১. ৱিভঙ্গৱাৰো

আৰম্মণপচ্চযো

১৭৬. নহেতু সহেতুকো ধম্মো নহেতুসহেতুকস্স ধম্মস্স আৰম্মণপচ্চযেন পচ্চযো – দানং দত্ৱা সীলং…পে… উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি; ঝানং…পে… অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি; পহীনে কিলেসে…পে… ৱিক্খম্ভিতে কিলেসে…পে… পুব্বে…পে… নহেতূ সহেতুকে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে নহেতু সহেতুকো ৱিপাকো তদাৰম্মণতা উপ্পজ্জতি; চেতোপৰিযঞাণেন নহেতুসহেতুকচিত্তসমঙ্গিস্স চিত্তং জানাতি, আকাসানঞ্চাযতনং…পে… আকিঞ্চঞ্ঞাযতনং…পে… নহেতূ সহেতুকা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৰম্মণপচ্চযেন পচ্চযো; নহেতূ সহেতুকে খন্ধে আৰব্ভ নহেতূ সহেতুকা খন্ধা উপ্পজ্জন্তি. (১)

নহেতু সহেতুকো ধম্মো নহেতুঅহেতুকস্স ধম্মস্স আৰম্মণপচ্চযেন পচ্চযো – নহেতূ সহেতুকে খন্ধে অনিচ্চতো…পে… দোমনস্সং উপ্পজ্জতি, কুসলাকুসলে নিৰুদ্ধে নহেতু অহেতুকো ৱিপাকো তদাৰম্মণতা উপ্পজ্জতি, নহেতূ সহেতুকে খন্ধে আৰব্ভ নহেতূ অহেতুকা খন্ধা উপ্পজ্জন্তি. (২)

১৭৭. নহেতু অহেতুকো ধম্মো নহেতুঅহেতুকস্স ধম্মস্স আৰম্মণপচ্চযেন পচ্চযো – নিব্বানং আৱজ্জনায আৰম্মণপচ্চযেন পচ্চযো; চক্খুং…পে… ৱত্থুং… নহেতূ অহেতুকে খন্ধে অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে নহেতু অহেতুকো ৱিপাকো তদাৰম্মণতা উপ্পজ্জতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… নহেতূ অহেতুকে খন্ধে আৰব্ভ নহেতূ অহেতুকা খন্ধা উপ্পজ্জন্তি. (১)

নহেতু অহেতুকো ধম্মো নহেতুসহেতুকস্স ধম্মস্স আৰম্মণপচ্চযেন পচ্চযো – অৰিযা নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স আৰম্মণপচ্চযেন পচ্চযো; চক্খুং…পে… ৱত্থুং… নহেতূ অহেতুকে খন্ধে অনিচ্চতো …পে… দোমনস্সং উপ্পজ্জতি; কুসলাকুসলে নিৰুদ্ধে নহেতু সহেতুকো ৱিপাকো তদাৰম্মণতা উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. চেতোপৰিযঞাণেন নহেতুঅহেতুকচিত্তসমঙ্গিস্স চিত্তং জানাতি. নহেতূ অহেতুকা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, অনাগতংসঞাণস্স, আৰম্মণপচ্চযেন পচ্চযো; নহেতূ অহেতুকে খন্ধে আৰব্ভ নহেতূ সহেতুকা খন্ধা উপ্পজ্জন্তি. (২)

অধিপতিপচ্চযো

১৭৮. নহেতু সহেতুকো ধম্মো নহেতুসহেতুকস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি গৰুং কত্ৱা পচ্চৱেক্খতি, ঝানং…পে… অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং গৰুং কত্ৱা পচ্চৱেক্খন্তি. নহেতূ সহেতুকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – নহেতুসহেতুকাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

নহেতু সহেতুকো ধম্মো নহেতুঅহেতুকস্স ধম্মস্স অধিপতিপচ্চযেন পচ্চযো. সহজাতাধিপতি – নহেতু সহেতুকাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

নহেতু সহেতুকো ধম্মো নহেতুসহেতুকস্স চ নহেতুঅহেতুকস্স চ ধম্মস্স অধিপতিপচ্চযেন পচ্চযো. সহজাতাধিপতি – নহেতু সহেতুকাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

নহেতু অহেতুকো ধম্মো নহেতুসহেতুকস্স ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা নিব্বানং গৰুং কত্ৱা পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো; চক্খুং…পে… ৱত্থুং… নহেতূ অহেতুকে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (১)

অনন্তৰপচ্চযো

১৭৯. নহেতু সহেতুকো ধম্মো নহেতুসহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা নহেতূ সহেতুকা খন্ধা পচ্ছিমানং পচ্ছিমানং নহেতুসহেতুকানং খন্ধানং অনন্তৰপচ্চযেন পচ্চযো; অনুলোমং গোত্ৰভুস্স…পে… নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (১)

