১. হেতুগোচ্ছকং

১. হেতুদুকং

১. পটিচ্চৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১. হেতুং ধম্মং পটিচ্চ হেতু ধম্মো উপ্পজ্জতি হেতুপচ্চযা – অলোভং পটিচ্চ অদোসো অমোহো, অদোসং পটিচ্চ অলোভো অমোহো, অমোহং পটিচ্চ অলোভো অদোসো, লোভং পটিচ্চ মোহো, মোহং পটিচ্চ লোভো, দোসং পটিচ্চ মোহো, মোহং পটিচ্চ দোসো; পটিসন্ধিক্খণে…পে…. (১)

হেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা – হেতুং ধম্মং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং; পটিসন্ধিক্খণে…পে…. (২)

হেতুং ধম্মং পটিচ্চ হেতু চ নহেতু চ ধম্মা উপ্পজ্জন্তি হেতুপচ্চযা – অলোভং পটিচ্চ অদোসো অমোহো সম্পযুত্তকা চ খন্ধা চিত্তসমুট্ঠানঞ্চ ৰূপং (চক্কং). লোভং পটিচ্চ মোহো সম্পযুত্তকা চ খন্ধা চিত্তসমুট্ঠানঞ্চ ৰূপং…পে… পটিসন্ধিক্খণে…পে…. (৩)

২. নহেতুং ধম্মং পটিচ্চ নহেতু ধম্মো উপ্পজ্জতি হেতুপচ্চযা – নহেতুং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং…পে…. (১)

নহেতুং ধম্মং পটিচ্চ হেতু ধম্মো উপ্পজ্জতি হেতুপচ্চযা – নহেতূ খন্ধে পটিচ্চ হেতূ; পটিসন্ধিক্খণে…পে… ৱত্থুং পটিচ্চ হেতূ. (২)

নহেতুং ধম্মং পটিচ্চ হেতু চ নহেতু চ ধম্মা উপ্পজ্জন্তি হেতুপচ্চযা – নহেতুং একং খন্ধং পটিচ্চ তযো খন্ধা হেতু চ চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা হেতু চ চিত্তসমুট্ঠানঞ্চ ৰূপং; পটিসন্ধিক্খণে…পে… পটিসন্ধিক্খণে ৱত্থুং পটিচ্চ হেতূ সম্পযুত্তকা চ খন্ধা. (৩)

৩. হেতুঞ্চ নহেতুঞ্চ ধম্মং পটিচ্চ হেতু ধম্মো উপ্পজ্জতি হেতুপচ্চযা – অলোভঞ্চ সম্পযুত্তকে চ খন্ধে পটিচ্চ অদোসো অমোহো (চক্কং). লোভঞ্চ সম্পযুত্তকে চ খন্ধে পটিচ্চ মোহো, দোসঞ্চ সম্পযুত্তকে চ খন্ধে পটিচ্চ মোহো…পে… পটিসন্ধিক্খণে…পে… অলোভঞ্চ ৱত্থুঞ্চ পটিচ্চ অদোসো অমোহো…পে…. (১)

হেতুঞ্চ নহেতুঞ্চ ধম্মং পটিচ্চ নহেতু ধম্মো উপ্পজ্জতি হেতুপচ্চযা – নহেতুং একং খন্ধঞ্চ হেতুঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ হেতুঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং; পটিসন্ধিক্খণে…পে… পটিসন্ধিক্খণে ৱত্থুঞ্চ হেতুঞ্চ পটিচ্চ সম্পযুত্তকা খন্ধা. (২)

হেতুঞ্চ নহেতুঞ্চ ধম্মং পটিচ্চ হেতু চ নহেতু চ ধম্মা উপ্পজ্জন্তি হেতুপচ্চযা – নহেতুং একং খন্ধঞ্চ অলোভঞ্চ পটিচ্চ তযো খন্ধা অদোসো অমোহো চ চিত্তসমুট্ঠানঞ্চ ৰূপং…পে… দ্ৱে খন্ধে চ অলোভঞ্চ পটিচ্চ দ্ৱে খন্ধা অদোসো অমোহো চ চিত্তসমুট্ঠানঞ্চ ৰূপং (চক্কং). নহেতুং একং খন্ধঞ্চ লোভঞ্চ পটিচ্চ তযো খন্ধা মোহো চ চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে… ৱত্থুঞ্চ অলোভঞ্চ পটিচ্চ অদোসো অমোহো সম্পযুত্তকা চ খন্ধা. (৩)

