১. ৱিভঙ্গৱাৰো

হেতুপচ্চযো

৬৯. দস্সনেন পহাতব্বো ধম্মো দস্সনেন পহাতব্বস্স ধম্মস্স হেতুপচ্চযেন পচ্চযো – দস্সনেন পহাতব্বা হেতূ সম্পযুত্তকানং খন্ধানং হেতুপচ্চযেন পচ্চযো. (১)

দস্সনেন পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স হেতুপচ্চযেন পচ্চযো – দস্সনেন পহাতব্বা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নেৱদস্সনেন নভাৱনায পহাতব্বস্স চ ধম্মস্স হেতুপচ্চযেন পচ্চযো – দস্সনেন পহাতব্বা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

৭০. ভাৱনায পহাতব্বো ধম্মো…পে… ধম্মস্স হেতুপচ্চযেন পচ্চযো – ভাৱনায পহাতব্বা হেতূ সম্পযুত্তকানং খন্ধানং হেতুপচ্চযেন পচ্চযো. (১)

ভাৱনায পহাতব্বো ধম্মো নেৱদস্সনেন নভাৱনায পহাতব্বস্স…পে… ভাৱনায পহাতব্বা হেতূ চিত্তসমুট্ঠানানং ৰূপানং হেতুপচ্চযেন পচ্চযো. (২)

ভাৱনায পহাতব্বো ধম্মো ভাৱনায পহাতব্বস্স চ নেৱদস্সনেন নভাৱনায পহাতব্বস্স চ ধম্মস্স…পে… ভাৱনায পহাতব্বা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. (৩)

নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স…পে… নেৱদস্সনেন নভাৱনায পহাতব্বা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে নেৱদস্সনেন নভাৱনায পহাতব্বা হেতূ সম্পযুত্তকানং খন্ধানং কটত্তা চ ৰূপানং হেতুপচ্চযেন পচ্চযো. (১)

আৰম্মণপচ্চযো

৭১. দস্সনেন পহাতব্বো ধম্মো দস্সনেন পহাতব্বস্স ধম্মস্স আৰম্মণপচ্চযেন পচ্চযো – দস্সনেন পহাতব্বং ৰাগং অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি. দস্সনেন পহাতব্বং দোমনস্সং উপ্পজ্জতি, দিট্ঠিং অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি. দস্সনেন পহাতব্বং দোমনস্সং উপ্পজ্জতি, ৱিচিকিচ্ছং আৰব্ভ ৱিচিকিচ্ছা উপ্পজ্জতি, দিট্ঠি উপ্পজ্জতি, দস্সনেন পহাতব্বং দোমনস্সং উপ্পজ্জতি. দস্সনেন পহাতব্বং দোমনস্সং আৰব্ভ দস্সনেন পহাতব্বং দোমনস্সং উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি. (১)

দস্সনেন পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স আৰম্মণপচ্চযেন পচ্চযো – অৰিযা দস্সনেন পহাতব্বে পহীনে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. দস্সনেন পহাতব্বে খন্ধে অনিচ্চতো দুক্খতো অনত্ততো ৱিপস্সন্তি. চেতোপৰিযঞাণেন দস্সনেন পহাতব্বচিত্তসমঙ্গিস্স চিত্তং জানন্তি. দস্সনেন পহাতব্বা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (২)

৭২. ভাৱনায পহাতব্বো ধম্মো ভাৱনায পহাতব্বস্স ধম্মস্স আৰম্মণপচ্চযেন পচ্চযো – ভাৱনায পহাতব্বং ৰাগং অস্সাদেতি অভিনন্দতি, তং আৰব্ভ ভাৱনায পহাতব্বো ৰাগো উপ্পজ্জতি, উদ্ধচ্চং উপ্পজ্জতি. ভাৱনায পহাতব্বং দোমনস্সং উপ্পজ্জতি, উদ্ধচ্চং আৰব্ভ উদ্ধচ্চং উপ্পজ্জতি. ভাৱনায পহাতব্বং দোমনস্সং উপ্পজ্জতি, ভাৱনায পহাতব্বং দোমনস্সং আৰব্ভ ভাৱনায পহাতব্বং দোমনস্সং উপ্পজ্জতি, উদ্ধচ্চং উপ্পজ্জতি. (১)

ভাৱনায পহাতব্বো ধম্মো দস্সনেন পহাতব্বস্স ধম্মস্স আৰম্মণপচ্চযেন পচ্চযো – ভাৱনায পহাতব্বং ৰাগং অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি. উদ্ধচ্চং আৰব্ভ দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি. ভাৱনায পহাতব্বং দোমনস্সং আৰব্ভ দস্সনেন পহাতব্বং দোমনস্সং উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি. (২)

ভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স আৰম্মণপচ্চযেন পচ্চযো – অৰিযা ভাৱনায পহাতব্বে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. ভাৱনায পহাতব্বে খন্ধে অনিচ্চতো দুক্খতো অনত্ততো ৱিপস্সন্তি, চেতোপৰিযঞাণেন ভাৱনায পহাতব্বচিত্তসমঙ্গিস্স চিত্তং জানন্তি. ভাৱনায পহাতব্বা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (৩)

