৪৮. উপাদানসম্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি আৰম্মণপচ্চযা – উপাদানসম্পযুত্তং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

উপাদানসম্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি আৰম্মণপচ্চযা – দিট্ঠিগতৱিপ্পযুত্তলোভসহগতে খন্ধে পটিচ্চ লোভো. (২)

উপাদানসম্পযুত্তং ধম্মং পটিচ্চ উপাদানসম্পযুত্তো চ উপাদানৱিপ্পযুত্তো চ ধম্মা উপ্পজ্জন্তি আৰম্মণপচ্চযা – দিট্ঠিগতৱিপ্পযুত্তলোভসহগতং একং খন্ধং পটিচ্চ তযো খন্ধা লোভো চ…পে… দ্ৱে খন্ধে…পে…. (৩)

৪৯. উপাদানৱিপ্পযুত্তং ধম্মং পটিচ্চ উপাদানৱিপ্পযুত্তো ধম্মো উপ্পজ্জতি আৰম্মণপচ্চযা – উপাদানৱিপ্পযুত্তং একং খন্ধং…পে… দ্ৱে খন্ধে…পে… পটিসন্ধিক্খণে…পে… ৱত্থুং পটিচ্চ খন্ধা. (১)

উপাদানৱিপ্পযুত্তং ধম্মং পটিচ্চ উপাদানসম্পযুত্তো ধম্মো উপ্পজ্জতি আৰম্মণপচ্চযা – দিট্ঠিগতৱিপ্পযুত্তং লোভং পটিচ্চ সম্পযুত্তকা খন্ধা. (২)

উপাদানসম্পযুত্তঞ্চ উপাদানৱিপ্পযুত্তঞ্চ ধম্মং পটিচ্চ উপাদানসম্পযুত্তো ধম্মো উপ্পজ্জতি আৰম্মণপচ্চযা – দিট্ঠিগতৱিপ্পযুত্তলোভসহগতং একং খন্ধঞ্চ লোভঞ্চ পটিচ্চ তযো খন্ধা…পে… দ্ৱে খন্ধে চ…পে…. (৩) (সংখিত্তং.)