১. ৱিভঙ্গৱাৰো

হেতুপচ্চযো

৬৬. সৱিতক্কসৱিচাৰো ধম্মো সৱিতক্কসৱিচাৰস্স ধম্মস্স হেতুপচ্চযেন পচ্চযো – সৱিতক্কসৱিচাৰা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে…পে…. (১)

সৱিতক্কসৱিচাৰো ধম্মো অৱিতক্কৱিচাৰমত্তস্স ধম্মস্স হেতুপচ্চযেন পচ্চযো – সৱিতক্কসৱিচাৰা হেতূ ৱিতক্কস্স হেতুপচ্চযেন পচ্চযো. পটিসন্ধিক্খণে…পে…. (২)

সৱিতক্কসৱিচাৰো ধম্মো অৱিতক্কঅৱিচাৰস্স ধম্মস্স হেতুপচ্চযেন পচ্চযো – সৱিতক্কসৱিচাৰা হেতূ চিত্তসমুট্ঠানানং ৰূপানং হেতুপচ্চযেন পচ্চযো. পটিসন্ধিক্খণে সৱিতক্কসৱিচাৰা হেতূ কটত্তাৰূপানং হেতুপচ্চযেন পচ্চযো. (৩)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কঅৱিচাৰস্স চ ধম্মস্স হেতুপচ্চযেন পচ্চযো – সৱিতক্কসৱিচাৰা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে সৱিতক্কসৱিচাৰা হেতূ সম্পযুত্তকানং খন্ধানং কটত্তা চ ৰূপানং হেতুপচ্চযেন পচ্চযো. (৪)

সৱিতক্কসৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স হেতুপচ্চযেন পচ্চযো – সৱিতক্কসৱিচাৰা হেতূ ৱিতক্কস্স চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে সৱিতক্কসৱিচাৰা হেতূ ৱিতক্কস্স কটত্তা চ ৰূপানং হেতুপচ্চযেন পচ্চযো. (৫)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স হেতুপচ্চযেন পচ্চযো – সৱিতক্কসৱিচাৰা হেতূ সম্পযুত্তকানং খন্ধানং ৱিতক্কস্স চ হেতুপচ্চযেন পচ্চযো. পটিসন্ধিক্খণে সৱিতক্কসৱিচাৰা হেতূ সম্পযুত্তকানং খন্ধানং ৱিতক্কস্স চ হেতুপচ্চযেন পচ্চযো. (৬)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স হেতুপচ্চযেন পচ্চযো – সৱিতক্কসৱিচাৰা হেতূ সম্পযুত্তকানং খন্ধানং ৱিতক্কস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে সৱিতক্কসৱিচাৰা হেতূ সম্পযুত্তকানং খন্ধানং ৱিতক্কস্স চ কটত্তা চ ৰূপানং হেতুপচ্চযেন পচ্চযো. (৭)

৬৭. অৱিতক্কৱিচাৰমত্তো ধম্মো অৱিতক্কৱিচাৰমত্তস্স ধম্মস্স হেতুপচ্চযেন পচ্চযো – অৱিতক্কৱিচাৰমত্তা হেতূ সম্পযুত্তকানং খন্ধানং হেতুপচ্চযেন পচ্চযো. পটিসন্ধিক্খণে অৱিতক্কৱিচাৰমত্তা হেতূ সম্পযুত্তকানং খন্ধানং হেতুপচ্চযেন পচ্চযো. (১)

অৱিতক্কৱিচাৰমত্তো ধম্মো অৱিতক্কঅৱিচাৰস্স ধম্মস্স হেতুপচ্চযেন পচ্চযো – অৱিতক্কৱিচাৰমত্তা হেতূ ৱিচাৰস্স চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে অৱিতক্কৱিচাৰমত্তা হেতূ ৱিচাৰস্স চ কটত্তা চ ৰূপানং হেতুপচ্চযেন পচ্চযো. (২)

অৱিতক্কৱিচাৰমত্তো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স হেতুপচ্চযেন পচ্চযো – অৱিতক্কৱিচাৰমত্তা হেতূ সম্পযুত্তকানং খন্ধানং ৱিচাৰস্স চ চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে অৱিতক্কৱিচাৰমত্তা হেতূ সম্পযুত্তকানং খন্ধানং ৱিচাৰস্স চ কটত্তা চ ৰূপানং হেতুপচ্চযেন পচ্চযো. (৩)

৬৮. অৱিতক্কঅৱিচাৰো ধম্মো অৱিতক্কঅৱিচাৰস্স ধম্মস্স হেতুপচ্চযেন পচ্চযো – অৱিতক্কঅৱিচাৰা হেতূ সম্পযুত্তকানং খন্ধানং চিত্তসমুট্ঠানানঞ্চ ৰূপানং হেতুপচ্চযেন পচ্চযো. পটিসন্ধিক্খণে অৱিতক্কঅৱিচাৰা হেতূ সম্পযুত্তকানং খন্ধানং কটত্তা চ ৰূপানং হেতুপচ্চযেন পচ্চযো. (১)

আৰম্মণপচ্চযো

৬৯. সৱিতক্কসৱিচাৰো ধম্মো সৱিতক্কসৱিচাৰস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি; পুব্বে সুচিণ্ণানি পচ্চৱেক্খতি; সৱিতক্কসৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং পচ্চৱেক্খতি. অৰিযা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. সৱিতক্কসৱিচাৰে খন্ধে অনিচ্চতো দুক্খতো অনত্ততো ৱিপস্সন্তি অস্সাদেন্তি অভিনন্দন্তি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. সৱিতক্কসৱিচাৰে খন্ধে আৰব্ভ সৱিতক্কসৱিচাৰা খন্ধা উপ্পজ্জন্তি. (১)

সৱিতক্কসৱিচাৰো ধম্মো অৱিতক্কৱিচাৰমত্তস্স ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি; তং আৰব্ভ ৱিতক্কো উপ্পজ্জতি. পুব্বে সুচিণ্ণানি পচ্চৱেক্খতি; সৱিতক্কসৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং পচ্চৱেক্খতি; তং আৰব্ভ ৱিতক্কো উপ্পজ্জতি. অৰিযা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. সৱিতক্কসৱিচাৰে খন্ধে অনিচ্চতো দুক্খতো অনত্ততো ৱিপস্সন্তি অস্সাদেন্তি অভিনন্দন্তি; তং আৰব্ভ ৱিতক্কো উপ্পজ্জতি. সৱিতক্কসৱিচাৰে খন্ধে আৰব্ভ ৱিতক্কো উপ্পজ্জতি. (২)

সৱিতক্কসৱিচাৰো ধম্মো অৱিতক্কঅৱিচাৰস্স ধম্মস্স আৰম্মণপচ্চযেন পচ্চযো – চেতোপৰিযঞাণেন সৱিতক্কসৱিচাৰচিত্তসমঙ্গিস্স চিত্তং জানাতি; সৱিতক্কসৱিচাৰা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো. সৱিতক্কসৱিচাৰে খন্ধে আৰব্ভ অৱিতক্কঅৱিচাৰা খন্ধা উপ্পজ্জন্তি. (৩)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স আৰম্মণপচ্চযেন পচ্চযো – দানং দত্ৱা সীলং সমাদিযিত্ৱা উপোসথকম্মং কত্ৱা তং পচ্চৱেক্খতি; তং আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. পুব্বে সুচিণ্ণানি পচ্চৱেক্খতি; সৱিতক্কসৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং পচ্চৱেক্খতি; তং আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. অৰিযা পহীনে কিলেসে পচ্চৱেক্খন্তি, ৱিক্খম্ভিতে কিলেসে পচ্চৱেক্খন্তি, পুব্বে সমুদাচিণ্ণে কিলেসে জানন্তি. সৱিতক্কসৱিচাৰে খন্ধে অনিচ্চতো দুক্খতো অনত্ততো ৱিপস্সন্তি অস্সাদেন্তি অভিনন্দন্তি; তং আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. সৱিতক্কসৱিচাৰে খন্ধে আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. (৪)

৭০. অৱিতক্কৱিচাৰমত্তো ধম্মো অৱিতক্কৱিচাৰমত্তস্স ধম্মস্স আৰম্মণপচ্চযেন পচ্চযো – অৱিতক্কৱিচাৰমত্তা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং পচ্চৱেক্খতি; তং আৰব্ভ ৱিতক্কো উপ্পজ্জতি. অৱিতক্কৱিচাৰমত্তে খন্ধে চ ৱিতক্কঞ্চ অনিচ্চতো দুক্খতো অনত্ততো ৱিপস্সতি অস্সাদেতি অভিনন্দতি; তং আৰব্ভ ৱিতক্কো উপ্পজ্জতি. অৱিতক্কৱিচাৰমত্তে খন্ধে চ ৱিতক্কঞ্চ আৰব্ভ ৱিতক্কো উপ্পজ্জতি. (১)

অৱিতক্কৱিচাৰমত্তো ধম্মো সৱিতক্কসৱিচাৰস্স ধম্মস্স আৰম্মণপচ্চযেন পচ্চযো – অৱিতক্কৱিচাৰমত্তা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং পচ্চৱেক্খন্তি; তং আৰব্ভ সৱিতক্কসৱিচাৰা খন্ধা উপ্পজ্জন্তি. অৱিতক্কৱিচাৰমত্তে খন্ধে চ ৱিতক্কঞ্চ অনিচ্চতো দুক্খতো অনত্ততো ৱিপস্সতি অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. অৱিতক্কৱিচাৰমত্তে খন্ধে চ ৱিতক্কঞ্চ আৰব্ভ সৱিতক্কসৱিচাৰা খন্ধা উপ্পজ্জন্তি. (২)

অৱিতক্কৱিচাৰমত্তো ধম্মো অৱিতক্কঅৱিচাৰস্স ধম্মস্স আৰম্মণপচ্চযেন পচ্চযো – চেতোপৰিযঞাণেন অৱিতক্কৱিচাৰমত্তচিত্তসমঙ্গিস্স চিত্তং জানাতি. অৱিতক্কৱিচাৰমত্তা খন্ধা চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো. অৱিতক্কৱিচাৰমত্তে খন্ধে চ ৱিতক্কঞ্চ আৰব্ভ অৱিতক্কঅৱিচাৰা খন্ধা উপ্পজ্জন্তি. (৩)

অৱিতক্কৱিচাৰমত্তো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স আৰম্মণপচ্চযেন পচ্চযো – অৱিতক্কৱিচাৰমত্তা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং পচ্চৱেক্খতি; তং আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. অৱিতক্কৱিচাৰমত্তে খন্ধে চ ৱিতক্কঞ্চ অনিচ্চতো দুক্খতো অনত্ততো ৱিপস্সতি অস্সাদেতি অভিনন্দতি; তং আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. অৱিতক্কৱিচাৰমত্তে খন্ধে চ ৱিতক্কঞ্চ আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. (৪)

