৬. ৱিতক্কত্তিকং

১. পটিচ্চৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি হেতুপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. পটিসন্ধিক্খণে সৱিতক্কসৱিচাৰং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি হেতুপচ্চযা – সৱিতক্কসৱিচাৰে খন্ধে পটিচ্চ ৱিতক্কো. পটিসন্ধিক্খণে সৱিতক্কসৱিচাৰে খন্ধে পটিচ্চ ৱিতক্কো. (২)

সৱিতক্কসৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি হেতুপচ্চযা – সৱিতক্কসৱিচাৰে খন্ধে পটিচ্চ চিত্তসমুট্ঠানং ৰূপং. পটিসন্ধিক্খণে সৱিতক্কসৱিচাৰে খন্ধে পটিচ্চ কটত্তাৰূপং. (৩)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. পটিসন্ধিক্খণে সৱিতক্কসৱিচাৰং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা কটত্তা চ ৰূপং. (৪)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – সৱিতক্কসৱিচাৰে খন্ধে পটিচ্চ ৱিতক্কো চিত্তসমুট্ঠানঞ্চ ৰূপং. পটিসন্ধিক্খণে সৱিতক্কসৱিচাৰে খন্ধে পটিচ্চ ৱিতক্কো কটত্তা চ ৰূপং. (৫)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি হেতুপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ…পে… দ্ৱে খন্ধে পটিচ্চ দ্ৱে খন্ধা ৱিতক্কো চ. পটিসন্ধিক্খণে সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ…পে… দ্ৱে খন্ধে পটিচ্চ দ্ৱে খন্ধা ৱিতক্কো চ. (৬)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা ৱিতক্কো চ চিত্তসমুট্ঠানঞ্চ ৰূপং. পটিসন্ধিক্খণে সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা ৱিতক্কো চ কটত্তা চ ৰূপং. (৭)

২. অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি হেতুপচ্চযা – অৱিতক্কৱিচাৰমত্তং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে অৱিতক্কৱিচাৰমত্তং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো ধম্মো উপ্পজ্জতি হেতুপচ্চযা – ৱিতক্কং পটিচ্চ সৱিতক্কসৱিচাৰা খন্ধা. পটিসন্ধিক্খণে ৱিতক্কং পটিচ্চ সৱিতক্কসৱিচাৰা খন্ধা. (২)

অৱিতক্কৱিচাৰমত্তং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি হেতুপচ্চযা – অৱিতক্কৱিচাৰমত্তে খন্ধে পটিচ্চ ৱিচাৰো চিত্তসমুট্ঠানঞ্চ ৰূপং; ৱিতক্কং পটিচ্চ চিত্তসমুট্ঠানং ৰূপং. পটিসন্ধিক্খণে অৱিতক্কৱিচাৰমত্তে খন্ধে পটিচ্চ ৱিচাৰো কটত্তা চ ৰূপং. পটিসন্ধিক্খণে ৱিতক্কং পটিচ্চ কটত্তাৰূপং. (৩)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – ৱিতক্কং পটিচ্চ সৱিতক্কসৱিচাৰা খন্ধা চিত্তসমুট্ঠানঞ্চ ৰূপং. পটিসন্ধিক্খণে ৱিতক্কং পটিচ্চ সৱিতক্কসৱিচাৰা খন্ধা কটত্তা চ ৰূপং. (৪)

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – অৱিতক্কৱিচাৰমত্তং একং খন্ধং পটিচ্চ তযো খন্ধা ৱিচাৰো চ চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা ৱিচাৰো চ চিত্তসমুট্ঠানঞ্চ ৰূপং. পটিসন্ধিক্খণে অৱিতক্কৱিচাৰমত্তং একং খন্ধং পটিচ্চ তযো খন্ধা ৱিচাৰো চ কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা ৱিচাৰো চ কটত্তা চ ৰূপং. (৫)