৭৩. নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি, পুব্বে সুচিণ্ণানি পচ্চৱেক্খতি, ঝানা ৱুট্ঠহিত্ৱা ঝানং পচ্চৱেক্খতি. অৰিযা মগ্গা ৱুট্ঠহিত্ৱা মগ্গং পচ্চৱেক্খন্তি, ফলং পচ্চৱেক্খন্তি, নিব্বানং পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স, আৱজ্জনায আৰম্মণপচ্চযেন পচ্চযো. চক্খুং অনিচ্চতো দুক্খতো অনত্ততো ৱিপস্সতি; সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং… নেৱদস্সনেন নভাৱনায পহাতব্বে খন্ধে অনিচ্চতো দুক্খতো অনত্ততো ৱিপস্সতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন নেৱদস্সনেন নভাৱনায পহাতব্বচিত্তসমঙ্গিস্স চিত্তং জানন্তি, আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স…পে… ৰূপাযতনং চক্খুৱিঞ্ঞাণস্স আৰম্মণপচ্চযেন পচ্চযো…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো…পে… নেৱদস্সনেন নভাৱনায পহাতব্বা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো দস্সনেন পহাতব্বস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি. পুব্বে সুচিণ্ণানি অস্সাদেতি অভিনন্দতি…পে… ঝানা ৱুট্ঠহিত্ৱা ঝানং অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো…পে… দিট্ঠি…পে… ৱিচিকিচ্ছা…পে… ঝানে পৰিহীনে ৱিপ্পটিসাৰিস্স দস্সনেন পহাতব্বং দোমনস্সং উপ্পজ্জতি. চক্খুং অস্সাদেতি অভিনন্দতি…পে… সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং… নেৱদস্সনেন নভাৱনায পহাতব্বে খন্ধে অস্সাদেতি অভিনন্দতি, তং আৰব্ভ দস্সনেন পহাতব্বো ৰাগো…পে… দিট্ঠি…পে… ৱিচিকিচ্ছা…পে… দস্সনেন পহাতব্বং দোমনস্সং উপ্পজ্জতি. (২)

নেৱদস্সনেন নভাৱনায পহাতব্বো ধম্মো ভাৱনায পহাতব্বস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং অস্সাদেতি অভিনন্দতি, তং আৰব্ভ ভাৱনায পহাতব্বো ৰাগো উপ্পজ্জতি, উদ্ধচ্চং উপ্পজ্জতি, ভাৱনায পহাতব্বং দোমনস্সং উপ্পজ্জতি. পুব্বে সুচিণ্ণানি…পে… ঝানা ৱুট্ঠহিত্ৱা…পে… চক্খুং…পে… ৱত্থুং… নেৱদস্সনেন নভাৱনায পহাতব্বে খন্ধে অস্সাদেতি…পে… তং আৰব্ভ ভাৱনায পহাতব্বো ৰাগো উপ্পজ্জতি, উদ্ধচ্চং উপ্পজ্জতি, ভাৱনায পহাতব্বং দোমনস্সং উপ্পজ্জতি. (৩)

অধিপতিপচ্চযো

৭৪. দস্সনেন পহাতব্বো ধম্মো দস্সনেন পহাতব্বস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দস্সনেন পহাতব্বং ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি; দিট্ঠিং গৰুং কত্ৱা অস্সাদেতি অভিনন্দতি, তং গৰুং কত্ৱা দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – দস্সনেন পহাতব্বাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

দস্সনেন পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নেৱদস্সনেন নভাৱনায পহাতব্বস্স চ ধম্মস্স অধিপতিপচ্চযেন পচ্চযো. সহজাতাধিপতি – দস্সনেন পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

৭৫. ভাৱনায পহাতব্বো ধম্মো ভাৱনায পহাতব্বস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – ভাৱনায পহাতব্বং ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা ভাৱনায পহাতব্বো ৰাগো উপ্পজ্জতি. সহজাতাধিপতি – ভাৱনায পহাতব্বাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

ভাৱনায পহাতব্বো ধম্মো দস্সনেন পহাতব্বস্স ধম্মস্স অধিপতিপচ্চযেন পচ্চযো. আৰম্মণাধিপতি – ভাৱনায পহাতব্বং ৰাগং গৰুং কত্ৱা অস্সাদেতি অভিনন্দতি, তং গৰুং কত্ৱা দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি. (২)

ভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স অধিপতিপচ্চযেন পচ্চযো. সহজাতাধিপতি – ভাৱনায পহাতব্বাধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (৩)

ভাৱনায পহাতব্বো ধম্মো ভাৱনায পহাতব্বস্স চ নেৱদস্সনেন নভাৱনায পহাতব্বস্স চ ধম্মস্স অধিপতিপচ্চযেন পচ্চযো. সহজাতাধিপতি – ভাৱনায পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৪)