নহেতু সহেতুকো ধম্মো নহেতুঅহেতুকস্স ধম্মস্স অনন্তৰপচ্চযেন পচ্চযো – নহেতু সহেতুকং চুতিচিত্তং নহেতুঅহেতুকস্স উপপত্তিচিত্তস্স অনন্তৰপচ্চযেন পচ্চযো; নহেতু সহেতুকং ভৱঙ্গং আৱজ্জনায, নহেতু সহেতুকং ভৱঙ্গং নহেতুঅহেতুকস্স ভৱঙ্গস্স, নহেতূ সহেতুকা খন্ধা নহেতুঅহেতুকস্স ৱুট্ঠানস্স অনন্তৰপচ্চযেন পচ্চযো. (২)

নহেতু অহেতুকো ধম্মো নহেতুঅহেতুকস্স ধম্মস্স অনন্তৰপচ্চযেন পচ্চযো – পুৰিমা পুৰিমা নহেতূ অহেতুকা খন্ধা পচ্ছিমানং পচ্ছিমানং নহেতুঅহেতুকানং খন্ধানং অনন্তৰপচ্চযেন পচ্চযো; আৱজ্জনা পঞ্চন্নং ৱিঞ্ঞাণানং অনন্তৰপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স অনন্তৰপচ্চযেন পচ্চযো – নহেতু অহেতুকং চুতিচিত্তং নহেতুসহেতুকস্স উপপত্তিচিত্তস্স অনন্তৰপচ্চযেন পচ্চযো; আৱজ্জনা নহেতুসহেতুকানং খন্ধানং অনন্তৰপচ্চযেন পচ্চযো; নহেতূ অহেতুকা খন্ধা নহেতুসহেতুকস্স ৱুট্ঠানস্স অনন্তৰপচ্চযেন পচ্চযো. (২)

সমনন্তৰপচ্চযাদি

১৮০. নহেতু সহেতুকো ধম্মো নহেতুসহেতুকস্স ধম্মস্স সমনন্তৰপচ্চযেন পচ্চযো… সহজাতপচ্চযেন পচ্চযো (ইহ ঘটনা নত্থি, সত্ত পঞ্হা)… অঞ্ঞমঞ্ঞপচ্চযেন পচ্চযো (ছ পঞ্হা)… নিস্সযপচ্চযেন পচ্চযো (পৱত্তিপটিসন্ধি সত্ত পঞ্হা, ইহ ঘটনা নত্থি).

উপনিস্সযপচ্চযো

১৮১. নহেতু সহেতুকো ধম্মো নহেতুসহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… মানং জপ্পেতি, দিট্ঠিং গণ্হাতি; সীলং…পে… পত্থনং উপনিস্সায দানং দেতি…পে… সঙ্ঘং ভিন্দতি; সদ্ধা…পে… পত্থনা সদ্ধায…পে… পত্থনায মগ্গস্স ফলসমাপত্তিযা উপনিস্সযপচ্চযেন পচ্চযো. (১)

নহেতু সহেতুকো ধম্মো নহেতুঅহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধা কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; সীলং…পে… পত্থনা কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; সদ্ধা…পে… পত্থনা কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (২)

১৮২. নহেতু অহেতুকো ধম্মো নহেতুঅহেতুকস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো; কাযিকং সুখং… কাযিকং দুক্খং… উতু… ভোজনং… সেনাসনং কাযিকস্স সুখস্স, কাযিকস্স দুক্খস্স উপনিস্সযপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – কাযিকং সুখং উপনিস্সায দানং দেতি…পে… সঙ্ঘং ভিন্দতি; কাযিকং দুক্খং… উতুং… ভোজনং… সেনাসনং উপনিস্সায দানং দেতি…পে… সঙ্ঘং ভিন্দতি; কাযিকং সুখং …পে… সেনাসনং সদ্ধায…পে… পত্থনায মগ্গস্স ফলসমাপত্তিযা উপনিস্সযপচ্চযেন পচ্চযো. (২)

পুৰেজাতপচ্চযো

১৮৩. নহেতু অহেতুকো ধম্মো নহেতুঅহেতুকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে নহেতু অহেতুকো ৱিপাকো তদাৰম্মণতা উপ্পজ্জতি; ৰূপাযতনং চক্খুৱিঞ্ঞাণস্স পুৰেজাতপচ্চযেন পচ্চযো…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স… ৱত্থু নহেতুঅহেতুকানং খন্ধানং পুৰেজাতপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি, কুসলাকুসলে নিৰুদ্ধে নহেতু সহেতুকো ৱিপাকো তদাৰম্মণতা উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৱত্থুপুৰেজাতং – ৱত্থু নহেতুসহেতুকানং খন্ধানং পুৰেজাতপচ্চযেন পচ্চযো. (২)