৩. অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি হেতুপচ্চযা – অৱিতক্কঅৱিচাৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং; ৱিচাৰং পটিচ্চ চিত্তসমুট্ঠানং ৰূপং. পটিসন্ধিক্খণে অৱিতক্কঅৱিচাৰং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা কটত্তা চ ৰূপং. পটিসন্ধিক্খণে ৱিচাৰং পটিচ্চ কটত্তাৰূপং, খন্ধে পটিচ্চ ৱত্থু, ৱত্থুং পটিচ্চ খন্ধা, ৱিচাৰং পটিচ্চ ৱত্থু, ৱত্থুং পটিচ্চ ৱিচাৰো. একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং. (১)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি হেতুপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা. (২)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি হেতুপচ্চযা – ৱিচাৰং পটিচ্চ অৱিতক্কৱিচাৰমত্তা খন্ধা. পটিসন্ধিক্খণে ৱিচাৰং পটিচ্চ অৱিতক্কৱিচাৰমত্তা খন্ধা. পটিসন্ধিক্খণে ৱত্থুং পটিচ্চ অৱিতক্কৱিচাৰমত্তা খন্ধা. পটিসন্ধিক্খণে ৱত্থুং পটিচ্চ ৱিতক্কো. (৩)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা; মহাভূতে পটিচ্চ কটত্তাৰূপং. (৪)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – ৱিচাৰং পটিচ্চ অৱিতক্কৱিচাৰমত্তা খন্ধা চিত্তসমুট্ঠানঞ্চ ৰূপং. পটিসন্ধিক্খণে ৱিচাৰং পটিচ্চ অৱিতক্কৱিচাৰমত্তা খন্ধা কটত্তা চ ৰূপং. পটিসন্ধিক্খণে ৱত্থুং পটিচ্চ অৱিতক্কৱিচাৰমত্তা খন্ধা; মহাভূতে পটিচ্চ কটত্তাৰূপং. পটিসন্ধিক্খণে ৱত্থুং পটিচ্চ ৱিতক্কো; মহাভূতে পটিচ্চ কটত্তাৰূপং. পটিসন্ধিক্খণে ৱত্থুং পটিচ্চ অৱিতক্কৱিচাৰমত্তা খন্ধা চ ৱিচাৰো চ. (৫)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা চ ৱিতক্কো চ. (৬)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা চ ৱিতক্কো চ; মহাভূতে পটিচ্চ কটত্তাৰূপং. (৭)

৪. সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি হেতুপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা. (১)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি হেতুপচ্চযা – পটিসন্ধিক্খণে সৱিতক্কসৱিচাৰে খন্ধে চ ৱত্থুঞ্চ পটিচ্চ ৱিতক্কো. (২)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি হেতুপচ্চযা – সৱিতক্কসৱিচাৰে খন্ধে চ মহাভূতে চ পটিচ্চ চিত্তসমুট্ঠানং ৰূপং. পটিসন্ধিক্খণে সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৩)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা; সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৪)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে সৱিতক্কসৱিচাৰে খন্ধে চ ৱত্থুঞ্চ পটিচ্চ ৱিতক্কো; সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৫)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি হেতুপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিতক্কো চ. (৬)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিতক্কো চ; সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৭)

৫. অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি হেতুপচ্চযা – পটিসন্ধিক্খণে ৱিতক্কঞ্চ ৱত্থুঞ্চ পটিচ্চ সৱিতক্কসৱিচাৰা খন্ধা. (১)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি হেতুপচ্চযা – অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা…পে… দ্ৱে খন্ধে চ ৱিচাৰঞ্চ পটিচ্চ দ্ৱে খন্ধা. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা…পে… দ্ৱে খন্ধে চ ৱিচাৰঞ্চ পটিচ্চ দ্ৱে খন্ধা. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা. (২)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি হেতুপচ্চযা – অৱিতক্কৱিচাৰমত্তে খন্ধে চ ৱিচাৰঞ্চ পটিচ্চ চিত্তসমুট্ঠানং ৰূপং; অৱিতক্কৱিচাৰমত্তে খন্ধে চ মহাভূতে চ পটিচ্চ চিত্তসমুট্ঠানং ৰূপং; ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. পটিসন্ধিক্খণে অৱিতক্কৱিচাৰমত্তে খন্ধে চ ৱিচাৰঞ্চ পটিচ্চ কটত্তাৰূপং. পটিসন্ধিক্খণে অৱিতক্কৱিচাৰমত্তে খন্ধে চ মহাভূতে চ পটিচ্চ কটত্তাৰূপং. পটিসন্ধিক্খণে ৱিতক্কঞ্চ মহাভূতে চ পটিচ্চ কটত্তাৰূপং. পটিসন্ধিক্খণে অৱিতক্কৱিচাৰমত্তে খন্ধে চ ৱত্থুঞ্চ পটিচ্চ ৱিচাৰো. (৩)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে ৱিতক্কঞ্চ ৱত্থুঞ্চ পটিচ্চ সৱিতক্কসৱিচাৰা খন্ধা; ৱিতক্কঞ্চ মহাভূতে চ পটিচ্চ কটত্তাৰূপং. (৪)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ ৱিচাৰঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা কটত্তা চ ৰূপং…পে… দ্ৱে খন্ধে চ ৱিচাৰঞ্চ পটিচ্চ দ্ৱে খন্ধা কটত্তা চ ৰূপং. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱত্থুঞ্চ পটিচ্চ তযো খন্ধা ৱিচাৰো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিচাৰো চ. (৫)

৬. সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি হেতুপচ্চযা – সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা. পটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি হেতুপচ্চযা – সৱিতক্কসৱিচাৰে খন্ধে চ ৱিতক্কঞ্চ পটিচ্চ চিত্তসমুট্ঠানং ৰূপং. পটিসন্ধিক্খণে সৱিতক্কসৱিচাৰে খন্ধে চ ৱিতক্কঞ্চ পটিচ্চ কটত্তাৰূপং. (২)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং. পটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা কটত্তা চ ৰূপং…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা কটত্তা চ ৰূপং. (৩)