৭১. অৱিতক্কঅৱিচাৰো ধম্মো অৱিতক্কঅৱিচাৰস্স ধম্মস্স আৰম্মণপচ্চযেন পচ্চযো – নিব্বানং অৱিতক্কঅৱিচাৰস্স মগ্গস্স ফলস্স ৱিচাৰস্স চ আৰম্মণপচ্চযেন পচ্চযো. দিব্বেন চক্খুনা ৰূপং পস্সতি, দিব্বায সোতধাতুযা সদ্দং সুণাতি, চেতোপৰিযঞাণেন অৱিতক্কঅৱিচাৰচিত্তসমঙ্গিস্স চিত্তং জানাতি. আকাসানঞ্চাযতনং ৱিঞ্ঞাণঞ্চাযতনস্স…পে… আকিঞ্চঞ্ঞাযতনং নেৱসঞ্ঞানাসঞ্ঞাযতনস্স আৰম্মণপচ্চযেন পচ্চযো. ৰূপাযতনং চক্খুৱিঞ্ঞাণস্স…পে… ফোট্ঠব্বাযতনং কাযৱিঞ্ঞাণস্স আৰম্মণপচ্চযেন পচ্চযো. অৱিতক্কঅৱিচাৰা খন্ধা ইদ্ধিৱিধঞাণস্স, চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো. অৱিতক্কঅৱিচাৰে খন্ধে চ ৱিচাৰঞ্চ আৰব্ভ অৱিতক্কঅৱিচাৰা খন্ধা উপ্পজ্জন্তি. (১)

অৱিতক্কঅৱিচাৰো ধম্মো সৱিতক্কসৱিচাৰস্স ধম্মস্স আৰম্মণপচ্চযেন পচ্চযো – অৰিযা অৱিতক্কঅৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং পচ্চৱেক্খন্তি; তং আৰব্ভ সৱিতক্কসৱিচাৰা খন্ধা উপ্পজ্জন্তি. অৰিযা নিব্বানং পচ্চৱেক্খন্তি, নিব্বানং গোত্ৰভুস্স ৱোদানস্স সৱিতক্কসৱিচাৰস্স মগ্গস্স ফলস্স আৱজ্জনায আৰম্মণপচ্চযেন পচ্চযো. চক্খুং অনিচ্চতো দুক্খতো অনত্ততো ৱিপস্সতি অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. সোতং… ঘানং … জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং… অৱিতক্কঅৱিচাৰে খন্ধে চ ৱিচাৰঞ্চ অনিচ্চতো দুক্খতো অনত্ততো ৱিপস্সতি অস্সাদেতি অভিনন্দতি; তং আৰব্ভ ৰাগো উপ্পজ্জতি…পে… দোমনস্সং উপ্পজ্জতি. অৱিতক্কঅৱিচাৰে খন্ধে চ ৱিচাৰঞ্চ আৰব্ভ সৱিতক্কসৱিচাৰা খন্ধা উপ্পজ্জন্তি. (২)

অৱিতক্কঅৱিচাৰো ধম্মো অৱিতক্কৱিচাৰমত্তস্স ধম্মস্স আৰম্মণপচ্চযেন পচ্চযো – অৰিযা অৱিতক্কঅৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং পচ্চৱেক্খন্তি; তং আৰব্ভ ৱিতক্কো উপ্পজ্জতি. অৰিযা নিব্বানং পচ্চৱেক্খন্তি, নিব্বানং অৱিতক্কৱিচাৰমত্তস্স মগ্গস্স ফলস্স ৱিতক্কস্স চ আৰম্মণপচ্চযেন পচ্চযো. চক্খুং অনিচ্চতো দুক্খতো অনত্ততো…পে… ৱত্থুং… অৱিতক্কঅৱিচাৰে খন্ধে চ ৱিচাৰঞ্চ অনিচ্চতো দুক্খতো অনত্ততো ৱিপস্সতি অস্সাদেতি অভিনন্দতি; তং আৰব্ভ ৱিতক্কো উপ্পজ্জতি. অৱিতক্কঅৱিচাৰে খন্ধে চ ৱিচাৰঞ্চ আৰব্ভ ৱিতক্কো উপ্পজ্জতি. (৩)

অৱিতক্কঅৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স আৰম্মণপচ্চযেন পচ্চযো – নিব্বানং অৱিতক্কৱিচাৰমত্তস্স মগ্গস্স ফলস্স ৱিচাৰস্স চ আৰম্মণপচ্চযেন পচ্চযো. (৪)

অৱিতক্কঅৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স আৰম্মণপচ্চযেন পচ্চযো – অৰিযা অৱিতক্কঅৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং পচ্চৱেক্খন্তি; তং আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. অৰিযা নিব্বানং পচ্চৱেক্খন্তি, নিব্বানং গোত্ৰভুস্স ৱিতক্কস্স চ ৱোদানস্স ৱিতক্কস্স চ সৱিতক্কসৱিচাৰস্স মগ্গস্স ৱিতক্কস্স চ সৱিতক্কসৱিচাৰস্স ফলস্স ৱিতক্কস্স চ আৱজ্জনায ৱিতক্কস্স চ আৰম্মণপচ্চযেন পচ্চযো. চক্খুং অনিচ্চতো দুক্খতো অনত্ততো ৱিপস্সতি অস্সাদেতি অভিনন্দতি; তং আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. সোতং…পে… ফোট্ঠব্বং… ৱত্থুং… অৱিতক্কঅৱিচাৰে খন্ধে চ ৱিচাৰঞ্চ অনিচ্চতো দুক্খতো অনত্ততো ৱিপস্সতি অস্সাদেতি অভিনন্দতি; তং আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. (৫)

৭২. অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স আৰম্মণপচ্চযেন পচ্চযো – অৱিতক্কৱিচাৰমত্তে খন্ধে চ ৱিচাৰঞ্চ আৰব্ভ সৱিতক্কসৱিচাৰা খন্ধা উপ্পজ্জন্তি. (১)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স আৰম্মণপচ্চযেন পচ্চযো – অৱিতক্কৱিচাৰমত্তে খন্ধে চ ৱিচাৰঞ্চ আৰব্ভ ৱিতক্কো উপ্পজ্জতি. (২)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কঅৱিচাৰস্স ধম্মস্স আৰম্মণপচ্চযেন পচ্চযো – অৱিতক্কৱিচাৰমত্তা খন্ধা চ ৱিচাৰো চ চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো. অৱিতক্কৱিচাৰমত্তে খন্ধে চ ৱিচাৰঞ্চ আৰব্ভ অৱিতক্কঅৱিচাৰা খন্ধা উপ্পজ্জন্তি. (৩)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স আৰম্মণপচ্চযেন পচ্চযো – অৱিতক্কৱিচাৰমত্তে খন্ধে চ ৱিচাৰঞ্চ আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. (৪)

৭৩. সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স আৰম্মণপচ্চযেন পচ্চযো – সৱিতক্কসৱিচাৰে খন্ধে চ ৱিতক্কঞ্চ আৰব্ভ সৱিতক্কসৱিচাৰা খন্ধা উপ্পজ্জন্তি. (১)

সৱিতক্কসৱিচাৰো চ অৱিতক্কৱিচাৰমত্তো চ ধম্মা অৱিতক্কৱিচাৰমত্তস্স আৰম্মণপচ্চযেন পচ্চযো – সৱিতক্কসৱিচাৰে খন্ধে চ ৱিতক্কঞ্চ আৰব্ভ ৱিতক্কো উপ্পজ্জতি. (২)

সৱিতক্কসৱিচাৰো চ অৱিতক্কৱিচাৰমত্তো চ ধম্মা অৱিতক্কঅৱিচাৰস্স ধম্মস্স আৰম্মণপচ্চযেন পচ্চযো – সৱিতক্কসৱিচাৰা খন্ধা চ ৱিতক্কো চ চেতোপৰিযঞাণস্স, পুব্বেনিৱাসানুস্সতিঞাণস্স, যথাকম্মূপগঞাণস্স, অনাগতংসঞাণস্স আৰম্মণপচ্চযেন পচ্চযো. সৱিতক্কসৱিচাৰে খন্ধে চ ৱিতক্কঞ্চ আৰব্ভ অৱিতক্কঅৱিচাৰা খন্ধা উপ্পজ্জন্তি. (৩)

সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স আৰম্মণপচ্চযেন পচ্চযো – সৱিতক্কসৱিচাৰে খন্ধে চ ৱিতক্কঞ্চ আৰব্ভ সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. (৪)

অধিপতিপচ্চযো

৭৪. সৱিতক্কসৱিচাৰো ধম্মো সৱিতক্কসৱিচাৰস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা পচ্চৱেক্খতি; পুব্বে সুচিণ্ণানি গৰুং কত্ৱা পচ্চৱেক্খতি. সৱিতক্কসৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং গৰুং কত্ৱা পচ্চৱেক্খতি. সৱিতক্কসৱিচাৰে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সহজাতাধিপতি – সৱিতক্কসৱিচাৰা অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

সৱিতক্কসৱিচাৰো ধম্মো অৱিতক্কৱিচাৰমত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা উপোসথকম্মং কত্ৱা তং গৰুং কত্ৱা পচ্চৱেক্খতি; তং গৰুং কত্ৱা ৱিতক্কো উপ্পজ্জতি. পুব্বে সুচিণ্ণানি গৰুং কত্ৱা পচ্চৱেক্খতি. সৱিতক্কসৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং গৰুং কত্ৱা পচ্চৱেক্খন্তি; তং গৰুং কত্ৱা ৱিতক্কো উপ্পজ্জতি. সৱিতক্কসৱিচাৰে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা ৱিতক্কো উপ্পজ্জতি. সহজাতাধিপতি – সৱিতক্কসৱিচাৰা অধিপতি ৱিতক্কস্স অধিপতিপচ্চযেন পচ্চযো. (২)

সৱিতক্কসৱিচাৰো ধম্মো অৱিতক্কঅৱিচাৰস্স ধম্মস্স অধিপতিপচ্চযেন পচ্চযো. সহজাতাধিপতি – সৱিতক্কসৱিচাৰা অধিপতি চিত্তসমুট্ঠানানং ৰূপানং অধিপতিপচ্চযেন পচ্চযো. (৩)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কঅৱিচাৰস্স চ ধম্মস্স অধিপতিপচ্চযেন পচ্চযো. সহজাতাধিপতি – সৱিতক্কসৱিচাৰা অধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৪)

সৱিতক্কসৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অধিপতিপচ্চযেন পচ্চযো. সহজাতাধিপতি – সৱিতক্কসৱিচাৰা অধিপতি ৱিতক্কস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৫)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অধিপতিপচ্চযেন পচ্চযো – আৰম্মণাধিপতি সহজাতাধিপতি. আৰম্মণাধিপতি – দানং দত্ৱা সীলং সমাদিযিত্ৱা, উপোসথকম্মং কত্ৱা তং গৰুং কত্ৱা পচ্চৱেক্খতি; তং গৰুং কত্ৱা সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. পুব্বে সুচিণ্ণানি গৰুং কত্ৱা পচ্চৱেক্খতি, সৱিতক্কসৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং গৰুং কত্ৱা পচ্চৱেক্খতি; তং গৰুং কত্ৱা সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. সৱিতক্কসৱিচাৰে খন্ধে গৰুং কত্ৱা অস্সাদেতি অভিনন্দতি; তং গৰুং কত্ৱা সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. সহজাতাধিপতি – সৱিতক্কসৱিচাৰা অধিপতি সম্পযুত্তকানং খন্ধানং ৱিতক্কস্স চ অধিপতিপচ্চযেন পচ্চযো. (৬)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অধিপতিপচ্চযেন পচ্চযো. সহজাতাধিপতি – সৱিতক্কসৱিচাৰা অধিপতি সম্পযুত্তকানং খন্ধানং ৱিতক্কস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৭)

