১. ৱিভঙ্গৱাৰো

নহেতুপচ্চযো

২৩. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকং সৱিতক্কসৱিচাৰং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. অহেতুকপটিসন্ধিক্খণে…পে… ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে পটিচ্চ ৱিতক্কো. অহেতুকপটিসন্ধিক্খণে…পে…. (২)

সৱিতক্কসৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে…পে…. (৩)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকং সৱিতক্কসৱিচাৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. অহেতুকপটিসন্ধিক্খণে…পে…. (৪)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকে সৱিতক্কসৱিচাৰে খন্ধে পটিচ্চ ৱিতক্কো চ চিত্তসমুট্ঠানঞ্চ ৰূপং. অহেতুকপটিসন্ধিক্খণে…পে…. (৫)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি নহেতুপচ্চযা – অহেতুকং সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ…পে… দ্ৱে খন্ধে পটিচ্চ দ্ৱে খন্ধা ৱিতক্কো চ. অহেতুকপটিসন্ধিক্খণে…পে…. (৬)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকং সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ চিত্তসমুট্ঠানঞ্চ ৰূপং…পে… অহেতুকপটিসন্ধিক্খণে…পে…. (৭)

২৪. অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকং ৱিতক্কং পটিচ্চ সৱিতক্কসৱিচাৰা খন্ধা. অহেতুকপটিসন্ধিক্খণে ৱিতক্কং পটিচ্চ সৱিতক্কসৱিচাৰা খন্ধা; ৱিচিকিচ্ছাসহগতং উদ্ধচ্চসহগতং ৱিতক্কং পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

অৱিতক্কৱিচাৰমত্তং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকং ৱিতক্কং পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে ৱিতক্কং পটিচ্চ কটত্তাৰূপং. (২)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকং ৱিতক্কং পটিচ্চ সৱিতক্কসৱিচাৰা খন্ধা চিত্তসমুট্ঠানঞ্চ ৰূপং. অহেতুকপটিসন্ধিক্খণে ৱিতক্কং পটিচ্চ সৱিতক্কসৱিচাৰা খন্ধা কটত্তা চ ৰূপং. (৩)

অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকং অৱিতক্কঅৱিচাৰং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা; একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তাৰূপং উপাদাৰূপং. (১)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা. (২)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ ৱিতক্কো. (৩)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা; মহাভূতে পটিচ্চ কটত্তাৰূপং. (৪)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ ৱিতক্কো; মহাভূতে পটিচ্চ কটত্তাৰূপং. (৫)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা চ ৱিতক্কো চ. (৬)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা চ ৱিতক্কো চ; মহাভূতে পটিচ্চ কটত্তাৰূপং. (৭)

২৫. সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা. (১)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰে খন্ধে চ ৱত্থুঞ্চ পটিচ্চ ৱিতক্কো. (২)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে চ মহাভূতে চ পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৩)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা; সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৪)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰে খন্ধে চ ৱত্থুঞ্চ পটিচ্চ ৱিতক্কো; সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৫)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিতক্কো চ. (৬)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিতক্কো চ; সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৭)

২৬. অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৱিতক্কঞ্চ ৱত্থুঞ্চ পটিচ্চ সৱিতক্কসৱিচাৰা খন্ধা. (১)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকং ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে ৱিতক্কঞ্চ মহাভূতে চ পটিচ্চ কটত্তাৰূপং. (২)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱিতক্কঞ্চ ৱত্থুঞ্চ পটিচ্চ সৱিতক্কসৱিচাৰা খন্ধা; ৱিতক্কঞ্চ মহাভূতে চ পটিচ্চ কটত্তাৰূপং. (৩)

২৭. সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকং সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা. অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা; ৱিচিকিচ্ছাসহগতে উদ্ধচ্চসহগতে খন্ধে চ ৱিতক্কঞ্চ পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে চ ৱিতক্কঞ্চ পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে…পে…. (২)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকং সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং. অহেতুকপটিসন্ধিক্খণে…পে…. (৩)

২৮. সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ ৱত্থুঞ্চ পটিচ্চ দ্ৱে খন্ধা. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে…পে…. (২)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ ৱত্থুঞ্চ পটিচ্চ দ্ৱে খন্ধা; সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ কটত্তাৰূপং. (৩)

নআৰম্মণপচ্চযো

২৯. সৱিতক্কসৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নআৰম্মণপচ্চযা – সৱিতক্কসৱিচাৰে খন্ধে পটিচ্চ চিত্তসমুট্ঠানং ৰূপং. পটিসন্ধিক্খণে সৱিতক্কসৱিচাৰে খন্ধে পটিচ্চ কটত্তাৰূপং. (১)

