৭. পীতিত্তিকং

১. পটিচ্চৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি হেতুপচ্চযা – পীতিসহগতং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৱে খন্ধে পটিচ্চ দ্ৱে খন্ধা. পটিসন্ধিক্খণে পীতিসহগতং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

পীতিসহগতং ধম্মং পটিচ্চ সুখসহগতো ধম্মো উপ্পজ্জতি হেতুপচ্চযা – পীতিসহগতং একং খন্ধং পটিচ্চ সুখসহগতা তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে পীতিসহগতং একং খন্ধং পটিচ্চ সুখসহগতা তযো খন্ধা…পে… দ্ৱে খন্ধে পটিচ্চ দ্ৱে খন্ধা. (২)

পীতিসহগতং ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি হেতুপচ্চযা – পীতিসহগতং একং খন্ধং পটিচ্চ পীতিসহগতা চ সুখসহগতা চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে পীতিসহগতং একং খন্ধং পটিচ্চ পীতিসহগতা চ সুখসহগতা চ তযো খন্ধা …পে… দ্ৱে খন্ধে পটিচ্চ দ্ৱে খন্ধা. (৩)

২. সুখসহগতং ধম্মং পটিচ্চ সুখসহগতো ধম্মো উপ্পজ্জতি হেতুপচ্চযা – সুখসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. পটিসন্ধিক্খণে সুখসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. (১)

সুখসহগতং ধম্মং পটিচ্চ পীতিসহগতো ধম্মো উপ্পজ্জতি হেতুপচ্চযা – সুখসহগতং একং খন্ধং পটিচ্চ পীতিসহগতা তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে সুখসহগতং একং খন্ধং পটিচ্চ পীতিসহগতা তযো খন্ধা…পে… দ্ৱে খন্ধে পটিচ্চ দ্ৱে খন্ধা. (২)

সুখসহগতং ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি হেতুপচ্চযা – সুখসহগতং একং খন্ধং পটিচ্চ পীতিসহগতা চ সুখসহগতা চ দ্ৱে খন্ধা, দ্ৱে খন্ধে পটিচ্চ একো খন্ধো. পটিসন্ধিক্খণে সুখসহগতং একং খন্ধং পটিচ্চ পীতিসহগতা চ সুখসহগতা চ দ্ৱে খন্ধা, দ্ৱে খন্ধে পটিচ্চ একো খন্ধো. (৩)

৩. উপেক্খাসহগতং ধম্মং পটিচ্চ উপেক্খাসহগতো ধম্মো উপ্পজ্জতি হেতুপচ্চযা – উপেক্খাসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. পটিসন্ধিক্খণে…পে…. (১)

পীতিসহগতঞ্চ সুখসহগতঞ্চ ধম্মং পটিচ্চ পীতিসহগতো ধম্মো উপ্পজ্জতি হেতুপচ্চযা – পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা তযো খন্ধা…পে… দ্ৱে খন্ধে পটিচ্চ দ্ৱে খন্ধা. পটিসন্ধিক্খণে পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

পীতিসহগতঞ্চ সুখসহগতঞ্চ ধম্মং পটিচ্চ সুখসহগতো ধম্মো উপ্পজ্জতি হেতুপচ্চযা – পীতিসহগতঞ্চ সুখসহগতঞ্চ একং খন্ধং পটিচ্চ সুখসহগতা দ্ৱে খন্ধা, দ্ৱে খন্ধে পটিচ্চ একো খন্ধো. পটিসন্ধিক্খণে পীতিসহগতঞ্চ সুখসহগতঞ্চ একং খন্ধং পটিচ্চ সুখসহগতা দ্ৱে খন্ধা, দ্ৱে খন্ধে পটিচ্চ একো খন্ধো. (২)

পীতিসহগতঞ্চ সুখসহগতঞ্চ ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি হেতুপচ্চযা – পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা চ সুখসহগতা চ দ্ৱে খন্ধা, দ্ৱে খন্ধে পটিচ্চ একো খন্ধো. পটিসন্ধিক্খণে পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা চ সুখসহগতা চ দ্ৱে খন্ধা, দ্ৱে খন্ধে পটিচ্চ একো খন্ধো. (৩)

আৰম্মণপচ্চযাদি

৪. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি আৰম্মণপচ্চযা… অধিপতিপচ্চযা… (পটিসন্ধিক্খণে নত্থি) অনন্তৰপচ্চযা… সমনন্তৰপচ্চযা… সহজাতপচ্চযা… অঞ্ঞমঞ্ঞপচ্চযা… নিস্সযপচ্চযা… উপনিস্সযপচ্চযা… পুৰেজাতপচ্চযা… (পুৰেজাতে পটিসন্ধিক্খণে নত্থি) আসেৱনপচ্চযা… (আসেৱনে ৱিপাকং নত্থি) কম্মপচ্চযা… ৱিপাকপচ্চযা… আহাৰ…পে… ইন্দ্ৰিয… ঝান… মগ্গ… সম্পযুত্ত… ৱিপ্পযুত্ত… অত্থি… নত্থি… ৱিগত… অৱিগতপচ্চযা.

১. পচ্চযানুলোমং

২. সঙ্খ্যাৱাৰো

সুদ্ধং

৫. হেতুযা দস, আৰম্মণে দস, অধিপতিযা দস, অনন্তৰে সমনন্তৰে সহজাতে অঞ্ঞমঞ্ঞে নিস্সযে উপনিস্সযে পুৰেজাতে আসেৱনে কম্মে ৱিপাকে আহাৰে ইন্দ্ৰিযে ঝানে মগ্গে সম্পযুত্তে ৱিপ্পযুত্তে অত্থিযা নত্থিযা ৱিগতে অৱিগতে সব্বত্থ দস.

(এৱং অনুলোমগণনা গণেতব্বা.)

অনুলোমং.

২. পচ্চযপচ্চনীযং

১. ৱিভঙ্গৱাৰো

নহেতুপচ্চযো

৬. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি নহেতুপচ্চযা – অহেতুকং পীতিসহগতং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

পীতিসহগতং ধম্মং পটিচ্চ সুখসহগতো ধম্মো উপ্পজ্জতি নহেতুপচ্চযা – অহেতুকং পীতিসহগতং একং খন্ধং পটিচ্চ সুখসহগতা তযো খন্ধা…পে… দ্ৱে খন্ধে পটিচ্চ দ্ৱে খন্ধা. (২)

পীতিসহগতং ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি নহেতুপচ্চযা – অহেতুকং পীতিসহগতং একং খন্ধং পটিচ্চ পীতিসহগতা চ সুখসহগতা চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (৩)

৭. সুখসহগতং ধম্মং পটিচ্চ সুখসহগতো ধম্মো উপ্পজ্জতি নহেতুপচ্চযা – অহেতুকং সুখসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. (১)

সুখসহগতং ধম্মং পটিচ্চ পীতিসহগতো ধম্মো উপ্পজ্জতি নহেতুপচ্চযা – অহেতুকং সুখসহগতং একং খন্ধং পটিচ্চ পীতিসহগতা তযো খন্ধা…পে… দ্ৱে খন্ধে পটিচ্চ দ্ৱে খন্ধা. (২)

