১. ৱিভঙ্গৱাৰো

হেতুপচ্চযো

৯৬. সহেতুকো ধম্মো সহেতুকস্স ধম্মস্স হেতুপচ্চযেন পচ্চযো – সহেতুকা হেতূ সম্পযুত্তকানং খন্ধানং হেতুপচ্চযেন পচ্চযো; পটিসন্ধিক্খণে…পে…. (১)

সহেতুকো ধম্মো অহেতুকস্স ধম্মস্স হেতুপচ্চযেন পচ্চযো – সহেতুকা হেতূ চিত্তসমুট্ঠানানং ৰূপানং হেতুপচ্চযেন পচ্চযো; পটিসন্ধিক্খণে…পে…. (২)

সহেতুকো ধম্মো সহেতুকস্স চ অহেতুকস্স চ ধম্মস্স হেতুপচ্চযেন পচ্চযো – সহেতুকা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো; পটিসন্ধিক্খণে…পে…. (৩)

৯৭. অহেতুকো ধম্মো অহেতুকস্স ধম্মস্স হেতুপচ্চযেন পচ্চযো – ৱিচিকিচ্ছাসহগতো উদ্ধচ্চসহগতো মোহো চিত্তসমুট্ঠানানং ৰূপানং হেতুপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স হেতুপচ্চযেন পচ্চযো – ৱিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং হেতুপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স হেতুপচ্চযেন পচ্চযো – ৱিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

আৰম্মণপচ্চযো

৯৮. সহেতুকো ধম্মো সহেতুকস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা ঝানং পচ্চৱেক্খতি. অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি. পহীনে কিলেসে…পে… ৱিক্খম্ভিতে কিলেসে…পে… পুব্বে…পে… সহেতুকে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে সহেতুকো ৱিপাকো তদাৰম্মণতা উপ্পজ্জতি; চেতোপৰিযঞাণেন সহেতুকচিত্তসমঙ্গিস্স চিত্তং জানন্তি. আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… সহেতুকা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো; সহেতুকে খন্ধে আৰব্ভ সহেতুকা খন্ধা উপ্পজ্জন্তি. (১)

সহেতুকো ধম্মো অহেতুকস্স ধম্মস্স আৰম্মণপচ্চযেন পচ্চযো – সহেতুকে খন্ধে অনিচ্চতো …পে… দোমনস্সং উপ্পজ্জতি, কুসলাকুসলে নিৰুদ্ধে অহেতুকো ৱিপাকো তদাৰম্মণতা উপ্পজ্জতি, সহেতুকে খন্ধে আৰব্ভ অহেতুকা খন্ধা চ মোহো চ উপ্পজ্জন্তি. (২)

সহেতুকো ধম্মো সহেতুকস্স চ অহেতুকস্স চ ধম্মস্স আৰম্মণপচ্চযেন পচ্চযো – সহেতুকে খন্ধে আৰব্ভ ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

৯৯. অহেতুকো ধম্মো অহেতুকস্স ধম্মস্স আৰম্মণপচ্চযেন পচ্চযো – নিব্বানং আৱজ্জনায আৰম্মণপচ্চযেন পচ্চযো; চক্খুং…পে… ৱত্থুং… অহেতুকে খন্ধে চ মোহঞ্চ অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে অহেতুকো ৱিপাকো তদাৰম্মণতা উপ্পজ্জতি; ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… অহেতুকে খন্ধে চ মোহঞ্চ আৰব্ভ অহেতুকা খন্ধা চ মোহো চ উপ্পজ্জন্তি. (১)

অহেতুকো ধম্মো সহেতুকস্স ধম্মস্স আৰম্মণপচ্চযেন পচ্চযো – অৰিযা নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স আৰম্মণপচ্চযেন পচ্চযো. অৰিযা অহেতুকে পহীনে কিলেসে পচ্চৱেক্খন্তি, ৱিক্খম্ভিতে কিলেসে…পে… পুব্বে…পে… চক্খুং…পে… ৱত্থুং…পে… অহেতুকে খন্ধে চ মোহঞ্চ অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে সহেতুকো ৱিপাকো তদাৰম্মণতা উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন অহেতুকচিত্তসমঙ্গিস্স চিত্তং জানন্তি; অহেতুকা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স আৰম্মণপচ্চযেন পচ্চযো; অহেতুকে খন্ধে চ মোহঞ্চ আৰব্ভ সহেতুকা খন্ধা উপ্পজ্জন্তি. (২)