৭৫. অৱিতক্কৱিচাৰমত্তো ধম্মো অৱিতক্কৱিচাৰমত্তস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – অৱিতক্কৱিচাৰমত্তা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং গৰুং কত্ৱা পচ্চৱেক্খতি; তং গৰুং কত্ৱা ৱিতক্কো উপ্পজ্জতি. অৱিতক্কৱিচাৰমত্তে খন্ধে চ ৱিতক্কঞ্চ গৰুং কত্ৱা অস্সাদেতি অভিনন্দতি; তং গৰুং কত্ৱা ৱিতক্কো উপ্পজ্জতি. সহজাতাধিপতি – অৱিতক্কৱিচাৰমত্তা অধিপতি সম্পযুত্তকানং খন্ধানং অধিপতিপচ্চযেন পচ্চযো. (১)

অৱিতক্কৱিচাৰমত্তো ধম্মো সৱিতক্কসৱিচাৰস্স ধম্মস্স অধিপতিপচ্চযেন পচ্চযো. আৰম্মণাধিপতি – অৱিতক্কৱিচাৰমত্তা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং গৰুং কত্ৱা পচ্চৱেক্খতি; তং গৰুং কত্ৱা সৱিতক্কসৱিচাৰা খন্ধা উপ্পজ্জন্তি. অৱিতক্কৱিচাৰমত্তে খন্ধে চ ৱিতক্কঞ্চ গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (২)

অৱিতক্কৱিচাৰমত্তো ধম্মো অৱিতক্কঅৱিচাৰস্স ধম্মস্স অধিপতিপচ্চযেন পচ্চযো. সহজাতাধিপতি – অৱিতক্কৱিচাৰমত্তা অধিপতি ৱিচাৰস্স চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৩)

অৱিতক্কৱিচাৰমত্তো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অধিপতিপচ্চযেন পচ্চযো. সহজাতাধিপতি – অৱিতক্কৱিচাৰমত্তা অধিপতি সম্পযুত্তকানং খন্ধানং ৱিচাৰস্স চ চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (৪)

অৱিতক্কৱিচাৰমত্তো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অধিপতিপচ্চযেন পচ্চযো. আৰম্মণাধিপতি – অৱিতক্কৱিচাৰমত্তা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং গৰুং কত্ৱা পচ্চৱেক্খতি; তং গৰুং কত্ৱা সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. অৱিতক্কৱিচাৰমত্তে খন্ধে চ ৱিতক্কঞ্চ গৰুং কত্ৱা অস্সাদেতি অভিনন্দতি; তং গৰুং কত্ৱা সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. (৫)

৭৬. অৱিতক্কঅৱিচাৰো ধম্মো অৱিতক্কঅৱিচাৰস্স ধম্মস্স অধিপতিপচ্চযেন পচ্চযো – আৰম্মণাধিপতি, সহজাতাধিপতি. আৰম্মণাধিপতি – নিব্বানং অৱিতক্কঅৱিচাৰস্স মগ্গস্স ফলস্স ৱিচাৰস্স চ অধিপতিপচ্চযেন পচ্চযো. সহজাতাধিপতি – অৱিতক্কঅৱিচাৰা অধিপতি সম্পযুত্তকানং খন্ধানং চিত্তসমুট্ঠানানঞ্চ ৰূপানং অধিপতিপচ্চযেন পচ্চযো. (১)

অৱিতক্কঅৱিচাৰো ধম্মো সৱিতক্কসৱিচাৰস্স ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা অৱিতক্কঅৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং গৰুং কত্ৱা পচ্চৱেক্খন্তি; তং গৰুং কত্ৱা সৱিতক্কসৱিচাৰা খন্ধা উপ্পজ্জন্তি, অৰিযা নিব্বানং গৰুং কত্ৱা পচ্চৱেক্খন্তি; নিব্বানং গোত্ৰভুস্স ৱোদানস্স সৱিতক্কসৱিচাৰস্স মগ্গস্স ফলস্স অধিপতিপচ্চযেন পচ্চযো. চক্খুং গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. সোতং… ঘানং… জিৱ্হং… কাযং… ৰূপে… সদ্দে… গন্ধে… ৰসে… ফোট্ঠব্বে… ৱত্থুং… অৱিতক্কঅৱিচাৰে খন্ধে চ ৱিচাৰঞ্চ গৰুং কত্ৱা অস্সাদেতি অভিনন্দতি; তং গৰুং কত্ৱা ৰাগো উপ্পজ্জতি, দিট্ঠি উপ্পজ্জতি. (২)

অৱিতক্কঅৱিচাৰো ধম্মো অৱিতক্কৱিচাৰমত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা অৱিতক্কঅৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং গৰুং কত্ৱা পচ্চৱেক্খন্তি; তং গৰুং কত্ৱা ৱিতক্কো উপ্পজ্জতি, অৰিযা নিব্বানং গৰুং কত্ৱা পচ্চৱেক্খন্তি; নিব্বানং অৱিতক্কৱিচাৰমত্তস্স মগ্গস্স ফলস্স ৱিতক্কস্স চ অধিপতিপচ্চযেন পচ্চযো. চক্খুং…পে… ৱত্থুং… অৱিতক্কঅৱিচাৰে খন্ধে চ ৱিচাৰঞ্চ গৰুং কত্ৱা অস্সাদেতি অভিনন্দতি; তং গৰুং কত্ৱা ৱিতক্কো উপ্পজ্জতি. (৩)

অৱিতক্কঅৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অধিপতিপচ্চযেন পচ্চযো. আৰম্মণাধিপতি – নিব্বানং অৱিতক্কৱিচাৰমত্তস্স মগ্গস্স ফলস্স ৱিচাৰস্স চ অধিপতিপচ্চযেন পচ্চযো. (৪)

অৱিতক্কঅৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অধিপতিপচ্চযেন পচ্চযো. আৰম্মণাধিপতি – অৰিযা অৱিতক্কঅৱিচাৰা ঝানা ৱুট্ঠহিত্ৱা, মগ্গা ৱুট্ঠহিত্ৱা, ফলা ৱুট্ঠহিত্ৱা ফলং গৰুং কত্ৱা পচ্চৱেক্খন্তি; তং গৰুং কত্ৱা সৱিতক্কসৱিচাৰা খন্ধা চ ৱিতক্কো চ উপ্পজ্জন্তি, অৰিযা নিব্বানং গৰুং কত্ৱা পচ্চৱেক্খন্তি; নিব্বানং গোত্ৰভুস্স ৱিতক্কস্স চ ৱোদানস্স ৱিতক্কস্স চ সৱিতক্কসৱিচাৰস্স মগ্গস্স ৱিতক্কস্স চ সৱিতক্কসৱিচাৰস্স ফলস্স ৱিতক্কস্স চ অধিপতিপচ্চযেন পচ্চযো. চক্খুং গৰুং কত্ৱা…পে… ৱত্থুং… অৱিতক্কঅৱিচাৰে খন্ধে চ ৱিচাৰঞ্চ গৰুং কত্ৱা অস্সাদেতি অভিনন্দতি; তং গৰুং কত্ৱা সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. (৫)

৭৭. অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স ধম্মস্স অধিপতিপচ্চযেন পচ্চযো. আৰম্মণাধিপতি – অৱিতক্কৱিচাৰমত্তে খন্ধে চ ৱিচাৰঞ্চ গৰুং কত্ৱা সৱিতক্কসৱিচাৰা খন্ধা উপ্পজ্জন্তি. (১)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – অৱিতক্কৱিচাৰমত্তে খন্ধে চ ৱিচাৰঞ্চ গৰুং কত্ৱা ৱিতক্কো উপ্পজ্জতি. (২)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অধিপতিপচ্চযেন পচ্চযো. আৰম্মণাধিপতি – অৱিতক্কৱিচাৰমত্তে খন্ধে চ ৱিচাৰঞ্চ গৰুং কত্ৱা সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. (৩)

৭৮. সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স ধম্মস্স অধিপতিপচ্চযেন পচ্চযো. আৰম্মণাধিপতি – সৱিতক্কসৱিচাৰে খন্ধে চ ৱিতক্কঞ্চ গৰুং কত্ৱা সৱিতক্কসৱিচাৰা খন্ধা উপ্পজ্জন্তি. (১)

সৱিতক্কসৱিচাৰো চ অৱিতক্কৱিচাৰমত্তো চ ধম্মা অৱিতক্কৱিচাৰমত্তস্স ধম্মস্স অধিপতিপচ্চযেন পচ্চযো. আৰম্মণাধিপতি – সৱিতক্কসৱিচাৰে খন্ধে চ ৱিতক্কঞ্চ গৰুং কত্ৱা ৱিতক্কো উপ্পজ্জতি. (২)

সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অধিপতিপচ্চযেন পচ্চযো. আৰম্মণাধিপতি – সৱিতক্কসৱিচাৰে খন্ধে চ ৱিতক্কঞ্চ গৰুং কত্ৱা সৱিতক্কসৱিচাৰা খন্ধা চ ৱিতক্কো চ উপ্পজ্জন্তি. (৩)

অনন্তৰপচ্চযো

৭৯. সৱিতক্কসৱিচাৰো ধম্মো সৱিতক্কসৱিচাৰস্স ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কসৱিচাৰা খন্ধা পচ্ছিমানং পচ্ছিমানং সৱিতক্কসৱিচাৰানং খন্ধানং অনন্তৰপচ্চযেন পচ্চযো. অনুলোমং গোত্ৰভুস্স… অনুলোমং ৱোদানস্স… গোত্ৰভু সৱিতক্কসৱিচাৰস্স মগ্গস্স… ৱোদানং সৱিতক্কসৱিচাৰস্স মগ্গস্স… সৱিতক্কসৱিচাৰো মগ্গো সৱিতক্কসৱিচাৰস্স ফলস্স… সৱিতক্কসৱিচাৰং ফলং সৱিতক্কসৱিচাৰস্স ফলস্স… অনুলোমং সৱিতক্কসৱিচাৰায ফলসমাপত্তিযা অনন্তৰপচ্চযেন পচ্চযো. (১)

সৱিতক্কসৱিচাৰো ধম্মো অৱিতক্কৱিচাৰমত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কসৱিচাৰা খন্ধা পচ্ছিমস্স পচ্ছিমস্স ৱিতক্কস্স অনন্তৰপচ্চযেন পচ্চযো. সৱিতক্কসৱিচাৰং চুতিচিত্তং অৱিতক্কৱিচাৰমত্তস্স উপপত্তিচিত্তস্স…পে… সৱিতক্কসৱিচাৰা খন্ধা অৱিতক্কৱিচাৰমত্তস্স ৱুট্ঠানস্স ৱিতক্কস্স চ…পে… অৱিতক্কৱিচাৰমত্তস্স ঝানস্স পৰিকম্মং অৱিতক্কৱিচাৰমত্তস্স ঝানস্স… গোত্ৰভু অৱিতক্কৱিচাৰমত্তস্স মগ্গস্স… ৱোদানং অৱিতক্কৱিচাৰমত্তস্স মগ্গস্স… অনুলোমং অৱিতক্কৱিচাৰমত্তায ফলসমাপত্তিযা ৱিতক্কস্স চ অনন্তৰপচ্চযেন পচ্চযো. (২)