সুখসহগতং ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি নহেতুপচ্চযা – অহেতুকং সুখসহগতং একং খন্ধং পটিচ্চ পীতিসহগতা চ সুখসহগতা চ দ্ৱে খন্ধা, দ্ৱে খন্ধে পটিচ্চ একো খন্ধো. (৩)

৮. উপেক্খাসহগতং ধম্মং পটিচ্চ উপেক্খাসহগতো ধম্মো উপ্পজ্জতি নহেতুপচ্চযা – অহেতুকং উপেক্খাসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. অহেতুকপটিসন্ধিক্খণে উপেক্খাসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

৯. পীতিসহগতঞ্চ সুখসহগতঞ্চ ধম্মং পটিচ্চ পীতিসহগতো ধম্মো উপ্পজ্জতি নহেতুপচ্চযা – অহেতুকং পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

পীতিসহগতঞ্চ সুখসহগতঞ্চ ধম্মং পটিচ্চ সুখসহগতো ধম্মো উপ্পজ্জতি নহেতুপচ্চযা – অহেতুকং পীতিসহগতঞ্চ সুখসহগতঞ্চ একং খন্ধং পটিচ্চ সুখসহগতা দ্ৱে খন্ধা, দ্ৱে খন্ধে পটিচ্চ একো খন্ধো. (২)

পীতিসহগতঞ্চ সুখসহগতঞ্চ ধম্মং পটিচ্চ পীতিসহগতো চ সুখসহগতো চ ধম্মা উপ্পজ্জন্তি নহেতুপচ্চযা – অহেতুকং পীতিসহগতঞ্চ সুখসহগতঞ্চ একং খন্ধং পটিচ্চ পীতিসহগতা চ সুখসহগতা চ দ্ৱে খন্ধা, দ্ৱে খন্ধে পটিচ্চ একো খন্ধো. (৩)

নঅধিপতি-নআসেৱনপচ্চযা

১০. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি নঅধিপতিপচ্চযা (নঅধিপতিপটিসন্ধিক্খণে পৰিপুণ্ণং)… নপুৰেজাতপচ্চযা… (‘‘অৰূপে’’তি নিযামেতব্বং ‘‘পটিসন্ধিক্খণে’’তি চ) নপচ্ছাজাতপচ্চযা… নআসেৱনপচ্চযা.

নকম্মপচ্চযো

১১. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি নকম্মপচ্চযা – পীতিসহগতে খন্ধে পটিচ্চ পীতিসহগতা চেতনা.

পীতিসহগতং ধম্মং পটিচ্চ সুখসহগতো ধম্মো উপ্পজ্জতি নকম্মপচ্চযা – পীতিসহগতে খন্ধে পটিচ্চ সুখসহগতা চেতনা.

(ইমিনা কাৰণেন দস পঞ্হা ৱিত্থাৰেতব্বা.)

নৱিপাকপচ্চযো

১২. পীতিসহগতং ধম্মং পটিচ্চ পীতিসহগতো ধম্মো উপ্পজ্জতি নৱিপাকপচ্চযা…পে… (পৰিপুণ্ণং, পটিসন্ধি নত্থি).

নঝানপচ্চযাদি

১৩. সুখসহগতং ধম্মং পটিচ্চ সুখসহগতো ধম্মো উপ্পজ্জতি নঝানপচ্চযা – সুখসহগতং কাযৱিঞ্ঞাণসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. (১)

উপেক্খাসহগতং ধম্মং পটিচ্চ উপেক্খাসহগতো ধম্মো উপ্পজ্জতি নঝানপচ্চযা – চতুৱিঞ্ঞাণসহগতং একং খন্ধং পটিচ্চ দ্ৱে খন্ধা, দ্ৱে খন্ধে পটিচ্চ একো খন্ধো. (১)

(নমগ্গপচ্চযা নহেতুপচ্চযসদিসং. মোহো নত্থি. নৱিপ্পযুত্তপচ্চযা পৰিপুণ্ণং অৰূপপঞ্হমেৱ.)

২. পচ্চযপচ্চনীযং

২. সঙ্খ্যাৱাৰো

সুদ্ধং

১৪. নহেতুযা দস, নঅধিপতিযা দস, নপুৰেজাতে নপচ্ছাজাতে নআসেৱনে নকম্মে নৱিপাকে দস, নঝানে দ্ৱে, নমগ্গে দস, নৱিপ্পযুত্তে দস (পচ্চনীযং পৰিপুণ্ণং কাতব্বং).

পচ্চনীযং.

৩. পচ্চযানুলোমপচ্চনীযং

দুকং

১৫. হেতুপচ্চযা নঅধিপতিযা দস, নপুৰেজাতে দস, নপচ্ছাজাতে নআসেৱনে নকম্মে নৱিপাকে নৱিপ্পযুত্তে দস.

(অনুলোমপচ্চনীযং ৱিত্থাৰেন গণেতব্বং.)

অনুলোমপচ্চনীযং.

৪. পচ্চযপচ্চনীযানুলোমং

দুকং

১৬. নহেতুপচ্চযা আৰম্মণে দস, অনন্তৰে দস, সমনন্তৰে দস, সহজাতে অঞ্ঞমঞ্ঞে নিস্সযে উপনিস্সযে পুৰেজাতে আসেৱনে কম্মে ৱিপাকে আহাৰে ইন্দ্ৰিযে ঝানে সব্বে দস, মগ্গে একং, সম্পযুত্তে দস, ৱিপ্পযুত্তে অত্থিযা নত্থিযা ৱিগতে অৱিগতে সব্বে দস.

পচ্চনীযানুলোমং.

পটিচ্চৱাৰো.

২-৬. সহজাত-পচ্চয-নিস্সয-সংসট্ঠ-সম্পযুত্তৱাৰো

(সহজাতৱাৰোপি পচ্চযৱাৰোপি নিস্সযৱাৰোপি সংসট্ঠৱাৰোপি সম্পযুত্তৱাৰোপি পটিচ্চৱাৰসদিসা.)

৭. পঞ্হাৱাৰো

১. পচ্চযানুলোমং

১. ৱিভঙ্গৱাৰো

হেতুপচ্চযো

১৭. পীতিসহগতো ধম্মো পীতিসহগতস্স ধম্মস্স হেতুপচ্চযেন পচ্চযো – পীতিসহগতা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে পীতিসহগতা হেতূ সম্পযুত্তকানং খন্ধানং হেতুপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স হেতুপচ্চযেন পচ্চযো – পীতিসহগতা হেতূ সম্পযুত্তকানং সুখসহগতানং খন্ধানং হেতুপচ্চযেন পচ্চযো. পটিসন্ধিক্খণে…পে…. (২)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স হেতুপচ্চযেন পচ্চযো – পীতিসহগতা হেতূ সম্পযুত্তকানং পীতিসহগতানঞ্চ সুখসহগতানঞ্চ খন্ধানং হেতুপচ্চযেন পচ্চযো. পটিসন্ধিক্খণে…পে…. (৩)

১৮. সুখসহগতো ধম্মো সুখসহগতস্স ধম্মস্স…পে… পীতিসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স…পে… (সুখমূলে তীণি).