আৰম্মণপচ্চযাদি

৪. হেতুং ধম্মং পটিচ্চ হেতু ধম্মো উপ্পজ্জতি আৰম্মণপচ্চযা (ৰূপং ছড্ডেত্ৱা অৰূপেযেৱ নৱ পঞ্হা)… অধিপতিপচ্চযা (পটিসন্ধি নত্থি, পৰিপুণ্ণং) একং মহাভূতং পটিচ্চ…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং… (ইমং নানং) অনন্তৰপচ্চযা… সমনন্তৰপচ্চযা… সহজাতপচ্চযা (সব্বে মহাভূতা যাৱ অসঞ্ঞসত্তা)… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুৰেজাতপচ্চযা… আসেৱনপচ্চযা (দ্ৱীসুপি পটিসন্ধি নত্থি)… কম্মপচ্চযা… ৱিপাকপচ্চযা (সংখিত্তং)… অৱিগতপচ্চযা.

১. পচ্চযানুলোমং

২. সঙ্খ্যাৱাৰো

৫. হেতুযা নৱ, আৰম্মণে নৱ (সব্বত্থ নৱ), অৱিগতে নৱ (এৱং গণেতব্বং).

অনুলোমং.

২. পচ্চযপচ্চনীযং

১. ৱিভঙ্গৱাৰো

নহেতুপচ্চযো

৬. নহেতুং ধম্মং পটিচ্চ নহেতু ধম্মো উপ্পজ্জতি নহেতুপচ্চযা – অহেতুকং নহেতুং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… অহেতুকপটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে….(১)

নহেতুং ধম্মং পটিচ্চ হেতু ধম্মো উপ্পজ্জতি নহেতুপচ্চযা – ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (২)

নআৰম্মণপচ্চযাদি

৭. হেতুং ধম্মং পটিচ্চ নহেতু ধম্মো উপ্পজ্জতি নআৰম্মণপচ্চযা – হেতুং পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (১)

নহেতুং ধম্মং পটিচ্চ নহেতু ধম্মো উপ্পজ্জতি নআৰম্মণপচ্চযা – নহেতূ খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে… সব্বে মহাভূতা…পে…. (১)

হেতুঞ্চ নহেতুঞ্চ ধম্মং পটিচ্চ নহেতু ধম্মো উপ্পজ্জতি নআৰম্মণপচ্চযা – হেতুঞ্চ নহেতুঞ্চ খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে… নঅধিপতিপচ্চযা… (পৰিপুণ্ণং) নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা.

নপুৰেজাতপচ্চযো

৮. হেতুং ধম্মং পটিচ্চ হেতু ধম্মো উপ্পজ্জতি নপুৰেজাতপচ্চযা – অৰূপে অলোভং পটিচ্চ অদোসো অমোহো (চক্কং). লোভং পটিচ্চ মোহো, মোহং পটিচ্চ লোভো; পটিসন্ধিক্খণে…পে…. (১)

হেতুং ধম্মং পটিচ্চ নহেতু ধম্মো উপ্পজ্জতি নপুৰেজাতপচ্চযা – অৰূপে হেতুং পটিচ্চ সম্পযুত্তকা খন্ধা, হেতুং পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (২)

হেতুং ধম্মং পটিচ্চ হেতু চ নহেতু চ ধম্মা উপ্পজ্জন্তি নপুৰেজাতপচ্চযা – অৰূপে অলোভং পটিচ্চ অদোসো অমোহো সম্পযুত্তকা চ খন্ধা (চক্কং). লোভং পটিচ্চ মোহো সম্পযুত্তকা চ খন্ধা (চক্কং); পটিসন্ধিক্খণে…পে…. (৩)

৯. নহেতুং ধম্মং পটিচ্চ নহেতু ধম্মো উপ্পজ্জতি নপুৰেজাতপচ্চযা – অৰূপে নহেতুং একং খন্ধং পটিচ্চ তযো খন্ধা…পে… নহেতূ খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে… একং মহাভূতং…পে…. (১)

নহেতুং ধম্মং পটিচ্চ হেতু ধম্মো উপ্পজ্জতি নপুৰেজাতপচ্চযা – অৰূপে নহেতূ খন্ধে পটিচ্চ হেতূ; পটিসন্ধিক্খণে…পে…. (২)

নহেতুং ধম্মং পটিচ্চ হেতু চ নহেতু চ ধম্মা উপ্পজ্জন্তি নপুৰেজাতপচ্চযা – অৰূপে নহেতুং একং খন্ধং পটিচ্চ তযো খন্ধা হেতু চ…পে… দ্ৱে খন্ধে…পে… পটিসন্ধিক্খণে…পে…. (৩)

