১. ৱিভঙ্গৱাৰো

হেতুপচ্চযো

১৫৯. নহেতুং সহেতুকং ধম্মং পটিচ্চ নহেতু সহেতুকো ধম্মো উপ্পজ্জতি হেতুপচ্চযা – নহেতুং সহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

নহেতুং সহেতুকং ধম্মং পটিচ্চ নহেতু অহেতুকো ধম্মো উপ্পজ্জতি হেতুপচ্চযা – নহেতূ সহেতুকে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (২)

নহেতুং সহেতুকং ধম্মং পটিচ্চ নহেতু সহেতুকো চ নহেতু অহেতুকো চ ধম্মা উপ্পজ্জন্তি হেতুপচ্চযা – নহেতুং সহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

১৬০. নহেতুং অহেতুকং ধম্মং পটিচ্চ নহেতু অহেতুকো ধম্মো উপ্পজ্জতি হেতুপচ্চযা …পে… একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

নহেতুং অহেতুকং ধম্মং পটিচ্চ নহেতু সহেতুকো ধম্মো উপ্পজ্জতি হেতুপচ্চযা – পটিসন্ধিক্খণে ৱত্থুং পটিচ্চ নহেতূ সহেতুকা খন্ধা. (২)

নহেতুং অহেতুকং ধম্মং পটিচ্চ নহেতু সহেতুকো চ নহেতু অহেতুকো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৱত্থুং পটিচ্চ নহেতূ সহেতুকা খন্ধা, মহাভূতে পটিচ্চ কটত্তাৰূপং. (৩)

১৬১. নহেতুং সহেতুকঞ্চ নহেতুং অহেতুকঞ্চ ধম্মং পটিচ্চ নহেতু সহেতুকো ধম্মো উপ্পজ্জতি হেতুপচ্চযা – পটিসন্ধিক্খণে নহেতুং সহেতুকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে…. (১)

নহেতুং সহেতুকঞ্চ নহেতুং অহেতুকঞ্চ ধম্মং পটিচ্চ নহেতু অহেতুকো ধম্মো উপ্পজ্জতি হেতুপচ্চযা – নহেতূ সহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (২)

নহেতুং সহেতুকঞ্চ নহেতুং অহেতুকঞ্চ ধম্মং পটিচ্চ নহেতু সহেতুকো চ নহেতু অহেতুকো চ ধম্মা উপ্পজ্জন্তি হেতুপচ্চযা – পটিসন্ধিক্খণে নহেতুং সহেতুকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে… নহেতূ সহেতুকে খন্ধে চ মহাভূতে চ পটিচ্চ কটত্তাৰূপং. (৩)

আৰম্মণপচ্চযো

১৬২. নহেতুং সহেতুকং ধম্মং পটিচ্চ নহেতু সহেতুকো ধম্মো উপ্পজ্জতি আৰম্মণপচ্চযা – নহেতুং সহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

নহেতুং অহেতুকং ধম্মং পটিচ্চ নহেতু অহেতুকো ধম্মো উপ্পজ্জতি আৰম্মণপচ্চযা – নহেতুং অহেতুকং একং খন্ধং পটিচ্চ তযো খন্ধা…পে… পটিসন্ধিক্খণে…পে…. (২)

নহেতুং অহেতুকং ধম্মং পটিচ্চ নহেতু সহেতুকো ধম্মো উপ্পজ্জতি আৰম্মণপচ্চযা – পটিসন্ধিক্খণে ৱত্থুং পটিচ্চ নহেতূ সহেতুকা খন্ধা. (৩)

নহেতুং সহেতুকঞ্চ নহেতুং অহেতুকঞ্চ ধম্মং পটিচ্চ নহেতু সহেতুকো ধম্মো উপ্পজ্জতি আৰম্মণপচ্চযা – পটিসন্ধিক্খণে নহেতুং সহেতুকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে… (সংখিত্তং. এৱং ৱিভজিতব্বং).