উপেক্খাসহগতো ধম্মো উপেক্খাসহগতস্স ধম্মস্স হেতুপচ্চযেন পচ্চযো – উপেক্খাসহগতা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে…পে…. (১)

পীতিসহগতো চ সুখসহগতো চ ধম্মা পীতিসহগতস্স ধম্মস্স…পে… সুখসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স হেতুপচ্চযেন পচ্চযো – পীতিসহগতা চ সুখসহগতা চ হেতূ সম্পযুত্তকানং পীতিসহগতানঞ্চ সুখসহগতানঞ্চ খন্ধানং হেতুপচ্চযেন পচ্চযো. পটিসন্ধিক্খণে…পে…. (২)

আৰম্মণপচ্চযো

১৯. পীতিসহগতো ধম্মো পীতিসহগতস্স ধম্মস্স আৰম্মণপচ্চযেন পচ্চযো – পীতিসহগতেন চিত্তেন দানং দত্ৱা সীলং সমাদিযিত্ৱা উপোসথকম্মং কত্ৱা তং পীতিসহগতেন চিত্তেন পচ্চৱেক্খতি, পীতিসহগতা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা তং পীতিসহগতেন চিত্তেন পচ্চৱেক্খতি. অৰিযা পীতিসহগতেন চিত্তেন পীতিসহগতে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. পীতিসহগতে খন্ধে পীতিসহগতেন চিত্তেন অনিচ্চতো দুক্খতো অনত্ততো ৱিপস্সন্তি অস্সাদেন্তি অভিনন্দন্তি; তং আৰব্ভ পীতিসহগতো ৰাগো উপ্পজ্জতি, দিট্ঠি উপ্পজ্জতি. পীতিসহগতে খন্ধে আৰব্ভ পীতিসহগতা খন্ধা উপ্পজ্জন্তি. (১)

পীতিসহগতো ধম্মো সুখসহগতস্স ধম্মস্স আৰম্মণপচ্চযেন পচ্চযো – পীতিসহগতেন চিত্তেন দানং দত্ৱা সীলং সমাদিযিত্ৱা উপোসথকম্মং কত্ৱা তং সুখসহগতেন চিত্তেন পচ্চৱেক্খতি, পীতিসহগতা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা তং সুখসহগতেন চিত্তেন পচ্চৱেক্খতি. অৰিযা সুখসহগতেন চিত্তেন পীতিসহগতে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. পীতিসহগতে খন্ধে সুখসহগতেন চিত্তেন অনিচ্চতো দুক্খতো অনত্ততো ৱিপস্সন্তি অস্সাদেন্তি অভিনন্দন্তি; তং আৰব্ভ সুখসহগতো ৰাগো উপ্পজ্জতি, দিট্ঠি উপ্পজ্জতি. পীতিসহগতে খন্ধে আৰব্ভ সুখসহগতা খন্ধা উপ্পজ্জন্তি. (২)

পীতিসহগতো ধম্মো উপেক্খাসহগতস্স ধম্মস্স আৰম্মণপচ্চযেন পচ্চযো – পীতিসহগতেন চিত্তেন দানং দত্ৱা সীলং সমাদিযিত্ৱা উপোসথকম্মং কত্ৱা তং উপেক্খাসহগতেন চিত্তেন পচ্চৱেক্খতি, পীতিসহগতা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা তং উপেক্খাসহগতেন চিত্তেন পচ্চৱেক্খতি. অৰিযা উপেক্খাসহগতেন চিত্তেন পীতিসহগতে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. পীতিসহগতে খন্ধে উপেক্খাসহগতেন চিত্তেন অনিচ্চতো দুক্খতো অনত্ততো ৱিপস্সন্তি অস্সাদেন্তি অভিনন্দন্তি; তং আৰব্ভ উপেক্খাসহগতো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি. চেতোপৰিযঞাণেন পীতিসহগতচিত্তসমঙ্গিস্স চিত্তং জানন্তি, পীতিসহগতা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. পীতিসহগতে খন্ধে আৰব্ভ উপেক্খাসহগতা খন্ধা উপ্পজ্জন্তি. (৩)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স আৰম্মণপচ্চযেন পচ্চযো – পীতিসহগতেন চিত্তেন দানং দত্ৱা সীলং সমাদিযিত্ৱা উপোসথকম্মং কত্ৱা তং পীতিসহগতেন চ সুখসহগতেন চ চিত্তেন পচ্চৱেক্খতি, পীতিসহগতা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা তং পীতিসহগতেন চ সুখসহগতেন চ চিত্তেন পচ্চৱেক্খতি. অৰিযা পীতিসহগতেন চ সুখসহগতেন চ চিত্তেন পীতিসহগতে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. পীতিসহগতে খন্ধে পীতিসহগতেন চ সুখসহগতেন চ চিত্তেন অনিচ্চতো দুক্খতো অনত্ততো ৱিপস্সন্তি অস্সাদেন্তি অভিনন্দন্তি; তং আৰব্ভ পীতিসহগতো চ সুখসহগতো চ ৰাগো উপ্পজ্জতি, দিট্ঠি উপ্পজ্জতি. পীতিসহগতে খন্ধে আৰব্ভ পীতিসহগতা চ সুখসহগতা চ খন্ধা উপ্পজ্জন্তি. (৪)

২০. সুখসহগতো ধম্মো সুখসহগতস্স ধম্মস্স আৰম্মণপচ্চযেন পচ্চযো… সুখসহগতো ধম্মো পীতিসহগতস্স ধম্মস্স…পে… উপেক্খাসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স আৰম্মণপচ্চযেন পচ্চযো – সুখসহগতে খন্ধে আৰব্ভ পীতিসহগতা চ সুখসহগতা চ খন্ধা উপ্পজ্জন্তি. (৪)

উপেক্খাসহগতো ধম্মো উপেক্খাসহগতস্স ধম্মস্স আৰম্মণপচ্চযেন পচ্চযো – উপেক্খাসহগতেন চিত্তেন দানং দত্ৱা সীলং সমাদিযিত্ৱা উপোসথকম্মং কত্ৱা তং উপেক্খাসহগতেন চিত্তেন পচ্চৱেক্খতি, উপেক্খাসহগতা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা তং উপেক্খাসহগতেন চিত্তেন পচ্চৱেক্খতি. অৰিযা উপেক্খাসহগতেন চিত্তেন উপেক্খাসহগতে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. উপেক্খাসহগতে খন্ধে উপেক্খাসহগতেন চিত্তেন অনিচ্চতো দুক্খতো অনত্ততো ৱিপস্সন্তি অস্সাদেন্তি অভিনন্দন্তি; তং আৰব্ভ উপেক্খাসহগতো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি. চেতোপৰিযঞাণেন উপেক্খাসহগতচিত্তসমঙ্গিস্স চিত্তং জানাতি. আকাসানঞ্চাযতনং ৱিঞ্ঞাণঞ্চাযতনস্স আৰম্মণপচ্চযেন পচ্চযো…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স আৰম্মণপচ্চযেন পচ্চযো. উপেক্খাসহগতা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৱজ্জনায আৰম্মণপচ্চযেন পচ্চযো. উপেক্খাসহগতে খন্ধে আৰব্ভ উপেক্খাসহগতা খন্ধা উপ্পজ্জন্তি. (১)

