১. পচ্চযানুলোমং

২. সঙ্খ্যাৱাৰো

৯৭. হেতুযা সত্ত, আৰম্মণে অট্ঠ, অধিপতিযা দস, অনন্তৰে সত্ত, সমনন্তৰে সত্ত, সহজাতে নৱ, অঞ্ঞমঞ্ঞে তীণি, নিস্সযে তেৰস, উপনিস্সযে অট্ঠ, পুৰেজাতে তীণি, পচ্ছাজাতে তীণি, আসেৱনে তীণি, কম্মে সত্ত, ৱিপাকে একং, আহাৰে সত্ত, ইন্দ্ৰিযে সত্ত, ঝানে সত্ত, মগ্গে সত্ত, সম্পযুত্তে তীণি, ৱিপ্পযুত্তে পঞ্চ, অত্থিযা তেৰস, নত্থিযা সত্ত, ৱিগতে সত্ত, অৱিগতে তেৰস (এৱং গণেতব্বং).

অনুলোমং.

পচ্চনীযুদ্ধাৰো

৯৮. দস্সনেন পহাতব্বো ধম্মো দস্সনেন পহাতব্বস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

দস্সনেন পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো. (২)

দস্সনেন পহাতব্বো ধম্মো দস্সনেন পহাতব্বস্স চ নেৱদস্সনেন নভাৱনায পহাতব্বস্স চ ধম্মস্স সহজাতপচ্চযেন পচ্চযো. (৩)

৯৯. ভাৱনায পহাতব্বো ধম্মো ভাৱনায পহাতব্বস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো. (১)

ভাৱনায পহাতব্বো ধম্মো দস্সনেন পহাতব্বস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো. (২)

ভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পচ্ছাজাতপচ্চযেন পচ্চযো. (৩)

ভাৱনায পহাতব্বো ধম্মো ভাৱনায পহাতব্বস্স চ নেৱদস্সনেন নভাৱনায পহাতব্বস্স চ ধম্মস্স সহজাতপচ্চযেন পচ্চযো. (৪)

১০০. নেৱদস্সনেন নভাৱনায পহাতব্বো ধম্মো নেৱদস্সনেন নভাৱনায পহাতব্বস্স ধম্মস্স আৰম্মণপচ্চযেন পচ্চযো… সহজাতপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো… পচ্ছাজাতপচ্চযেন পচ্চযো… কম্মপচ্চযেন পচ্চযো… আহাৰপচ্চযেন পচ্চযো… ইন্দ্ৰিযপচ্চযেন পচ্চযো. (১)

নেৱদস্সনেন নভাৱনায পহাতব্বো ধম্মো দস্সনেন পহাতব্বস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (২)

নেৱদস্সনেন নভাৱনায পহাতব্বো ধম্মো ভাৱনায পহাতব্বস্স ধম্মস্স আৰম্মণপচ্চযেন পচ্চযো… উপনিস্সযপচ্চযেন পচ্চযো… পুৰেজাতপচ্চযেন পচ্চযো. (৩)

১০১. দস্সনেন পহাতব্বো চ নেৱদস্সনেন নভাৱনায পহাতব্বো চ ধম্মা দস্সনেন পহাতব্বস্স ধম্মস্স সহজাতং, পুৰেজাতং. (১)

দস্সনেন পহাতব্বো চ নেৱদস্সনেন নভাৱনায পহাতব্বো চ ধম্মা নেৱদস্সনেন নভাৱনায পহাতব্বস্স ধম্মস্স সহজাতং, পচ্ছাজাতং, আহাৰং, ইন্দ্ৰিযং. (২)

ভাৱনায পহাতব্বো চ নেৱদস্সনেন নভাৱনায পহাতব্বো চ ধম্মা ভাৱনায পহাতব্বস্স ধম্মস্স সহজাতং, পুৰেজাতং. (১)

ভাৱনায পহাতব্বো চ নেৱদস্সনেন নভাৱনায পহাতব্বো চ ধম্মা নেৱদস্সনেন নভাৱনায পহাতব্বস্স ধম্মস্স সহজাতং, পচ্ছাজাতং, আহাৰং, ইন্দ্ৰিযং. (২)