৭. সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি হেতুপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ ৱত্থুঞ্চ পটিচ্চ দ্ৱে খন্ধা. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি হেতুপচ্চযা – সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. পটিসন্ধিক্খণে সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ কটত্তাৰূপং. (২)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি হেতুপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ ৱত্থুঞ্চ পটিচ্চ তযো খন্ধা, তযো খন্ধে চ ৱিতক্কঞ্চ ৱত্থুঞ্চ পটিচ্চ একো খন্ধো, দ্ৱে খন্ধে চ ৱিতক্কঞ্চ ৱত্থুঞ্চ পটিচ্চ দ্ৱে খন্ধা; সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ কটত্তাৰূপং. (৩)

আৰম্মণপচ্চযো

৮. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি আৰম্মণপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে…পে…. (১)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি আৰম্মণপচ্চযা – সৱিতক্কসৱিচাৰে খন্ধে পটিচ্চ ৱিতক্কো. পটিসন্ধিক্খণে…পে…. (২)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি আৰম্মণপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ…পে… দ্ৱে খন্ধে পটিচ্চ দ্ৱে খন্ধা ৱিতক্কো চ. পটিসন্ধিক্খণে…পে…. (৩)

৯. অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি আৰম্মণপচ্চযা – অৱিতক্কৱিচাৰমত্তং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে…পে…. (১)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো ধম্মো উপ্পজ্জতি আৰম্মণপচ্চযা – ৱিতক্কং পটিচ্চ সৱিতক্কসৱিচাৰা খন্ধা. পটিসন্ধিক্খণে…পে…. (২)

অৱিতক্কৱিচাৰমত্তং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি আৰম্মণপচ্চযা – অৱিতক্কৱিচাৰমত্তে খন্ধে পটিচ্চ ৱিচাৰো. পটিসন্ধিক্খণে…পে…. (৩)

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি আৰম্মণপচ্চযা – অৱিতক্কৱিচাৰমত্তং একং খন্ধং পটিচ্চ তযো খন্ধা ৱিচাৰো চ…পে… দ্ৱে খন্ধে পটিচ্চ দ্ৱে খন্ধা ৱিচাৰো চ পটিসন্ধিক্খণে…পে…. (৪)

১০. অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি আৰম্মণপচ্চযা – অৱিতক্কঅৱিচাৰং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে অৱিতক্কঅৱিচাৰং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে ৱত্থুং পটিচ্চ খন্ধা, ৱত্থুং পটিচ্চ ৱিচাৰো. (১)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি আৰম্মণপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা. (২)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি আৰম্মণপচ্চযা – ৱিচাৰং পটিচ্চ অৱিতক্কৱিচাৰমত্তা খন্ধা. পটিসন্ধিক্খণে ৱিচাৰং পটিচ্চ অৱিতক্কৱিচাৰমত্তা খন্ধা. পটিসন্ধিক্খণে ৱত্থুং পটিচ্চ অৱিতক্কৱিচাৰমত্তা খন্ধা. পটিসন্ধিক্খণে ৱত্থুং পটিচ্চ ৱিতক্কো. (৩)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি আৰম্মণপচ্চযা – পটিসন্ধিক্খণে ৱত্থুং পটিচ্চ অৱিতক্কৱিচাৰমত্তা খন্ধা ৱিচাৰো চ. (৪)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি আৰম্মণপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা চ ৱিতক্কো চ. (৫)

১১. সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি আৰম্মণপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা. (১)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি আৰম্মণপচ্চযা – পটিসন্ধিক্খণে সৱিতক্কসৱিচাৰে খন্ধে চ ৱত্থুঞ্চ পটিচ্চ ৱিতক্কো. (২)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি আৰম্মণপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিতক্কো চ. (৩)

১২. অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি আৰম্মণপচ্চযা – পটিসন্ধিক্খণে ৱিতক্কঞ্চ ৱত্থুঞ্চ পটিচ্চ সৱিতক্কসৱিচাৰা খন্ধা. (১)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি আৰম্মণপচ্চযা – অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা…পে… দ্ৱে খন্ধে চ ৱিচাৰঞ্চ পটিচ্চ দ্ৱে খন্ধা. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা…পে… দ্ৱে খন্ধে চ ৱিচাৰঞ্চ পটিচ্চ দ্ৱে খন্ধা. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা. (২)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি আৰম্মণপচ্চযা – পটিসন্ধিক্খণে অৱিতক্কৱিচাৰমত্তে খন্ধে চ ৱত্থুঞ্চ পটিচ্চ ৱিচাৰো. (৩)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি আৰম্মণপচ্চযা – পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱত্থুঞ্চ পটিচ্চ তযো খন্ধা ৱিচাৰো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিচাৰো চ. (৪)

১৩. সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি আৰম্মণপচ্চযা – সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা. পটিসন্ধিক্খণে…পে…. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি আৰম্মণপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ ৱত্থুঞ্চ পটিচ্চ দ্ৱে খন্ধা. (১)

(দ্ৱে পচ্চযা সজ্ঝাযমগ্গেন ৱিভত্তা, এৱং অৱসেসা ৱীসতিপচ্চযা ৱিভজিতব্বা.)