১০. হেতুঞ্চ নহেতুঞ্চ ধম্মং পটিচ্চ হেতু ধম্মো উপ্পজ্জতি নপুৰেজাতপচ্চযা – অৰূপে অলোভঞ্চ সম্পযুত্তকে চ খন্ধে পটিচ্চ অদোসো অমোহো (চক্কং). অৰূপে লোভঞ্চ সম্পযুত্তকে চ খন্ধে পটিচ্চ মোহো (চক্কং); পটিসন্ধিক্খণে…পে…. (১)

হেতুঞ্চ নহেতুঞ্চ ধম্মং পটিচ্চ নহেতু ধম্মো উপ্পজ্জতি নপুৰেজাতপচ্চযা – অৰূপে নহেতুং একং খন্ধঞ্চ হেতুঞ্চ পটিচ্চ তযো খন্ধা…পে… দ্ৱে খন্ধে…পে… নহেতূ খন্ধে চ হেতুঞ্চ পটিচ্চ চিত্তসমুট্ঠানং ৰূপং, হেতুঞ্চ মহাভূতে চ পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (২)

হেতুঞ্চ নহেতুঞ্চ ধম্মং পটিচ্চ হেতু চ নহেতু চ ধম্মা উপ্পজ্জন্তি নপুৰেজাতপচ্চযা – অৰূপে নহেতুং একং খন্ধঞ্চ অলোভঞ্চ পটিচ্চ তযো খন্ধা অদোসো অমোহো চ…পে… দ্ৱে খন্ধে…পে… (চক্কং). নহেতুং একং খন্ধঞ্চ লোভঞ্চ পটিচ্চ তযো খন্ধা মোহো চ (চক্কং); পটিসন্ধিক্খণে…পে…. (৩)

নপচ্ছাজাতপচ্চযাদি

১১. হেতুং ধম্মং পটিচ্চ হেতু ধম্মো উপ্পজ্জতি নপচ্ছাজাতপচ্চযা… নআসেৱনপচ্চযা.

নকম্মপচ্চযাদি

১২. হেতুং ধম্মং পটিচ্চ নহেতু ধম্মো উপ্পজ্জতি নকম্মপচ্চযা – হেতুং পটিচ্চ সম্পযুত্তকা চেতনা. (১)

নহেতুং ধম্মং পটিচ্চ নহেতু ধম্মো উপ্পজ্জতি নকম্মপচ্চযা – নহেতূ খন্ধে পটিচ্চ সম্পযুত্তকা চেতনা… বাহিৰং… আহাৰসমুট্ঠানং… উতুসমুট্ঠানং…পে…. (১)

হেতুঞ্চ নহেতুঞ্চ ধম্মং পটিচ্চ নহেতু ধম্মো উপ্পজ্জতি নকম্মপচ্চযা – হেতুঞ্চ সম্পযুত্তকে চ খন্ধে পটিচ্চ সম্পযুত্তকা চেতনা. (১)

হেতুং ধম্মং পটিচ্চ হেতু ধম্মো উপ্পজ্জতি নৱিপাকপচ্চযা… নৱ.

নআহাৰপচ্চযাদি

১৩. নহেতুং ধম্মং পটিচ্চ নহেতু ধম্মো উপ্পজ্জতি নআহাৰপচ্চযা – বাহিৰং… উতুসমুট্ঠানং… অসঞ্ঞসত্তানং…পে… নইন্দ্ৰিযপচ্চযা – বাহিৰং… আহাৰসমুট্ঠানং … উতুসমুট্ঠানং…পে… অসঞ্ঞসত্তানং মহাভূতে পটিচ্চ ৰূপজীৱিতিন্দ্ৰিযং, নঝানপচ্চযা – পঞ্চৱিঞ্ঞাণং …পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… নমগ্গপচ্চযা – অহেতুকং নহেতুং একং খন্ধং পটিচ্চ…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… নসম্পযুত্তপচ্চযা… নৱিপ্পযুত্তপচ্চযা… (নপুৰেজাতসদিসং, অৰূপপঞ্হাযেৱ) নোনত্থিপচ্চযা… নোৱিগতপচ্চযা.

২. পচ্চযপচ্চনীযং

২. সঙ্খ্যাৱাৰো

সুদ্ধং

১৪. নহেতুযা দ্ৱে, নআৰম্মণে তীণি, নঅধিপতিযা নৱ, নঅনন্তৰে তীণি, নসমনন্তৰে তীণি, নঅঞ্ঞমঞ্ঞে তীণি, নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নআহাৰে একং, নইন্দ্ৰিযে একং, নঝানে একং, নমগ্গে একং, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি (এৱং গণেতব্বং).