৭৬. নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা পচ্চৱেক্খতি, পুব্বে সুচিণ্ণানি…পে… ঝানা ৱুট্ঠহিত্ৱা ঝানং গৰুং কত্ৱা পচ্চৱেক্খতি, অৰিযা মগ্গা ৱুট্ঠহিত্ৱা মগ্গং গৰুং কত্ৱা পচ্চৱেক্খন্তি, ফলং গৰুং কত্ৱা পচ্চৱেক্খন্তি, নিব্বানং গৰুং কত্ৱা পচ্চৱেক্খন্তি; নিব্বানং গোত্ৰভুস্স, ৱোদানস্স, মগ্গস্স, ফলস্স অধিপতিপচ্চযেন পচ্চযো. সহজাতাধিপতি – নেৱদস্সনেন নভাৱনায পহাতব্বাধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো দস্সনেন পহাতব্বস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা অস্সাদেতি অভিনন্দতি, তং গৰুং কত্ৱা দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি. পুব্বে সুচিণ্ণানি গৰুং কত্ৱা…পে… ঝানা ৱুট্ঠহিত্ৱা ঝানং গৰুং কত্ৱা…পে… চক্খুং…পে… ৱত্থুং… নেৱদস্সনেন নভাৱনায পহাতব্বে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি. (২)

নেৱদস্সনেন নভাৱনায পহাতব্বো ধম্মো ভাৱনায পহাতব্বস্স ধম্মস্স অধিপতিপচ্চযেন পচ্চযো. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা অস্সাদেতি অভিনন্দতি, তং গৰুং কত্ৱা ভাৱনায পহাতব্বো ৰাগো উপ্পজ্জতি. পুব্বে…পে… নেৱদস্সনেন নভাৱনায পহাতব্বে খন্ধে গৰুং কত্ৱা অস্সাদেতি অভিনন্দতি, তং গৰুং কত্ৱা ভাৱনায পহাতব্বো ৰাগো উপ্পজ্জতি. (৩)

অনন্তৰপচ্চযো

৭৭. দস্সনেন পহাতব্বো ধম্মো দস্সনেন পহাতব্বস্স ধম্মস্স অনন্তৰপচ্চযেন পচ্চযো – পুৰিমা পুৰিমা দস্সনেন পহাতব্বা খন্ধা পচ্ছিমানং পচ্ছিমানং দস্সনেন পহাতব্বানং খন্ধানং অনন্তৰপচ্চযেন পচ্চযো.

দস্সনেন পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স অনন্তৰপচ্চযেন পচ্চযো – দস্সনেন পহাতব্বা খন্ধা ৱুট্ঠানস্স অনন্তৰপচ্চযেন পচ্চযো. (২)

ভাৱনায পহাতব্বো ধম্মো ভাৱনায পহাতব্বস্স ধম্মস্স অনন্তৰপচ্চযেন পচ্চযো – পুৰিমা পুৰিমা ভাৱনায পহাতব্বা খন্ধা পচ্ছিমানং পচ্ছিমানং ভাৱনায পহাতব্বানং খন্ধানং অনন্তৰপচ্চযেন পচ্চযো. (১)

ভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স অনন্তৰপচ্চযেন পচ্চযো – ভাৱনায পহাতব্বা খন্ধা ৱুট্ঠানস্স অনন্তৰপচ্চযেন পচ্চযো. (২)

নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স অনন্তৰপচ্চযেন পচ্চযো – পুৰিমা পুৰিমা নেৱদস্সনেন নভাৱনায পহাতব্বা খন্ধা পচ্ছিমানং পচ্ছিমানং নেৱদস্সনেন নভাৱনায পহাতব্বানং খন্ধানং অনন্তৰপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স… মগ্গো ফলস্স… ফলং ফলস্স… অনুলোমং ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং ফলসমাপত্তিযা অনন্তৰপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো দস্সনেন পহাতব্বস্স ধম্মস্স…পে… আৱজ্জনা দস্সনেন পহাতব্বানং খন্ধানং অনন্তৰপচ্চযেন পচ্চযো. (২)

নেৱদস্সনেন নভাৱনায পহাতব্বো ধম্মো ভাৱনায পহাতব্বস্স ধম্মস্স অনন্তৰপচ্চযেন পচ্চযো – আৱজ্জনা ভাৱনায পহাতব্বানং খন্ধানং অনন্তৰপচ্চযেন পচ্চযো. (৩)

সমনন্তৰপচ্চযো

৭৮. দস্সনেন পহাতব্বো ধম্মো দস্সনেন পহাতব্বস্স ধম্মস্স সমনন্তৰপচ্চযেন পচ্চযো (অনন্তৰসদিসং).

সহজাতপচ্চযো

৭৯. দস্সনেন পহাতব্বো ধম্মো দস্সনেন পহাতব্বস্স ধম্মস্স সহজাতপচ্চযেন পচ্চযো… তীণি.

ভাৱনায পহাতব্বো ধম্মো ভাৱনায পহাতব্বস্স ধম্মস্স… তীণি.

নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স সহজাতপচ্চযেন পচ্চযো – নেৱদস্সনেন নভাৱনায পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে…পে… খন্ধা ৱত্থুস্স সহজাতপচ্চযেন পচ্চযো. ৱত্থু খন্ধানং…পে… একং মহাভূতং তিণ্ণন্নং মহাভূতানং…পে… মহাভূতা চিত্তসমুট্ঠানানং ৰূপানং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে…. (১)

দস্সনেন পহাতব্বো চ নেৱদস্সনেন নভাৱনায পহাতব্বো চ ধম্মা নেৱদস্সনেন নভাৱনায পহাতব্বস্স ধম্মস্স সহজাতপচ্চযেন পচ্চযো – দস্সনেন পহাতব্বা খন্ধা চ মহাভূতা চ চিত্তসমুট্ঠানানং ৰূপানং সহজাতপচ্চযেন পচ্চযো. (১)

ভাৱনায পহাতব্বো চ নেৱদস্সনেন নভাৱনায পহাতব্বো চ ধম্মা নেৱদস্সনেন নভাৱনায পহাতব্বস্স ধম্মস্স সহজাতপচ্চযেন পচ্চযো – ভাৱনায পহাতব্বা খন্ধা চ মহাভূতা চ চিত্তসমুট্ঠানানং ৰূপানং সহজাতপচ্চযেন পচ্চযো. (১)

অঞ্ঞমঞ্ঞপচ্চযো

৮০. দস্সনেন পহাতব্বো ধম্মো দস্সনেন পহাতব্বস্স ধম্মস্স অঞ্ঞমঞ্ঞপচ্চযেন পচ্চযো – দস্সনেন পহাতব্বো একো খন্ধো তিণ্ণন্নং খন্ধানং…পে…. (১)

ভাৱনায পহাতব্বো ধম্মো ভাৱনায পহাতব্বস্স ধম্মস্স…পে… ভাৱনায পহাতব্বো একো খন্ধো তিণ্ণন্নং খন্ধানং…পে…. (১)

নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স…পে… নেৱদস্সনেন নভাৱনায পহাতব্বো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে নেৱদস্সনেন নভাৱনায পহাতব্বো একো খন্ধো তিণ্ণন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা…পে… খন্ধা ৱত্থুস্স…পে… ৱত্থু খন্ধানং…পে… একং মহাভূতং তিণ্ণন্নং মহাভূতানং অঞ্ঞমঞ্ঞপচ্চযেন পচ্চযো…পে… অসঞ্ঞসত্তানং…পে…. (১)

নিস্সযপচ্চযো

৮১. দস্সনেন পহাতব্বো ধম্মো দস্সনেন পহাতব্বস্স ধম্মস্স নিস্সযপচ্চযেন পচ্চযো… তীণি.

ভাৱনায পহাতব্বো ধম্মো ভাৱনায পহাতব্বস্স ধম্মস্স… তীণি.

নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স নিস্সযপচ্চযেন পচ্চযো – নেৱদস্সনেন নভাৱনায পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং…পে… দ্ৱে খন্ধা…পে… পটিসন্ধিক্খণে…পে… খন্ধা ৱত্থুস্স…পে… ৱত্থু খন্ধানং…পে… একং মহাভূতং…পে… অসঞ্ঞসত্তানং…পে… চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু…পে…. (১)

নেৱদস্সনেন নভাৱনায পহাতব্বো ধম্মো দস্সনেন পহাতব্বস্স ধম্মস্স নিস্সযপচ্চযেন পচ্চযো – ৱত্থু দস্সনেন পহাতব্বানং খন্ধানং নিস্সযপচ্চযেন পচ্চযো. (২)

নেৱদস্সনেন নভাৱনায পহাতব্বো ধম্মো ভাৱনায পহাতব্বস্স ধম্মস্স নিস্সযপচ্চযেন পচ্চযো – ৱত্থু ভাৱনায পহাতব্বানং খন্ধানং নিস্সযপচ্চযেন পচ্চযো. (৩)

৮২. দস্সনেন পহাতব্বো চ নেৱদস্সনেন নভাৱনায পহাতব্বো চ ধম্মা দস্সনেন পহাতব্বস্স ধম্মস্স নিস্সযপচ্চযেন পচ্চযো – দস্সনেন পহাতব্বো একো খন্ধো চ ৱত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৱে খন্ধা…পে…. (১)

দস্সনেন পহাতব্বো চ নেৱদস্সনেন নভাৱনায পহাতব্বো চ ধম্মা নেৱদস্সনেন নভাৱনায পহাতব্বস্স ধম্মস্স নিস্সযপচ্চযেন পচ্চযো – দস্সনেন পহাতব্বা খন্ধা চ মহাভূতা চ চিত্তসমুট্ঠানানং ৰূপানং নিস্সযপচ্চযেন পচ্চযো. (২)

ভাৱনায পহাতব্বো চ নেৱদস্সনেন নভাৱনায পহাতব্বো চ ধম্মা ভাৱনায পহাতব্বস্স ধম্মস্স নিস্সযপচ্চযেন পচ্চযো – ভাৱনায পহাতব্বো একো খন্ধো চ ৱত্থু চ তিণ্ণন্নং খন্ধানং নিস্সযপচ্চযেন পচ্চযো…পে… দ্ৱে খন্ধা…পে…. (১)

ভাৱনায পহাতব্বো চ নেৱদস্সনেন নভাৱনায পহাতব্বো চ ধম্মা নেৱদস্সনেন নভাৱনায পহাতব্বস্স ধম্মস্স নিস্সযপচ্চযেন পচ্চযো – ভাৱনায পহাতব্বা খন্ধা চ মহাভূতা চ চিত্তসমুট্ঠানানং ৰূপানং নিস্সযপচ্চযেন পচ্চযো. (২)