ৱিপ্পযুত্তপচ্চযো

১৪. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি ৱিপ্পযুত্তপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা…পে… ৱত্থুং ৱিপ্পযুত্তপচ্চযা. পটিসন্ধিক্খণে সৱিতক্কসৱিচাৰং একং খন্ধং পটিচ্চ তযো খন্ধা…পে… ৱত্থুং ৱিপ্পযুত্তপচ্চযা. (১)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি ৱিপ্পযুত্তপচ্চযা – সৱিতক্কসৱিচাৰে খন্ধে পটিচ্চ ৱিতক্কো; ৱত্থুং ৱিপ্পযুত্তপচ্চযা. পটিসন্ধিক্খণে…পে…. (২)

সৱিতক্কসৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি ৱিপ্পযুত্তপচ্চযা – সৱিতক্কসৱিচাৰে খন্ধে পটিচ্চ চিত্তসমুট্ঠানং ৰূপং, খন্ধে ৱিপ্পযুত্তপচ্চযা. পটিসন্ধিক্খণে…পে…. (৩)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… খন্ধা ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে ৱিপ্পযুত্তপচ্চযা. পটিসন্ধিক্খণে…পে…. (৪)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – সৱিতক্কসৱিচাৰে খন্ধে পটিচ্চ ৱিতক্কো চ চিত্তসমুট্ঠানঞ্চ ৰূপং. ৱিতক্কো ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে ৱিপ্পযুত্তপচ্চযা. পটিসন্ধিক্খণে…পে…. (৫)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি ৱিপ্পযুত্তপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ…পে… দ্ৱে খন্ধে পটিচ্চ দ্ৱে খন্ধা ৱিতক্কো চ, ৱত্থুং ৱিপ্পযুত্তপচ্চযা. পটিসন্ধিক্খণে…পে…. (৬)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা ৱিতক্কো চ চিত্তসমুট্ঠানঞ্চ ৰূপং. খন্ধা চ ৱিতক্কো চ ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে ৱিপ্পযুত্তপচ্চযা. পটিসন্ধিক্খণে…পে…. (৭)

১৫. অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি…পে… অৱিতক্কৱিচাৰমত্তং একং খন্ধং পটিচ্চ তযো খন্ধা…পে… দ্ৱে খন্ধে…পে… ৱত্থুং ৱিপ্পযুত্তপচ্চযা. পটিসন্ধিক্খণে…পে…. (১)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো ধম্মো উপ্পজ্জতি ৱিপ্পযুত্তপচ্চযা – ৱিতক্কং পটিচ্চ সৱিতক্কসৱিচাৰা খন্ধা, ৱত্থুং ৱিপ্পযুত্তপচ্চযা. পটিসন্ধিক্খণে…পে…. (২)

অৱিতক্কৱিচাৰমত্তং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি ৱিপ্পযুত্তপচ্চযা – অৱিতক্কৱিচাৰমত্তে খন্ধে পটিচ্চ ৱিচাৰো চ চিত্তসমুট্ঠানঞ্চ ৰূপং, ৱিচাৰো ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে ৱিপ্পযুত্তপচ্চযা. ৱিতক্কং পটিচ্চ চিত্তসমুট্ঠানং ৰূপং, ৱিতক্কং ৱিপ্পযুত্তপচ্চযা. পটিসন্ধিক্খণে…পে…. (৩)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – ৱিতক্কং পটিচ্চ সৱিতক্কসৱিচাৰা খন্ধা চিত্তসমুট্ঠানঞ্চ ৰূপং, খন্ধা ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং ৱিতক্কং ৱিপ্পযুত্তপচ্চযা. পটিসন্ধিক্খণে…পে…. (৪)

অৱিতক্কৱিচাৰমত্তং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – অৱিতক্কৱিচাৰমত্তং একং খন্ধং পটিচ্চ তযো খন্ধা ৱিচাৰো চ চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা ৱিচাৰো চ চিত্তসমুট্ঠানঞ্চ ৰূপং. খন্ধা চ ৱিচাৰো চ ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে ৱিপ্পযুত্তপচ্চযা. পটিসন্ধিক্খণে…পে…. (৫)