পচ্চনীযং.

৩. পচ্চযানুলোমপচ্চনীযং

হেতুদুকং

১৫. হেতুপচ্চযা নআৰম্মণে তীণি, নঅধিপতিযা নৱ, নঅনন্তৰে তীণি…পে… নউপনিস্সযে তীণি, নপুৰেজাতে নৱ, নপচ্ছাজাতে নৱ, নআসেৱনে নৱ, নকম্মে তীণি, নৱিপাকে নৱ, নসম্পযুত্তে তীণি, নৱিপ্পযুত্তে নৱ, নোনত্থিযা তীণি, নোৱিগতে তীণি.

অনুলোমপচ্চনীযং.

৪. পচ্চযপচ্চনীযানুলোমং

নহেতুদুকং

১৬. নহেতুপচ্চযা আৰম্মণে দ্ৱে, অনন্তৰে দ্ৱে…পে… কম্মে দ্ৱে, ৱিপাকে একং, আহাৰে দ্ৱে, ইন্দ্ৰিযে দ্ৱে, ঝানে দ্ৱে, মগ্গে একং, সম্পযুত্তে দ্ৱে…পে… অৱিগতে দ্ৱে.

পচ্চনীযানুলোমং.

২-৬ সহজাত-পচ্চয-নিস্সয-সংসট্ঠ-সম্পযুত্তৱাৰো

(সহজাতৱাৰোপি পচ্চযৱাৰোপি নিস্সযৱাৰোপি পটিচ্চৱাৰসদিসাযেৱ পঞ্হা. মহাভূতেসু নিট্ঠিতেসু ‘‘ৱত্থুং পচ্চযা’’তি কাতব্বা. পঞ্চাযতনানি অনুলোমেপি পচ্চনীযেপি যথা লব্ভন্তি তথা কাতব্বা. সংসট্ঠৱাৰোপি সম্পযুত্তৱাৰোপি পৰিপুণ্ণো. ৰূপং নত্থি, অৰূপমেৱ.)

৭. পঞ্হাৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১৭. হেতু ধম্মো হেতুস্স ধম্মস্স হেতুপচ্চযেন পচ্চযো – অলোভো অদোসস্স অমোহস্স হেতুপচ্চযেন পচ্চযো (চক্কং). লোভো মোহস্স হেতুপচ্চযেন পচ্চযো, দোসো মোহস্স হেতুপচ্চযেন পচ্চযো; পটিসন্ধিক্খণে…পে…. (১)

হেতু ধম্মো নহেতুস্স ধম্মস্স হেতুপচ্চযেন পচ্চযো – হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (২)

হেতু ধম্মো হেতুস্স চ নহেতুস্স চ ধম্মস্স হেতুপচ্চযেন পচ্চযো – অলোভো অদোসস্স অমোহস্স সম্পযুত্তকানঞ্চ খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো (চক্কং). লোভো মোহস্স…পে… পটিসন্ধিক্খণে…পে…. (৩)

আৰম্মণপচ্চযো

১৮. হেতু ধম্মো হেতুস্স ধম্মস্স আৰম্মণপচ্চযেন পচ্চযো – হেতুং আৰব্ভ হেতূ উপ্পজ্জন্তি. (১)

হেতু ধম্মো নহেতুস্স ধম্মস্স আৰম্মণপচ্চযেন পচ্চযো – হেতুং আৰব্ভ নহেতূ খন্ধা উপ্পজ্জন্তি. (২)

হেতু ধম্মো হেতুস্স চ নহেতুস্স চ ধম্মস্স আৰম্মণপচ্চযেন পচ্চযো – হেতুং আৰব্ভ হেতূ চ সম্পযুত্তকা চ খন্ধা উপ্পজ্জন্তি. (৩)

১৯. নহেতু ধম্মো নহেতুস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি. ঝানা ৱুট্ঠহিত্ৱা…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং…পে… নিব্বানং…পে… নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. অৰিযা নহেতূ পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি, চক্খুং…পে… ৱত্থুং, নহেতূ খন্ধে অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন নহেতুচিত্তসমঙ্গিস্স চিত্তং জানাতি. আকাসানঞ্চাযতনং [আকাসানঞ্চাযতনকিৰিযং (স্যা.) এৱমুপৰিপি তীসু ঠানেসু] ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স …পে… নহেতূ খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