উপনিস্সযপচ্চযো

৮৩. দস্সনেন পহাতব্বো ধম্মো দস্সনেন পহাতব্বস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বং ৰাগং উপনিস্সায পাণং হনতি, অদিন্নং আদিযতি…পে… সঙ্ঘং ভিন্দতি. দস্সনেন পহাতব্বং দোসং… মোহং… দিট্ঠিং… পত্থনং উপনিস্সায পাণং হনতি…পে… সঙ্ঘং ভিন্দতি. দস্সনেন পহাতব্বো ৰাগো… দোসো… মোহো… দিট্ঠি… পত্থনা দস্সনেন পহাতব্বস্স ৰাগস্স.. দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. (১)

দস্সনেন পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – দস্সনেন পহাতব্বং ৰাগং উপনিস্সায দানং দেতি, সীলং সমাদিযতি, উপোসথকম্মং কৰোতি…পে… সমাপত্তিং উপ্পাদেতি. দস্সনেন পহাতব্বং দোসং…পে… পত্থনং উপনিস্সায দানং দেতি…পে… সমাপত্তিং উপ্পাদেতি. দস্সনেন পহাতব্বো ৰাগো… দোসো… মোহো… দিট্ঠি… পত্থনা সদ্ধায…পে… পঞ্ঞায কাযিকস্স সুখস্স, কাযিকস্স দুক্খস্স ফলসমাপত্তিযা উপনিস্সযপচ্চযেন পচ্চযো. (২)

৮৪. ভাৱনায পহাতব্বো ধম্মো ভাৱনায পহাতব্বস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – ভাৱনায পহাতব্বো ৰাগো… দোসো… মোহো… মানো… পত্থনা ভাৱনায পহাতব্বস্স ৰাগস্স… দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (১)

ভাৱনায পহাতব্বো ধম্মো দস্সনেন পহাতব্বস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, পকতূপনিস্সযো…পে…. পকতূপনিস্সযো – ভাৱনায পহাতব্বং ৰাগং উপনিস্সায পাণং হনতি…পে… সঙ্ঘং ভিন্দতি. ভাৱনায পহাতব্বং দোসং… মোহং… মানং… পত্থনং উপনিস্সায পাণং হনতি…পে… সঙ্ঘং ভিন্দতি. ভাৱনায পহাতব্বো ৰাগো… দোসো… মোহো… মানো… পত্থনা দস্সনেন পহাতব্বস্স ৰাগস্স… দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. সকভণ্ডে ছন্দৰাগো পৰভণ্ডে ছন্দৰাগস্স উপনিস্সযপচ্চযেন পচ্চযো. সকপৰিগ্গহে ছন্দৰাগো পৰপৰিগ্গহে ছন্দৰাগস্স উপনিস্সযপচ্চযেন পচ্চযো. (২)

ভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স উপনিস্সযপচ্চযেন পচ্চযো – অনন্তৰূপনিস্সযো, পকতূপনিস্সযো…পে…. পকতূপনিস্সযো – ভাৱনায পহাতব্বং ৰাগং উপনিস্সায দানং দেতি…পে… সমাপত্তিং উপ্পাদেতি. ভাৱনায পহাতব্বং দোসং… মোহং… মানং… পত্থনং উপনিস্সায দানং দেতি…পে… সমাপত্তিং উপ্পাদেতি. ভাৱনায পহাতব্বো ৰাগো… দোসো… মোহো… মানো… পত্থনা সদ্ধায…পে… ফলসমাপত্তিযা উপনিস্সযপচ্চযেন পচ্চযো. (৩)

৮৫. নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দানং দেতি…পে… সমাপত্তিং উপ্পাদেতি. সীলং… সুতং… চাগং… পঞ্ঞং… কাযিকং… সুখং… কাযিকং দুক্খং… উতুং… ভোজনং… সেনাসনং… উপনিস্সায দানং দেতি…পে… সমাপত্তিং উপ্পাদেতি. সদ্ধা… সীলং… সুতং… চাগো … পঞ্ঞা… কাযিকং সুখং… কাযিকং দুক্খং… উতু… ভোজনং… সেনাসনং… সদ্ধায…পে… পঞ্ঞায কাযিকস্স সুখস্স, কাযিকস্স দুক্খস্স ফলসমাপত্তিযা উপনিস্সযপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো দস্সনেন পহাতব্বস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায দিট্ঠিং গণ্হাতি. সীলং…পে… সেনাসনং উপনিস্সায পাণং হনতি…পে… সঙ্ঘং ভিন্দতি. সদ্ধা…পে… সেনাসনং দস্সনেন পহাতব্বস্স ৰাগস্স… দোসস্স… মোহস্স… দিট্ঠিযা… পত্থনায উপনিস্সযপচ্চযেন পচ্চযো. (২)

নেৱদস্সনেন নভাৱনায পহাতব্বো ধম্মো ভাৱনায পহাতব্বস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সদ্ধং উপনিস্সায মানং জপ্পেতি. সীলং…পে… পঞ্ঞং… কাযিকং সুখং… কাযিকং দুক্খং… উতুং… ভোজনং… সেনাসনং… উপনিস্সায মানং জপ্পেতি. সদ্ধা…পে… পঞ্ঞা… কাযিকং সুখং… কাযিকং দুক্খং… উতু… ভোজনং… সেনাসনং ভাৱনায পহাতব্বস্স ৰাগস্স… দোসস্স… মোহস্স… মানস্স… পত্থনায উপনিস্সযপচ্চযেন পচ্চযো. (৩)

