১. ৱিভঙ্গৱাৰো

নহেতুপচ্চযো

১৩. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নহেতুপচ্চযা – অহেতুকং উপাদিন্নুপাদানিযং একং খন্ধং পটিচ্চ তযো খন্ধা, দ্ৱে খন্ধে পটিচ্চ দ্ৱে খন্ধা, অহেতুকপটিসন্ধিক্খণে উপাদিন্নুপাদানিযং একং খন্ধং পটিচ্চ তযো খন্ধা কটত্তা চ ৰূপং…পে… দ্ৱে খন্ধে পটিচ্চ দ্ৱে খন্ধা কটত্তা চ ৰূপং; খন্ধে পটিচ্চ ৱত্থু, ৱত্থুং পটিচ্চ খন্ধা; একং মহাভূতং পটিচ্চ তযো মহাভূতা…পে… মহাভূতে পটিচ্চ কটত্তাৰূপং উপাদাৰূপং; অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তাৰূপং উপাদাৰূপং. (১)

উপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নহেতুপচ্চযা – অহেতুকে উপাদিন্নুপাদানিযে খন্ধে পটিচ্চ চিত্তসমুট্ঠানং ৰূপং. (২)

উপাদিন্নুপাদানিযং ধম্মং পটিচ্চ উপাদিন্নুপাদানিযো চ অনুপাদিন্নুপাদানিযো চ ধম্মা উপ্পজ্জন্তি নহেতুপচ্চযা – অহেতুকং উপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. (৩)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নহেতুপচ্চযা – অহেতুকং অনুপাদিন্নুপাদানিযং একং খন্ধং পটিচ্চ তযো খন্ধা চিত্তসমুট্ঠানঞ্চ ৰূপং…পে… দ্ৱে খন্ধে পটিচ্চ দ্ৱে খন্ধা চিত্তসমুট্ঠানঞ্চ ৰূপং. অনুপাদিন্নুপাদানিযং একং মহাভূতং…পে… মহাভূতে পটিচ্চ চিত্তসমুট্ঠানং ৰূপং উপাদাৰূপং. বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ…পে… মহাভূতে পটিচ্চ উপাদাৰূপং. ৱিচিকিচ্ছাসহগতে উদ্ধচ্চসহগতে খন্ধে পটিচ্চ ৱিচিকিচ্ছাসহগতো উদ্ধচ্চসহগতো মোহো. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নহেতুপচ্চযা – অহেতুকে উপাদিন্নুপাদানিযে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

নআৰম্মণপচ্চযো

১৪. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নআৰম্মণপচ্চযা – পটিসন্ধিক্খণে উপাদিন্নুপাদানিযে খন্ধে পটিচ্চ কটত্তাৰূপং, খন্ধে পটিচ্চ ৱত্থু, একং মহাভূতং পটিচ্চ…পে… অসঞ্ঞসত্তানং একং মহাভূতং পটিচ্চ…পে…. (১)

উপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআৰম্মণপচ্চযা – উপাদিন্নুপাদানিযে খন্ধে পটিচ্চ চিত্তসমুট্ঠানং ৰূপং. (২)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআৰম্মণপচ্চযা – অনুপাদিন্নুপাদানিযে খন্ধে পটিচ্চ চিত্তসমুট্ঠানং ৰূপং, একং মহাভূতং পটিচ্চ …পে… বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআৰম্মণপচ্চযা – অনুপাদিন্নঅনুপাদানিযে খন্ধে পটিচ্চ চিত্তসমুট্ঠানং ৰূপং. (১)

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআৰম্মণপচ্চযা – অনুপাদিন্নঅনুপাদানিযে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআৰম্মণপচ্চযা – উপাদিন্নুপাদানিযে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

নঅধিপতিপচ্চযো

১৫. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নঅধিপতিপচ্চযা (পটিসন্ধি পৰিপুণ্ণং)… তীণি.

অনুপাদিন্নুপাদানিযং ধম্মং পটিচ্চ… একা.

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নঅধিপতিপচ্চযা – অনুপাদিন্নঅনুপাদানিযে খন্ধে পটিচ্চ অনুপাদিন্নঅনুপাদানিযা অধিপতি. (১)

উপাদিন্নুপাদানিযঞ্চ অনুপাদিন্নুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নঅধিপতিপচ্চযা – উপাদিন্নুপাদানিযে খন্ধে চ মহাভূতে চ পটিচ্চ চিত্তসমুট্ঠানং ৰূপং.

নঅনন্তৰপচ্চযাদি

১৬. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নঅনন্তৰপচ্চযা…পে… নসমনন্তৰপচ্চযা…. নঅঞ্ঞমঞ্ঞপচ্চযা… নউপনিস্সযপচ্চযা… নপুৰেজাতপচ্চযা… নপচ্ছাজাতপচ্চযা… নআসেৱনপচ্চযা…পে….