১৬. অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি ৱিপ্পযুত্তপচ্চযা – অৱিতক্কঅৱিচাৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… খন্ধা ৱত্থুং ৱিপ্পযুত্তপচ্চযা, চিত্তসমুট্ঠানং ৰূপং খন্ধে ৱিপ্পযুত্তপচ্চযা. ৱিচাৰং পটিচ্চ চিত্তসমুট্ঠানং ৰূপং, ৱিচাৰং ৱিপ্পযুত্তপচ্চযা. পটিসন্ধিক্খণে…পে… পটিসন্ধিক্খণে ৱিচাৰং পটিচ্চ কটত্তাৰূপং, ৱিচাৰং ৱিপ্পযুত্তপচ্চযা. খন্ধে পটিচ্চ ৱত্থু, ৱত্থুং পটিচ্চ খন্ধা. খন্ধা ৱত্থুং ৱিপ্পযুত্তপচ্চযা. ৱত্থু খন্ধে ৱিপ্পযুত্তপচ্চযা. ৱিচাৰং পটিচ্চ ৱত্থু, ৱত্থুং পটিচ্চ ৱিচাৰো, ৱিচাৰো ৱত্থুং ৱিপ্পযুত্তপচ্চযা. ৱত্থু ৱিচাৰং ৱিপ্পযুত্তপচ্চযা; একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং, খন্ধে ৱিপ্পযুত্তপচ্চযা. (১)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি ৱিপ্পযুত্তপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা, ৱত্থুং ৱিপ্পযুত্তপচ্চযা. (২)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি ৱিপ্পযুত্তপচ্চযা – ৱিচাৰং পটিচ্চ অৱিতক্কৱিচাৰমত্তা খন্ধা, ৱত্থুং ৱিপ্পযুত্তপচ্চযা. পটিসন্ধিক্খণে ৱিচাৰং পটিচ্চ অৱিতক্কৱিচাৰমত্তা খন্ধা, ৱত্থুং ৱিপ্পযুত্তপচ্চযা. পটিসন্ধিক্খণে ৱত্থুং পটিচ্চ অৱিতক্কৱিচাৰমত্তা খন্ধা, ৱত্থুং ৱিপ্পযুত্তপচ্চযা. পটিসন্ধিক্খণে ৱত্থুং পটিচ্চ ৱিতক্কো, ৱত্থুং ৱিপ্পযুত্তপচ্চযা. (৩)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা, মহাভূতে পটিচ্চ কটত্তাৰূপং, খন্ধা ৱত্থুং ৱিপ্পযুত্তপচ্চযা. কটত্তাৰূপং খন্ধে ৱিপ্পযুত্তপচ্চযা. (৪)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – ৱিচাৰং পটিচ্চ অৱিতক্কৱিচাৰমত্তা খন্ধা চ চিত্তসমুট্ঠানঞ্চ ৰূপং…পে… খন্ধা ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং ৱিচাৰং ৱিপ্পযুত্তপচ্চযা. পটিসন্ধিক্খণে ৱিচাৰং পটিচ্চ অৱিতক্কৱিচাৰমত্তা খন্ধা চ কটত্তা চ ৰূপং, খন্ধা ৱত্থুং ৱিপ্পযুত্তপচ্চযা. কটত্তাৰূপং ৱিচাৰং ৱিপ্পযুত্তপচ্চযা. পটিসন্ধিক্খণে ৱত্থুং পটিচ্চ অৱিতক্কৱিচাৰমত্তা খন্ধা মহাভূতে পটিচ্চ কটত্তাৰূপং, খন্ধা ৱত্থুং ৱিপ্পযুত্তপচ্চযা. কটত্তাৰূপং খন্ধে ৱিপ্পযুত্তপচ্চযা. পটিসন্ধিক্খণে ৱত্থুং পটিচ্চ ৱিতক্কো, মহাভূতে পটিচ্চ কটত্তাৰূপং, ৱিতক্কো ৱত্থুং ৱিপ্পযুত্তপচ্চযা. কটত্তাৰূপং খন্ধে ৱিপ্পযুত্তপচ্চযা. পটিসন্ধিক্খণে ৱত্থুং পটিচ্চ অৱিতক্কৱিচাৰমত্তা খন্ধা চ ৱিচাৰো চ, ৱত্থুং ৱিপ্পযুত্তপচ্চযা. (৫)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি ৱিপ্পযুত্তপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা চ ৱিতক্কো চ, ৱত্থুং ৱিপ্পযুত্তপচ্চযা. (৬)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – পটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা চ ৱিতক্কো চ, মহাভূতে পটিচ্চ কটত্তাৰূপং, খন্ধা চ ৱিতক্কো চ, ৱত্থুং ৱিপ্পযুত্তপচ্চযা. কটত্তাৰূপং খন্ধে ৱিপ্পযুত্তপচ্চযা. (৭)

১৭. সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি ৱিপ্পযুত্তপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা, ৱত্থুং ৱিপ্পযুত্তপচ্চযা. (১)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো…পে… পটিসন্ধিক্খণে সৱিতক্কসৱিচাৰে খন্ধে চ ৱত্থুঞ্চ পটিচ্চ ৱিতক্কো, ৱত্থুং ৱিপ্পযুত্তপচ্চযা. (২)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো…পে… সৱিতক্কসৱিচাৰে খন্ধে চ মহাভূতে চ পটিচ্চ চিত্তসমুট্ঠানং ৰূপং, খন্ধে ৱিপ্পযুত্তপচ্চযা. পটিসন্ধিক্খণে…পে…. (৩)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা…পে… পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা, সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং, খন্ধা ৱত্থুং ৱিপ্পযুত্তপচ্চযা. কটত্তাৰূপং খন্ধে ৱিপ্পযুত্তপচ্চযা. (৪)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা…পে… পটিসন্ধিক্খণে সৱিতক্কসৱিচাৰে খন্ধে চ ৱত্থুঞ্চ পটিচ্চ ৱিতক্কো, সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং, ৱিতক্কো ৱত্থুং ৱিপ্পযুত্তপচ্চযা. কটত্তাৰূপং খন্ধে ৱিপ্পযুত্তপচ্চযা. (৫)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা…পে… পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিতক্কো চ, ৱত্থুং ৱিপ্পযুত্তপচ্চযা. (৬)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা…পে… পটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিতক্কো চ. সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. খন্ধা চ ৱিতক্কো চ, ৱত্থুং ৱিপ্পযুত্তপচ্চযা. কটত্তাৰূপং খন্ধে ৱিপ্পযুত্তপচ্চযা. (৭)