উপেক্খাসহগতো ধম্মো পীতিসহগতস্স ধম্মস্স…পে… সুখসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স আৰম্মণপচ্চযেন পচ্চযো – উপেক্খাসহগতেন চিত্তেন দানং দত্ৱা সীলং সমাদিযিত্ৱা উপোসথকম্মং কত্ৱা তং পীতিসহগতেন চ সুখসহগতেন চ চিত্তেন পচ্চৱেক্খতি, উপেক্খাসহগতা ঝানা ৱুট্ঠহিত্ৱা, মগ্গা ৱুট্ঠহিত্ৱা ফলা ৱুট্ঠহিত্ৱা, তং পীতিসহগতেন চ সুখসহগতেন চ চিত্তেন পচ্চৱেক্খতি. অৰিযা পীতিসহগতেন চ সুখসহগতেন চ চিত্তেন উপেক্খাসহগতে পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. উপেক্খাসহগতে খন্ধে পীতিসহগতেন চ সুখসহগতেন চ চিত্তেন অনিচ্চতো দুক্খতো অনত্ততো ৱিপস্সন্তি অস্সাদেন্তি অভিনন্দন্তি; তং আৰব্ভ পীতিসহগতো চ সুখসহগতো চ ৰাগো উপ্পজ্জতি, দিট্ঠি উপ্পজ্জতি. উপেক্খাসহগতে খন্ধে আৰব্ভ পীতিসহগতা চ সুখসহগতা চ খন্ধা উপ্পজ্জন্তি. (৩)

২১. পীতিসহগতো চ সুখসহগতো চ ধম্মা পীতিসহগতস্স ধম্মস্স…পে… সুখসহগতস্স ধম্মস্স…পে… উপেক্খাসহগতস্স ধম্মস্স আৰম্মণপচ্চযেন পচ্চযো – পীতিসহগতেন চ সুখসহগতেন চ চিত্তেন দানং দত্ৱা সীলং সমাদিযিত্ৱা উপোসথকম্মং কত্ৱা…পে… পীতিসহগতে চ সুখসহগতে চ খন্ধে উপেক্খাসহগতেন চিত্তেন অনিচ্চতো দুক্খতো অনত্ততো ৱিপস্সতি অস্সাদেতি অভিনন্দতি; তং আৰব্ভ উপেক্খাসহগতো ৰাগো উপ্পজ্জতি, দিট্ঠি উপ্পজ্জতি, ৱিচিকিচ্ছা উপ্পজ্জতি, উদ্ধচ্চং উপ্পজ্জতি. চেতোপৰিযঞাণেন পীতিসহগতসুখসহগতচিত্তসমঙ্গিস্স চিত্তং জানাতি. পীতিসহগতা চ সুখসহগতা চ খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স, আৱজ্জনায আৰম্মণপচ্চযেন পচ্চযো. পীতিসহগতে চ সুখসহগতে চ খন্ধে আৰব্ভ উপেক্খাসহগতা খন্ধা উপ্পজ্জন্তি. (৩)

পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স আৰম্মণপচ্চযেন পচ্চযো (সংখিত্তং). (৪)

অধিপতিপচ্চযো

২২. পীতিসহগতো ধম্মো পীতিসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – পীতিসহগতেন চিত্তেন দানং দত্ৱা সীলং সমাদিযিত্ৱা উপোসথকম্মং কত্ৱা পীতিসহগতেন চিত্তেন তং গৰুং কত্ৱা পচ্চৱেক্খতি, পীতিসহগতা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা পীতিসহগতেন চিত্তেন তং গৰুং কত্ৱা পচ্চৱেক্খতি. পীতিসহগতে খন্ধে পীতিসহগতেন চিত্তেন গৰুং কত্ৱা অস্সাদেতি অভিনন্দতি; তং গৰুং কত্ৱা পীতিসহগতো ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – পীতিসহগতাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – পীতিসহগতেন চিত্তেন দানং দত্ৱা…পে…. সহজাতাধিপতি – পীতিসহগতাধিপতি সম্পযুত্তকানং সুখসহগতানং খন্ধানং অধিপতিপচ্চযেন পচ্চযো. (২)

পীতিসহগতো ধম্মো উপেক্খাসহগতস্স ধম্মস্স অধিপতিপচ্চযেন পচ্চযো. আৰম্মণাধিপতি – পীতিসহগতেন চিত্তেন দানং দত্ৱা…পে… উপেক্খাসহগতেন চিত্তেন (সংখিত্তং). (৩)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – পীতিসহগতেন চিত্তেন দানং দত্ৱা…পে…. সহজাতাধিপতি – পীতিসহগতাধিপতি সম্পযুত্তকানং পীতিসহগতানঞ্চ সুখসহগতানঞ্চ খন্ধানং অধিপতিপচ্চযেন পচ্চযো. (৪)

২৩. সুখসহগতো ধম্মো সুখসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – সুখসহগতেন চিত্তেন দানং দত্ৱা…পে…. সহজাতাধিপতি – সুখসহগতাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সুখসহগতো ধম্মো পীতিসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি…পে…. সহজাতাধিপতি – সুখসহগতাধিপতি সম্পযুত্তকানং পীতিসহগতানং খন্ধানং অধিপতিপচ্চযেন পচ্চযো. (২)

সুখসহগতো ধম্মো উপেক্খাসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি (সংখিত্তং). (৩)

সুখসহগতো ধম্মো পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি…পে…. সহজাতাধিপতি – সুখসহগতাধিপতি সম্পযুত্তকানং পীতিসহগতানঞ্চ সুখসহগতানঞ্চ খন্ধানং অধিপতিপচ্চযেন পচ্চযো. (৪)

২৪. উপেক্খাসহগতো ধম্মো উপেক্খাসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি…পে…. সহজাতাধিপতি – উপেক্খাসহগতাধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

উপেক্খাসহগতো ধম্মো পীতিসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি (সংখিত্তং). (২)

উপেক্খাসহগতো ধম্মো সুখসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি (সংখিত্তং). (৩)

উপেক্খাসহগতো ধম্মো পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আৰম্মণাধিপতি (সংখিত্তং). (৪)

২৫. পীতিসহগতো চ সুখসহগতো চ ধম্মা পীতিসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি…পে…. সহজাতাধিপতি – পীতিসহগতা চ সুখসহগতা চ অধিপতি সম্পযুত্তকানং পীতিসহগতানং খন্ধানং অধিপতিপচ্চযেন পচ্চযো. (১)

পীতিসহগতো চ সুখসহগতো চ ধম্মা সুখসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি…পে…. সহজাতাধিপতি – পীতিসহগতা চ সুখসহগতা চ অধিপতি সম্পযুত্তকানং সুখসহগতানং খন্ধানং অধিপতিপচ্চযেন পচ্চযো. (২)

পীতিসহগতো চ সুখসহগতো চ ধম্মা উপেক্খাসহগতস্স ধম্মস্স অধিপতিপচ্চযেন পচ্চযো – আৰম্মণাধিপতি (সংখিত্তং). (৩)

পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি …পে…. সহজাতাধিপতি – পীতিসহগতা চ সুখসহগতা চ অধিপতি সম্পযুত্তকানং পীতিসহগতানঞ্চ সুখসহগতানঞ্চ খন্ধানং অধিপতিপচ্চযেন পচ্চযো. (৪)

অনন্তৰপচ্চযো

২৬. পীতিসহগতো ধম্মো পীতিসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা পীতিসহগতা খন্ধা পচ্ছিমানং পচ্ছিমানং পীতিসহগতানং খন্ধানং অনন্তৰপচ্চযেন পচ্চযো. পীতিসহগতং অনুলোমং গোত্ৰভুস্স অনন্তৰপচ্চযেন পচ্চযো. (ইমিনা কাৰণেন সব্বেসং পদানং পচ্চযোতি দীপেতব্বো). অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স… মগ্গো ফলস্স… ফলং ফলস্স… অনুলোমং পীতিসহগতায ফলসমাপত্তিযা অনন্তৰপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা পীতিসহগতা খন্ধা পচ্ছিমানং পচ্ছিমানং সুখসহগতানং খন্ধানং অনন্তৰপচ্চযেন পচ্চযো. পীতিসহগতং অনুলোমং সুখসহগতস্স গোত্ৰভুস্স অনন্তৰপচ্চযেন পচ্চযো. পীতিসহগতং অনুলোমং সুখসহগতস্স ৱোদানস্স অনন্তৰপচ্চযেন পচ্চযো. পীতিসহগতং অনুলোমং সুখসহগতায ফলসমাপত্তিযা অনন্তৰপচ্চযেন পচ্চযো. (২)

পীতিসহগতো ধম্মো উপেক্খাসহগতস্স ধম্মস্স অনন্তৰপচ্চযেন পচ্চযো – পীতিসহগতং চুতিচিত্তং উপেক্খাসহগতস্স উপপত্তিচিত্তস্স অনন্তৰপচ্চযেন পচ্চযো. পীতিসহগতং ভৱঙ্গং আৱজ্জনায অনন্তৰপচ্চযেন পচ্চযো. পীতিসহগতা ৱিপাকমনোৱিঞ্ঞাণধাতু কিৰিযমনোৱিঞ্ঞাণধাতুযা অনন্তৰপচ্চযেন পচ্চযো. পীতিসহগতং ভৱঙ্গং উপেক্খাসহগতস্স ভৱঙ্গস্স অনন্তৰপচ্চযেন পচ্চযো. পীতিসহগতং কুসলাকুসলং উপেক্খাসহগতস্স ৱুট্ঠানস্স… কিৰিযং ৱুট্ঠানস্স… ফলং ৱুট্ঠানস্স অনন্তৰপচ্চযেন পচ্চযো. (৩)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা পীতিসহগতা খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং অনন্তৰপচ্চযেন পচ্চযো. পীতিসহগতং অনুলোমং পীতিসহগতস্স চ সুখসহগতস্স চ গোত্ৰভুস্স অনন্তৰপচ্চযেন পচ্চযো…পে… পীতিসহগতং অনুলোমং পীতিসহগতায চ সুখসহগতায চ ফলসমাপত্তিযা অনন্তৰপচ্চযেন পচ্চযো. (৪)

২৭. সুখসহগতো ধম্মো সুখসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা সুখসহগতা খন্ধা পচ্ছিমানং পচ্ছিমানং সুখসহগতানং খন্ধানং অনন্তৰপচ্চযেন পচ্চযো. সুখসহগতং অনুলোমং সুখসহগতস্স গোত্ৰভুস্স অনন্তৰপচ্চযেন পচ্চযো…পে… সুখসহগতং অনুলোমং সুখসহগতায ফলসমাপত্তিযা অনন্তৰপচ্চযেন পচ্চযো. (১)

সুখসহগতো ধম্মো পীতিসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা সুখসহগতা খন্ধা পচ্ছিমানং পচ্ছিমানং পীতিসহগতানং খন্ধানং অনন্তৰপচ্চযেন পচ্চযো…পে… সুখসহগতং অনুলোমং পীতিসহগতায ফলসমাপত্তিযা অনন্তৰপচ্চযেন পচ্চযো. (২)

সুখসহগতো ধম্মো উপেক্খাসহগতস্স ধম্মস্স অনন্তৰপচ্চযেন পচ্চযো – সুখসহগতং চুতিচিত্তং উপেক্খাসহগতস্স উপপত্তিচিত্তস্স অনন্তৰপচ্চযেন পচ্চযো. সুখসহগতং ভৱঙ্গং আৱজ্জনায অনন্তৰপচ্চযেন পচ্চযো. সুখসহগতং কাযৱিঞ্ঞাণং ৱিপাকমনোধাতুযা অনন্তৰপচ্চযেন পচ্চযো. সুখসহগতা ৱিপাকমনোৱিঞ্ঞাণধাতু কিৰিযমনোৱিঞ্ঞাণধাতুযা অনন্তৰপচ্চযেন পচ্চযো সুখসহগতং ভৱঙ্গং উপেক্খাসহগতস্স ভৱঙ্গস্স অনন্তৰপচ্চযেন পচ্চযো. সুখসহগতং কুসলাকুসলং উপেক্খাসহগতস্স ৱুট্ঠানস্স… কিৰিযং ৱুট্ঠানস্স… ফলং ৱুট্ঠানস্স অনন্তৰপচ্চযেন পচ্চযো. (৩)

সুখসহগতো ধম্মো পীতিসহগতস্স চ সুখসহগতস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা সুখসহগতা খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং অনন্তৰপচ্চযেন পচ্চযো…পে… সুখসহগতং অনুলোমং পীতিসহগতায চ সুখসহগতায চ ফলসমাপত্তিযা অনন্তৰপচ্চযেন পচ্চযো. (৪)

২৮. উপেক্খাসহগতো ধম্মো উপেক্খাসহগতস্স ধম্মস্স অনন্তৰপচ্চযেন পচ্চযো – পুৰিমা পুৰিমা উপেক্খাসহগতা খন্ধা পচ্ছিমানং পচ্ছিমানং উপেক্খাসহগতানং খন্ধানং…পে… আৱজ্জনা পঞ্চন্নং ৱিঞ্ঞাণানং অনন্তৰপচ্চযেন পচ্চযো. উপেক্খাসহগতং অনুলোমং উপেক্খাসহগতায ফলসমাপত্তিযা… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং উপেক্খাসহগতায ফলসমাপত্তিযা অনন্তৰপচ্চযেন পচ্চযো. (১)

উপেক্খাসহগতো ধম্মো পীতিসহগতস্স ধম্মস্স অনন্তৰপচ্চযেন পচ্চযো – উপেক্খাসহগতং চুতিচিত্তং পীতিসহগতস্স উপপত্তিচিত্তস্স…পে… আৱজ্জনা পীতিসহগতানং খন্ধানং…পে… ৱিপাকমনোধাতু পীতিসহগতায ৱিপাকমনোৱিঞ্ঞাণধাতুযা…পে… উপেক্খাসহগতং ভৱঙ্গং পীতিসহগতস্স ভৱঙ্গস্স…পে… উপেক্খাসহগতং কুসলাকুসলং পীতিসহগতস্স ৱুট্ঠানস্স… কিৰিযং ৱুট্ঠানস্স… ফলং ৱুট্ঠানস্স… নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং পীতিসহগতায ফলসমাপত্তিযা অনন্তৰপচ্চযেন পচ্চযো. (২)

উপেক্খাসহগতো ধম্মো সুখসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স অনন্তৰপচ্চযেন পচ্চযো. (৪)

(তানিযেৱ চ গমনানি নিযামেতব্বানি.)