পুৰেজাতপচ্চযো

৮৬. নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং অনিচ্চতো দুক্খতো অনত্ততো ৱিপস্সতি, সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং…পে… দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স পুৰেজাতপচ্চযেন পচ্চযো. ৱত্থুপুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নেৱদস্সনেন নভাৱনায পহাতব্বানং খন্ধানং পুৰেজাতপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো দস্সনেন পহাতব্বস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং অস্সাদেতি অভিনন্দতি; তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি…পে… ৱত্থুং অস্সাদেতি অভিনন্দতি; তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি. ৱত্থুপুৰেজাতং – ৱত্থু দস্সনেন পহাতব্বানং খন্ধানং পুৰেজাতপচ্চযেন পচ্চযো. (২)

নেৱদস্সনেন নভাৱনায পহাতব্বো ধম্মো ভাৱনায পহাতব্বস্স ধম্মস্স পুৰেজাতপচ্চযেন পচ্চযো – আৰম্মণপুৰেজাতং, ৱত্থুপুৰেজাতং. আৰম্মণপুৰেজাতং – চক্খুং অস্সাদেতি অভিনন্দতি; তং আৰব্ভ ভাৱনায পহাতব্বো ৰাগো উপ্পজ্জতি… উদ্ধচ্চং উপ্পজ্জতি… ভাৱনায পহাতব্বং দোমনস্সং উপ্পজ্জতি, সোতং…পে… কাযং… ৰূপে…পে… ফোট্ঠব্বে… ৱত্থুং অস্সাদেতি অভিনন্দতি; তং আৰব্ভ ভাৱনায পহাতব্বো ৰাগো উপ্পজ্জতি, উদ্ধচ্চং উপ্পজ্জতি, ভাৱনায পহাতব্বং দোমনস্সং উপ্পজ্জতি. ৱত্থুপুৰেজাতং – ৱত্থু ভাৱনায পহাতব্বানং খন্ধানং পুৰেজাতপচ্চযেন পচ্চযো. (৩)

পচ্ছাজাতপচ্চযো

৮৭. দস্সনেন পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স পচ্ছাজাতপচ্চযেন পচ্চযো – পচ্ছাজাতা দস্সনেন পহাতব্বা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

ভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স পচ্ছাজাতপচ্চযেন পচ্চযো – পচ্ছাজাতা ভাৱনায পহাতব্বা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স পচ্ছাজাতপচ্চযেন পচ্চযো – পচ্ছাজাতা নেৱদস্সনেন নভাৱনায পহাতব্বা খন্ধা পুৰেজাতস্স ইমস্স কাযস্স পচ্ছাজাতপচ্চযেন পচ্চযো. (১)

আসেৱনপচ্চযো

৮৮. দস্সনেন পহাতব্বো ধম্মো দস্সনেন পহাতব্বস্স ধম্মস্স আসেৱনপচ্চযেন পচ্চযো – পুৰিমা পুৰিমা দস্সনেন পহাতব্বা খন্ধা পচ্ছিমানং পচ্ছিমানং…পে… আসেৱনপচ্চযেন পচ্চযো. (১)

ভাৱনায পহাতব্বো ধম্মো ভাৱনায পহাতব্বস্স ধম্মস্স আসেৱনপচ্চযেন পচ্চযো – পুৰিমা পুৰিমা ভাৱনায পহাতব্বা খন্ধা পচ্ছিমানং পচ্ছিমানং…পে… আসেৱনপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স আসেৱনপচ্চযেন পচ্চযো – পুৰিমা পুৰিমা নেৱদস্সনেন নভাৱনায পহাতব্বা খন্ধা পচ্ছিমানং পচ্ছিমানং…পে… আসেৱনপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (১)

কম্মপচ্চযো

৮৯. দস্সনেন পহাতব্বো ধম্মো দস্সনেন পহাতব্বস্স ধম্মস্স কম্মপচ্চযেন পচ্চযো – দস্সনেন পহাতব্বা চেতনা সম্পযুত্তকানং খন্ধানং কম্মপচ্চযেন পচ্চযো. (১)

দস্সনেন পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – দস্সনেন পহাতব্বা চেতনা চিত্তসমুট্ঠানানং ৰূপানং কম্মপচ্চযেন পচ্চযো. নানাক্খণিকা – দস্সনেন পহাতব্বা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নেৱদস্সনেন নভাৱনায পহাতব্বস্স চ ধম্মস্স কম্মপচ্চযেন পচ্চযো – দস্সনেন পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

ভাৱনায পহাতব্বো ধম্মো ভাৱনায পহাতব্বস্স ধম্মস্স কম্মপচ্চযেন পচ্চযো – ভাৱনায পহাতব্বা চেতনা সম্পযুত্তকানং খন্ধানং কম্মপচ্চযেন পচ্চযো. (১)

ভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স কম্মপচ্চযেন পচ্চযো – ভাৱনায পহাতব্বা চেতনা চিত্তসমুট্ঠানানং ৰূপানং কম্মপচ্চযেন পচ্চযো. (২)