নহেতু ধম্মো হেতুস্স ধম্মস্স আৰম্মণপচ্চযেন পচ্চযো – দানং দত্ৱা (পঠমগমনংযেৱ, আৱজ্জনা নত্থি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্সাতি ইদং নত্থি). (২)

নহেতু ধম্মো হেতুস্স চ নহেতুস্স চ ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং পচ্চৱেক্খতি, তং আৰব্ভ হেতূ চ সম্পযুত্তকা চ খন্ধা উপ্পজ্জন্তি (তত্থ তত্থ ঠিতেন ইমং কাতব্বং দুতিযগমনসদিসং). (৩)

২০. হেতু চ নহেতু চ ধম্মা হেতুস্স ধম্মস্স আৰম্মণপচ্চযেন পচ্চযো – হেতুঞ্চ সম্পযুত্তকে চ খন্ধে আৰব্ভ হেতূ উপ্পজ্জন্তি. (১)

হেতু চ নহেতু চ ধম্মা নহেতুস্স ধম্মস্স আৰম্মণপচ্চযেন পচ্চযো – হেতুঞ্চ সম্পযুত্তকে চ খন্ধে আৰব্ভ নহেতূ খন্ধা উপ্পজ্জন্তি. (২)

হেতু চ নহেতু চ ধম্মা হেতুস্স চ নহেতুস্স চ ধম্মস্স আৰম্মণপচ্চযেন পচ্চযো – হেতুঞ্চ সম্পযুত্তকে চ খন্ধে আৰব্ভ হেতূ চ সম্পযুত্তকা চ খন্ধা উপ্পজ্জন্তি. (৩)

অধিপতিপচ্চযো

২১. হেতু ধম্মো হেতুস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – হেতুং গৰুং কত্ৱা হেতূ উপ্পজ্জন্তি. সহজাতাধিপতি – হেতু অধিপতি সম্পযুত্তকানং হেতূনং অধিপতিপচ্চযেন পচ্চযো. (১)

হেতু ধম্মো নহেতুস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – হেতুং গৰুং কত্ৱা নহেতূ খন্ধা উপ্পজ্জন্তি. সহজাতাধিপতি – হেতু অধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (২)

হেতু ধম্মো হেতুস্স চ নহেতুস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – হেতুং গৰুং কত্ৱা হেতূ চ সম্পযুত্তকা চ খন্ধা উপ্পজ্জন্তি. সহজাতাধিপতি – হেতু অধিপতি সম্পযুত্তকানং খন্ধানং হেতূনঞ্চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

২২. নহেতু ধম্মো নহেতুস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা (ৱিত্থাৰেতব্বং যাৱ. নহেতূ খন্ধা). সহজাতাধিপতি – নহেতু অধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নহেতু ধম্মো হেতুস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা (সংখিত্তং. যাৱ ৱত্থু নহেতূ চ খন্ধা তাৱ কাতব্বং). সহজাতাধিপতি নহেতু অধিপতি সম্পযুত্তকানং হেতূনং অধিপতিপচ্চযেন পচ্চযো. (২)

নহেতু ধম্মো হেতুস্স চ নহেতুস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি, তং গৰুং কত্ৱা নহেতূ খন্ধা চ হেতূ চ উপ্পজ্জন্তি, পুব্বে সুচিণ্ণানি (যাৱ ৱত্থু নহেতূ খন্ধা, চ তাৱ কাতব্বং). সহজাতাধিপতি – নহেতু অধিপতি সম্পযুত্তকানং খন্ধানং হেতূনঞ্চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

২৩. হেতু চ নহেতু চ ধম্মা হেতুস্স ধম্মস্স অধিপতিপচ্চযেন পচ্চযো. আৰম্মণাধিপতি – হেতুঞ্চ সম্পযুত্তকে চ খন্ধে গৰুং কত্ৱা হেতূ উপ্পজ্জন্তি. (১)

হেতু চ নহেতু চ ধম্মা নহেতুস্স ধম্মস্স অধিপতিপচ্চযেন পচ্চযো. আৰম্মণাধিপতি – হেতুঞ্চ সম্পযুত্তকে চ খন্ধে গৰুং কত্ৱা নহেতূ খন্ধা উপ্পজ্জন্তি. (২)

হেতু চ নহেতু চ ধম্মা হেতুস্স চ নহেতুস্স চ ধম্মস্স অধিপতিপচ্চযেন পচ্চযো. আৰম্মণাধিপতি – হেতুঞ্চ সম্পযুত্তকে চ খন্ধে গৰুং কত্ৱা হেতূ চ সম্পযুত্তকা চ খন্ধা উপ্পজ্জন্তি. (৩)