অহেতুকো ধম্মো সহেতুকস্স চ অহেতুকস্স চ ধম্মস্স আৰম্মণপচ্চযেন পচ্চযো – চক্খুং আৰব্ভ ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি; সোতং …পে… ৱত্থুং… অহেতুকে খন্ধে চ মোহঞ্চ আৰব্ভ ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

১০০. সহেতুকো চ অহেতুকো চ ধম্মা সহেতুকস্স ধম্মস্স আৰম্মণপচ্চযেন পচ্চযো – ৱিচিকিচ্ছাসহগতে উদ্ধচ্চসহগতে খন্ধে চ মোহঞ্চ আৰব্ভ সহেতুকা খন্ধা উপ্পজ্জন্তি. (১)

সহেতুকো চ অহেতুকো চ ধম্মা অহেতুকস্স ধম্মস্স আৰম্মণপচ্চযেন পচ্চযো – ৱিচিকিচ্ছাসহগতে উদ্ধচ্চসহগতে খন্ধে চ মোহঞ্চ আৰব্ভ অহেতুকা খন্ধা চ মোহো চ উপ্পজ্জন্তি. (২)

সহেতুকো চ অহেতুকো চ ধম্মা সহেতুকস্স চ অহেতুকস্স চ ধম্মস্স আৰম্মণপচ্চযেন পচ্চযো – ৱিচিকিচ্ছাসহগতে উদ্ধচ্চসহগতে খন্ধে চ মোহঞ্চ আৰব্ভ ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. (৩)

অধিপতিপচ্চযো

১০১. সহেতুকো ধম্মো সহেতুকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং…পে… উপোসথকম্মং কত্ৱা তং গৰুং কত্ৱা পচ্চৱেক্খতি, ঝানা…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা…পে… ফলং…পে… সহেতুকে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – সহেতুকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সহেতুকো ধম্মো অহেতুকস্স ধম্মস্স অধিপতিপচ্চযেন পচ্চযো. সহজাতাধিপতি – সহেতুকাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স অধিপতিপচ্চযেন পচ্চযো. সহজাতাধিপতি – সহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

অহেতুকো ধম্মো সহেতুকস্স ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা নিব্বানং গৰুং কত্ৱা পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং… অহেতুকে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

অনন্তৰপচ্চযো

১০২. সহেতুকো ধম্মো সহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা সহেতুকা খন্ধা পচ্ছিমানং পচ্ছিমানং সহেতুকানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স… মগ্গো ফলস্স… ফলং ফলস্স… অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (১)

সহেতুকো ধম্মো অহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা উদ্ধচ্চসহগতা খন্ধা পচ্ছিমস্স পচ্ছিমস্স ৱিচিকিচ্ছাসহগতস্স উদ্ধচ্চসহগতস্স মোহস্স অনন্তৰপচ্চযেন পচ্চযো; সহেতুকং চুতিচিত্তং অহেতুকস্স উপপত্তিচিত্তস্স অনন্তৰপচ্চযেন পচ্চযো; সহেতুকং ভৱঙ্গং আৱজ্জনায অনন্তৰপচ্চযেন পচ্চযো; সহেতুকং ভৱঙ্গং অহেতুকস্স ভৱঙ্গস্স অনন্তৰপচ্চযেন পচ্চযো; সহেতুকা খন্ধা অহেতুকস্স ৱুট্ঠানস্স অনন্তৰপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা উদ্ধচ্চসহগতা খন্ধা পচ্ছিমানং পচ্ছিমানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো. (৩)

১০৩. অহেতুকো ধম্মো অহেতুকস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচিকিচ্ছাসহগতো উদ্ধচ্চসহগতো মোহো পচ্ছিমস্স পচ্ছিমস্স ৱিচিকিচ্ছাসহগতস্স উদ্ধচ্চসহগতস্স মোহস্স অনন্তৰপচ্চযেন পচ্চযো; পুৰিমা পুৰিমা অহেতুকা খন্ধা পচ্ছিমানং পচ্ছিমানং অহেতুকানং খন্ধানং অনন্তৰপচ্চযেন পচ্চযো; আৱজ্জনা পঞ্চন্নং ৱিঞ্ঞাণানং অনন্তৰপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচিকিচ্ছাসহগতো উদ্ধচ্চসহগতো মোহো পচ্ছিমানং পচ্ছিমানং ৱিচিকিচ্ছাসহগতানং উদ্ধচ্চসহগতানং খন্ধানং অনন্তৰপচ্চযেন পচ্চযো; অহেতুকং চুতিচিত্তং সহেতুকস্স উপপত্তিচিত্তস্স অনন্তৰপচ্চযেন পচ্চযো; অহেতুকং ভৱঙ্গং সহেতুকস্স ভৱঙ্গস্স অনন্তৰপচ্চযেন পচ্চযো; আৱজ্জনা সহেতুকানং খন্ধানং অনন্তৰপচ্চযেন পচ্চযো; অহেতুকা খন্ধা সহেতুকস্স ৱুট্ঠানস্স অনন্তৰপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচিকিচ্ছাসহগতো উদ্ধচ্চসহগতো মোহো পচ্ছিমানং পচ্ছিমানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো; আৱজ্জনা ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো. (৩)

