২. সঙ্খ্যাৱাৰো

সুদ্ধং

১৫১. হেতুযা তীণি, আৰম্মণে নৱ, অধিপতিযা নৱ, অনন্তৰে নৱ, সমনন্তৰে নৱ, সহজাতে নৱ, অঞ্ঞমঞ্ঞে নৱ, নিস্সযে নৱ, উপনিস্সযে নৱ, আসেৱনে নৱ, কম্মে তীণি, ৱিপাকে নৱ, আহাৰে তীণি, ইন্দ্ৰিযে নৱ, ঝানে তীণি, মগ্গে নৱ, সম্পযুত্তে নৱ, অত্থিযা নৱ, নত্থিযা নৱ, ৱিগতে নৱ, অৱিগতে নৱ (এৱং গণেতব্বং).

অনুলোমং.

পচ্চনীযুদ্ধাৰো

১৫২. হেতু চেৱ সহেতুকো চ ধম্মো হেতুস্স চেৱ সহেতুকস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

হেতু চেৱ সহেতুকো চ ধম্মো সহেতুকস্স চেৱ ন চ হেতুস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (২)

হেতু চেৱ সহেতুকো চ ধম্মো হেতুস্স চেৱ সহেতুকস্স চ সহেতুকস্স চেৱ ন চ হেতুস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)

১৫৩. সহেতুকো চেৱ ন চ হেতু ধম্মো সহেতুকস্স চেৱ ন চ হেতুস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (১)

সহেতুকো চেৱ ন চ হেতু ধম্মো হেতুস্স চেৱ সহেতুকস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (২)

সহেতুকো চেৱ ন চ হেতু ধম্মো হেতুস্স চেৱ সহেতুকস্স চ সহেতুকস্স চেৱ ন চ হেতুস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… কম্মপচ্চযেন পচ্চযো. (৩)

১৫৪. হেতু চেৱ সহেতুকো চ সহেতুকো চেৱ ন চ হেতু চ ধম্মা হেতুস্স চেৱ সহেতুকস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

হেতু চেৱ সহেতুকো চ সহেতুকো চেৱ ন চ হেতু চ ধম্মা সহেতুকস্স চেৱ ন চ হেতুস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (২)

হেতু চেৱ সহেতুকো চ সহেতুকো চেৱ ন চ হেতু চ ধম্মা হেতুস্স চেৱ সহেতুকস্স চ সহেতুকস্স চেৱ ন চ হেতুস্স চ ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (৩)