১. ৱিভঙ্গৱাৰো

হেতুপচ্চযো

৪৯. সহেতুকং ধম্মং পটিচ্চ সহেতুকো ধম্মো উপ্পজ্জতি হেতুপচ্চযা – সহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

সহেতুকং ধম্মং পটিচ্চ অহেতুকো ধম্মো উপ্পজ্জতি হেতুপচ্চযা – সহেতুকে খন্ধে পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (২)

সহেতুকং ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি হেতুপচ্চযা – সহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

৫০. অহেতুকং ধম্মং পটিচ্চ অহেতুকো ধম্মো উপ্পজ্জতি হেতুপচ্চযা – ৱিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং ৰূপং; একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

অহেতুকং ধম্মং পটিচ্চ সহেতুকো ধম্মো উপ্পজ্জতি হেতুপচ্চযা – ৱিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা খন্ধা; পটিসন্ধিক্খণে ৱত্থুং পটিচ্চ সহেতুকা খন্ধা. (২)

অহেতুকং ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি হেতুপচ্চযা – ৱিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা খন্ধা চিত্তসমুট্ঠানঞ্চ ৰূপং; পটিসন্ধিক্খণে ৱত্থুং পটিচ্চ সহেতুকা খন্ধা, মহাভূতে পটিচ্চ কটত্তাৰূপং. (৩)

৫১. সহেতুকঞ্চ অহেতুকঞ্চ ধম্মং পটিচ্চ সহেতুকো ধম্মো উপ্পজ্জতি হেতুপচ্চযা – ৱিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে সহেতুকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে…. (১)

সহেতুকঞ্চ অহেতুকঞ্চ ধম্মং পটিচ্চ অহেতুকো ধম্মো উপ্পজ্জতি হেতুপচ্চযা – সহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং, ৱিচিকিচ্ছাসহগতে উদ্ধচ্চসহগতে খন্ধে চ মোহঞ্চ পটিচ্চ চিত্তসমুট্ঠানং ৰূপং; পটিসন্ধিক্খণে…পে…. (২)

সহেতুকঞ্চ অহেতুকঞ্চ ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি হেতুপচ্চযা – ৱিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে সহেতুকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে… সহেতুকে খন্ধে চ মহাভূতে চ পটিচ্চ কটত্তাৰূপং. (৩)

আৰম্মণপচ্চযো

৫২. সহেতুকং ধম্মং পটিচ্চ সহেতুকো ধম্মো উপ্পজ্জতি আৰম্মণপচ্চযা – সহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

সহেতুকং ধম্মং পটিচ্চ অহেতুকো ধম্মো উপ্পজ্জতি আৰম্মণপচ্চযা – ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (২)

সহেতুকং ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি আৰম্মণপচ্চযা – ৱিচিকিচ্ছাসহগতং উদ্ধচ্চসহগতং একং খন্ধং পটিচ্চ তযো খন্ধা মোহো চ…পে… দ্ৱে খন্ধে…পে…. (৩)

৫৩. অহেতুকং ধম্মং পটিচ্চ অহেতুকো ধম্মো উপ্পজ্জতি আৰম্মণপচ্চযা – অহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে ৱত্থুং পটিচ্চ অহেতুকা খন্ধা. (১)

অহেতুকং ধম্মং পটিচ্চ সহেতুকো ধম্মো উপ্পজ্জতি আৰম্মণপচ্চযা – ৱিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা খন্ধা; পটিসন্ধিক্খণে ৱত্থুং পটিচ্চ সহেতুকা খন্ধা. (২)

সহেতুকঞ্চ অহেতুকঞ্চ ধম্মং পটিচ্চ সহেতুকো ধম্মো উপ্পজ্জতি আৰম্মণপচ্চযা – ৱিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে সহেতুকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে…. (১)

অধিপতিপচ্চযো

৫৪. সহেতুকং ধম্মং পটিচ্চ সহেতুকো ধম্মো উপ্পজ্জতি অধিপতিপচ্চযা – সহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে…. (১)

সহেতুকং ধম্মং পটিচ্চ অহেতুকো ধম্মো উপ্পজ্জতি অধিপতিপচ্চযা – সহেতুকে খন্ধে পটিচ্চ চিত্তসমুট্ঠানং ৰূপং. (২)

সহেতুকং ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি অধিপতিপচ্চযা – সহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে…. (৩)

৫৫. অহেতুকং ধম্মং পটিচ্চ অহেতুকো ধম্মো উপ্পজ্জতি অধিপতিপচ্চযা – একং মহাভূতং…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. (১)

সহেতুকঞ্চ অহেতুকঞ্চ ধম্মং পটিচ্চ অহেতুকো ধম্মো উপ্পজ্জতি অধিপতিপচ্চযা – সহেতুকে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

অনন্তৰপচ্চযাদি

৫৬. সহেতুকং ধম্মং পটিচ্চ সহেতুকো ধম্মো উপ্পজ্জতি অনন্তৰপচ্চযা… সমনন্তৰপচ্চযা… সহজাতপচ্চযা – সহেতুকং একং খন্ধং পটিচ্চ তযো খন্ধা…পে… পটিসন্ধিক্খণে…পে…. (১)