অনন্তৰপচ্চযো

২৪. হেতু ধম্মো হেতুস্স ধম্মস্স অনন্তৰপচ্চযেন পচ্চযো – পুৰিমা পুৰিমা হেতূ পচ্ছিমানং পচ্ছিমানং হেতূনং অনন্তৰপচ্চযেন পচ্চযো. (১)

হেতু ধম্মো নহেতুস্স ধম্মস্স অনন্তৰপচ্চযেন পচ্চযো – পুৰিমা পুৰিমা হেতূ পচ্ছিমানং পচ্ছিমানং নহেতূনং খন্ধানং অনন্তৰপচ্চযেন পচ্চযো. (২)

হেতু ধম্মো হেতুস্স চ নহেতুস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা হেতূ পচ্ছিমানং পচ্ছিমানং হেতূনং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

২৫. নহেতু ধম্মো নহেতুস্স ধম্মস্স অনন্তৰপচ্চযেন পচ্চযো – পুৰিমা পুৰিমা নহেতূ খন্ধা পচ্ছিমানং পচ্ছিমানং নহেতূনং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স (সংখিত্তং) নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (১)

নহেতু ধম্মো হেতুস্স ধম্মস্স অনন্তৰপচ্চযেন পচ্চযো…পে…. (২)

নহেতু ধম্মো হেতুস্স চ নহেতুস্স চ ধম্মস্স অনন্তৰপচ্চযেন পচ্চযো (নহেতুমূলকং তীণিপি একসদিসং). (৩)

২৬. হেতূ চ নহেতূ চ ধম্মা হেতুস্স ধম্মস্স অনন্তৰপচ্চযেন পচ্চযো – পুৰিমা পুৰিমা হেতূ চ সম্পযুত্তকা চ খন্ধা পচ্ছিমানং পচ্ছিমানং হেতূনং অনন্তৰপচ্চযেন পচ্চযো. (১)

হেতূ চ নহেতূ চ ধম্মা নহেতুস্স ধম্মস্স অনন্তৰপচ্চযেন পচ্চযো – পুৰিমা পুৰিমা হেতূ চ সম্পযুত্তকা চ খন্ধা পচ্ছিমানং পচ্ছিমানং নহেতূনং খন্ধানং অনন্তৰপচ্চযেন পচ্চযো. (২)

হেতূ চ নহেতূ চ ধম্মা হেতুস্স চ নহেতুস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা হেতূ চ সম্পযুত্তকা চ খন্ধা পচ্ছিমানং পচ্ছিমানং হেতূনং সম্পযুত্তকানঞ্চ খন্ধানং অনন্তৰপচ্চযেন পচ্চযো. (৩)

সমনন্তৰপচ্চযাদি

২৭. হেতু ধম্মো হেতুস্স ধম্মস্স সমনন্তৰপচ্চযেন পচ্চযো (অনন্তৰসদিসং.)… সহজাতপচ্চযেন পচ্চযো… অঞ্ঞমঞ্ঞপচ্চযেন পচ্চযো (ইমে দ্ৱেপি পটিচ্চসদিসা. নিস্সযপচ্চযো পচ্চযৱাৰে নিস্সযপচ্চযসদিসো.)

উপনিস্সযপচ্চযো

২৮. হেতু ধম্মো হেতুস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – হেতূ হেতূনং উপনিস্সযপচ্চযেন পচ্চযো. (১)

হেতু ধম্মো নহেতুস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – হেতূ নহেতূনং খন্ধানং উপনিস্সযপচ্চযেন পচ্চযো. (২)

হেতু ধম্মো হেতুস্স চ নহেতুস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – হেতূ হেতূনং সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)

২৯. নহেতু ধম্মো নহেতুস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে… পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি…পে… দিট্ঠিং গণ্হাতি; সীলং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… ফলসমাপত্তিযা উপনিস্সযপচ্চযেন পচ্চযো. (১)

নহেতু ধম্মো হেতুস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে… পকতূপনিস্সযো – সদ্ধং…পে… সেনাসনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… সেনাসনং সদ্ধায…পে… পত্থনায মগ্গস্স ফলসমাপত্তিযা উপনিস্সযপচ্চযেন পচ্চযো. (২)

নহেতু ধম্মো হেতুস্স চ নহেতুস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে… পকতূপনিস্সযো (দুতিযউপনিস্সযসদিসং). (৩)

৩০. হেতূ চ নহেতূ চ ধম্মা হেতুস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – হেতূ চ সম্পযুত্তকা চ খন্ধা হেতূনং উপনিস্সযপচ্চযেন পচ্চযো. (১)