পচ্ছাজাতপচ্চযো

১৮৪. নহেতু সহেতুকো ধম্মো নহেতুঅহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা নহেতূ সহেতুকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নহেতু অহেতুকো ধম্মো নহেতুঅহেতুকস্স ধম্মস্স পচ্ছাজাতপচ্চযেন পচ্চযো – পচ্ছাজাতা নহেতূ অহেতুকা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

১৮৫. নহেতু সহেতুকো ধম্মো নহেতুসহেতুকস্স ধম্মস্স আসেৱনপচ্চযেন পচ্চযো – পুৰিমা পুৰিমা নহেতূ সহেতুকা খন্ধা পচ্ছিমানং পচ্ছিমানং নহেতুসহেতুকানং খন্ধানং আসেৱনপচ্চযেন পচ্চযো… অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (১)

নহেতু অহেতুকো ধম্মো নহেতুঅহেতুকস্স ধম্মস্স আসেৱনপচ্চযেন পচ্চযো – পুৰিমা পুৰিমা নহেতূ অহেতুকা খন্ধা পচ্ছিমানং পচ্ছিমানং নহেতুঅহেতুকানং খন্ধানং আসেৱনপচ্চযেন পচ্চযো. (১)

কম্মপচ্চযো

১৮৬. নহেতু সহেতুকো ধম্মো নহেতুসহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নহেতু সহেতুকা চেতনা সম্পযুত্তকানং খন্ধানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নহেতু সহেতুকা চেতনা ৱিপাকানং নহেতুসহেতুকানং খন্ধানং কম্মপচ্চযেন পচ্চযো. (১)

নহেতু সহেতুকো ধম্মো নহেতুঅহেতুকস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নহেতু সহেতুকা চেতনা চিত্তসমুট্ঠানানং ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নহেতু সহেতুকা চেতনা ৱিপাকানং নহেতুঅহেতুকানং খন্ধানং কটত্তা চ ৰূপানং কম্মপচ্চযেন পচ্চযো. (১)

নহেতু সহেতুকো ধম্মো নহেতুসহেতুকস্স চ নহেতুঅহেতুকস্স চ ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নহেতু সহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে…পে…. নানাক্খণিকা – নহেতু সহেতুকা চেতনা ৱিপাকানং নহেতুসহেতুকানং খন্ধানং কটত্তা চ ৰূপানং কম্মপচ্চযেন পচ্চযো. (১)

নহেতু অহেতুকো ধম্মো নহেতুঅহেতুকস্স ধম্মস্স কম্মপচ্চযেন পচ্চযো. সহজাতা – নহেতু অহেতুকা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো; পটিসন্ধিক্খণে নহেতু অহেতুকা চেতনা সম্পযুত্তকানং খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযো

১৮৭. নহেতু সহেতুকো ধম্মো নহেতুসহেতুকস্স ধম্মস্স ৱিপাকপচ্চযেন পচ্চযো… তীণি.

নহেতু অহেতুকো ধম্মো নহেতুঅহেতুকস্স ধম্মস্স ৱিপাকপচ্চযেন পচ্চযো… একং.

আহাৰপচ্চযো

১৮৮. নহেতু সহেতুকো ধম্মো নহেতুসহেতুকস্স ধম্মস্স আহাৰপচ্চযেন পচ্চযো… তীণি.

নহেতু অহেতুকো ধম্মো নহেতুঅহেতুকস্স ধম্মস্স আহাৰপচ্চযেন পচ্চযো – নহেতু অহেতুকা আহাৰা সম্পযুত্তকানং খন্ধানং চিত্তসমুট্ঠানানঞ্চ ৰূপানং আহাৰপচ্চযেন পচ্চযো; পটিসন্ধিক্খণে…পে… কবড়ীকাৰো আহাৰো ইমস্স কাযস্স আহাৰপচ্চযেন পচ্চযো. (১)

ইন্দ্ৰিযপচ্চযো

১৮৯. নহেতু সহেতুকো ধম্মো নহেতুসহেতুকস্স ধম্মস্স ইন্দ্ৰিযপচ্চযেন পচ্চযো… তীণি.

নহেতু অহেতুকো ধম্মো নহেতুঅহেতুকস্স ধম্মস্স ইন্দ্ৰিযপচ্চযেন পচ্চযো – নহেতু অহেতুকা ইন্দ্ৰিযা সম্পযুত্তকানং খন্ধানং চিত্তসমুট্ঠানানঞ্চ ৰূপানং ইন্দ্ৰিযপচ্চযেন পচ্চযো; পটিসন্ধিক্খণে…পে… ৰূপজীৱিতিন্দ্ৰিযং কটত্তাৰূপানং ইন্দ্ৰিযপচ্চযেন পচ্চযো.