অৱিতক্কৱিচাৰমত্তং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নআৰম্মণপচ্চযা – অৱিতক্কৱিচাৰমত্তে খন্ধে পটিচ্চ চিত্তসমুট্ঠানং ৰূপং, ৱিতক্কং পটিচ্চ চিত্তসমুট্ঠানং ৰূপং. পটিসন্ধিক্খণে অৱিতক্কৱিচাৰমত্তে খন্ধে পটিচ্চ কটত্তাৰূপং. পটিসন্ধিক্খণে ৱিতক্কং পটিচ্চ কটত্তাৰূপং. (১)

অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নআৰম্মণপচ্চযা – অৱিতক্কঅৱিচাৰে খন্ধে পটিচ্চ চিত্তসমুট্ঠানং ৰূপং, ৱিচাৰং পটিচ্চ চিত্তসমুট্ঠানং ৰূপং. পটিসন্ধিক্খণে অৱিতক্কঅৱিচাৰে খন্ধে পটিচ্চ কটত্তাৰূপং, ৱিচাৰং পটিচ্চ কটত্তাৰূপং, খন্ধে পটিচ্চ ৱত্থু, ৱিচাৰং পটিচ্চ ৱত্থু; একং মহাভূতং পটিচ্চ…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে…. (১)

৩০. সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নআৰম্মণপচ্চযা – সৱিতক্কসৱিচাৰে খন্ধে চ মহাভূতে চ পটিচ্চ চিত্তসমুট্ঠানং ৰূপং. পটিসন্ধিক্খণে সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (১)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নআৰম্মণপচ্চযা – অৱিতক্কৱিচাৰমত্তে খন্ধে চ ৱিচাৰঞ্চ পটিচ্চ চিত্তসমুট্ঠানং ৰূপং, অৱিতক্কৱিচাৰমত্তে খন্ধে চ মহাভূতে চ পটিচ্চ চিত্তসমুট্ঠানং ৰূপং, ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. পটিসন্ধিক্খণে অৱিতক্কৱিচাৰমত্তে খন্ধে চ ৱিচাৰঞ্চ…পে… কটত্তাৰূপং. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নআৰম্মণপচ্চযা – সৱিতক্কসৱিচাৰে খন্ধে চ ৱিতক্কঞ্চ পটিচ্চ চিত্তসমুট্ঠানং ৰূপং. পটিসন্ধিক্খণে…পে…. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নআৰম্মণপচ্চযা – সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. পটিসন্ধিক্খণে…পে… কটত্তাৰূপং. (১)

নঅধিপতিপচ্চযো

৩১. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নঅধিপতিপচ্চযা…পে… সত্ত.

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নঅধিপতিপচ্চযা – অৱিতক্কৱিচাৰমত্তে খন্ধে পটিচ্চ অৱিতক্কৱিচাৰমত্তা অধিপতি, ৱিপাকং অৱিতক্কৱিচাৰমত্তং একং খন্ধং পটিচ্চ তযো খন্ধা…পে… পটিসন্ধিক্খণে…পে…. (১)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নঅধিপতিপচ্চযা – ৱিতক্কং পটিচ্চ সৱিতক্কসৱিচাৰা খন্ধা. পটিসন্ধিক্খণে…পে…. (২)

অৱিতক্কৱিচাৰমত্তং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নঅধিপতিপচ্চযা – ৱিপাকে অৱিতক্কৱিচাৰমত্তে খন্ধে পটিচ্চ ৱিচাৰো চ চিত্তসমুট্ঠানঞ্চ ৰূপং. পটিসন্ধিক্খণে…পে…. (৩)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নঅধিপতিপচ্চযা – ৱিতক্কং পটিচ্চ সৱিতক্কসৱিচাৰা খন্ধা চিত্তসমুট্ঠানঞ্চ ৰূপং. পটিসন্ধিক্খণে…পে…. (৪)

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নঅধিপতিপচ্চযা – ৱিপাকং অৱিতক্কৱিচাৰমত্তং একং খন্ধং পটিচ্চ তযো খন্ধা ৱিচাৰো চ চিত্তসমুট্ঠানঞ্চ ৰূপং…পে… পটিসন্ধিক্খণে…পে…. (৫)

৩২. অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নঅধিপতিপচ্চযা – অৱিতক্কঅৱিচাৰে খন্ধে পটিচ্চ অৱিতক্কঅৱিচাৰা অধিপতি, ৱিপাকং অৱিতক্কঅৱিচাৰং একং খন্ধং পটিচ্চ তযো খন্ধা…পে… পটিসন্ধিক্খণে…পে…. (১)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নঅধিপতিপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা. (২)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নঅধিপতিপচ্চযা – ৱিচাৰং পটিচ্চ অৱিতক্কৱিচাৰমত্তা অধিপতি, ৱিপাকং ৱিচাৰং পটিচ্চ অৱিতক্কৱিচাৰমত্তা খন্ধা. পটিসন্ধিক্খণে…পে…. (৩)

অৱিতক্কঅৱিচাৰং ধম্মং পটিচ্চ… সত্ত.