১৮. অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো…পে… পটিসন্ধিক্খণে ৱিতক্কঞ্চ ৱত্থুঞ্চ পটিচ্চ সৱিতক্কসৱিচাৰা খন্ধা, ৱত্থুং ৱিপ্পযুত্তপচ্চযা. (১)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো…পে… অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা…পে… দ্ৱে খন্ধে চ…পে… ৱত্থুং ৱিপ্পযুত্তপচ্চযা. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা…পে… দ্ৱে খন্ধে চ…পে… ৱত্থুং ৱিপ্পযুত্তপচ্চযা. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে… ৱত্থুং ৱিপ্পযুত্তপচ্চযা. (২)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো…পে… অৱিতক্কৱিচাৰমত্তে খন্ধে চ ৱিচাৰঞ্চ পটিচ্চ চিত্তসমুট্ঠানং ৰূপং. খন্ধে চ ৱিচাৰঞ্চ ৱিপ্পযুত্তপচ্চযা. অৱিতক্কৱিচাৰমত্তে খন্ধে চ মহাভূতে চ পটিচ্চ চিত্তসমুট্ঠানং ৰূপং. খন্ধে ৱিপ্পযুত্তপচ্চযা. ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. ৱিতক্কং ৱিপ্পযুত্তপচ্চযা. পটিসন্ধিক্খণে অৱিতক্কৱিচাৰমত্তে খন্ধে চ ৱিচাৰঞ্চ পটিচ্চ কটত্তাৰূপং. খন্ধে চ ৱিচাৰঞ্চ ৱিপ্পযুত্তপচ্চযা. পটিসন্ধিক্খণে অৱিতক্কৱিচাৰমত্তে খন্ধে চ মহাভূতে চ পটিচ্চ কটত্তাৰূপং. খন্ধে ৱিপ্পযুত্তপচ্চযা. পটিসন্ধিক্খণে ৱিতক্কঞ্চ মহাভূতে চ পটিচ্চ কটত্তাৰূপং. ৱিতক্কং ৱিপ্পযুত্তপচ্চযা. পটিসন্ধিক্খণে অৱিতক্কৱিচাৰমত্তে খন্ধে চ ৱত্থুঞ্চ পটিচ্চ ৱিচাৰো. ৱত্থুং ৱিপ্পযুত্তপচ্চযা. (৩)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – পটিসন্ধিক্খণে ৱিতক্কঞ্চ ৱত্থুঞ্চ পটিচ্চ সৱিতক্কসৱিচাৰা খন্ধা. ৱিতক্কঞ্চ মহাভূতে চ পটিচ্চ কটত্তাৰূপং. খন্ধা ৱত্থুং ৱিপ্পযুত্তপচ্চযা. কটত্তাৰূপং ৱিতক্কং ৱিপ্পযুত্তপচ্চযা. (৪)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা…পে… অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… খন্ধা ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে চ ৱিচাৰঞ্চ ৱিপ্পযুত্তপচ্চযা. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱিচাৰঞ্চ পটিচ্চ তযো খন্ধা কটত্তা চ ৰূপং…পে… খন্ধা ৱত্থুং ৱিপ্পযুত্তপচ্চযা. কটত্তাৰূপং খন্ধে চ ৱিচাৰঞ্চ ৱিপ্পযুত্তপচ্চযা. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে… অৱিতক্কৱিচাৰমত্তে খন্ধে চ মহাভূতে চ পটিচ্চ কটত্তাৰূপং. খন্ধা ৱত্থুং ৱিপ্পযুত্তপচ্চযা. কটত্তাৰূপং খন্ধে ৱিপ্পযুত্তপচ্চযা. পটিসন্ধিক্খণে অৱিতক্কৱিচাৰমত্তং একং খন্ধঞ্চ ৱত্থুঞ্চ পটিচ্চ তযো খন্ধা ৱিচাৰো চ…পে… দ্ৱে খন্ধে চ…পে… ৱত্থুং ৱিপ্পযুত্তপচ্চযা. (৫)