১০৪. সহেতুকো চ অহেতুকো চ ধম্মা সহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা উদ্ধচ্চসহগতা খন্ধা চ মোহো চ পচ্ছিমানং পচ্ছিমানং ৱিচিকিচ্ছাসহগতানং উদ্ধচ্চসহগতানং খন্ধানং অনন্তৰপচ্চযেন পচ্চযো. (১)

সহেতুকো চ অহেতুকো চ ধম্মা অহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা উদ্ধচ্চসহগতা খন্ধা চ মোহো চ পচ্ছিমস্স পচ্ছিমস্স ৱিচিকিচ্ছাসহগতস্স উদ্ধচ্চসহগতস্স মোহস্স অনন্তৰপচ্চযেন পচ্চযো; ৱিচিকিচ্ছাসহগতা উদ্ধচ্চসহগতা খন্ধা চ মোহো চ অহেতুকস্স ৱুট্ঠানস্স অনন্তৰপচ্চযেন পচ্চযো. (২)

সহেতুকো চ অহেতুকো চ ধম্মা সহেতুকস্স চ অহেতুকস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা ৱিচিকিচ্ছাসহগতা উদ্ধচ্চসহগতা খন্ধা চ মোহো চ পচ্ছিমানং পচ্ছিমানং ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ অনন্তৰপচ্চযেন পচ্চযো. (৩)

সহজাতপচ্চযাদি

১০৫. সহেতুকো ধম্মো সহেতুকস্স ধম্মস্স সহজাতপচ্চযেন পচ্চযো (পটিচ্চৱাৰে সহজাতসদিসং, ইহ ঘটনা নত্থি)… অঞ্ঞমঞ্ঞপচ্চযেন পচ্চযো (পটিচ্চৱাৰসদিসং)… নিস্সযপচ্চযেন পচ্চযো (পটিচ্চৱাৰে নিস্সযপচ্চযসদিসং, ইহ ঘটনা নত্থি).

উপনিস্সযপচ্চযো

১০৬. সহেতুকো ধম্মো সহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সহেতুকা খন্ধা সহেতুকানং খন্ধানং উপনিস্সযপচ্চযেন পচ্চযো. (১)

সহেতুকো ধম্মো অহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – সহেতুকা খন্ধা অহেতুকানং খন্ধানং মোহস্স চ উপনিস্সযপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – সহেতুকা খন্ধা ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

১০৭. অহেতুকো ধম্মো অহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স, মোহস্স চ উপনিস্সযপচ্চযেন পচ্চযো; কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স, মোহস্স চ উপনিস্সযপচ্চযেন পচ্চযো; মোহো কাযিকস্স সুখস্স, কাযিকস্স দুক্খস্স, মোহস্স চ উপনিস্সযপচ্চযেন পচ্চযো; কাযিকং সুখং… কাযিকং দুক্খং… উতু… ভোজনং, সেনাসনং, মোহো চ কাযিকস্স সুখস্স, কাযিকস্স দুক্খস্স, মোহস্স চ উপনিস্সযপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি…পে… সঙ্ঘং ভিন্দতি; কাযিকং দুক্খং… উতুং… ভোজনং… সেনাসনং… মোহং উপনিস্সায দানং দেতি…পে… সঙ্ঘং ভিন্দতি; কাযিকং সুখং…পে… মোহো চ সদ্ধায…পে… পঞ্ঞায ৰাগস্স…পে… পত্থনায মগ্গস্স ফলসমাপত্তিযা উপনিস্সযপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং মোহো চ ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