সৱিতক্কসৱিচাৰো ধম্মো অৱিতক্কঅৱিচাৰস্স ধম্মস্স অনন্তৰপচ্চযেন পচ্চযো – সৱিতক্কসৱিচাৰং চুতিচিত্তং অৱিতক্কঅৱিচাৰস্স উপপত্তিচিত্তস্স ৱিচাৰস্স চ অনন্তৰপচ্চযেন পচ্চযো – আৱজ্জনা পঞ্চন্নং ৱিঞ্ঞাণানং অনন্তৰপচ্চযেন পচ্চযো. সৱিতক্কসৱিচাৰা খন্ধা অৱিতক্কঅৱিচাৰস্স ৱুট্ঠানস্স ৱিচাৰস্স চ…পে… দুতিযস্স ঝানস্স পৰিকম্মং দুতিযে ঝানে ৱিচাৰস্স অনন্তৰপচ্চযেন পচ্চযো. ততিযস্স ঝানস্স পৰিকম্মং …পে… চতুত্থস্স ঝানস্স পৰিকম্মং…পে… আকাসানঞ্চাযতনস্স পৰিকম্মং…পে… ৱিঞ্ঞাণঞ্চাযতনস্স পৰিকম্মং…পে… আকিঞ্চঞ্ঞাযতনস্স পৰিকম্মং…পে… নেৱসঞ্ঞানাসঞ্ঞাযতনস্স পৰিকম্মং…পে… দিব্বস্স চক্খুস্স পৰিকম্মং…পে… দিব্বায সোতধাতুযা পৰিকম্মং…পে… ইদ্ধিৱিধঞাণস্স পৰিকম্মং…পে… চেতোপৰিযঞাণস্স পৰিকম্মং…পে… পুব্বেনিৱাসানুস্সতিঞাণস্স পৰিকম্মং…পে… যথাকম্মূপগঞাণস্স পৰিকম্মং…পে… অনাগতংসঞাণস্স পৰিকম্মং…পে… গোত্ৰভু অৱিতক্কঅৱিচাৰস্স মগ্গস্স ৱিচাৰস্স চ… ৱোদানং অৱিতক্কঅৱিচাৰস্স মগ্গস্স ৱিচাৰস্স চ… অনুলোমং অৱিতক্কঅৱিচাৰায ফলসমাপত্তিযা ৱিচাৰস্স চ অনন্তৰপচ্চযেন পচ্চযো. (৩)

সৱিতক্কসৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অনন্তৰপচ্চযেন পচ্চযো – সৱিতক্কসৱিচাৰং চুতিচিত্তং অৱিতক্কৱিচাৰমত্তস্স উপপত্তিচিত্তস্স ৱিচাৰস্স চ অনন্তৰপচ্চযেন পচ্চযো. সৱিতক্কসৱিচাৰা খন্ধা অৱিতক্কৱিচাৰমত্তস্স ৱুট্ঠানস্স ৱিচাৰস্স চ অনন্তৰপচ্চযেন পচ্চযো. অৱিতক্কৱিচাৰমত্তস্স ঝানস্স পৰিকম্মং অৱিতক্কৱিচাৰমত্তস্স ঝানস্স ৱিচাৰস্স চ অনন্তৰপচ্চযেন পচ্চযো. গোত্ৰভু অৱিতক্কৱিচাৰমত্তস্স মগ্গস্স ৱিচাৰস্স চ… ৱোদানং অৱিতক্কৱিচাৰমত্তস্স মগ্গস্স ৱিচাৰস্স চ… অনুলোমং অৱিতক্কৱিচাৰমত্তায ফলসমাপত্তিযা ৱিচাৰস্স চ অনন্তৰপচ্চযেন পচ্চযো. (৪)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কসৱিচাৰা খন্ধা পচ্ছিমানং পচ্ছিমানং সৱিতক্কসৱিচাৰানং খন্ধানং ৱিতক্কস্স চ অনন্তৰপচ্চযেন পচ্চযো. অনুলোমং গোত্ৰভুস্স ৱিতক্কস্স চ… অনুলোমং ৱোদানস্স ৱিতক্কস্স চ… গোত্ৰভু সৱিতক্কসৱিচাৰস্স মগ্গস্স ৱিতক্কস্স চ… ৱোদানং সৱিতক্কসৱিচাৰস্স মগ্গস্স ৱিতক্কস্স চ… সৱিতক্কসৱিচাৰো মগ্গো সৱিতক্কসৱিচাৰস্স ফলস্স ৱিতক্কস্স চ… সৱিতক্কসৱিচাৰং ফলং সৱিতক্কসৱিচাৰস্স ফলস্স ৱিতক্কস্স চ… অনুলোমং সৱিতক্কসৱিচাৰায ফলসমাপত্তিযা ৱিতক্কস্স চ অনন্তৰপচ্চযেন পচ্চযো. (৫)

৮০. অৱিতক্কৱিচাৰমত্তো ধম্মো অৱিতক্কৱিচাৰমত্তস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিতক্কো পচ্ছিমস্স পচ্ছিমস্স ৱিতক্কস্স অনন্তৰপচ্চযেন পচ্চযো. পুৰিমা পুৰিমা অৱিতক্কৱিচাৰমত্তা খন্ধা পচ্ছিমানং পচ্ছিমানং অৱিতক্কৱিচাৰমত্তানং খন্ধানং অনন্তৰপচ্চযেন পচ্চযো. অৱিতক্কৱিচাৰমত্তো মগ্গো অৱিতক্কৱিচাৰমত্তস্স ফলস্স… অৱিতক্কৱিচাৰমত্তং ফলং অৱিতক্কৱিচাৰমত্তস্স ফলস্স অনন্তৰপচ্চযেন পচ্চযো. (১)

অৱিতক্কৱিচাৰমত্তো ধম্মো সৱিতক্কসৱিচাৰস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিতক্কো পচ্ছিমানং পচ্ছিমানং সৱিতক্কসৱিচাৰানং খন্ধানং অনন্তৰপচ্চযেন পচ্চযো. অৱিতক্কৱিচাৰমত্তং চুতিচিত্তং সৱিতক্কসৱিচাৰস্স উপপত্তিচিত্তস্স অনন্তৰপচ্চযেন পচ্চযো. অৱিতক্কৱিচাৰমত্তং ভৱঙ্গং আৱজ্জনায অনন্তৰপচ্চযেন পচ্চযো. অৱিতক্কৱিচাৰমত্তা খন্ধা সৱিতক্কসৱিচাৰস্স ৱুট্ঠানস্স অনন্তৰপচ্চযেন পচ্চযো. (২)

অৱিতক্কৱিচাৰমত্তো ধম্মো অৱিতক্কঅৱিচাৰস্স ধম্মস্স অনন্তৰপচ্চযেন পচ্চযো – পুৰিমা পুৰিমা অৱিতক্কৱিচাৰমত্তা খন্ধা পচ্ছিমস্স পচ্ছিমস্স ৱিচাৰস্স অনন্তৰপচ্চযেন পচ্চযো. অৱিতক্কৱিচাৰমত্তং চুতিচিত্তং ৱিতক্কো চ অৱিতক্কঅৱিচাৰস্স উপপত্তিচিত্তস্স ৱিচাৰস্স চ অনন্তৰপচ্চযেন পচ্চযো. অৱিতক্কৱিচাৰমত্তা খন্ধা ৱিতক্কো চ অৱিতক্কঅৱিচাৰস্স ৱুট্ঠানস্স ৱিচাৰস্স চ অনন্তৰপচ্চযেন পচ্চযো. (৩)

অৱিতক্কৱিচাৰমত্তো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা অৱিতক্কৱিচাৰমত্তা খন্ধা পচ্ছিমানং পচ্ছিমানং অৱিতক্কৱিচাৰমত্তানং খন্ধানং ৱিচাৰস্স চ অনন্তৰপচ্চযেন পচ্চযো. অৱিতক্কৱিচাৰমত্তো মগ্গো অৱিতক্কৱিচাৰমত্তস্স ফলস্স ৱিচাৰস্স চ… অৱিতক্কৱিচাৰমত্তং ফলং অৱিতক্কৱিচাৰমত্তস্স ফলস্স ৱিচাৰস্স চ অনন্তৰপচ্চযেন পচ্চযো. (৪)

অৱিতক্কৱিচাৰমত্তো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অনন্তৰপচ্চযেন পচ্চযো – পুৰিমো পুৰিমো ৱিতক্কো পচ্ছিমানং পচ্ছিমানং সৱিতক্কসৱিচাৰানং খন্ধানং ৱিতক্কস্স চ অনন্তৰপচ্চযেন পচ্চযো. অৱিতক্কৱিচাৰমত্তং চুতিচিত্তং সৱিতক্কসৱিচাৰস্স উপপত্তিচিত্তস্স ৱিতক্কস্স চ অনন্তৰপচ্চযেন পচ্চযো. অৱিতক্কৱিচাৰমত্তং ভৱঙ্গং আৱজ্জনায ৱিতক্কস্স চ অনন্তৰপচ্চযেন পচ্চযো. অৱিতক্কৱিচাৰমত্তা খন্ধা সৱিতক্কসৱিচাৰস্স ৱুট্ঠানস্স ৱিতক্কস্স চ অনন্তৰপচ্চযেন পচ্চযো. (৫)

৮১. অৱিতক্কঅৱিচাৰো ধম্মো অৱিতক্কঅৱিচাৰস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচাৰো পচ্ছিমস্স পচ্ছিমস্স ৱিচাৰস্স অনন্তৰপচ্চযেন পচ্চযো. পুৰিমা পুৰিমা অৱিতক্কঅৱিচাৰা খন্ধা পচ্ছিমানং পচ্ছিমানং অৱিতক্কঅৱিচাৰানং খন্ধানং অনন্তৰপচ্চযেন পচ্চযো. অৱিতক্কঅৱিচাৰো মগ্গো অৱিতক্কঅৱিচাৰস্স ফলস্স… অৱিতক্কঅৱিচাৰং ফলং অৱিতক্কঅৱিচাৰস্স ফলস্স অনন্তৰপচ্চযেন পচ্চযো. নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং অৱিতক্কঅৱিচাৰায ফলসমাপত্তিযা ৱিচাৰস্স চ অনন্তৰপচ্চযেন পচ্চযো. (১)

অৱিতক্কঅৱিচাৰো ধম্মো সৱিতক্কসৱিচাৰস্স ধম্মস্স অনন্তৰপচ্চযেন পচ্চযো – অৱিতক্কঅৱিচাৰং চুতিচিত্তং ৱিচাৰো চ সৱিতক্কসৱিচাৰস্স উপপত্তিচিত্তস্স অনন্তৰপচ্চযেন পচ্চযো. অৱিতক্কঅৱিচাৰং ভৱঙ্গং ৱিচাৰো চ আৱজ্জনায অনন্তৰপচ্চযেন পচ্চযো. অৱিতক্কঅৱিচাৰা খন্ধা ৱিচাৰো চ সৱিতক্কসৱিচাৰস্স ৱুট্ঠানস্স অনন্তৰপচ্চযেন পচ্চযো. নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং সৱিতক্কসৱিচাৰায ফলসমাপত্তিযা অনন্তৰপচ্চযেন পচ্চযো. (২)