২৯. পীতিসহগতো চ সুখসহগতো চ ধম্মা পীতিসহগতস্স ধম্মস্স…পে… সুখসহগতস্স ধম্মস্স…পে… উপেক্খাসহগতস্স ধম্মস্স অনন্তৰপচ্চযেন পচ্চযো – পীতিসহগতঞ্চ সুখসহগতঞ্চ চুতিচিত্তং উপেক্খাসহগতস্স উপপত্তিচিত্তস্স…পে… পীতিসহগতঞ্চ সুখসহগতঞ্চ ভৱঙ্গং আৱজ্জনায…পে… পীতিসহগতা চ সুখসহগতা চ ৱিপাকমনোৱিঞ্ঞাণধাতু কিৰিযমনোৱিঞ্ঞাণধাতুযা…পে… পীতিসহগতঞ্চ সুখসহগতঞ্চ ভৱঙ্গং উপেক্খাসহগতস্স ভৱঙ্গস্স…পে… পীতিসহগতঞ্চ সুখসহগতঞ্চ কুসলাকুসলং উপেক্খাসহগতস্স ৱুট্ঠানস্স… কিৰিযং ৱুট্ঠানস্স… ফলং ৱুট্ঠানস্স অনন্তৰপচ্চযেন পচ্চযো. (৩)

পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা পীতিসহগতা চ সুখসহগতা চ খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং…পে… পীতিসহগতঞ্চ সুখসহগতঞ্চ অনুলোমং পীতিসহগতায চ সুখসহগতায চ ফলসমাপত্তিযা অনন্তৰপচ্চযেন পচ্চযো. (৪)

সমনন্তৰপচ্চযো

৩০. পীতিসহগতো ধম্মো পীতিসহগতস্স ধম্মস্স সমনন্তৰপচ্চযেন পচ্চযো (অনন্তৰপচ্চযসদিসং).

সহজাতপচ্চযো

৩১. পীতিসহগতো ধম্মো পীতিসহগতস্স ধম্মস্স সহজাতপচ্চযেন পচ্চযো – পীতিসহগতো একো খন্ধো তিণ্ণন্নং খন্ধানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং সহজাতপচ্চযেন পচ্চযো…পে… (পটিচ্চসদিসং সহজাতে দস পঞ্হা).

অঞ্ঞমঞ্ঞ-নিস্সযপচ্চযা

৩২. পীতিসহগতো ধম্মো পীতিসহগতস্স ধম্মস্স অঞ্ঞমঞ্ঞপচ্চযেন পচ্চযো… নিস্সযপচ্চযেন পচ্চযো (দস পঞ্হা কাতব্বা).

উপনিস্সযপচ্চযো

৩৩. পীতিসহগতো ধম্মো পীতিসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পীতিসহগতং সদ্ধং উপনিস্সায পীতিসহগতেন চিত্তেন দানং দেতি, সীলং সমাদিযতি, উপোসথকম্মং কৰোতি, পীতিসহগতং ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পীতিসহগতং সীলং… সুতং… চাগং… পঞ্ঞং উপনিস্সায পীতিসহগতেন চিত্তেন দানং দেতি, সীলং সমাদিযতি…পে… মানং জপ্পেতি, দিট্ঠিং গণ্হাতি. পীতিসহগতং ৰাগং… মোহং… মানং… দিট্ঠিং… পত্থনং উপনিস্সায পীতিসহগতেন চিত্তেন দানং দেতি, সীলং সমাদিযতি, উপোসথকম্মং কৰোতি, পীতিসহগতং ঝানং উপ্পাদেতি…পে… সমাপত্তিং উপ্পাদেতি. পীতিসহগতেন চিত্তেন অদিন্নং আদিযতি, মুসা ভণতি, পিসুণং ভণতি, সম্ফং পলপতি, সন্ধিং ছিন্দতি, নিল্লোপং হৰতি, একাগাৰিকং কৰোতি, পৰিপন্থে তিট্ঠতি, পৰদাৰং গচ্ছতি, গামঘাতং কৰোতি, নিগমঘাতং কৰোতি. পীতিসহগতা সদ্ধা… সীলং… সুতং… চাগো… পঞ্ঞা… ৰাগো… মোহো… মানো… দিট্ঠি… পত্থনা পীতিসহগতায সদ্ধায… সীলস্স… সুতস্স… চাগস্স… পঞ্ঞায… ৰাগস্স… মোহস্স… মানস্স… দিট্ঠিযা… পত্থনায উপনিস্সযপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পীতিসহগতং সদ্ধং উপনিস্সায সুখসহগতেন চিত্তেন দানং দেতি…পে… সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পীতিসহগতং সীলং… সুতং… চাগং… পঞ্ঞং… ৰাগং… মোহং… মানং… দিট্ঠিং… পত্থনং উপনিস্সায সুখসহগতেন চিত্তেন দানং দেতি…পে… সমাপত্তিং উপ্পাদেতি. সুখসহগতেন চিত্তেন অদিন্নং আদিযতি…পে… নিগমঘাতং কৰোতি. পীতিসহগতা সদ্ধা…পে… পত্থনা সুখসহগতায সদ্ধায…পে… পত্থনায সুখসহগতস্স কাযৱিঞ্ঞাণস্স উপনিস্সযপচ্চযেন পচ্চযো. (২)

পীতিসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পীতিসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে… অভিঞ্ঞং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পীতিসহগতং সীলং…পে… পত্থনং উপনিস্সায উপেক্খাসহগতেন চিত্তেন দানং দেতি…পে… নিগমঘাতং কৰোতি. পীতিসহগতা সদ্ধা…পে… পত্থনা উপেক্খাসহগতায সদ্ধায…পে… পত্থনায উপনিস্সযপচ্চযেন পচ্চযো. (৩)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পীতিসহগতং সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… দিট্ঠিং গণ্হাতি. পীতিসহগতং সীলং…পে… পত্থনং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… নিগমঘাতং কৰোতি. পীতিসহগতা সদ্ধা…পে… পত্থনা পীতিসহগতায চ সুখসহগতায চ সদ্ধায…পে… পত্থনায উপনিস্সযপচ্চযেন পচ্চযো. (৪)

৩৪. সুখসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সুখসহগতং সদ্ধং উপনিস্সায সুখসহগতেন চিত্তেন দানং দেতি…পে… দিট্ঠিং গণ্হাতি. সুখসহগতং সীলং…পে… পত্থনং সুখসহগতং কাযৱিঞ্ঞাণং উপনিস্সায সুখসহগতেন চিত্তেন দানং দেতি…পে… নিগমঘাতং কৰোতি. সুখসহগতা সদ্ধা…পে… পত্থনা সুখসহগতং কাযৱিঞ্ঞাণং সুখসহগতায সদ্ধায…পে… পত্থনায সুখসহগতস্স কাযৱিঞ্ঞাণস্স উপনিস্সযপচ্চযেন পচ্চযো. (১)