ভাৱনায পহাতব্বো ধম্মো ভাৱনায পহাতব্বস্স চ নেৱদস্সনেন নভাৱনায পহাতব্বস্স চ ধম্মস্স কম্মপচ্চযেন পচ্চযো – ভাৱনায পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. (৩)

নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – নেৱদস্সনেন নভাৱনায পহাতব্বা চেতনা সম্পযুত্তকানং খন্ধানং চিত্তসমুট্ঠানানঞ্চ ৰূপানং কম্মপচ্চযেন পচ্চযো. পটিসন্ধিক্খণে নেৱদস্সনেন নভাৱনায পহাতব্বা চেতনা সম্পযুত্তকানং খন্ধানং কটত্তা চ ৰূপানং…পে…. নানাক্খণিকা – নেৱদস্সনেন নভাৱনায পহাতব্বা চেতনা ৱিপাকানং খন্ধানং কটত্তা চ ৰূপানং কম্মপচ্চযেন পচ্চযো. (১)

ৱিপাকপচ্চযো

৯০. নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স ৱিপাকপচ্চযেন পচ্চযো – ৱিপাকো নেৱদস্সনেন নভাৱনায পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং ৱিপাকপচ্চযেন পচ্চযো…পে… পটিসন্ধিক্খণে…পে… খন্ধা ৱত্থুস্স ৱিপাকপচ্চযেন পচ্চযো.

আহাৰপচ্চযাদি

৯১. দস্সনেন পহাতব্বো ধম্মো দস্সনেন পহাতব্বস্স ধম্মস্স আহাৰপচ্চযেন পচ্চযো (সংখিত্তং) কবড়ীকাৰো… সত্ত পঞ্হা… ইন্দ্ৰিযপচ্চযেন পচ্চযো… চক্খুন্দ্ৰিযঞ্চ…পে… ৰূপজীৱিতিন্দ্ৰিযঞ্চ …পে… সত্ত পঞ্হা ঝানপচ্চযেন পচ্চযো… মগ্গপচ্চযেন পচ্চযো… সম্পযুত্তপচ্চযেন পচ্চযো.

ৱিপ্পযুত্তপচ্চযো

৯২. দস্সনেন পহাতব্বো ধম্মো দস্সনেন পহাতব্বস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং. সহজাতা – দস্সনেন পহাতব্বা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পচ্ছাজাতা – দস্সনেন পহাতব্বা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

ভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স ৱিপ্পযুত্তপচ্চযেন পচ্চযো – সহজাতং, পচ্ছাজাতং (ইদম্পি দস্সনেন সদিসং).

নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স ৱিপ্পযুত্তপচ্চযেন পচ্চযো – সহজাতং, পুৰেজাতং, পচ্ছাজাতং. সহজাতা – নেৱদস্সনেন নভাৱনায পহাতব্বা খন্ধা চিত্তসমুট্ঠানানং ৰূপানং ৱিপ্পযুত্তপচ্চযেন পচ্চযো. পটিসন্ধিক্খণে নেৱদস্সনেন নভাৱনায পহাতব্বা খন্ধা কটত্তাৰূপানং ৱিপ্পযুত্তপচ্চযেন পচ্চযো, খন্ধা ৱত্থুস্স ৱিপ্পযুত্তপচ্চযেন পচ্চযো, ৱত্থু খন্ধানং ৱিপ্পযুত্তপচ্চযেন পচ্চযো. পুৰেজাতং – চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নেৱদস্সনেন নভাৱনায পহাতব্বানং খন্ধানং ৱিপ্পযুত্তপচ্চযেন পচ্চযো. পচ্ছাজাতা – নেৱদস্সনেন নভাৱনায পহাতব্বা খন্ধা পুৰেজাতস্স ইমস্স কাযস্স ৱিপ্পযুত্তপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো দস্সনেন পহাতব্বস্স ধম্মস্স ৱিপ্পযুত্তপচ্চযেন পচ্চযো – পুৰেজাতং ৱত্থু দস্সনেন পহাতব্বানং খন্ধানং ৱিপ্পযুত্তপচ্চযেন পচ্চযো. (২)

নেৱদস্সনেন নভাৱনায পহাতব্বো ধম্মো ভাৱনায পহাতব্বস্স ধম্মস্স ৱিপ্পযুত্তপচ্চযেন পচ্চযো – পুৰেজাতং ৱত্থু ভাৱনায পহাতব্বানং খন্ধানং ৱিপ্পযুত্তপচ্চযেন পচ্চযো. (৩)

অত্থিপচ্চযো

৯৩. দস্সনেন পহাতব্বো ধম্মো দস্সনেন পহাতব্বস্স ধম্মস্স অত্থিপচ্চযেন পচ্চযো – দস্সনেন পহাতব্বো একো খন্ধো তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা…পে…. (১)

দস্সনেন পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং. সহজাতা – দস্সনেন পহাতব্বা খন্ধা চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – দস্সনেন পহাতব্বা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নেৱদস্সনেন নভাৱনায পহাতব্বস্স চ ধম্মস্স অত্থিপচ্চযেন পচ্চযো – দস্সনেন পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং…পে… দ্ৱে খন্ধা…পে…. (৩)

ভাৱনায পহাতব্বো ধম্মো ভাৱনায পহাতব্বস্স… তীণি (দস্সনেন সদিসং কাতব্বং).