অৱিতক্কঅৱিচাৰো ধম্মো অৱিতক্কৱিচাৰমত্তস্স ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচাৰো পচ্ছিমানং পচ্ছিমানং অৱিতক্কৱিচাৰমত্তানং খন্ধানং অনন্তৰপচ্চযেন পচ্চযো. অৱিতক্কঅৱিচাৰং চুতিচিত্তং ৱিচাৰো চ অৱিতক্কৱিচাৰমত্তস্স উপপত্তিচিত্তস্স ৱিতক্কস্স চ অনন্তৰপচ্চযেন পচ্চযো. অৱিতক্কঅৱিচাৰা খন্ধা ৱিচাৰো চ অৱিতক্কৱিচাৰমত্তস্স ৱুট্ঠানস্স ৱিতক্কস্স চ অনন্তৰপচ্চযেন পচ্চযো. নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং অৱিতক্কৱিচাৰমত্তায ফলসমাপত্তিযা ৱিতক্কস্স চ অনন্তৰপচ্চযেন পচ্চযো. (৩)

অৱিতক্কঅৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অনন্তৰপচ্চযেন পচ্চযো – পুৰিমো পুৰিমো ৱিচাৰো পচ্ছিমানং পচ্ছিমানং অৱিতক্কৱিচাৰমত্তানং খন্ধানং ৱিচাৰস্স চ অনন্তৰপচ্চযেন পচ্চযো. অৱিতক্কঅৱিচাৰং চুতিচিত্তং অৱিতক্কৱিচাৰমত্তস্স উপপত্তিচিত্তস্স ৱিচাৰস্স চ অনন্তৰপচ্চযেন পচ্চযো. অৱিতক্কঅৱিচাৰা খন্ধা অৱিতক্কৱিচাৰমত্তস্স ৱুট্ঠানস্স ৱিচাৰস্স চ অনন্তৰপচ্চযেন পচ্চযো. নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং অৱিতক্কৱিচাৰমত্তায ফলসমাপত্তিযা ৱিচাৰস্স চ অনন্তৰপচ্চযেন পচ্চযো. (৪)

অৱিতক্কঅৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অনন্তৰপচ্চযেন পচ্চযো – অৱিতক্কঅৱিচাৰং চুতিচিত্তং ৱিচাৰো চ সৱিতক্কসৱিচাৰস্স উপপত্তিচিত্তস্স ৱিতক্কস্স চ অনন্তৰপচ্চযেন পচ্চযো. অৱিতক্কঅৱিচাৰং ভৱঙ্গঞ্চ ৱিচাৰো চ আৱজ্জনায ৱিতক্কস্স চ অনন্তৰপচ্চযেন পচ্চযো. অৱিতক্কঅৱিচাৰা খন্ধা ৱিচাৰো চ সৱিতক্কসৱিচাৰস্স ৱুট্ঠানস্স ৱিতক্কস্স চ অনন্তৰপচ্চযেন পচ্চযো. নিৰোধা ৱুট্ঠহন্তস্স নেৱসঞ্ঞানাসঞ্ঞাযতনং সৱিতক্কসৱিচাৰায ফলসমাপত্তিযা ৱিতক্কস্স চ অনন্তৰপচ্চযেন পচ্চযো. (৫)

৮২. অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স ধম্মস্স অনন্তৰপচ্চযেন পচ্চযো – অৱিতক্কৱিচাৰমত্তং চুতিচিত্তঞ্চ ৱিচাৰো চ সৱিতক্কসৱিচাৰস্স উপপত্তিচিত্তস্স অনন্তৰপচ্চযেন পচ্চযো. অৱিতক্কৱিচাৰমত্তং ভৱঙ্গঞ্চ ৱিচাৰো চ আৱজ্জনায অনন্তৰপচ্চযেন পচ্চযো. অৱিতক্কৱিচাৰমত্তা খন্ধা চ ৱিচাৰো চ সৱিতক্কসৱিচাৰস্স ৱুট্ঠানস্স অনন্তৰপচ্চযেন পচ্চযো. (১)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা অৱিতক্কৱিচাৰমত্তা খন্ধা চ ৱিচাৰো চ পচ্ছিমানং পচ্ছিমানং অৱিতক্কৱিচাৰমত্তানং খন্ধানং অনন্তৰপচ্চযেন পচ্চযো. অৱিতক্কৱিচাৰমত্তো মগ্গো চ ৱিচাৰো চ অৱিতক্কৱিচাৰমত্তস্স ফলস্স অনন্তৰপচ্চযেন পচ্চযো. অৱিতক্কৱিচাৰমত্তং ফলঞ্চ ৱিচাৰো চ অৱিতক্কৱিচাৰমত্তস্স ফলস্স অনন্তৰপচ্চযেন পচ্চযো. (২)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কঅৱিচাৰস্স ধম্মস্স অনন্তৰপচ্চযেন পচ্চযো – পুৰিমা পুৰিমা অৱিতক্কৱিচাৰমত্তা খন্ধা চ ৱিচাৰো চ পচ্ছিমস্স পচ্ছিমস্স ৱিচাৰস্স অনন্তৰপচ্চযেন পচ্চযো. অৱিতক্কৱিচাৰমত্তং চুতিচিত্তঞ্চ ৱিচাৰো চ অৱিতক্কঅৱিচাৰস্স উপপত্তিচিত্তস্স অনন্তৰপচ্চযেন পচ্চযো. অৱিতক্কৱিচাৰমত্তা খন্ধা চ ৱিচাৰো চ অৱিতক্কঅৱিচাৰস্স ৱুট্ঠানস্স অনন্তৰপচ্চযেন পচ্চযো. (৩)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা অৱিতক্কৱিচাৰমত্তা খন্ধা চ ৱিচাৰো চ পচ্ছিমানং পচ্ছিমানং অৱিতক্কৱিচাৰমত্তানং খন্ধানং ৱিচাৰস্স চ অনন্তৰপচ্চযেন পচ্চযো. অৱিতক্কৱিচাৰমত্তো মগ্গো চ ৱিচাৰো চ অৱিতক্কৱিচাৰমত্তস্স ফলস্স ৱিচাৰস্স চ অনন্তৰপচ্চযেন পচ্চযো. অৱিতক্কৱিচাৰমত্তং ফলঞ্চ ৱিচাৰো চ অৱিতক্কৱিচাৰমত্তস্স ফলস্স চ ৱিচাৰস্স চ অনন্তৰপচ্চযেন পচ্চযো. (৪)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অনন্তৰপচ্চযেন পচ্চযো – অৱিতক্কৱিচাৰমত্তং চুতিচিত্তঞ্চ ৱিচাৰো চ সৱিতক্কসৱিচাৰস্স উপপত্তিচিত্তস্স ৱিতক্কস্স চ অনন্তৰপচ্চযেন পচ্চযো. অৱিতক্কৱিচাৰমত্তং ভৱঙ্গঞ্চ ৱিচাৰো চ আৱজ্জনায ৱিতক্কস্স চ অনন্তৰপচ্চযেন পচ্চযো. অৱিতক্কৱিচাৰমত্তা খন্ধা চ ৱিচাৰো চ সৱিতক্কসৱিচাৰস্স ৱুট্ঠানস্স ৱিতক্কস্স চ অনন্তৰপচ্চযেন পচ্চযো. (৫)

৮৩. সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কসৱিচাৰা খন্ধা চ ৱিতক্কো চ পচ্ছিমানং পচ্ছিমানং সৱিতক্কসৱিচাৰানং খন্ধানং অনন্তৰপচ্চযেন পচ্চযো. অনুলোমঞ্চ ৱিতক্কো চ গোত্ৰভুস্স… অনুলোমঞ্চ ৱিতক্কো চ ৱোদানস্স… গোত্ৰভু চ ৱিতক্কো চ সৱিতক্কসৱিচাৰস্স মগ্গস্স… ৱোদানঞ্চ ৱিতক্কো চ সৱিতক্কসৱিচাৰস্স মগ্গস্স… সৱিতক্কসৱিচাৰো মগ্গো চ ৱিতক্কো চ সৱিতক্কসৱিচাৰস্স ফলস্স… সৱিতক্কসৱিচাৰং ফলঞ্চ ৱিতক্কো চ সৱিতক্কসৱিচাৰস্স ফলস্স… অনুলোমঞ্চ ৱিতক্কো চ সৱিতক্কসৱিচাৰায ফলসমাপত্তিযা অনন্তৰপচ্চযেন পচ্চযো. (১)

সৱিতক্কসৱিচাৰো চ অৱিতক্কৱিচাৰমত্তো চ ধম্মা অৱিতক্কৱিচাৰমত্তস্স ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কসৱিচাৰা খন্ধা চ ৱিতক্কো চ পচ্ছিমস্স পচ্ছিমস্স ৱিতক্কস্স অনন্তৰপচ্চযেন পচ্চযো. সৱিতক্কসৱিচাৰং চুতিচিত্তঞ্চ ৱিতক্কো চ অৱিতক্কৱিচাৰমত্তস্স উপপত্তিচিত্তস্স অনন্তৰপচ্চযেন পচ্চযো. সৱিতক্কসৱিচাৰা খন্ধা চ ৱিতক্কো চ অৱিতক্কৱিচাৰমত্তস্স ৱুট্ঠানস্স অনন্তৰপচ্চযেন পচ্চযো. অৱিতক্কৱিচাৰমত্তস্স ঝানস্স পৰিকম্মঞ্চ ৱিতক্কো চ অৱিতক্কৱিচাৰমত্তস্স ঝানস্স অনন্তৰপচ্চযেন পচ্চযো. গোত্ৰভু চ ৱিতক্কো চ অৱিতক্কৱিচাৰমত্তস্স মগ্গস্স… ৱোদানঞ্চ ৱিতক্কো চ অৱিতক্কৱিচাৰমত্তস্স মগ্গস্স … অনুলোমঞ্চ ৱিতক্কো চ অৱিতক্কৱিচাৰমত্তায ফলসমাপত্তিযা অনন্তৰপচ্চযেন পচ্চযো. (২)

