১. পচ্চযানুলোমং

হেতুপচ্চযো

৫৯. সৱিতক্কসৱিচাৰং ধম্মং সংসট্ঠো সৱিতক্কসৱিচাৰো ধম্মো উপ্পজ্জতি হেতুপচ্চযা – সৱিতক্কসৱিচাৰং একং খন্ধং সংসট্ঠা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

সৱিতক্কসৱিচাৰং ধম্মং সংসট্ঠো অৱিতক্কৱিচাৰমত্তো ধম্মো…পে… সৱিতক্কসৱিচাৰে খন্ধে সংসট্ঠো ৱিতক্কো. পটিসন্ধিক্খণে…পে…. (২)

সৱিতক্কসৱিচাৰং ধম্মং সংসট্ঠো সৱিতক্কসৱিচাৰো চ অৱিতক্কৱিচাৰমত্তো চ ধম্মা…পে… সৱিতক্কসৱিচাৰং একং খন্ধং সংসট্ঠা তযো খন্ধা ৱিতক্কো চ…পে… দ্ৱে খন্ধে…পে… পটিসন্ধিক্খণে…পে…. (৩)

৬০. অৱিতক্কৱিচাৰমত্তং ধম্মং সংসট্ঠো অৱিতক্কৱিচাৰমত্তো ধম্মো উপ্পজ্জতি হেতুপচ্চযা – অৱিতক্কৱিচাৰমত্তং একং খন্ধং সংসট্ঠা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

অৱিতক্কৱিচাৰমত্তং ধম্মং সংসট্ঠো সৱিতক্কসৱিচাৰো ধম্মো…পে… ৱিতক্কং সংসট্ঠা সৱিতক্কসৱিচাৰা খন্ধা. পটিসন্ধিক্খণে…পে…. (২)

অৱিতক্কৱিচাৰমত্তং ধম্মং সংসট্ঠো অৱিতক্কঅৱিচাৰো ধম্মো…পে… অৱিতক্কৱিচাৰমত্তে খন্ধে সংসট্ঠো ৱিচাৰো. পটিসন্ধিক্খণে অৱিতক্কৱিচাৰমত্তে খন্ধে সংসট্ঠো ৱিচাৰো. (৩)

অৱিতক্কৱিচাৰমত্তং ধম্মং সংসট্ঠো অৱিতক্কৱিচাৰমত্তো চ অৱিতক্কঅৱিচাৰো চ ধম্মা …পে… অৱিতক্কৱিচাৰমত্তং একং খন্ধং সংসট্ঠা তযো খন্ধা ৱিচাৰো চ…পে… দ্ৱে খন্ধে…পে… পটিসন্ধিক্খণে…পে…. (৪)

৬১. অৱিতক্কঅৱিচাৰং ধম্মং সংসট্ঠো অৱিতক্কঅৱিচাৰো ধম্মো উপ্পজ্জতি হেতুপচ্চযা – অৱিতক্কঅৱিচাৰং একং খন্ধং সংসট্ঠা তযো খন্ধা…পে… দ্ৱে খন্ধে সংসট্ঠা…পে… পটিসন্ধিক্খণে…পে…. (১)

অৱিতক্কঅৱিচাৰং ধম্মং সংসট্ঠো অৱিতক্কৱিচাৰমত্তো ধম্মো…পে… ৱিচাৰং সংসট্ঠা অৱিতক্কৱিচাৰমত্তা খন্ধা. পটিসন্ধিক্খণে ৱিচাৰং সংসট্ঠা…পে…. (২)

অৱিতক্কৱিচাৰমত্তঞ্চ অৱিতক্কঅৱিচাৰঞ্চ ধম্মং সংসট্ঠো অৱিতক্কৱিচাৰমত্তো ধম্মো…পে… অৱিতক্কৱিচাৰমত্তং একং খন্ধঞ্চ ৱিচাৰঞ্চ সংসট্ঠা তযো খন্ধা…পে… দ্ৱে খন্ধে…পে… পটিসন্ধিক্খণে…পে…. (১)

সৱিতক্কসৱিচাৰঞ্চ অৱিতক্কৱিচাৰমত্তঞ্চ ধম্মং সংসট্ঠো সৱিতক্কসৱিচাৰো ধম্মো উপ্পজ্জতি হেতুপচ্চযা – সৱিতক্কসৱিচাৰং একং খন্ধঞ্চ ৱিতক্কঞ্চ সংসট্ঠা তযো খন্ধা…পে… দ্ৱে খন্ধে চ ৱিতক্কঞ্চ…পে… পটিসন্ধিক্খণে…পে…. (১)

(হেতুপচ্চযং অনুমজ্জন্তেন সব্বে পচ্চযা ৱিত্থাৰেতব্বা).

সুদ্ধং

৬২. হেতুযা একাদস, আৰম্মণে অধিপতিযা অনন্তৰে সমনন্তৰে সহজাতে অঞ্ঞমঞ্ঞে নিস্সযে উপনিস্সযে পুৰেজাতে আসেৱনে কম্মে ৱিপাকে আহাৰে ইন্দ্ৰিযে ঝানে মগ্গে সম্পযুত্তে ৱিপ্পযুত্তে অত্থিযা নত্থিযা ৱিগতে অৱিগতে সব্বত্থ একাদস.

অনুলোমং.