১০৮. সহেতুকো চ অহেতুকো চ ধম্মা সহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ৱিচিকিচ্ছাসহগতা উদ্ধচ্চসহগতা খন্ধা চ মোহো চ সহেতুকানং খন্ধানং উপনিস্সযপচ্চযেন পচ্চযো. (১)

সহেতুকো চ অহেতুকো চ ধম্মা অহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ৱিচিকিচ্ছাসহগতা উদ্ধচ্চসহগতা খন্ধা চ মোহো চ অহেতুকানং খন্ধানং মোহস্স চ উপনিস্সযপচ্চযেন পচ্চযো. (২)

সহেতুকো চ অহেতুকো চ ধম্মা সহেতুকস্স চ অহেতুকস্স চ ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ৱিচিকিচ্ছাসহগতা উদ্ধচ্চসহগতা খন্ধা চ মোহো চ ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ উপনিস্সযপচ্চযেন পচ্চযো. (৩)

পুৰেজাতপচ্চযো

১০৯. অহেতুকো ধম্মো অহেতুকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি, কুসলাকুসলে নিৰুদ্ধে অহেতুকো ৱিপাকো তদাৰম্মণতা উপ্পজ্জতি; ৰূপাযতনং চক্খুৱিঞ্ঞাণস্স …পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স… পুৰেজাতং ৱত্থু অহেতুকানং খন্ধানং মোহস্স চ পুৰেজাতপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে সহেতুকো ৱিপাকো তদাৰম্মণতা উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৱত্থুপুৰেজাতং – ৱত্থু সহেতুকানং খন্ধানং পুৰেজাতপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং আৰব্ভ ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি. ৱত্থুপুৰেজাতং – ৱত্থু ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ পুৰেজাতপচ্চযেন পচ্চযো. (৩)

পচ্ছাজাতপচ্চযাদি

১১০. সহেতুকো ধম্মো অহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা সহেতুকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

অহেতুকো ধম্মো অহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা অহেতুকা খন্ধা চ মোহো চ পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

সহেতুকো চ অহেতুকো চ ধম্মা অহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা ৱিচিকিচ্ছাসহগতা উদ্ধচ্চসহগতা খন্ধা চ মোহো চ পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

সহেতুকো ধম্মো সহেতুকস্স ধম্মস্স আসেৱনপচ্চযেন পচ্চযো (অনন্তৰসদিসং. আৱজ্জনম্পি ভৱঙ্গম্পি নত্থি, আসেৱনপচ্চযে ৱজ্জেতব্বা নৱপি ).

কম্মপচ্চযো

১১১. সহেতুকো ধম্মো সহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সহেতুকা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সহেতুকা চেতনা ৱিপাকানং সহেতুকানং খন্ধানং কম্মপচ্চযেন পচ্চযো. (১)

সহেতুকো ধম্মো অহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সহেতুকা চেতনা চিত্তসমুট্ঠানানং ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – সহেতুকা চেতনা ৱিপাকানং অহেতুকানং খন্ধানং কটত্তা চ ৰূপানং কম্মপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – সহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. নানাক্খণিকা – সহেতুকা চেতনা ৱিপাকানং সহেতুকানং খন্ধানং কটত্তা চ ৰূপানং কম্মপচ্চযেন পচ্চযো. (৩)

অহেতুকো ধম্মো অহেতুকস্স ধম্মস্স কম্মপচ্চযেন পচ্চযো – অহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. (১)

ৱিপাকপচ্চযো

১১২. সহেতুকো ধম্মো সহেতুকস্স ধম্মস্স ৱিপাকপচ্চযেন পচ্চযো – ৱিপাকো সহেতুকো একো খন্ধো তিণ্ণন্নং খন্ধানং…পে… দ্ৱে খন্ধা…পে… পটিসন্ধিক্খণে…পে…. (১)

সহেতুকো ধম্মো অহেতুকস্স ধম্মস্স ৱিপাকপচ্চযেন পচ্চযো – ৱিপাকা সহেতুকা খন্ধা চিত্তসমুট্ঠানানং ৰূপানং ৱিপাকপচ্চযেন পচ্চযো; পটিসন্ধিক্খণে…পে…. (২)

সহেতুকো ধম্মো সহেতুকস্স চ অহেতুকস্স চ ধম্মস্স ৱিপাকপচ্চযেন পচ্চযো – ৱিপাকো সহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং…পে… দ্ৱে খন্ধা…পে… পটিসন্ধিক্খণে…পে…. (৩)

অহেতুকো ধম্মো অহেতুকস্স ধম্মস্স ৱিপাকপচ্চযেন পচ্চযো – ৱিপাকো অহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং…পে… দ্ৱে খন্ধা…পে… পটিসন্ধিক্খণে…পে… খন্ধা ৱত্থুস্স ৱিপাকপচ্চযেন পচ্চযো. (১)

আহাৰপচ্চযো

১১৩. সহেতুকো ধম্মো সহেতুকস্স ধম্মস্স আহাৰপচ্চযেন পচ্চযো… তীণি.