সৱিতক্কসৱিচাৰো চ অৱিতক্কৱিচাৰমত্তো চ ধম্মা অৱিতক্কঅৱিচাৰস্স ধম্মস্স অনন্তৰপচ্চযেন পচ্চযো – সৱিতক্কসৱিচাৰং চুতিচিত্তঞ্চ ৱিতক্কো চ অৱিতক্কঅৱিচাৰস্স উপপত্তিচিত্তস্স ৱিচাৰস্স চ অনন্তৰপচ্চযেন পচ্চযো. আৱজ্জনা চ ৱিতক্কো চ পঞ্চন্নং ৱিঞ্ঞাণানং অনন্তৰপচ্চযেন পচ্চযো. সৱিতক্কসৱিচাৰা খন্ধা চ ৱিতক্কো চ অৱিতক্কঅৱিচাৰস্স ৱুট্ঠানস্স চ ৱিচাৰস্স চ অনন্তৰপচ্চযেন পচ্চযো. দুতিযস্স ঝানস্স পৰিকম্মঞ্চ ৱিতক্কো চ দুতিযে ঝানে ৱিচাৰস্স অনন্তৰপচ্চযেন পচ্চযো. ততিযস্স ঝানস্স পৰিকম্মঞ্চ ৱিতক্কো চ…পে… চতুত্থস্স ঝানস্স পৰিকম্মঞ্চ ৱিতক্কো চ…পে… আকাসানঞ্চাযতনস্স পৰিকম্মঞ্চ ৱিতক্কো চ…পে… ৱিঞ্ঞাণঞ্চাযতনস্স পৰিকম্মঞ্চ ৱিতক্কো চ…পে… আকিঞ্চঞ্ঞাযতনস্স পৰিকম্মঞ্চ ৱিতক্কো চ…পে… নেৱসঞ্ঞানাসঞ্ঞাযতনস্স পৰিকম্মঞ্চ ৱিতক্কো চ …পে… দিব্বস্স চক্খুস্স পৰিকম্মঞ্চ ৱিতক্কো চ…পে… দিব্বায সোতধাতুযা পৰিকম্মঞ্চ ৱিতক্কো চ…পে… ইদ্ধিৱিধঞাণস্স পৰিকম্মঞ্চ ৱিতক্কো চ…পে… চেতোপৰিযঞাণস্স পৰিকম্মঞ্চ ৱিতক্কো চ…পে… পুব্বেনিৱাসানুস্সতিঞাণস্স পৰিকম্মঞ্চ ৱিতক্কো চ…পে… যথাকম্মূপগঞাণস্স পৰিকম্মঞ্চ ৱিতক্কো চ…পে… অনাগতংসঞাণস্স পৰিকম্মঞ্চ ৱিতক্কো চ…পে… গোত্ৰভু চ ৱিতক্কো চ অৱিতক্কঅৱিচাৰস্স মগ্গস্স ৱিচাৰস্স চ… ৱোদানঞ্চ ৱিতক্কো চ অৱিতক্কঅৱিচাৰস্স মগ্গস্স ৱিচাৰস্স চ… অনুলোমঞ্চ ৱিতক্কো চ অৱিতক্কঅৱিচাৰায ফলসমাপত্তিযা ৱিচাৰস্স চ অনন্তৰপচ্চযেন পচ্চযো. (৩)

সৱিতক্কসৱিচাৰো চ অৱিতক্কৱিচাৰমত্তো চ ধম্মা অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অনন্তৰপচ্চযেন পচ্চযো – সৱিতক্কসৱিচাৰং চুতিচিত্তঞ্চ ৱিতক্কো চ অৱিতক্কৱিচাৰমত্তস্স উপপত্তিচিত্তস্স চ ৱিচাৰস্স চ অনন্তৰপচ্চযেন পচ্চযো. সৱিতক্কসৱিচাৰা খন্ধা চ ৱিতক্কো চ অৱিতক্কৱিচাৰমত্তস্স ৱুট্ঠানস্স চ ৱিচাৰস্স চ অনন্তৰপচ্চযেন পচ্চযো. অৱিতক্কৱিচাৰমত্তস্স ঝানস্স পৰিকম্মঞ্চ ৱিতক্কো চ অৱিতক্কৱিচাৰমত্তস্স ঝানস্স চ ৱিচাৰস্স চ অনন্তৰপচ্চযেন পচ্চযো. গোত্ৰভু চ ৱিতক্কো চ অৱিতক্কৱিচাৰমত্তস্স মগ্গস্স চ ৱিচাৰস্স চ অনন্তৰপচ্চযেন পচ্চযো. ৱোদানঞ্চ ৱিতক্কো চ অৱিতক্কৱিচাৰমত্তস্স মগ্গস্স চ ৱিচাৰস্স চ… অনুলোমঞ্চ ৱিতক্কো চ অৱিতক্কৱিচাৰমত্তায ফলসমাপত্তিযা চ ৱিচাৰস্স চ অনন্তৰপচ্চযেন পচ্চযো. (৪)

সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অনন্তৰপচ্চযেন পচ্চযো – পুৰিমা পুৰিমা সৱিতক্কসৱিচাৰা খন্ধা চ ৱিতক্কো চ পচ্ছিমানং পচ্ছিমানং সৱিতক্কসৱিচাৰানং খন্ধানং ৱিতক্কস্স চ অনন্তৰপচ্চযেন পচ্চযো. অনুলোমঞ্চ ৱিতক্কো চ গোত্ৰভুস্স চ ৱিতক্কস্স চ… অনুলোমঞ্চ ৱিতক্কো চ ৱোদানস্স চ ৱিতক্কস্স চ… গোত্ৰভু চ ৱিতক্কো চ সৱিতক্কসৱিচাৰস্স চ মগ্গস্স চ ৱিতক্কস্স চ… ৱোদানঞ্চ ৱিতক্কো চ সৱিতক্কসৱিচাৰস্স মগ্গস্স চ ৱিতক্কস্স চ অনন্তৰপচ্চযেন পচ্চযো. সৱিতক্কসৱিচাৰো মগ্গো চ ৱিতক্কো চ সৱিতক্কসৱিচাৰস্স ফলস্স চ ৱিতক্কস্স চ … সৱিতক্কসৱিচাৰং ফলঞ্চ ৱিতক্কো চ সৱিতক্কসৱিচাৰস্স ফলস্স চ ৱিতক্কস্স চ… অনুলোমঞ্চ ৱিতক্কো চ সৱিতক্কসৱিচাৰায ফলসমাপত্তিযা চ ৱিতক্কস্স চ অনন্তৰপচ্চযেন পচ্চযো. (৫)

সমনন্তৰপচ্চযো

৮৪. সৱিতক্কসৱিচাৰো ধম্মো সৱিতক্কসৱিচাৰস্স ধম্মস্স সমনন্তৰপচ্চযেন পচ্চযো (অনন্তৰপচ্চযোপি সমনন্তৰপচ্চযোপি সদিসো).

সহজাতপচ্চযো

৮৫. সৱিতক্কসৱিচাৰো ধম্মো সৱিতক্কসৱিচাৰস্স ধম্মস্স সহজাতপচ্চযেন পচ্চযো – সৱিতক্কসৱিচাৰো একো খন্ধো তিণ্ণন্নং খন্ধানং সহজাতপচ্চযেন পচ্চযো. তযো খন্ধা একস্স খন্ধস্স সহজাতপচ্চযেন পচ্চযো. দ্ৱে খন্ধা দ্ৱিন্নং খন্ধানং সহজাতপচ্চযেন পচ্চযো. পটিসন্ধিক্খণে সৱিতক্কসৱিচাৰো একো খন্ধো তিণ্ণন্নং খন্ধানং…পে… দ্ৱে খন্ধা দ্ৱিন্নং খন্ধানং…পে…. (১)

সৱিতক্কসৱিচাৰো ধম্মো অৱিতক্কৱিচাৰমত্তস্স ধম্মস্স সহজাতপচ্চযেন পচ্চযো – সৱিতক্কসৱিচাৰা খন্ধা ৱিতক্কস্স সহজাতপচ্চযেন পচ্চযো. পটিসন্ধিক্খণে…পে…. (২)

সৱিতক্কসৱিচাৰো ধম্মো অৱিতক্কঅৱিচাৰস্স ধম্মস্স সহজাতপচ্চযেন পচ্চযো – সৱিতক্কসৱিচাৰা খন্ধা চিত্তসমুট্ঠানানং ৰূপানং সহজাতপচ্চযেন পচ্চযো. পটিসন্ধিক্খণে…পে… কটত্তাৰূপানং…পে…. (৩)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কঅৱিচাৰস্স চ ধম্মস্স সহজাতপচ্চযেন পচ্চযো – সৱিতক্কসৱিচাৰো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. পটিসন্ধিক্খণে…পে…. (৪)

সৱিতক্কসৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স সহজাতপচ্চযেন পচ্চযো – সৱিতক্কসৱিচাৰা খন্ধা ৱিতক্কস্স চ চিত্তসমুট্ঠানানঞ্চ ৰূপানং সহজাতপচ্চযেন পচ্চযো. পটিসন্ধিক্খণে…পে…. (৫)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স সহজাতপচ্চযেন পচ্চযো – সৱিতক্কসৱিচাৰো একো খন্ধো তিণ্ণন্নং খন্ধানং ৱিতক্কস্স চ সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱিতক্কস্স চ সহজাতপচ্চযেন পচ্চযো. পটিসন্ধিক্খণে…পে…. (৬)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স সহজাতপচ্চযেন পচ্চযো – সৱিতক্কসৱিচাৰো একো খন্ধো তিণ্ণন্নং খন্ধানং ৱিতক্কস্স চ চিত্তসমুট্ঠানানঞ্চ ৰূপানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱিতক্কস্স চ চিত্তসমুট্ঠানানঞ্চ ৰূপানং…পে… পটিসন্ধিক্খণে…পে…. (৭)

৮৬. অৱিতক্কৱিচাৰমত্তো ধম্মো অৱিতক্কৱিচাৰমত্তস্স ধম্মস্স সহজাতপচ্চযেন পচ্চযো – অৱিতক্কৱিচাৰমত্তো একো খন্ধো তিণ্ণন্নং খন্ধানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং…পে… পটিসন্ধিক্খণে…পে…. (১)

অৱিতক্কৱিচাৰমত্তো ধম্মো সৱিতক্কসৱিচাৰস্স ধম্মস্স সহজাতপচ্চযেন পচ্চযো – ৱিতক্কো সৱিতক্কসৱিচাৰানং খন্ধানং সহজাতপচ্চযেন পচ্চযো. পটিসন্ধিক্খণে…পে…. (২)

অৱিতক্কৱিচাৰমত্তো ধম্মো অৱিতক্কঅৱিচাৰস্স ধম্মস্স সহজাতপচ্চযেন পচ্চযো – অৱিতক্কৱিচাৰমত্তা খন্ধা ৱিচাৰস্স চিত্তসমুট্ঠানানঞ্চ ৰূপানং সহজাতপচ্চযেন পচ্চযো, ৱিতক্কো চিত্তসমুট্ঠানানং ৰূপানং সহজাতপচ্চযেন পচ্চযো. পটিসন্ধিক্খণে…পে…. (৩)

অৱিতক্কৱিচাৰমত্তো ধম্মো সৱিতক্কসৱিচাৰস্স চ অৱিতক্কঅৱিচাৰস্স চ ধম্মস্স সহজাতপচ্চযেন পচ্চযো – ৱিতক্কো সৱিতক্কসৱিচাৰানং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. পটিসন্ধিক্খণে…পে…. (৪)

অৱিতক্কৱিচাৰমত্তো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স সহজাতপচ্চযেন পচ্চযো – অৱিতক্কৱিচাৰমত্তো একো খন্ধো তিণ্ণন্নং খন্ধানং ৱিচাৰস্স চ চিত্তসমুট্ঠানানঞ্চ ৰূপানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱিচাৰস্স চ চিত্তসমুট্ঠানানঞ্চ ৰূপানং…পে… পটিসন্ধিক্খণে…পে…. (৫)