১৯. সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি…পে… সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে চ…পে… ৱত্থুং ৱিপ্পযুত্তপচ্চযা. পটিসন্ধিক্খণে…পে… ৱত্থুং ৱিপ্পযুত্তপচ্চযা. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি…পে… সৱিতক্কসৱিচাৰে খন্ধে চ ৱিতক্কঞ্চ পটিচ্চ চিত্তসমুট্ঠানং ৰূপং. খন্ধে চ ৱিতক্কঞ্চ ৱিপ্পযুত্তপচ্চযা. পটিসন্ধিক্খণে…পে… খন্ধে চ ৱিতক্কঞ্চ ৱিপ্পযুত্তপচ্চযা. (২)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি…পে… সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে…পে… খন্ধা ৱত্থুং ৱিপ্পযুত্তপচ্চযা. চিত্তসমুট্ঠানং ৰূপং খন্ধে চ ৱিতক্কঞ্চ ৱিপ্পযুত্তপচ্চযা. পটিসন্ধিক্খণে…পে… খন্ধা ৱত্থুং ৱিপ্পযুত্তপচ্চযা. কটত্তাৰূপং খন্ধে চ ৱিতক্কঞ্চ ৱিপ্পযুত্তপচ্চযা. (৩)

২০. সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি…পে… পটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে…পে… খন্ধা ৱত্থুং ৱিপ্পযুত্তপচ্চযা. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি…পে… সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. খন্ধে চ ৱিতক্কঞ্চ ৱিপ্পযুত্তপচ্চযা. পটিসন্ধিক্খণে…পে… খন্ধে চ ৱিতক্কঞ্চ ৱিপ্পযুত্তপচ্চযা. (২)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি ৱিপ্পযুত্তপচ্চযা – পটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ…পে… সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ কটত্তাৰূপং. খন্ধা ৱত্থুং ৱিপ্পযুত্তপচ্চযা. কটত্তাৰূপং খন্ধে চ ৱিতক্কঞ্চ ৱিপ্পযুত্তপচ্চযা. (৩)

অত্থি-অৱিগতপচ্চযা

২১. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি অত্থিপচ্চযা…পে… নত্থিপচ্চযা, ৱিগতপচ্চযা, অৱিগতপচ্চযা (সংখিত্তং).

১. পচ্চযানুলোমং

২. সঙ্খ্যাৱাৰো

সুদ্ধং

২২. হেতুযা সত্ততিংস, আৰম্মণে একৱীস, অধিপতিযা তেৱীস, অনন্তৰে একৱীস, সমনন্তৰে একৱীস, সহজাতে সত্ততিংস, অঞ্ঞমঞ্ঞে অট্ঠৱীস, নিস্সযে সত্ততিংস, উপনিস্সযে একৱীস, পুৰেজাতে একাদস, আসেৱনে একাদস, কম্মে সত্ততিংস, ৱিপাকে সত্ততিংস, আহাৰে ইন্দ্ৰিযে ঝানে মগ্গে সত্ততিংস, সম্পযুত্তে একৱীস, ৱিপ্পযুত্তে সত্ততিংস, অত্থিযা সত্ততিংস, নত্থিযা একৱীস, ৱিগতে একৱীস, অৱিগতে সত্ততিংস.

দুকং

হেতুপচ্চযা আৰম্মণে একৱীস…পে… অৱিগতে সত্ততিংস (সংখিত্তং).

(যথা কুসলত্তিকে গণনা, এৱং গণেতব্বং).

অনুলোমং.

২. পচ্চযপচ্চনীযং

১. ৱিভঙ্গৱাৰো

নহেতুপচ্চযো

২৩. সৱিতক্কসৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকং সৱিতক্কসৱিচাৰং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. অহেতুকপটিসন্ধিক্খণে…পে… ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে পটিচ্চ ৱিতক্কো. অহেতুকপটিসন্ধিক্খণে…পে…. (২)

সৱিতক্কসৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে…পে…. (৩)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকং সৱিতক্কসৱিচাৰং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. অহেতুকপটিসন্ধিক্খণে…পে…. (৪)

সৱিতক্কসৱিচাৰং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকে সৱিতক্কসৱিচাৰে খন্ধে পটিচ্চ ৱিতক্কো চ চিত্তসমুট্ঠানঞ্চ ৰূপং. অহেতুকপটিসন্ধিক্খণে…পে…. (৫)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি নহেতুপচ্চযা – অহেতুকং সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ…পে… দ্ৱে খন্ধে পটিচ্চ দ্ৱে খন্ধা ৱিতক্কো চ. অহেতুকপটিসন্ধিক্খণে…পে…. (৬)

সৱিতক্কসৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকং সৱিতক্কসৱিচাৰং একং খন্ধং পটিচ্চ তযো খন্ধা ৱিতক্কো চ চিত্তসমুট্ঠানঞ্চ ৰূপং…পে… অহেতুকপটিসন্ধিক্খণে…পে…. (৭)

২৪. অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকং ৱিতক্কং পটিচ্চ সৱিতক্কসৱিচাৰা খন্ধা. অহেতুকপটিসন্ধিক্খণে ৱিতক্কং পটিচ্চ সৱিতক্কসৱিচাৰা খন্ধা; ৱিচিকিচ্ছাসহগতং উদ্ধচ্চসহগতং ৱিতক্কং পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