অহেতুকো ধম্মো অহেতুকস্স ধম্মস্স আহাৰপচ্চযেন পচ্চযো – অহেতুকা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং…পে… পটিসন্ধিক্খণে…পে… কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)

ইন্দ্ৰিযপচ্চযাদি

১১৪. সহেতুকো ধম্মো সহেতুকস্স ধম্মস্স ইন্দ্ৰিযপচ্চযেন পচ্চযো… তীণি.

অহেতুকো ধম্মো অহেতুকস্স ধম্মস্স ইন্দ্ৰিযপচ্চযেন পচ্চযো – অহেতুকা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং…পে… পটিসন্ধিক্খণে…পে… চক্খুন্দ্ৰিযং চক্খুৱিঞ্ঞাণস্স…পে… কাযিন্দ্ৰিযং কাযৱিঞ্ঞাণস্স ইন্দ্ৰিযপচ্চযেন পচ্চযো; ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো. (১)

সহেতুকো ধম্মো সহেতুকস্স ধম্মস্স ঝানপচ্চযেন পচ্চযো… তীণি.

অহেতুকো ধম্মো অহেতুকস্স ধম্মস্স ঝানপচ্চযেন পচ্চযো – অহেতুকানি ঝানঙ্গানি সম্পযুত্তকানং খন্ধানং চিত্তসমুট্ঠানানঞ্চ ৰূপানং…পে… পটিসন্ধিক্খণে…পে…. (১)

সহেতুকো ধম্মো সহেতুকস্স ধম্মস্স মগ্গপচ্চযেন পচ্চযো… তীণি.

সহেতুকো ধম্মো সহেতুকস্স ধম্মস্স সম্পযুত্তপচ্চযেন পচ্চযো (পটিচ্চৱাৰে সম্পযুত্তসদিসা ছ পঞ্হা).

ৱিপ্পযুত্তপচ্চযো

১১৫. সহেতুকো ধম্মো অহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – সহেতুকা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে সহেতুকা খন্ধা কটত্তাৰূপানং ৱিপ্পযুত্তপচ্চযেন পচ্চযো. পচ্ছাজাতা – সহেতুকা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অহেতুকো ধম্মো অহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – অহেতুকা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে অহেতুকা খন্ধা কটত্তাৰূপানং ৱিপ্পযুত্তপচ্চযেন পচ্চযো; খন্ধা ৱত্থুস্স ৱিপ্পযুত্তপচ্চযেন পচ্চযো; ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স… ৱত্থু অহেতুকানং খন্ধানং মোহস্স চ ৱিপ্পযুত্তপচ্চযেন পচ্চযো. পচ্ছাজাতা – অহেতুকা খন্ধা চ মোহো চ পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু সহেতুকানং খন্ধানং ৱিপ্পযুত্তপচ্চযেন পচ্চযো. পুৰেজাতং – ৱত্থু সহেতুকানং খন্ধানং ৱিপ্পযুত্তপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স ৱিপ্পযুত্তপচ্চযেন পচ্চযো. পুৰেজাতং – ৱত্থু ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ ৱিপ্পযুত্তপচ্চযেন পচ্চযো. (৩)

সহেতুকো চ অহেতুকো চ ধম্মা অহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – ৱিচিকিচ্ছাসহগতা উদ্ধচ্চসহগতা খন্ধা চ মোহো চ চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – ৱিচিকিচ্ছাসহগতা উদ্ধচ্চসহগতা খন্ধা চ মোহো চ পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

অত্থিপচ্চযো

১১৬. সহেতুকো ধম্মো সহেতুকস্স ধম্মস্স অত্থিপচ্চযেন পচ্চযো – সহেতুকো একো খন্ধো তিণ্ণন্নং খন্ধানং…পে… দ্ৱে খন্ধা…পে… পটিসন্ধিক্খণে…পে…. (১)