৮৭. অৱিতক্কঅৱিচাৰো ধম্মো অৱিতক্কঅৱিচাৰস্স ধম্মস্স সহজাতপচ্চযেন পচ্চযো – অৱিতক্কঅৱিচাৰো একো খন্ধো তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. ৱিচাৰো চিত্তসমুট্ঠানানং ৰূপানং…পে… পটিসন্ধিক্খণে অৱিতক্কঅৱিচাৰো একো খন্ধো তিণ্ণন্নং খন্ধানং কটত্তা চ ৰূপানং…পে… দ্ৱে খন্ধা দ্ৱিন্নং খন্ধানং কটত্তা চ ৰূপানং…পে… ৱিচাৰো কটত্তাৰূপানং…পে… খন্ধা ৱত্থুস্স…পে… ৱত্থু খন্ধানং…পে… ৱিচাৰো ৱত্থুস্স…পে… ৱত্থু ৱিচাৰস্স…পে… একং মহাভূতং তিণ্ণন্নং মহাভূতানং…পে… মহাভূতা চিত্তসমুট্ঠানানং ৰূপানং কটত্তাৰূপানং উপাদাৰূপানং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে… মহাভূতা কটত্তাৰূপানং উপাদাৰূপানং সহজাতপচ্চযেন পচ্চযো. (১)

অৱিতক্কঅৱিচাৰো ধম্মো সৱিতক্কসৱিচাৰস্স ধম্মস্স সহজাতপচ্চযেন পচ্চযো – পটিসন্ধিক্খণে ৱত্থু সৱিতক্কসৱিচাৰানং খন্ধানং সহজাতপচ্চযেন পচ্চযো. (২)

অৱিতক্কঅৱিচাৰো ধম্মো অৱিতক্কৱিচাৰমত্তস্স ধম্মস্স সহজাতপচ্চযেন পচ্চযো – ৱিচাৰো অৱিতক্কৱিচাৰমত্তানং খন্ধানং সহজাতপচ্চযেন পচ্চযো. পটিসন্ধিক্খণে ৱিচাৰো অৱিতক্কৱিচাৰমত্তানং খন্ধানং সহজাতপচ্চযেন পচ্চযো. পটিসন্ধিক্খণে ৱত্থু অৱিতক্কৱিচাৰমত্তানং খন্ধানং সহজাতপচ্চযেন পচ্চযো. পটিসন্ধিক্খণে ৱত্থু ৱিতক্কস্স সহজাতপচ্চযেন পচ্চযো. (৩)

অৱিতক্কঅৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স সহজাতপচ্চযেন পচ্চযো – ৱিচাৰো অৱিতক্কৱিচাৰমত্তানং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. পটিসন্ধিক্খণে ৱিচাৰো অৱিতক্কৱিচাৰমত্তানং খন্ধানং কটত্তা চ ৰূপানং…পে… পটিসন্ধিক্খণে ৱত্থু অৱিতক্কৱিচাৰমত্তানং খন্ধানং ৱিচাৰস্স চ সহজাতপচ্চযেন পচ্চযো. (৪)

অৱিতক্কঅৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স সহজাতপচ্চযেন পচ্চযো – পটিসন্ধিক্খণে ৱত্থু সৱিতক্কসৱিচাৰানং খন্ধানং ৱিতক্কস্স চ সহজাতপচ্চযেন পচ্চযো. (৫)

৮৮. সৱিতক্কসৱিচাৰো চ অৱিতক্কঅৱিচাৰো চ ধম্মা সৱিতক্কসৱিচাৰস্স ধম্মস্স সহজাতপচ্চযেন পচ্চযো – পটিসন্ধিক্খণে সৱিতক্কসৱিচাৰো একো খন্ধো চ ৱত্থু চ তিণ্ণন্নং খন্ধানং সহজাতপচ্চযেন পচ্চযো…পে… দ্ৱে খন্ধা চ ৱত্থু চ দ্ৱিন্নং খন্ধানং সহজাতপচ্চযেন পচ্চযো. (১)

সৱিতক্কসৱিচাৰো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স ধম্মস্স সহজাতপচ্চযেন পচ্চযো – পটিসন্ধিক্খণে সৱিতক্কসৱিচাৰা খন্ধা চ ৱত্থু চ ৱিতক্কস্স সহজাতপচ্চযেন পচ্চযো. (২)

সৱিতক্কসৱিচাৰো চ অৱিতক্কঅৱিচাৰো চ ধম্মা অৱিতক্কঅৱিচাৰস্স ধম্মস্স সহজাতপচ্চযেন পচ্চযো – সৱিতক্কসৱিচাৰা খন্ধা চ মহাভূতা চ চিত্তসমুট্ঠানানং ৰূপানং সহজাতপচ্চযেন পচ্চযো. পটিসন্ধিক্খণে সৱিতক্কসৱিচাৰা খন্ধা চ মহাভূতা চ কটত্তাৰূপানং সহজাতপচ্চযেন পচ্চযো. (৩)

সৱিতক্কসৱিচাৰো চ অৱিতক্কঅৱিচাৰো চ ধম্মা সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স সহজাতপচ্চযেন পচ্চযো – পটিসন্ধিক্খণে সৱিতক্কসৱিচাৰো একো খন্ধো চ ৱত্থু চ তিণ্ণন্নং খন্ধানং ৱিতক্কস্স চ…পে… দ্ৱে খন্ধা চ ৱত্থু চ দ্ৱিন্নং খন্ধানং ৱিতক্কস্স চ সহজাতপচ্চযেন পচ্চযো. (৪)

৮৯. অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স ধম্মস্স সহজাতপচ্চযেন পচ্চযো – পটিসন্ধিক্খণে ৱিতক্কো চ ৱত্থু চ সৱিতক্কসৱিচাৰানং খন্ধানং সহজাতপচ্চযেন পচ্চযো. (১)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স ধম্মস্স সহজাতপচ্চযেন পচ্চযো – অৱিতক্কৱিচাৰমত্তো একো খন্ধো চ ৱিচাৰো চ তিণ্ণন্নং খন্ধানং…পে… দ্ৱে খন্ধা চ ৱিচাৰো চ দ্ৱিন্নং খন্ধানং সহজাতপচ্চযেন পচ্চযো. পটিসন্ধিক্খণে অৱিতক্কৱিচাৰমত্তো একো খন্ধো চ ৱিচাৰো চ তিণ্ণন্নং খন্ধানং…পে… দ্ৱে খন্ধা চ ৱিচাৰো চ দ্ৱিন্নং খন্ধানং…পে… পটিসন্ধিক্খণে অৱিতক্কৱিচাৰমত্তো একো খন্ধো চ ৱত্থু চ তিণ্ণন্নং খন্ধানং সহজাতপচ্চযেন পচ্চযো. (২)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কঅৱিচাৰস্স ধম্মস্স সহজাতপচ্চযেন পচ্চযো – অৱিতক্কৱিচাৰমত্তা খন্ধা চ ৱিচাৰো চ চিত্তসমুট্ঠানানং ৰূপানং সহজাতপচ্চযেন পচ্চযো. অৱিতক্কৱিচাৰমত্তা খন্ধা চ মহাভূতা চ চিত্তসমুট্ঠানানং ৰূপানং…পে… ৱিতক্কো চ মহাভূতা চ চিত্তসমুট্ঠানানং ৰূপানং…পে… পটিসন্ধিক্খণে অৱিতক্কৱিচাৰমত্তা খন্ধা চ ৱিচাৰো চ কটত্তাৰূপানং…পে… পটিসন্ধিক্খণে অৱিতক্কৱিচাৰমত্তা খন্ধা চ মহাভূতা চ কটত্তাৰূপানং…পে… পটিসন্ধিক্খণে ৱিতক্কো চ মহাভূতা চ কটত্তাৰূপানং…পে… পটিসন্ধিক্খণে অৱিতক্কৱিচাৰমত্তা খন্ধা চ ৱত্থু চ ৱিচাৰস্স সহজাতপচ্চযেন পচ্চযো. (৩)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স সহজাতপচ্চযেন পচ্চযো – অৱিতক্কৱিচাৰমত্তো একো খন্ধো চ ৱিচাৰো চ তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. তযো খন্ধা চ ৱিচাৰো চ একস্স খন্ধস্স চিত্তসমুট্ঠানানঞ্চ ৰূপানং সহজাতপচ্চযেন পচ্চযো. দ্ৱে খন্ধা চ ৱিচাৰো চ দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. পটিসন্ধিক্খণে অৱিতক্কৱিচাৰমত্তো একো খন্ধো চ ৱিচাৰো চ তিণ্ণন্নং খন্ধানং কটত্তা চ ৰূপানং সহজাতপচ্চযেন পচ্চযো…পে… দ্ৱে খন্ধা…পে… পটিসন্ধিক্খণে অৱিতক্কৱিচাৰমত্তো একো খন্ধো চ ৱত্থু চ তিণ্ণন্নং খন্ধানং ৱিচাৰস্স চ সহজাতপচ্চযেন পচ্চযো…পে… দ্ৱে খন্ধা চ ৱত্থু চ দ্ৱিন্নং খন্ধানং ৱিচাৰস্স চ সহজাতপচ্চযেন পচ্চযো. (৪)

৯০. সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স ধম্মস্স সহজাতপচ্চযেন পচ্চযো – সৱিতক্কসৱিচাৰো একো খন্ধো চ ৱিতক্কো চ তিণ্ণন্নং খন্ধানং সহজাতপচ্চযেন পচ্চযো…পে… দ্ৱে খন্ধা চ ৱিতক্কো চ দ্ৱিন্নং খন্ধানং সহজাতপচ্চযেন পচ্চযো. পটিসন্ধিক্খণে…পে…. (১)

সৱিতক্কসৱিচাৰো চ অৱিতক্কৱিচাৰমত্তো চ ধম্মা অৱিতক্কঅৱিচাৰস্স ধম্মস্স সহজাতপচ্চযেন পচ্চযো – সৱিতক্কসৱিচাৰা খন্ধা চ ৱিতক্কো চ চিত্তসমুট্ঠানানং ৰূপানং সহজাতপচ্চযেন পচ্চযো. পটিসন্ধিক্খণে…পে…. (২)

সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স চ অৱিতক্কঅৱিচাৰস্স চ ধম্মস্স সহজাতপচ্চযেন পচ্চযো – সৱিতক্কসৱিচাৰো একো খন্ধো চ ৱিতক্কো চ তিণ্ণন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো…পে… দ্ৱে খন্ধা চ ৱিতক্কো চ দ্ৱিন্নং খন্ধানং চিত্তসমুট্ঠানানঞ্চ ৰূপানং সহজাতপচ্চযেন পচ্চযো. পটিসন্ধিক্খণে…পে…. (৩)

৯১. সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স ধম্মস্স সহজাতপচ্চযেন পচ্চযো – পটিসন্ধিক্খণে সৱিতক্কসৱিচাৰো একো খন্ধো চ ৱিতক্কো চ ৱত্থু চ তিণ্ণন্নং খন্ধানং সহজাতপচ্চযেন পচ্চযো…পে… দ্ৱে খন্ধা চ ৱিতক্কো চ ৱত্থু চ দ্ৱিন্নং খন্ধানং সহজাতপচ্চযেন পচ্চযো. (১)

সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কঅৱিচাৰস্স ধম্মস্স সহজাতপচ্চযেন পচ্চযো – সৱিতক্কসৱিচাৰা খন্ধা চ ৱিতক্কো চ মহাভূতা চ চিত্তসমুট্ঠানানং ৰূপানং সহজাতপচ্চযেন পচ্চযো. পটিসন্ধিক্খণে সৱিতক্কসৱিচাৰা খন্ধা চ ৱিতক্কো চ মহাভূতা চ কটত্তাৰূপানং সহজাতপচ্চযেন পচ্চযো. (২)