অৱিতক্কৱিচাৰমত্তং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকং ৱিতক্কং পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে ৱিতক্কং পটিচ্চ কটত্তাৰূপং. (২)

অৱিতক্কৱিচাৰমত্তং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকং ৱিতক্কং পটিচ্চ সৱিতক্কসৱিচাৰা খন্ধা চিত্তসমুট্ঠানঞ্চ ৰূপং. অহেতুকপটিসন্ধিক্খণে ৱিতক্কং পটিচ্চ সৱিতক্কসৱিচাৰা খন্ধা কটত্তা চ ৰূপং. (৩)

অৱিতক্কঅৱিচাৰং ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকং অৱিতক্কঅৱিচাৰং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা; একং মহাভূতং পটিচ্চ তযো মহাভূতা…পে… মহাভূতে পটিচ্চ চিত্তসমুট্ঠানং ৰূপং কটত্তাৰূপং উপাদাৰূপং; বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তাৰূপং উপাদাৰূপং. (১)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা. (২)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ ৱিতক্কো. (৩)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা; মহাভূতে পটিচ্চ কটত্তাৰূপং. (৪)

অৱিতক্কঅৱিচাৰং ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ ৱিতক্কো; মহাভূতে পটিচ্চ কটত্তাৰূপং. (৫)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা চ ৱিতক্কো চ. (৬)

অৱিতক্কঅৱিচাৰং ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱত্থুং পটিচ্চ সৱিতক্কসৱিচাৰা খন্ধা চ ৱিতক্কো চ; মহাভূতে পটিচ্চ কটত্তাৰূপং. (৭)

২৫. সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা. (১)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰে খন্ধে চ ৱত্থুঞ্চ পটিচ্চ ৱিতক্কো. (২)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে চ মহাভূতে চ পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৩)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা; সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৪)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰে খন্ধে চ ৱত্থুঞ্চ পটিচ্চ ৱিতক্কো; সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৫)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিতক্কো চ. (৬)

সৱিতক্কসৱিচাৰঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱত্থুঞ্চ পটিচ্চ তযো খন্ধা ৱিতক্কো চ…পে… দ্ৱে খন্ধে চ ৱত্থুঞ্চ পটিচ্চ দ্ৱে খন্ধা ৱিতক্কো চ; সৱিতক্কসৱিচাৰে খন্ধে চ মহাভূতে চ পটিচ্চ কটত্তাৰূপং. (৭)

২৬. অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে ৱিতক্কঞ্চ ৱত্থুঞ্চ পটিচ্চ সৱিতক্কসৱিচাৰা খন্ধা. (১)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকং ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে ৱিতক্কঞ্চ মহাভূতে চ পটিচ্চ কটত্তাৰূপং. (২)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে ৱিতক্কঞ্চ ৱত্থুঞ্চ পটিচ্চ সৱিতক্কসৱিচাৰা খন্ধা; ৱিতক্কঞ্চ মহাভূতে চ পটিচ্চ কটত্তাৰূপং. (৩)

২৭. সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকং সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা. অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা; ৱিচিকিচ্ছাসহগতে উদ্ধচ্চসহগতে খন্ধে চ ৱিতক্কঞ্চ পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে চ ৱিতক্কঞ্চ পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে…পে…. (২)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকং সৱিতক্কসৱিচাৰং একং খন্ধঞ্চ ৱিতক্কঞ্চ পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে চ ৱিতক্কঞ্চ পটিচ্চ দ্ৱে খন্ধা চিত্তসমুট্ঠানঞ্চ ৰূপং. অহেতুকপটিসন্ধিক্খণে…পে…. (৩)

২৮. সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো ধম্মো উপ্পজ্জতি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ ৱত্থুঞ্চ পটিচ্চ দ্ৱে খন্ধা. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ অৱিতক্কঅৱিচাৰো ধম্মো উপ্পজ্জতি নহেতুপচ্চযা – অহেতুকে সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ চিত্তসমুট্ঠানং ৰূপং. অহেতুকপটিসন্ধিক্খণে…পে…. (২)

সৱিতক্কসৱিচাৰঞ্চ অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং পটিচ্চ সৱিতক্কসৱিচাৰো চ অৱিতক্কঅৱিচাৰো চ ধম্মা উপ্পজ্জন্তি নহেতুপচ্চযা – অহেতুকপটিসন্ধিক্খণে সৱিতক্কসৱিচাৰং একং খন্ধঞ্চ ৱিতক্কঞ্চ ৱত্থুঞ্চ পটিচ্চ তযো খন্ধা…পে… দ্ৱে খন্ধে চ ৱিতক্কঞ্চ ৱত্থুঞ্চ পটিচ্চ দ্ৱে খন্ধা; সৱিতক্কসৱিচাৰে খন্ধে চ ৱিতক্কঞ্চ মহাভূতে চ পটিচ্চ কটত্তাৰূপং. (৩)

নআৰম্মণপচ্চযো