হেতূ চ নহেতূ চ ধম্মা নহেতুস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – হেতূ চ সম্পযুত্তকা চ খন্ধা নহেতূনং খন্ধানং উপনিস্সযপচ্চযেন পচ্চযো. (২)

হেতূ চ নহেতূ চ ধম্মা হেতুস্স চ নহেতুস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো …পে…. পকতূপনিস্সযো – হেতূ চ সম্পযুত্তকা চ খন্ধা হেতূনঞ্চ সম্পযুত্তকানঞ্চ খন্ধানং উপনিস্সযপচ্চযেন পচ্চযো. (৩)

পুৰেজাতপচ্চযো

৩১. নহেতু ধম্মো নহেতুস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে…. ৱত্থুপুৰেজাতং – চক্খাযতনং…পে… কাযাযতনং…পে… ৱত্থু নহেতূনং খন্ধানং পুৰেজাতপচ্চযেন পচ্চযো. (১)

নহেতু ধম্মো হেতুস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৱত্থুপুৰেজাতং – ৱত্থু হেতূনং পুৰেজাতপচ্চযেন পচ্চযো. (২)

নহেতু ধম্মো হেতুস্স চ নহেতুস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি. ৱত্থুপুৰেজাতং – ৱত্থু হেতূনং সম্পযুত্তকানঞ্চ খন্ধানং পুৰেজাতপচ্চযেন পচ্চযো. (৩)

পচ্ছাজাতপচ্চযাদি

৩২. হেতু ধম্মো নহেতুস্স ধম্মস্স পচ্ছাজাতপচ্চযেন পচ্চযো – পচ্ছাজাতা হেতূ পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নহেতু ধম্মো নহেতুস্স ধম্মস্স পচ্ছাজাতপচ্চযেন পচ্চযো – পচ্ছাজাতা নহেতূ খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

হেতূ চ নহেতূ চ ধম্মা নহেতুস্স ধম্মস্স পচ্ছাজাতপচ্চযেন পচ্চযো – পচ্ছাজাতা হেতূ চ সম্পযুত্তকা চ খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

হেতু ধম্মো হেতুস্স ধম্মস্স আসেৱনপচ্চযেন পচ্চযো (অনন্তৰসদিসং).

কম্মপচ্চযো

৩৩. নহেতু ধম্মো নহেতুস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নহেতু চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নহেতু চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

নহেতু ধম্মো হেতুস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নহেতু চেতনা সম্পযুত্তকানং হেতূনং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নহেতু চেতনা ৱিপাকানং হেতূনং কম্মপচ্চযেন পচ্চযো. (২)

নহেতু ধম্মো হেতুস্স চ নহেতুস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নহেতু চেতনা সম্পযুত্তকানং খন্ধানং হেতূনং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নহেতু চেতনা ৱিপাকানং খন্ধানং হেতূনং কটত্তা চ ৰূপানং কম্মপচ্চযেন পচ্চযো. (৩)

ৱিপাকপচ্চযো

৩৪. হেতু ধম্মো হেতুস্স ধম্মস্স ৱিপাকপচ্চযেন পচ্চযো – ৱিপাকো অলোভো অদোসস্স অমোহস্স ৱিপাকপচ্চযেন পচ্চযো (পটিচ্চৱাৰসদিসং. ৱিপাকৱিভঙ্গে নৱ পঞ্হা).

আহাৰপচ্চযো

৩৫. নহেতু ধম্মো নহেতুস্স ধম্মস্স আহাৰপচ্চযেন পচ্চযো – নহেতূ আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে… কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)

নহেতু ধম্মো হেতুস্স ধম্মস্স আহাৰপচ্চযেন পচ্চযো – নহেতূ আহাৰা সম্পযুত্তকানং হেতূনং আহাৰপচ্চযেন পচ্চযো; পটিসন্ধিক্খণে…পে…. (২)

নহেতু ধম্মো হেতুস্স চ নহেতুস্স চ ধম্মস্স আহাৰপচ্চযেন পচ্চযো – নহেতূ আহাৰা সম্পযুত্তকানং খন্ধানং হেতূনং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে…. (৩)

ইন্দ্ৰিযপচ্চযো

৩৬. হেতু ধম্মো হেতুস্স ধম্মস্স ইন্দ্ৰিযপচ্চযেন পচ্চযো…পে… (হেতুমূলকে তীণি).