৯৪. নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স অত্থিপচ্চযেন পচ্চযো – সহজাতং, পুৰেজাতং, পচ্ছাজাতং, আহাৰং, ইন্দ্ৰিযং. সহজাতো – নেৱদস্সনেন নভাৱনায পহাতব্বো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং অত্থিপচ্চযেন পচ্চযো…পে… পটিসন্ধিক্খণে…পে… খন্ধা ৱত্থুস্স…পে… ৱত্থু খন্ধানং অত্থিপচ্চযেন পচ্চযো; একং মহাভূতং…পে… অসঞ্ঞসত্তানং একং মহাভূতং…পে…. পুৰেজাতং – চক্খুং অনিচ্চতো দুক্খতো অনত্ততো ৱিপস্সতি, সোতং…পে… কাযং… ৰূপে…পে… ফোট্ঠব্বে… ৱত্থুং অনিচ্চতো দুক্খতো অনত্ততো ৱিপস্সতি; দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স…পে… চক্খাযতনং চক্খুৱিঞ্ঞাণস্স…পে… কাযাযতনং কাযৱিঞ্ঞাণস্স…পে… ৱত্থু নেৱদস্সনেন নভাৱনায পহাতব্বানং খন্ধানং অত্থিপচ্চযেন পচ্চযো. পচ্ছাজাতা – নেৱদস্সনেন নভাৱনায পহাতব্বা খন্ধা পুৰেজাতস্স ইমস্স কাযস্স অত্থিপচ্চযেন পচ্চযো. কবড়ীকাৰো আহাৰো ইমস্স কাযস্স…পে… ৰূপজীৱিতিন্দ্ৰিযং কটত্তাৰূপানং অত্থিপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো দস্সনেন পহাতব্বস্স ধম্মস্স অত্থিপচ্চযেন পচ্চযো – পুৰেজাতং চক্খুং অস্সাদেতি অভিনন্দতি; তং আৰব্ভ দস্সনেন পহাতব্বো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, দস্সনেন পহাতব্বং দোমনস্সং উপ্পজ্জতি, সোতং…পে… ৱত্থুং অস্সাদেতি…পে… ৱত্থু দস্সনেন পহাতব্বানং খন্ধানং অত্থিপচ্চযেন পচ্চযো. (২)

নেৱদস্সনেন নভাৱনায পহাতব্বো ধম্মো ভাৱনায পহাতব্বস্স ধম্মস্স অত্থিপচ্চযেন পচ্চযো – পুৰেজাতং চক্খুং অস্সাদেতি অভিনন্দতি; তং আৰব্ভ ভাৱনায পহাতব্বো ৰাগো উপ্পজ্জতি, উদ্ধচ্চং উপ্পজ্জতি, ভাৱনায পহাতব্বং দোমনস্সং উপ্পজ্জতি, সোতং…পে… ৱত্থুং অস্সাদেতি অভিনন্দতি…পে… ৱত্থু ভাৱনায পহাতব্বানং খন্ধানং অত্থিপচ্চযেন পচ্চযো. (৩)

৯৫. দস্সনেন পহাতব্বো চ নেৱদস্সনেন নভাৱনায পহাতব্বো চ ধম্মা দস্সনেন পহাতব্বস্স ধম্মস্স অত্থিপচ্চযেন পচ্চযো – সহজাতং, পুৰেজাতং. সহজাতো – দস্সনেন পহাতব্বো একো খন্ধো চ ৱত্থু চ তিণ্ণন্নং খন্ধানং অত্থিপচ্চযেন পচ্চযো…পে… দ্ৱে খন্ধা চ ৱত্থু চ…পে…. (১)

দস্সনেন পহাতব্বো চ নেৱদস্সনেন নভাৱনায পহাতব্বো চ ধম্মা নেৱদস্সনেন নভাৱনায পহাতব্বস্স ধম্মস্স অত্থিপচ্চযেন পচ্চযো – সহজাতং, পচ্ছাজাতং, আহাৰং, ইন্দ্ৰিযং. সহজাতা – দস্সনেন পহাতব্বা খন্ধা চ মহাভূতা চ চিত্তসমুট্ঠানানং ৰূপানং অত্থিপচ্চযেন পচ্চযো. পচ্ছাজাতা – দস্সনেন পহাতব্বা খন্ধা চ কবড়ীকাৰো আহাৰো চ ইমস্স কাযস্স অত্থিপচ্চযেন পচ্চযো. পচ্ছাজাতা – দস্সনেন পহাতব্বা খন্ধা চ ৰূপজীৱিতিন্দ্ৰিযঞ্চ কটত্তাৰূপানং অত্থিপচ্চযেন পচ্চযো. (২)

ভাৱনায পহাতব্বো চ নেৱদস্সনেন নভাৱনায পহাতব্বো চ ধম্মা ভাৱনায পহাতব্বস্স…পে… (দ্ৱে পঞ্হা কাতব্বা).

নত্থিৱিগতাৱিগতপচ্চযা

৯৬. দস্সনেন পহাতব্বো ধম্মো দস্সনেন পহাতব্বস্স ধম্মস্স নত্থিপচ্চযেন পচ্চযো… ৱিগতপচ্চযেন পচ্চযো… অৱিগতপচ্চযেন পচ্চযো.