অঞ্ঞমঞ্ঞপচ্চযো

৯২. সৱিতক্কসৱিচাৰো ধম্মো সৱিতক্কসৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – সৱিতক্কসৱিচাৰো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… পটিসন্ধিক্খণে সৱিতক্কসৱিচাৰো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. (১)

সৱিতক্কসৱিচাৰো ধম্মো অৱিতক্কৱিচাৰমত্তস্স ধম্মস্স অঞ্ঞমঞ্ঞপচ্চযেন পচ্চযো – সৱিতক্কসৱিচাৰা খন্ধা ৱিতক্কস্স অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (২)

সৱিতক্কসৱিচাৰো ধম্মো অৱিতক্কঅৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰা খন্ধা ৱত্থুস্স অঞ্ঞমঞ্ঞপচ্চযেন পচ্চযো. (৩)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কঅৱিচাৰস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰো একো খন্ধো তিণ্ণন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো. (৪)

সৱিতক্কসৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰা খন্ধা ৱিতক্কস্স চ ৱত্থুস্স চ অঞ্ঞমঞ্ঞপচ্চযেন পচ্চযো. (৫)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অঞ্ঞমঞ্ঞপচ্চযেন পচ্চযো – সৱিতক্কসৱিচাৰো একো খন্ধো তিণ্ণন্নং খন্ধানং ৱিতক্কস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱিতক্কস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (৬)

সৱিতক্কসৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰো একো খন্ধো তিণ্ণন্নং খন্ধানং ৱিতক্কস্স চ ৱত্থুস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱিতক্কস্স চ ৱত্থুস্স চ অঞ্ঞমঞ্ঞপচ্চযেন পচ্চযো. (৭)

৯৩. অৱিতক্কৱিচাৰমত্তো ধম্মো অৱিতক্কৱিচাৰমত্তস্স ধম্মস্স অঞ্ঞমঞ্ঞপচ্চযেন পচ্চযো – অৱিতক্কৱিচাৰমত্তো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (১)

অৱিতক্কৱিচাৰমত্তো ধম্মো সৱিতক্কসৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – ৱিতক্কো সৱিতক্কসৱিচাৰানং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (২)

অৱিতক্কৱিচাৰমত্তো ধম্মো অৱিতক্কঅৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – অৱিতক্কৱিচাৰমত্তা খন্ধা ৱিচাৰস্স অঞ্ঞমঞ্ঞপচ্চযেন পচ্চযো. পটিসন্ধিক্খণে অৱিতক্কৱিচাৰমত্তা খন্ধা ৱিচাৰস্স চ ৱত্থুস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে ৱিতক্কো ৱত্থুস্স অঞ্ঞমঞ্ঞপচ্চযেন পচ্চযো. (৩)

অৱিতক্কৱিচাৰমত্তো ধম্মো সৱিতক্কসৱিচাৰস্স চ অৱিতক্কঅৱিচাৰস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৱিতক্কো সৱিতক্কসৱিচাৰানং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো. (৪)

অৱিতক্কৱিচাৰমত্তো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অঞ্ঞমঞ্ঞপচ্চযেন পচ্চযো – অৱিতক্কৱিচাৰমত্তো একো খন্ধো তিণ্ণন্নং খন্ধানং ৱিচাৰস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱিচাৰস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে অৱিতক্কৱিচাৰমত্তো একো খন্ধো তিণ্ণন্নং খন্ধানং ৱিচাৰস্স চ ৱত্থুস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱিচাৰস্স চ ৱত্থুস্স চ অঞ্ঞমঞ্ঞপচ্চযেন পচ্চযো. (৫)

৯৪. অৱিতক্কঅৱিচাৰো ধম্মো অৱিতক্কঅৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – অৱিতক্কঅৱিচাৰো একো খন্ধো তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে অৱিতক্কঅৱিচাৰো একো খন্ধো তিণ্ণন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা দ্ৱিন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো. খন্ধা ৱত্থুস্স…পে… ৱত্থু খন্ধানং…পে… ৱিচাৰো ৱত্থুস্স…পে… ৱত্থু ৱিচাৰস্স…পে… একং মহাভূতং তিণ্ণন্নং মহাভূতানং…পে… বাহিৰং… আহাৰসমুট্ঠানং… উতুসমুট্ঠানং… অসঞ্ঞসত্তানং একং মহাভূতং…পে…. (১)

অৱিতক্কঅৱিচাৰো ধম্মো সৱিতক্কসৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৱত্থু সৱিতক্কসৱিচাৰানং খন্ধানং অঞ্ঞমঞ্ঞপচ্চযেন পচ্চযো. (২)

অৱিতক্কঅৱিচাৰো ধম্মো অৱিতক্কৱিচাৰমত্তস্স ধম্মস্স অঞ্ঞমঞ্ঞপচ্চযেন পচ্চযো – ৱিচাৰো অৱিতক্কৱিচাৰমত্তানং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে ৱিচাৰো অৱিতক্কৱিচাৰমত্তানং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে ৱত্থু অৱিতক্কৱিচাৰমত্তানং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে ৱত্থু ৱিতক্কস্স অঞ্ঞমঞ্ঞপচ্চযেন পচ্চযো. (৩)

অৱিতক্কঅৱিচাৰো ধম্মো অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৱিচাৰো অৱিতক্কৱিচাৰমত্তানং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে ৱত্থু অৱিতক্কৱিচাৰমত্তানং খন্ধানং ৱিচাৰস্স চ অঞ্ঞমঞ্ঞপচ্চযেন পচ্চযো. (৪)

অৱিতক্কঅৱিচাৰো ধম্মো সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৱত্থু সৱিতক্কসৱিচাৰানং খন্ধানং ৱিতক্কস্স চ অঞ্ঞমঞ্ঞপচ্চযেন পচ্চযো. (৫)

৯৫. সৱিতক্কসৱিচাৰো চ অৱিতক্কঅৱিচাৰো চ ধম্মা সৱিতক্কসৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰো একো খন্ধো চ ৱত্থু চ তিণ্ণন্নং খন্ধানং…পে… দ্ৱে খন্ধা চ ৱত্থু চ দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. (১)

সৱিতক্কসৱিচাৰো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰা খন্ধা চ ৱত্থু চ ৱিতক্কস্স অঞ্ঞমঞ্ঞপচ্চযেন পচ্চযো. (২)

সৱিতক্কসৱিচাৰো চ অৱিতক্কঅৱিচাৰো চ ধম্মা সৱিতক্কসৱিচাৰস্স চ অৱিতক্কৱিচাৰমত্তস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰো একো খন্ধো চ ৱত্থু চ তিণ্ণন্নং খন্ধানং ৱিতক্কস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা চ ৱত্থু চ দ্ৱিন্নং খন্ধানং ৱিতক্কস্স চ অঞ্ঞমঞ্ঞপচ্চযেন পচ্চযো. (৩)

৯৬. অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে ৱিতক্কো চ ৱত্থু চ সৱিতক্কসৱিচাৰানং খন্ধানং অঞ্ঞমঞ্ঞপচ্চযেন পচ্চযো. (১)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স ধম্মস্স অঞ্ঞমঞ্ঞপচ্চযেন পচ্চযো – অৱিতক্কৱিচাৰমত্তো একো খন্ধো চ ৱিচাৰো চ তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৱে খন্ধা চ ৱিচাৰো চ দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে অৱিতক্কৱিচাৰমত্তো একো খন্ধো চ ৱিচাৰো চ ৱত্থু চ তিণ্ণন্নং খন্ধানং…পে… দ্ৱে খন্ধা চ ৱিচাৰো চ ৱত্থু চ দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. (২)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কঅৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে অৱিতক্কৱিচাৰমত্তা খন্ধা চ ৱিচাৰো চ ৱত্থুস্স অঞ্ঞমঞ্ঞপচ্চযেন পচ্চযো. পটিসন্ধিক্খণে অৱিতক্কৱিচাৰমত্তা খন্ধা চ ৱত্থু চ ৱিচাৰস্স অঞ্ঞমঞ্ঞপচ্চযেন পচ্চযো. (৩)

অৱিতক্কৱিচাৰমত্তো চ অৱিতক্কঅৱিচাৰো চ ধম্মা অৱিতক্কৱিচাৰমত্তস্স চ অৱিতক্কঅৱিচাৰস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে অৱিতক্কৱিচাৰমত্তো একো খন্ধো চ ৱিচাৰো চ তিণ্ণন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা চ ৱিচাৰো চ দ্ৱিন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো. পটিসন্ধিক্খণে অৱিতক্কৱিচাৰমত্তো একো খন্ধো চ ৱত্থু চ তিণ্ণন্নং খন্ধানং ৱিচাৰস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা চ ৱত্থু চ দ্ৱিন্নং খন্ধানং ৱিচাৰস্স চ অঞ্ঞমঞ্ঞপচ্চযেন পচ্চযো. (৪)

৯৭. সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – সৱিতক্কসৱিচাৰো একো খন্ধো চ ৱিতক্কো চ তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৱে খন্ধা চ ৱিতক্কো চ দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. পটিসন্ধিক্খণে…পে…. (১)

সৱিতক্কসৱিচাৰো চ অৱিতক্কৱিচাৰমত্তো চ ধম্মা অৱিতক্কঅৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰা খন্ধা চ ৱিতক্কো চ ৱত্থুস্স অঞ্ঞমঞ্ঞপচ্চযেন পচ্চযো. (২)

সৱিতক্কসৱিচাৰো চ অৱিতক্কৱিচাৰমত্তো চ ধম্মা সৱিতক্কসৱিচাৰস্স চ অৱিতক্কঅৱিচাৰস্স চ ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰো একো খন্ধো চ ৱিতক্কো চ তিণ্ণন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো…পে… দ্ৱে খন্ধা চ ৱিতক্কো চ দ্ৱিন্নং খন্ধানং ৱত্থুস্স চ অঞ্ঞমঞ্ঞপচ্চযেন পচ্চযো. (৩)

সৱিতক্কসৱিচাৰো চ অৱিতক্কৱিচাৰমত্তো চ অৱিতক্কঅৱিচাৰো চ ধম্মা সৱিতক্কসৱিচাৰস্স ধম্মস্স অঞ্ঞমঞ্ঞপচ্চযেন পচ্চযো – পটিসন্ধিক্খণে সৱিতক্কসৱিচাৰো একো খন্ধো চ ৱিতক্কো চ ৱত্থু চ তিণ্ণন্নং খন্ধানং অঞ্ঞমঞ্ঞপচ্চযেন পচ্চযো…পে… দ্ৱে খন্ধা চ ৱিতক্কো চ ৱত্থু চ দ্ৱিন্নং খন্ধানং অঞ্ঞমঞ্ঞপচ্চযেন পচ্চযো. (১)

নিস্সযপচ্চযো

৯৮. সৱিতক্কসৱিচাৰো ধম্মো সৱিতক্কসৱিচাৰস্স ধম্মস্স নিস্সযপচ্চযেন পচ্চযো – সৱিতক্কসৱিচাৰো একো খন্ধো তিণ্ণন্নং খন্ধানং (সংখিত্তং) সত্ত.

অৱিতক্কৱিচাৰমত্তো ধম্মো অৱিতক্কৱিচাৰমত্তস্স ধম্মস্স নিস্সযপচ্চযেন পচ্চযো (সংখিত্তং) পঞ্চ.