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নআসেৱনপচ্চযা – ৱিপাকং অনুপাদিন্নঅনুপাদানিযং একং খন্ধং পটিচ্চ তযো খন্ধা (সংখিত্তং).

নকম্মপচ্চযো

১৭. অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নকম্মপচ্চযা – অনুপাদিন্নুপাদানিযে খন্ধে পটিচ্চ অনুপাদিন্নুপাদানিযা চেতনা. বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নকম্মপচ্চযা – কুসলে অনুপাদিন্নঅনুপাদানিযে খন্ধে পটিচ্চ অনুপাদিন্নঅনুপাদানিযা চেতনা. (২)

নৱিপাকপচ্চযো

১৮. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নৱিপাকপচ্চযা – অসঞ্ঞসত্তানং একং মহাভূতং পটিচ্চ…পে… মহাভূতে পটিচ্চ কটত্তাৰূপং উপাদাৰূপং. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নৱিপাকপচ্চযা… একা.

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নৱিপাকপচ্চযা – কুসলং অনুপাদিন্নঅনুপাদানিযং একং খন্ধং পটিচ্চ তযো খন্ধা… তীণি.

অনুপাদিন্নুপাদানিযঞ্চ অনুপাদিন্নঅনুপাদানিযঞ্চ ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নৱিপাকপচ্চযা – কুসলে অনুপাদিন্নঅনুপাদানিযে খন্ধে চ মহাভূতে চ পটিচ্চ চিত্তসমুট্ঠানং ৰূপং. (১)

নআহাৰপচ্চযো

১৯. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নআহাৰপচ্চযা – অসঞ্ঞসত্তানং একং মহাভূতং পটিচ্চ…পে…. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নআহাৰপচ্চযা – বাহিৰং… উতুসমুট্ঠানং একং মহাভূতং পটিচ্চ…পে…. (১)

নইন্দ্ৰিযপচ্চযো

২০. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নইন্দ্ৰিযপচ্চযা – অসঞ্ঞসত্তানং মহাভূতে পটিচ্চ ৰূপজীৱিতিন্দ্ৰিযং. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নইন্দ্ৰিযপচ্চযা – বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

নঝানপচ্চযো

২১. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নঝানপচ্চযা – পঞ্চৱিঞ্ঞাণসহগতং একং খন্ধং পটিচ্চ তযো খন্ধা…পে… অসঞ্ঞসত্তানং একং মহাভূতং পটিচ্চ …পে…. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নঝানপচ্চযা – বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

নমগ্গপচ্চযো

২২. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নমগ্গপচ্চযা – অহেতুকং উপাদিন্নুপাদানিযং একং খন্ধং পটিচ্চ তযো খন্ধা… পঞ্চ.

নসম্পযুত্তপচ্চযো

২৩. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নসম্পযুত্তপচ্চযা (নআৰম্মণপচ্চযসদিসং).

নৱিপ্পযুত্তপচ্চযো

২৪. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নৱিপ্পযুত্তপচ্চযা – অৰূপে উপাদিন্নুপাদানিযং একং খন্ধং পটিচ্চ তযো খন্ধা…পে… অসঞ্ঞসত্তানং একং মহাভূতং পটিচ্চ…পে…. (১)

অনুপাদিন্নুপাদানিযং ধম্মং পটিচ্চ অনুপাদিন্নুপাদানিযো ধম্মো উপ্পজ্জতি নৱিপ্পযুত্তপচ্চযা – অৰূপে অনুপাদিন্নুপাদানিযং একং খন্ধং পটিচ্চ তযোখন্ধা…পে… বাহিৰং… আহাৰসমুট্ঠানং… উতুসমুট্ঠানং একং মহাভূতং পটিচ্চ…পে…. (১)

অনুপাদিন্নঅনুপাদানিযং ধম্মং পটিচ্চ অনুপাদিন্নঅনুপাদানিযো ধম্মো উপ্পজ্জতি নৱিপ্পযুত্তপচ্চযা – অৰূপে অনুপাদিন্নঅনুপাদানিযং একং খন্ধং পটিচ্চ তযো খন্ধা…পে… দ্ৱে খন্ধে পটিচ্চ দ্ৱে খন্ধা. (১)

নোনত্থি-নোৱিগতপচ্চযা

২৫. উপাদিন্নুপাদানিযং ধম্মং পটিচ্চ উপাদিন্নুপাদানিযো ধম্মো উপ্পজ্জতি নোনত্থিপচ্চযা… নোৱিগতপচ্চযা.

(যথা কুসলত্তিকে পচ্চনীযৱাৰো ৱিত্থাৰিতো, এৱং ৱিত্থাৰেতব্বো.)