ঝানপচ্চযাদি

১৯০. নহেতু সহেতুকো ধম্মো নহেতুসহেতুকস্স ধম্মস্স ঝানপচ্চযেন পচ্চযো…পে… (চত্তাৰিপি কাতব্বানি), মগ্গপচ্চযেন পচ্চযো… তীণি.

সম্পযুত্তপচ্চযো

১৯১. নহেতু সহেতুকো ধম্মো নহেতুসহেতুকস্স ধম্মস্স সম্পযুত্তপচ্চযেন পচ্চযো – নহেতু সহেতুকো একো খন্ধো তিণ্ণন্নং খন্ধানং…পে… পটিসন্ধিক্খণে…পে…. (১)

নহেতু অহেতুকো ধম্মো নহেতুঅহেতুকস্স ধম্মস্স সম্পযুত্তপচ্চযেন পচ্চযো – নহেতু অহেতুকো একো খন্ধো তিণ্ণন্নং খন্ধানং…পে… পটিসন্ধিক্খণে…পে…. (২)

ৱিপ্পযুত্তপচ্চযো

১৯২. নহেতু সহেতুকো ধম্মো নহেতুঅহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – নহেতূ সহেতুকা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে…. পচ্ছাজাতা – নহেতূ সহেতুকা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নহেতু অহেতুকো ধম্মো নহেতুঅহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – নহেতূ অহেতুকা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো; পটিসন্ধিক্খণে…পে… খন্ধা ৱত্থুস্স ৱিপ্পযুত্তপচ্চযেন পচ্চযো; ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নহেতুসহেতুকানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – নহেতূ অহেতুকা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু নহেতুসহেতুকানং খন্ধানং ৱিপ্পযুত্তপচ্চযেন পচ্চযো. পুৰেজাতং – ৱত্থু নহেতুসহেতুকানং খন্ধানং ৱিপ্পযুত্তপচ্চযেন পচ্চযো. (২)

অত্থিপচ্চযো

১৯৩. নহেতু সহেতুকো ধম্মো নহেতুসহেতুকস্স ধম্মস্স অত্থিপচ্চযেন পচ্চযো – নহেতু সহেতুকো একো খন্ধো তিণ্ণন্নং খন্ধানং…পে… পটিসন্ধিক্খণে…পে…. (১)

নহেতু সহেতুকো ধম্মো নহেতুঅহেতুকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং…পে…. (২)

নহেতু সহেতুকো ধম্মো নহেতুসহেতুকস্স চ নহেতুঅহেতুকস্স চ ধম্মস্স অত্থিপচ্চযেন পচ্চযো – নহেতু সহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… পটিসন্ধিক্খণে…পে…. (৩)

নহেতু অহেতুকো ধম্মো নহেতুঅহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নহেতু অহেতুকো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… (যাৱ অসঞ্ঞসত্তা). পুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি; কুসলাকুসলে নিৰুদ্ধে নহেতু অহেতুকো ৱিপাকো তদাৰম্মণতা উপ্পজ্জতি; ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং…পে… কাযাযতনং…পে… ৱত্থু নহেতুঅহেতুকানং খন্ধানং অত্থিপচ্চযেন পচ্চযো. পচ্ছাজাতা – নহেতূ অহেতুকা খন্ধা পুৰেজাতস্স…পে… কবড়ীকাৰো আহাৰো ইমস্স কাযস্স…পে… ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)

নহেতু অহেতুকো ধম্মো নহেতুসহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতং – পটিসন্ধিক্খণে ৱত্থু নহেতুসহেতুকানং খন্ধানং অত্থিপচ্চযেন পচ্চযো. পুৰেজাতং – চক্খুং…পে… ৱত্থুং অনিচ্চতো…পে… দোমনস্সং উপ্পজ্জতি, কুসলাকুসলে নিৰুদ্ধে নহেতু সহেতুকো ৱিপাকো তদাৰম্মণতা উপ্পজ্জতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৱত্থুপুৰেজাতং – ৱত্থু নহেতুসহেতুকানং খন্ধানং অত্থিপচ্চযেন পচ্চযো. (২)

১৯৪. নহেতু সহেতুকো চ নহেতু অহেতুকো চ ধম্মা নহেতুসহেতুকস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – নহেতু সহেতুকো একো খন্ধো চ ৱত্থু চ তিণ্ণন্নং খন্ধানং…পে… পটিসন্ধিক্খণে…পে… নহেতু সহেতুকো একো খন্ধো চ ৱত্থু চ তিণ্ণন্নং খন্ধানং…পে…. (১)

নহেতু সহেতুকো চ নহেতু অহেতুকো চ ধম্মা নহেতুঅহেতুকস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – নহেতূ সহেতুকা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো; পটিসন্ধিক্খণে…পে…. পচ্ছাজাতা – নহেতূ সহেতুকা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – নহেতূ সহেতুকা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো…পে…. (২)