৩৩. সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ… সত্ত (সংখিত্তং).

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি…পে… অৱিতক্কৱিচাৰমত্তো ধম্মো উপ্পজ্জতি নঅধিপতিপচ্চযা, অৱিতক্কৱিচাৰমত্তে খন্ধে চ ৱিচাৰঞ্চ পটিচ্চ অৱিতক্কৱিচাৰমত্তা অধিপতি, ৱিপাকং অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ (সংখিত্তং).

নঅনন্তৰপচ্চযাদি

৩৪. সৱিতক্কসৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নঅনন্তৰপচ্চযা… নসমনন্তৰপচ্চযা… নঅঞ্ঞমঞ্ঞপচ্চযা… নউপনিস্সযপচ্চযা (নআৰম্মণসদিসং).

নপুৰেজাতপচ্চযো

৩৫. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নপুৰেজাতপচ্চযা… সত্ত.

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নপুৰেজাতপচ্চযা – অৰূপে অৱিতক্কৱিচাৰমত্তং একং খন্ধং পটিচ্চ…পে… পটিসন্ধিক্খণে…পে…. (১)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নপুৰেজাতপচ্চযা – অৰূপে ৱিতক্কং পটিচ্চ সৱিতক্কসৱিচাৰা খন্ধা. পটিসন্ধিক্খণে…পে…. (২)

অৱিতক্কৱিচাৰমত্তং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নপুৰেজাতপচ্চযা – অৰূপে অৱিতক্কৱিচাৰমত্তে খন্ধে পটিচ্চ ৱিচাৰো, অৱিতক্কৱিচাৰমত্তে খন্ধে পটিচ্চ চিত্তসমুট্ঠানং ৰূপং, ৱিতক্কং পটিচ্চ চিত্তসমুট্ঠানং ৰূপং. পটিসন্ধিক্খণে…পে…. (৩)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নপুৰেজাতপচ্চযা – পটিসন্ধিক্খণে ৱিতক্কং পটিচ্চ সৱিতক্কসৱিচাৰা খন্ধা কটত্তা চ ৰূপং. (৪)

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নপুৰেজাতপচ্চযা…পে… অৰূপে অৱিতক্কৱিচাৰমত্তং একং খন্ধং পটিচ্চ তযো খন্ধা ৱিচাৰো চ…পে… পটিসন্ধিক্খণে…পে…. (৫)

৩৬. অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নপুৰেজাতপচ্চযা – অৰূপে অৱিতক্কঅৱিচাৰং একং খন্ধং পটিচ্চ তযো খন্ধা…পে… অৱিতক্কঅৱিচাৰে খন্ধে পটিচ্চ চিত্তসমুট্ঠানং ৰূপং, ৱিচাৰং পটিচ্চ চিত্তসমুট্ঠানং ৰূপং. পটিসন্ধিক্খণে…পে…. (১)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নপুৰেজাতপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা. (২)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নপুৰেজাতপচ্চযা – অৰূপে ৱিচাৰং পটিচ্চ অৱিতক্কৱিচাৰমত্তা খন্ধা. পটিসন্ধিক্খণে…পে… (সংখিত্তং). (৭)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ… সত্ত.

৩৭. অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নপুৰেজাতপচ্চযা – অৰূপে অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা…পে… পটিসন্ধিক্খণে…পে… (সংখিত্তং). (৭)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি…পে… পটিসন্ধিক্খণে…পে… (সংখিত্তং).

(নপুৰেজাতমূলকে যথা সুদ্ধিকং অৰূপং, তথা অৰূপা কাতব্বা).

নপচ্ছাজাতপচ্চযাদি

৩৮. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নপচ্ছাজাতপচ্চযা…পে… নআসেৱনপচ্চযা… সত্ত.

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নআসেৱনপচ্চযা – ৱিপাকং অৱিতক্কৱিচাৰমত্তং একং খন্ধং পটিচ্চ… (সংখিত্তং). (৫)

অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নআসেৱনপচ্চযা – ৱিপাকং অৱিতক্কঅৱিচাৰং একং খন্ধং পটিচ্চ… (সংখিত্তং).