সুখসহগতো ধম্মো পীতিসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সুখসহগতং সদ্ধং উপনিস্সায পীতিসহগতেন চিত্তেন দানং দেতি…পে… দিট্ঠিং গণ্হাতি. সুখসহগতং সীলং…পে… পত্থনং সুখসহগতং কাযৱিঞ্ঞাণং উপনিস্সায পীতিসহগতেন চিত্তেন দানং দেতি…পে… নিগমঘাতং কৰোতি. সুখসহগতা সদ্ধা…পে… পত্থনা সুখসহগতং কাযৱিঞ্ঞাণং পীতিসহগতায সদ্ধায…পে… পত্থনায উপনিস্সযপচ্চযেন পচ্চযো. (২)

সুখসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – সুখসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে… অভিঞ্ঞং উপ্পাদেতি…পে… দিট্ঠিং গণ্হাতি. সুখসহগতং সীলং…পে… পত্থনং সুখসহগতং কাযৱিঞ্ঞাণং উপনিস্সায উপেক্খাসহগতেন চিত্তেন দানং দেতি…পে… নিগমঘাতং কৰোতি. সুখসহগতা সদ্ধা…পে… পত্থনা সুখসহগতং কাযৱিঞ্ঞাণং উপেক্খাসহগতায সদ্ধায…পে… পত্থনায উপনিস্সযপচ্চযেন পচ্চযো. (৩)

সুখসহগতো ধম্মো পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো …পে…. পকতূপনিস্সযো – সুখসহগতং সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… দিট্ঠিং গণ্হাতি. সুখসহগতং সীলং…পে… পত্থনং সুখসহগতং কাযৱিঞ্ঞাণং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… নিগমঘাতং কৰোতি. সুখসহগতা সদ্ধা…পে… পত্থনা সুখসহগতং কাযৱিঞ্ঞাণং পীতিসহগতায চ সুখসহগতায চ সদ্ধায…পে… পত্থনায উপনিস্সযপচ্চযেন পচ্চযো. (৪)

৩৫. উপেক্খাসহগতো ধম্মো উপেক্খাসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – উপেক্খাসহগতং সদ্ধং উপনিস্সায উপেক্খাসহগতেন চিত্তেন দানং দেতি…পে… অভিঞ্ঞং উপ্পাদেতি…পে… দিট্ঠিং গণ্হাতি. উপেক্খাসহগতং সীলং…পে… পত্থনং উপনিস্সায উপেক্খাসহগতেন চিত্তেন দানং দেতি…পে… নিগমঘাতং কৰোতি. উপেক্খাসহগতা সদ্ধা…পে… পত্থনা উপেক্খাসহগতায সদ্ধায…পে… পত্থনায উপনিস্সযপচ্চযেন পচ্চযো. (১)

উপেক্খাসহগতো ধম্মো পীতিসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – উপেক্খাসহগতং সদ্ধং উপনিস্সায পীতিসহগতেন চিত্তেন দানং দেতি…পে… দিট্ঠিং গণ্হাতি. উপেক্খাসহগতং সীলং…পে… পত্থনং উপনিস্সায পীতিসহগতেন চিত্তেন দানং দেতি…পে… নিগমঘাতং কৰোতি. উপেক্খাসহগতা সদ্ধা…পে… পত্থনা পীতিসহগতায সদ্ধায…পে… পত্থনায উপনিস্সযপচ্চযেন পচ্চযো. (২)

উপেক্খাসহগতো ধম্মো সুখসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – উপেক্খাসহগতং সদ্ধং উপনিস্সায সুখসহগতেন চিত্তেন দানং দেতি…পে… দিট্ঠিং গণ্হাতি. উপেক্খাসহগতং সীলং…পে… পত্থনং উপনিস্সায সুখসহগতেন চিত্তেন দানং দেতি…পে… নিগমঘাতং কৰোতি. উপেক্খাসহগতা সদ্ধা…পে… পত্থনা সুখসহগতায সদ্ধায…পে… পত্থনায সুখসহগতস্স কাযৱিঞ্ঞাণস্স উপনিস্সযপচ্চযেন পচ্চযো. (৩)

উপেক্খাসহগতো ধম্মো পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – উপেক্খাসহগতং সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… দিট্ঠিং গণ্হাতি. উপেক্খাসহগতং সীলং…পে… পত্থনং উপনিস্সায পীতিসহগতেন চ সুখসহগতেন চ চিত্তেন দানং দেতি…পে… নিগমঘাতং কৰোতি. উপেক্খাসহগতা সদ্ধা…পে… পত্থনা পীতিসহগতায চ সুখসহগতায চ সদ্ধায…পে… পত্থনায উপনিস্সযপচ্চযেন পচ্চযো. (৪)

৩৬. পীতিসহগতো চ সুখসহগতো চ ধম্মা পীতিসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায পীতিসহগতেন চিত্তেন দানং দেতি…পে… দিট্ঠিং গণ্হাতি. পীতিসহগতঞ্চ সুখসহগতঞ্চ সীলং…পে… পত্থনং উপনিস্সায পীতিসহগতেন চিত্তেন দানং দেতি…পে… নিগমঘাতং কৰোতি. পীতিসহগতা চ সুখসহগতা চ সদ্ধা…পে… পত্থনা পীতিসহগতায সদ্ধায…পে… পত্থনায উপনিস্সযপচ্চযেন পচ্চযো. (১)

পীতিসহগতো চ সুখসহগতো চ ধম্মা সুখসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায সুখসহগতেন চিত্তেন দানং দেতি…পে… দিট্ঠিং গণ্হাতি. পীতিসহগতঞ্চ সুখসহগতঞ্চ সীলং…পে… পত্থনং উপনিস্সায সুখসহগতেন চিত্তেন দানং দেতি…পে… নিগমঘাতং কৰোতি. পীতিসহগতা চ সুখসহগতা চ সদ্ধা…পে… পত্থনা সুখসহগতায সদ্ধায…পে… পত্থনায সুখসহগতস্স কাযৱিঞ্ঞাণস্স উপনিস্সযপচ্চযেন পচ্চযো. (২)

পীতিসহগতো চ সুখসহগতো চ ধম্মা উপেক্খাসহগতস্স ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায উপেক্খাসহগতেন চিত্তেন দানং দেতি …পে… অভিঞ্ঞং উপ্পাদেতি…পে… দিট্ঠিং গণ্হাতি. পীতিসহগতঞ্চ সুখসহগতঞ্চ সীলং…পে… পত্থনং উপনিস্সায উপেক্খাসহগতেন চিত্তেন দানং দেতি…পে… নিগমঘাতং কৰোতি. পীতিসহগতা চ সুখসহগতা চ সদ্ধা…পে… পত্থনা উপেক্খাসহগতায সদ্ধায…পে… পত্থনায উপনিস্সযপচ্চযেন পচ্চযো. (৩)