সহেতুকং ধম্মং পটিচ্চ অহেতুকো ধম্মো উপ্পজ্জতি সহজাতপচ্চযা – সহেতুকে খন্ধে পটিচ্চ চিত্তসমুট্ঠানং ৰূপং, ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো চিত্তসমুট্ঠানঞ্চ ৰূপং; পটিসন্ধিক্খণে…পে…. (২)

সহেতুকং ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি সহজাতপচ্চযা – সহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং, দ্ৱে খন্ধে…পে… ৱিচিকিচ্ছাসহগতং উদ্ধচ্চসহগতং একং খন্ধং পটিচ্চ তযো খন্ধা মোহো চ চিত্তসমুট্ঠানঞ্চ ৰূপং…পে… দ্ৱে খন্ধে…পে… পটিসন্ধিক্খণে…পে…. (৩)

৫৭. অহেতুকং ধম্মং পটিচ্চ অহেতুকো ধম্মো উপ্পজ্জতি সহজাতপচ্চযা – অহেতুকং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… ৱিচিকিচ্ছাসহগতং উদ্ধচ্চসহগতং মোহং পটিচ্চ চিত্তসমুট্ঠানং ৰূপং; পটিসন্ধিক্খণে…পে… খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

অহেতুকং ধম্মং পটিচ্চ সহেতুকো ধম্মো উপ্পজ্জতি সহজাতপচ্চযা (ইমে পঞ্চ পঞ্হা হেতুসদিসা, নিন্নানং). (২)

অঞ্ঞমঞ্ঞপচ্চযো

৫৮. সহেতুকং ধম্মং পটিচ্চ সহেতুকো ধম্মো উপ্পজ্জতি অঞ্ঞমঞ্ঞপচ্চযা – সহেতুকং একং খন্ধং পটিচ্চ তযো খন্ধা…পে… পটিসন্ধিক্খণে…পে…. (১)

সহেতুকং ধম্মং পটিচ্চ অহেতুকো ধম্মো উপ্পজ্জতি অঞ্ঞমঞ্ঞপচ্চযা – ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো; পটিসন্ধিক্খণে সহেতুকে খন্ধে পটিচ্চ ৱত্থু. (২)

সহেতুকং ধম্মং পটিচ্চ সহেতুকো চ অহেতুকো চ ধম্মা উপ্পজ্জন্তি অঞ্ঞমঞ্ঞপচ্চযা – ৱিচিকিচ্ছাসহগতং উদ্ধচ্চসহগতং একং খন্ধং পটিচ্চ তযো খন্ধা মোহো চ…পে… দ্ৱে খন্ধে…পে… পটিসন্ধিক্খণে সহেতুকং একং খন্ধং পটিচ্চ তযো খন্ধা ৱত্থু চ…পে… দ্ৱে খন্ধে…পে…. (৩)

৫৯. অহেতুকং ধম্মং পটিচ্চ অহেতুকো ধম্মো উপ্পজ্জতি অঞ্ঞমঞ্ঞপচ্চযা – অহেতুকং একং খন্ধং পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে অহেতুকং একং খন্ধং পটিচ্চ তযো খন্ধা ৱত্থু চ…পে… দ্ৱে খন্ধে…পে… (সংখিত্তং, যাৱ অসঞ্ঞসত্তা). (১)

অহেতুকং ধম্মং পটিচ্চ সহেতুকো ধম্মো উপ্পজ্জতি অঞ্ঞমঞ্ঞপচ্চযা – ৱিচিকিচ্ছাসহগতং উদ্ধচ্চসহগতং মোহং পটিচ্চ সম্পযুত্তকা খন্ধা; পটিসন্ধিক্খণে ৱত্থুং পটিচ্চ সহেতুকা খন্ধা. (২)

সহেতুকঞ্চ অহেতুকঞ্চ ধম্মং পটিচ্চ সহেতুকো ধম্মো উপ্পজ্জতি অঞ্ঞমঞ্ঞপচ্চযা – ৱিচিকিচ্ছাসহগতং উদ্ধচ্চসহগতং একং খন্ধঞ্চ মোহঞ্চ পটিচ্চ তযো খন্ধা…পে… দ্ৱে খন্ধে…পে… পটিসন্ধিক্খণে সহেতুকং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে…. (১)

নিস্সযপচ্চযাদি

৬০. সহেতুকং ধম্মং পটিচ্চ সহেতুকো ধম্মো উপ্পজ্জতি নিস্সযপচ্চযা… উপনিস্সযপচ্চযা… পুৰেজাতপচ্চযা… আসেৱনপচ্চযা… কম্মপচ্চযা… ৱিপাকপচ্চযা… আহাৰপচ্চযা… ইন্দ্ৰিযপচ্চযা… ঝানপচ্চযা… মগ্গপচ্চযা… (ঝানম্পি মগ্গম্পি সহজাতপচ্চযসদিসা, বাহিৰা মহাভূতা নত্থি ) সম্পযুত্তপচ্চযা… ৱিপ্পযুত্তপচ্চযা… অত্থিপচ্চযা… নত্থিপচ্চযা… ৱিগতপচ্চযা… অৱিগতপচ্চযা.