সহেতুকো ধম্মো অহেতুকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – সহেতুকা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো; ৱিচিকিচ্ছাসহগতা উদ্ধচ্চসহগতা খন্ধা মোহস্স চ চিত্তসমুট্ঠানানঞ্চ ৰূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – সহেতুকা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

সহেতুকো ধম্মো সহেতুকস্স চ অহেতুকস্স চ ধম্মস্স অত্থিপচ্চযেন পচ্চযো – সহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো; ৱিচিকিচ্ছাসহগতো উদ্ধচ্চসহগতো একো খন্ধো তিণ্ণন্নং খন্ধানং মোহস্স চ চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে সহেতুকো…পে…. (৩)

১১৭. অহেতুকো ধম্মো অহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – অহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… দ্ৱে খন্ধা…পে… ৱিচিকিচ্ছাসহগতো উদ্ধচ্চসহগতো মোহো চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিক্খণে…পে… (যাৱ অসঞ্ঞসত্তা কাতব্বং). পুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি, কুসলাকুসলে নিৰুদ্ধে অহেতুকো ৱিপাকো তদাৰম্মণতা উপ্পজ্জতি; ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স অত্থিপচ্চযেন পচ্চযো; ৱত্থু অহেতুকানং খন্ধানং মোহস্স চ অত্থিপচ্চযেন পচ্চযো. পচ্ছাজাতা – অহেতুকা খন্ধা চ মোহো চ পুৰেজাতস্স ইমস্স কাযস্স অত্থিপচ্চযেন পচ্চযো; কবড়ীকাৰো আহাৰো ইমস্স কাযস্স অত্থিপচ্চযেন পচ্চযো; ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)

অহেতুকো ধম্মো সহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – ৱিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং অত্থিপচ্চযেন পচ্চযো; পটিসন্ধিক্খণে ৱত্থু সহেতুকানং খন্ধানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে সহেতুকো ৱিপাকো তদাৰম্মণতা উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৱত্থু সহেতুকানং খন্ধানং অত্থিপচ্চযেন পচ্চযো. (২)

অহেতুকো ধম্মো সহেতুকস্স চ অহেতুকস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – ৱিচিকিচ্ছাসহগতো উদ্ধচ্চসহগতো মোহো সম্পযুত্তকানং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং আৰব্ভ ৱিচিকিচ্ছাসহগতা উদ্ধচ্চসহগতা খন্ধা চ মোহো চ উপ্পজ্জন্তি, ৱত্থু ৱিচিকিচ্ছাসহগতানং উদ্ধচ্চসহগতানং খন্ধানং মোহস্স চ অত্থিপচ্চযেন পচ্চযো. (৩)

১১৮. সহেতুকো চ অহেতুকো চ ধম্মা সহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – ৱিচিকিচ্ছাসহগতো উদ্ধচ্চসহগতো একো খন্ধো চ মোহো চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে… পটিসন্ধিক্খণে সহেতুকো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. সহজাতো – সহেতুকো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ…পে…. (১)

সহেতুকো চ অহেতুকো চ ধম্মা অহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতা – সহেতুকা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো; ৱিচিকিচ্ছাসহগতা উদ্ধচ্চসহগতা খন্ধা চ মোহো চ চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিক্খণে সহেতুকা খন্ধা চ মহাভূতা চ কটত্তাৰূপানং অত্থিপচ্চযেন পচ্চযো. সহজাতা – ৱিচিকিচ্ছাসহগতা উদ্ধচ্চসহগতা খন্ধা চ ৱত্থু চ মোহস্স অত্থিপচ্চযেন পচ্চযো. পচ্ছাজাতা – ৱিচিকিচ্ছাসহগতা উদ্ধচ্চসহগতা খন্ধা চ মোহো চ পুৰেজাতস্স ইমস্স কাযস্স অত্থিপচ্চযেন পচ্চযো. পচ্ছাজাতা – সহেতুকা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – সহেতুকা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

সহেতুকো চ অহেতুকো চ ধম্মা সহেতুকস্স চ অহেতুকস্স চ ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – ৱিচিকিচ্ছাসহগতো উদ্ধচ্চসহগতো একো খন্ধো চ মোহো চ তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে…. সহজাতো – ৱিচিকিচ্ছাসহগতো উদ্ধচ্চসহগতো একো খন্ধো চ ৱত্থু চ তিণ্ণন্নং খন্ধানং মোহস্স চ অত্থিপচ্চযেন পচ্চযো…পে… দ্ৱে খন্ধা চ…পে…. (৩)