পীতিসহগতো চ সুখসহগতো চ ধম্মা পীতিসহগতস্স চ সুখসহগতস্স চ ধম্মস্স উপনিস্সযপচ্চযেন পচ্চযো – আৰম্মণূপনিস্সযো, অনন্তৰূপনিস্সযো, পকতূপনিস্সযো…পে…. পকতূপনিস্সযো – পীতিসহগতঞ্চ সুখসহগতঞ্চ সদ্ধং উপনিস্সায পীতিসহগতেন চ সুখসহগতেন চ চিত্তেন দানং দেতি, সীলং সমাদিযতি, উপোসথকম্মং কৰোতি. পীতিসহগতঞ্চ সুখসহগতঞ্চ ঝানং উপ্পাদেতি, ৱিপস্সনং উপ্পাদেতি, মগ্গং উপ্পাদেতি, সমাপত্তিং উপ্পাদেতি, মানং জপ্পেতি, দিট্ঠিং গণ্হাতি. পীতিসহগতঞ্চ সুখসহগতঞ্চ সীলং… সুতং… চাগং… পঞ্ঞং… ৰাগং… মোহং… মানং… দিট্ঠিং… পত্থনং উপনিস্সায পীতিসহগতেন চ সুখসহগতেন চ চিত্তেন দানং দেতি, সীলং সমাদিযতি, উপোসথকম্মং কৰোতি. পীতিসহগতঞ্চ সুখসহগতঞ্চ ঝানং উপ্পাদেতি…পে… সমাপত্তিং উপ্পাদেতি. পীতিসহগতেন চ সুখসহগতেন চ চিত্তেন অদিন্নং আদিযতি, মুসা ভণতি, পিসুণং ভণতি, সম্ফং পলপতি, সন্ধিং ছিন্দতি, নিল্লোপং হৰতি, একাগাৰিকং কৰোতি, পৰিপন্থে তিট্ঠতি, পৰদাৰং গচ্ছতি, গামঘাতং কৰোতি, নিগমঘাতং কৰোতি. পীতিসহগতা চ সুখসহগতা চ সদ্ধা…পে… পত্থনা পীতিসহগতায চ সুখসহগতায চ সদ্ধায…পে… পত্থনায উপনিস্সযপচ্চযেন পচ্চযো. (৪)

আসেৱনপচ্চযো

৩৭. পীতিসহগতো ধম্মো পীতিসহগতস্স ধম্মস্স আসেৱনপচ্চযেন পচ্চযো – পুৰিমা পুৰিমা পীতিসহগতা খন্ধা পচ্ছিমানং পচ্ছিমানং পীতিসহগতানং খন্ধানং আসেৱনপচ্চযেন পচ্চযো. পীতিসহগতং অনুলোমং পীতিসহগতস্স গোত্ৰভুস্স… অনুলোমং ৱোদানস্স… গোত্ৰভু মগ্গস্স… ৱোদানং মগ্গস্স আসেৱনপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স আসেৱনপচ্চযেন পচ্চযো – পুৰিমা পুৰিমা পীতিসহগতা খন্ধা পচ্ছিমানং পচ্ছিমানং সুখসহগতানং খন্ধানং আসেৱনপচ্চযেন পচ্চযো. পীতিসহগতং অনুলোমং সুখসহগতস্স গোত্ৰভুস্স আসেৱনপচ্চযেন পচ্চযো. পীতিসহগতং অনুলোমং সুখসহগতস্স ৱোদানস্স আসেৱনপচ্চযেন পচ্চযো. পীতিসহগতং গোত্ৰভু সুখসহগতস্স মগ্গস্স… পীতিসহগতং ৱোদানং সুখসহগতস্স মগ্গস্স আসেৱনপচ্চযেন পচ্চযো. (২)

পীতিসহগতো ধম্মো পীতিসহগতস্স চ সুখসহগতস্স চ ধম্মস্স আসেৱনপচ্চযেন পচ্চযো – পুৰিমা পুৰিমা পীতিসহগতা খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ আসেৱনপচ্চযেন পচ্চযো…পে… পীতিসহগতং ৱোদানং পীতিসহগতস্স চ সুখসহগতস্স চ মগ্গস্স আসেৱনপচ্চযেন পচ্চযো. (৩)

৩৮. সুখসহগতো ধম্মো সুখসহগতস্স ধম্মস্স…পে… পীতিসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স আসেৱনপচ্চযেন পচ্চযো (সংখিত্তং. পীতিনযং পস্সিত্ৱা কাতব্বং).

উপেক্খাসহগতো ধম্মো উপেক্খাসহগতস্স ধম্মস্স আসেৱনপচ্চযেন পচ্চযো – পুৰিমা পুৰিমা উপেক্খাসহগতা খন্ধা পচ্ছিমানং পচ্ছিমানং উপেক্খাসহগতানং খন্ধানং…পে… উপেক্খাসহগতং ৱোদানং উপেক্খাসহগতস্স মগ্গস্স আসেৱনপচ্চযেন পচ্চযো. (১)

৩৯. পীতিসহগতো চ সুখসহগতো চ ধম্মা পীতিসহগতস্স ধম্মস্স…পে… সুখসহগতস্স ধম্মস্স…পে… পীতিসহগতস্স চ সুখসহগতস্স চ ধম্মস্স আসেৱনপচ্চযেন পচ্চযো – পুৰিমা পুৰিমা পীতিসহগতা চ সুখসহগতা চ খন্ধা পচ্ছিমানং পচ্ছিমানং পীতিসহগতানঞ্চ সুখসহগতানঞ্চ খন্ধানং আসেৱনপচ্চযেন পচ্চযো…পে… পীতিসহগতঞ্চ সুখসহগতঞ্চ ৱোদানং পীতিসহগতস্স চ সুখসহগতস্স চ মগ্গস্স আসেৱনপচ্চযেন পচ্চযো. (৩)

কম্মপচ্চযো

৪০. পীতিসহগতো ধম্মো পীতিসহগতস্স ধম্মস্স কম্মপচ্চযেন পচ্চযো – সহজাতা, নানাক্খণিকা [নানাখণিকা (স্যা. ক.)]. সহজাতা – পীতিসহগতা চেতনা সম্পযুত্তকানং খন্ধানং কম্মপচ্চযেন পচ্চযো. পটিসন্ধিক্খণে পীতিসহগতা চেতনা সম্পযুত্তকানং খন্ধানং কম্মপচ্চযেন পচ্চযো. নানাক্খণিকা – পীতিসহগতা চেতনা ৱিপাকানং পীতিসহগতানং খন্ধানং কম্মপচ্চযেন পচ্চযো. (১)

পীতিসহগতো ধম্মো সুখসহগতস্স ধম্মস্স কম্মপচ্চযেন পচ্চযো – সহজাতা, নানাক্খণিকা. সহজাতা – পীতিসহগতা চেতনা সম্পযুত্তকানং সুখসহগতানং খন্ধানং কম্মপচ্চযেন পচ্চযো. পটিসন্ধিক্খণে পীতিসহগতা চেতনা সম্পযুত্তকানং সুখসহগতানং খন্ধানং কম্মপচ্চযেন পচ্চযো. নানাক্খণিকা – পীতিসহগতা চেতনা ৱিপাকানং সুখসহগতানং খন্ধানং কম্মপচ্চযেন পচ্চযো. (২)