নহেতু ধম্মো নহেতুস্স ধম্মস্স ইন্দ্ৰিযপচ্চযেন পচ্চযো – নহেতূ ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে…পে… চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স…পে… ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো (এৱং ইন্দ্ৰিযপচ্চযা ৱিত্থাৰেতব্বা. নৱ).

ঝানপচ্চযাদি

৩৭. নহেতু ধম্মো নহেতুস্স ধম্মস্স ঝানপচ্চযেন পচ্চযো… তীণি.

হেতু ধম্মো হেতুস্স ধম্মস্স মগ্গপচ্চযেন পচ্চযো… সম্পযুত্তপচ্চযেন পচ্চযো. (ইমেসু দ্ৱীসু নৱ.)

ৱিপ্পযুত্তপচ্চযো

৩৮. হেতু ধম্মো নহেতুস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – হেতূ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে হেতূ কটত্তাৰূপানং ৱিপ্পযুত্তপচ্চযেন পচ্চযো. হেতূ ৱত্থুস্স ৱিপ্পযুত্তপচ্চযেন পচ্চযো. পচ্ছাজাতা – হেতূ পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নহেতু ধম্মো নহেতুস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – নহেতূ খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে নহেতূ খন্ধা কটত্তাৰূপানং ৱিপ্পযুত্তপচ্চযেন পচ্চযো. খন্ধা ৱত্থুস্স…পে… ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স, ৱত্থু নহেতূনং খন্ধানং ৱিপ্পযুত্তপচ্চযেন পচ্চযো. পচ্ছাজাতা – নহেতূ খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নহেতু ধম্মো হেতুস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু হেতূনং ৱিপ্পযুত্তপচ্চযেন পচ্চযো. পুৰেজাতং – ৱত্থু হেতূনং ৱিপ্পযুত্তপচ্চযেন পচ্চযো. (২)

নহেতু ধম্মো হেতুস্স চ নহেতুস্স চ ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু হেতূনং সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. পুৰেজাতং – ৱত্থু হেতূনং সম্পযুত্তকানঞ্চ খন্ধানং ৱিপ্পযুত্তপচ্চযেন পচ্চযো. (৩)

হেতূ চ নহেতূ চ ধম্মা নহেতুস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – হেতূ চ সম্পযুত্তকা চ খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে হেতূ চ সম্পযুত্তকা চ খন্ধা কটত্তাৰূপানং ৱিপ্পযুত্তপচ্চযেন পচ্চযো. পচ্ছাজাতা – হেতূ চ সম্পযুত্তকা চ খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযাদি

৩৯. হেতু ধম্মো হেতুস্স ধম্মস্স অত্থিপচ্চযেন পচ্চযো – অলোভো অদোসস্স অমোহস্স অত্থিপচ্চযেন পচ্চযো (চক্কং). লোভো মোহস্স অত্থিপচ্চযেন পচ্চযো (চক্কং); পটিসন্ধিক্খণে…পে…. (১)

হেতু ধম্মো নহেতুস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – হেতূ পুৰেজাতস্স ইমস্স কাযস্স অত্থিপচ্চযেন পচ্চযো. (২)

হেতু ধম্মো হেতুস্স চ নহেতুস্স চ ধম্মস্স অত্থিপচ্চযেন পচ্চযো – অলোভো অদোসস্স অমোহস্স সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো (চক্কং). লোভো মোহস্স সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো (চক্কং); পটিসন্ধিক্খণে…পে…. (৩)

৪০. নহেতু ধম্মো নহেতুস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নহেতু একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে নহেতু একো খন্ধো তিণ্ণন্নং খন্ধানং কটত্তা চ ৰূপানং…পে… খন্ধা ৱত্থুস্স অত্থিপচ্চযেন পচ্চযো; ৱত্থু খন্ধানং অত্থিপচ্চযেন পচ্চযো; একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. পুৰেজাতং – চক্খুং…পে… ৱত্থুং…পে… দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স, চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স, ৱত্থু নহেতূনং খন্ধানং অত্থিপচ্চযেন পচ্চযো. পচ্ছাজাতা – নহেতূ খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. কবড়ীকাৰো আহাৰো ইমস্স কাযস্স অত্থিপচ্চযেন পচ্চযো. ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)

নহেতু ধম্মো হেতুস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতা – নহেতূ খন্ধা সম্পযুত্তকানং হেতূনং অত্থিপচ্চযেন পচ্চযো. পটিসন্ধিক্খণে…পে… ৱত্থু হেতূনং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি; ৱত্থু হেতূনং অত্থিপচ্চযেন পচ্চযো. (২)