(নআসেৱনমূলকে অৱিতক্কৱিচাৰমত্তং ৱিপাকেন সহ গচ্ছন্তেন নপুৰেজাতসদিসং কাতব্বং, অৱিতক্কৱিচাৰমত্তঞ্চ অৱিতক্কৱিচাৰমত্তগচ্ছন্তেন ৱিপাকো দস্সেতব্বো.)

নকম্মপচ্চযো

৩৯. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নকম্মপচ্চযা – সৱিতক্কসৱিচাৰে খন্ধে পটিচ্চ সৱিতক্কসৱিচাৰা চেতনা. (১)

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নকম্মপচ্চযা – অৱিতক্কৱিচাৰমত্তে খন্ধে পটিচ্চ অৱিতক্কৱিচাৰমত্তা চেতনা. (১)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নকম্মপচ্চযা – ৱিতক্কং পটিচ্চ সৱিতক্কসৱিচাৰা চেতনা. (২)

অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নকম্মপচ্চযা – অৱিতক্কঅৱিচাৰে খন্ধে পটিচ্চ অৱিতক্কঅৱিচাৰা চেতনা; বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নকম্মপচ্চযা – ৱিচাৰং পটিচ্চ অৱিতক্কৱিচাৰমত্তা চেতনা. (২)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নকম্মপচ্চযা – অৱিতক্কৱিচাৰমত্তে খন্ধে চ ৱিচাৰঞ্চ পটিচ্চ অৱিতক্কৱিচাৰমত্তা চেতনা. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নকম্মপচ্চযা – সৱিতক্কসৱিচাৰে খন্ধে চ ৱিতক্কঞ্চ পটিচ্চ সৱিতক্কসৱিচাৰা চেতনা. (১)

নৱিপাকপচ্চযাদি

৪০. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নৱিপাকপচ্চযা…পে… নআহাৰপচ্চযা – বাহিৰং… উতুসমুট্ঠানং…পে… নইন্দ্ৰিযপচ্চযা – বাহিৰং… আহাৰসমুট্ঠানং… উতুসমুট্ঠানং…পে… অসঞ্ঞসত্তানং মহাভূতে পটিচ্চ ৰূপজীৱিতিন্দ্ৰিযং…পে… নঝানপচ্চযা – পঞ্চৱিঞ্ঞাণসহগতং একং খন্ধং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং…পে… নমগ্গপচ্চযা… নসম্পযুত্তপচ্চযা….

নৱিপ্পযুত্তপচ্চযো

৪১. নৱিপ্পযুত্তপচ্চযা… অৰূপে সৱিতক্কসৱিচাৰং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নৱিপ্পযুত্তপচ্চযা – অৰূপে সৱিতক্কসৱিচাৰে খন্ধে পটিচ্চ ৱিতক্কো. (২)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি নৱিপ্পযুত্তপচ্চযা – অৰূপে সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ…পে… দ্ৱে খন্ধে পটিচ্চ দ্ৱে খন্ধা ৱিতক্কো চ. (৩)

৪২. অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নৱিপ্পযুত্তপচ্চযা – অৰূপে অৱিতক্কৱিচাৰমত্তং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নৱিপ্পযুত্তপচ্চযা – অৰূপে ৱিতক্কং পটিচ্চ সৱিতক্কসৱিচাৰা খন্ধা. (২)

অৱিতক্কৱিচাৰমত্তং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নৱিপ্পযুত্তপচ্চযা – অৰূপে অৱিতক্কৱিচাৰমত্তে খন্ধে পটিচ্চ ৱিচাৰো. (৩)

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নৱিপ্পযুত্তপচ্চযা – অৰূপে অৱিতক্কৱিচাৰমত্তং একং খন্ধং পটিচ্চ তযো খন্ধা ৱিচাৰো চ…পে… দ্ৱে খন্ধে পটিচ্চ দ্ৱে খন্ধা ৱিচাৰো চ. (৪)

অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নৱিপ্পযুত্তপচ্চযা – অৰূপে অৱিতক্কঅৱিচাৰং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে…. (১)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নৱিপ্পযুত্তপচ্চযা – অৰূপে ৱিচাৰং পটিচ্চ অৱিতক্কৱিচাৰমত্তা খন্ধা. (২)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নৱিপ্পযুত্তপচ্চযা – অৰূপে অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা…পে… দ্ৱে খন্ধে চ ৱিচাৰঞ্চ পটিচ্চ দ্ৱে খন্ধা. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নৱিপ্পযুত্তপচ্চযা – অৰূপে সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা. (১)

নোনত্থি-নোৱিগতপচ্চযা

৪৩. সৱিতক্কসৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নোনত্থিপচ্চযা… নোৱিগতপচ্চযা… (সংখিত্তং).